Ambatondrazaka
Misy misitery ny ambalavelona
Samy manana ny fijeriny momba ny ambalavelona na ny mpimasy sy ny mpitsabo. Samy mahasitrana an'ity aretina ity avokoa izy ireo.

Dr Roger Randrianarison mpitsabo aretina ankapobeny manazava ny lafiny siantifika.
Raha vao miresaka an'Ambatondrazaka dia ny fisian'ny ambalavelona mazàna mby ao an-tsaina avy hatrany, ankoatra ny vary sy ny trondro besisika malaza ao aminy. Karazan'aretina mahazo ny olona izy ity. « Lasa matanjaka be izay olona tratrany, mitrifana ary mila ho tsy voatanan-dehilahy matanjaka mihitsy. Toy ny lasa adala e ! », hoy ity renim-pianakaviana iray, R Eliane, nitantara ny fomba fisehony.
Ara-tantara, ary izay no zava-misy, araka ny mponina any an-toerana, dia karazana fametrahana fanafody gasy ho fiarovana ny omby izy io. « Vala velona » no anarany. Izany hoe nofaritana tao anaty vala ny omby mba tsy hihetsika. Ka raha misy tafavoaka an'io dia lasa mitroatra tsy azo sakanana. Ka raha tsy ny tompony tsy mahazo azy.
Tsy mampino
Tany amin'iny faritr'i Mahajanga iny no voalaza fa nisehoan'izany. Saingy rehefa nifanerasera nividy omby tany ireo mponina avy ao Ambato dia nandray izany. Saingy tsy tany amin'ny biby ny azy no natefany fa nataony tamin'olona. Nanaovana hasomparana ary teo no niovan'ilay anarana ho « ambalavelona ». Tamin'ny taona 1970 ka hatramin'ny taona 1980 tany no nosoritan' ireo ray aman-dreny nanao-vana fanadihadiana fa tena nampafana vay an'ity aretina hafahafa ity tao Ambaton-drazaka. Ny dadarabe sy ny mpimasy no manala izany vao sitrana ilay olona.
« Ny zavatra misy, ny mpilaza koa anefa mahay », hoy ny fitenenana satria hafa mifanohitra amin'izay ny fanazavan'ireo mpitsabo, ny mpitsabo ankapobeny sy ny psychiatre. Amin'izy ireo dia ny tsy fahampian'ny kalsiôma sy ny aretin-tsaina no mahatonga ny olona ho toy ireny lasa adala ireny. « Mihe-tsika krizy mafy mihitsy mantsy ny olona tratran'ireo tsy fahasalamana ireo ka heverin'ny olona fa voan'ny ambalavelona. Rehefa omena fanafody sy manaraka fitsaboana tsara anefa ilay olona dia sitrana », hoy Dr Roger Randrianarison, mpitsabo malaza ao Tanambe.
Ho an'ny mpivavaka indray dia tsorin'izy ireo fa asan-devoly ny ambalavelona. « Fanahy ratsy mipetraka amin'olona iray velona izy io, ka mahatonga azy ho verivery saina, tsy mahalala izay tokony hataony. Ivava-hana ny olona voan'ireny, ametrahan-tanana », hoy Rakotonarivo, mpiandry ao amin'ny fiangonana iray amin'iny faritr'Alaotra iny. Ary dia misy dia misy tokoa, raha ny nanipihany azy, no sitrana tanteraka satria niasan'ny Fanahy Masina.
Na ny mpitsabo na ny mpiandry, raha izay asany izay, dia tsy mino loatra ny fisian'ny ambalavelona. Samy nanipika anefa izy ireo fa misy dia misy ihany koa ny mpimasy mahasitrana ity aretina ity. Misy ihany koa ny marary tsy sitrana ao amin'izy ireo. Ary ilazany fa misitery ihany ny fisian'ity ambalavelona ity.
Efa mba lefilefy moa ity aretina hafahafa ity amin'izao fotoana izao any an-toerana.

Nirina Rakotoson
Date : 10-10-2008

izy rehetra ry badboy a :-D

Sarotra be ny hiteny hoe iry ny marina na iroa satria samy miaro ny heviny na ny dokotera, na ny mpimasy, na ny mpiandry; Io HEVINY io ilay finoany, amin' ny dokotera dia faritany fa aretina ny ambalavelona, ho an' ny mpimasy setrin' ody ary ho an'ny mpivavaka devoly mitoetra, kanefa iray ihany le izy: Ambalavelona, ny maha samy hafa azy fotsiny dia ny fandraisan' ny tsirairay azy!
Ka io hevitra io na finoana no tena ady hevitra be fa tsy ilay fototra tokony hodinihana, jereotsara ange e!!

Ka raha azoko tsara izany, satria iray ihany ireo, dia ny tsy fahampian'ny kalsiôma ao anaty vatana no nahatonga ny devoly nametraka ilay aretina!!! 8O 8O 8O

Mba ento zay hevitrao sy ny fahalalanao ary mr badboy o :
- Inona tsara ilay aretina?
- Inona no antony nahatonga azy?
- Inona no hitsaboana azy?
- Misy azo isorohana azy ve?

Fa raha ny doc sy ny resaka heno aloha dia avy @ ody io, na koa hoe mosavy, na possession (ipetrahan-javatra).
Ekena fa tsy tompon'ny tenany ny voany rehefa avy eo, ka afaka milaza ny dr fa aretin-tsaina ilay izy, mety ilay ody na ilay zavatra nahavoa azy koa mahatonga ny tahan'ny kalsioma anatin ilay marary hihena avy hatrany.
Fa zay tena tsara dinihana dia hoe nahoana ny olona iray no voan'ny ambalavelona? zay tsy ampy kalsioma sy marary saina rehetra ve de ambalavelona? ary maninona no hoe 5 lahy tsy mahatana azy?

Fa ho ahy Kristianina raha omena safidy @ ty tranga iray ty:
- ho any @ dadarabe sy ny mpimasy etc
sa
- ampidirina any anjamasina
sa
- Entina hiasana, hametrahan-tanana sy hivavahana mba ho sitran'i Jesosy
dia aleoko ilay vahaolana faha-3.
"Fa raha ny Zanaka no manafaka, anareo, dia ho afaka tokoa ianareo".

Dia ilay dokotera mijery ny symptôme rehetra, mijery ny anaty vava sofina hafanana sns sns, ary manoratra fanafody vidiana na manindrona ilay marary ve mba hahasitrana azy ve izany tsy miasa fa ilay mibarawwaaaaa makarenintsofina tsisy farany sady tsisy fanafody miditra fa petratanana no tena atao hoe miasa sy manasitrana???? 8O 8O 8O

:arrow: io ry badb misy sitrana ,misy tsy sitrana na amin'ny alalan'ny fanafody fontsiny na amin'ny alalan'ny fametrahana tanana na amin'ny alalan'ny fahaizan'ny dr gaigilahy.Na hiletra fanafody tsy arahana mibarawwaaaaa makarenintsofina tsisy farany ,hoy ianao teo...Ary iraisako hevitra koa ry zareo ao ambonimbony ao ny amin'ny hoe arakarak'ilay olona io na Mpino izy na Tsy mpino na olon-tsotra na mapanao ody,sns...sns...izay vao afaka mamaritra hoe inona marina no mahasitrana.
Ohatra i badb izao,mpino sa tsy mpino ary inona no hitanao fa mahasitrana ohatra ? Ianao manko mametraka fanontaniana fa tsy mba nomenao ny valiny,ka mba liana koa aho ahalala ny hevitrao manokana misy hisainana ohatra. :) (l)

Hatrizay nisian'ny fiainana dia aretina no misy alohan'ny fanafody!! Hita izany @ pesta, tazo, ..... sida!!! Tao afrika rehefa namono olona maro ny sida alohan'ny hahalalana azy fa sida ilay izy dia nolazaina fa avy @ fanahy ratsy na ody, ka nametrahatanana na koa noentina nositranina tany @ dadarabe!! Taty aoriana rehefa fantara fa sida ilay izy dia nijanona ireo rehetra ireo ankoatry ny firenena sasatsany izay milaza fa manana ody natoraly sy vavaka mahasitrana izany!! Mbola be foana anefa no matin'ny sida @ ireo firenena ireo!!

Noho izany mandrapahitan'ny manampahaizana ny fanafody dia afaka milaza daholo ny bodo sy adala rehetra fa avy any andanitra na ody no nahatonga ilay aretina fa ny fanasitranana azy dia na vavaka na ody na vavaka arahanody!!!

Rehefa hita kosa ny antony mahatonga ilay aretina, dia tsy manaiky ny mpiandry ohatra ny hoe tsy devoly io satria raha ekena fa aretina tsotra ilay izy dia manjary tsisy kil tsony zareo!! Ny mpanao ody koa torak'izay ny heviny fa saingy nampiasa odikazo fototr'ilay fanamboarana ilay fanafody hita teny @ pharmacie izy ka nahasitrana, dia tsy manaiky fa ny odiny no lazainy fa nanaisotra ilay odin'ilay namosavy!! Ka dia tsy ho eken'ireo antokon'olona ireo mihintsy ny valimpikarohana satria ny entambarotrany no voatohitohina!!

Ka iza ary izany no tena mpanambaka @ izireo : ilay mpimasy, ilay dokotera sa ilay mpametratanana???? :twisted: :twisted: :twisted: :twisted: :twisted:

badboy:

Dia ilay dokotera mijery ny symptôme rehetra, mijery ny anaty vava sofina hafanana sns sns, ary manoratra fanafody vidiana na manindrona ilay marary ve mba hahasitrana azy ve izany tsy miasa fa ilay mibarawwaaaaa makarenintsofina tsisy farany sady tsisy fanafody miditra fa petratanana no tena atao hoe miasa sy manasitrana???? 8O 8O 8O

Amiko samy mahasitrana dol na ny Dokotera na ny Mpiandry sns, amiko io aretina io dia aretin-tsaina, ary marina fa raha misy "carence" ny olona iray dia miantraika any @ sainy izany, ka samy mampiasa ny fahaizany avokoa momba io aretin-tsaina io na ny mpitsabo na ny Mpimasy..

badboy> tsy misy ny mpanakana fa samy mampiasa ny fomba fiasany fotsiny izy ireo. Ny olona misy aretin-tsaina ho an'ny mpitsabo dia omeny fanafody, anti-dépresseur indrindra2, izay sahala amin'ny drogue malefaka ihanyy, ka izay no hanaovako oe aretin-tsaina ilay izy, ka afaka manasitrana azy ny dokotera na dia misy misitery aza, izany oe atao izay tsy haha,conscient (tsy de itako lotra ny terme mahalza azy fa azafady.) ilay patient, rehefa drogué ny olona iray ka manana problème dia mi-halucine, manadino ny olany, dia toy izay ihany no azon'ny dokotera atao amin'ireny marary saina ireny, na ipetrahan'ny fanahy ratsy, dia sahala amin'ny hoe sitrana izy izany . Ny mpiandry, ny mpimasy kosa, dia mampiasa ny herin-tsainy, na koa fanafody avy @ mpimasy hiadiana amin'ilay fanahy ratsy. Izay ny fahazoako azy aloha an..fa asa.. :idea:

Hanamafisako ny hoe ampatorian'ny dokotera ny sain'nilay marary amin'ny alalan'ny fanafody, Amiko....satria matetika izy ireny raha vao tsy mihinana ilay fanafody dia manao rechute, izany hoe tsy afaka tanteraka ilay aretina, fa "nampatoriana"fotsiny ny sain'ilay marary, hany ka matetika lasa dépendant tsy fidiny ilay patient, noho ilay aretina tsy sitrana tanteraka, dépendant satria raha vao tsy mihinana ilay fanafody de mihetsika indray;.... :idea: :?: :idea:

>>>fanahy ratsy izany no mamparary ilay olona fa tsy dia resaka carence lotra.. :?: :idea: :?:

mety trouble nerveux : ireny misy androbe sy ny seizures ireny iznay.
fa mandeha koa eto ny placebo isankarazany a.. ametrahan-tanana e..zao a zao e

za aloha efa nahita olona voan'ny ambalavelona fa mampatahotra ny mijery azy :?
de tsy hay marina na ody na aretina na misy demony :-D

matoa sitran'ny mpitsabo dia aretina izay.noho izany esory ao an tsaina ny devoly lavarambo sy ny ody malagasy .

:-D :-D :-D :-D :-D
za koa efa nahita fa voasitrana ihany le oul

ka izay e,sitran'ny dokotera de aretina izany fa tsy ody

fijo:

matoa sitran'ny mpitsabo dia aretina izay.noho izany esory ao an tsaina ny devoly lavarambo sy ny ody malagasy .

:-D :-D :-D :-D :-D :-D , ka efa oe mi-rechutté foana aza ireny raha vao tsy mihinana kely le fanafody koh! tsy mbola lasa zay le fanahy ratsy! :-D :-D :-D :-P :-D

ka matoa miverina dia tsy ampy izany le fanafody.rah avoan'ny tazo ka tsy ampy tsindron adia miverina koa ny tazo.sa ny tazo koa efa devoly izao???

Tsssss, jereo anie ny "effet secondairen'ny fanafody hitsaboana "maladie de Parkinson" fa misy fiatraikany "hallucination".=> Misy fikorontan'ny metabolismen'ny système nerveux, dia samy mi-commente, nidiran'ny fanahy sns araka ny itiavany izany :roll: