mandefitra:
Tsy io ve no tokony fitaizana hapetraka, mba tsy hivadika fitiavam-bola ilay filalaovana?
... Zavadehibe tokoa izany no sady itoviako hevitra... fa ny fampitandremana nataon\'ny Apostoly dia tena tsy fikitihana na fikasihana na firaisana amin\'ilay zava-misy mihitsy...
Ny tena fototry ny fampianaran\'ny Apostoly (inoako fa efa fantatrao ihany fa ampatsiahiviko fotsiny) dia ny hoe, tsy hampaninona an\'ilay mpino intsony avokoa izany rehetra izany satria ny zavatra rehetra mihitsy no azon\'ny mpino atao, fa saingy tsy mahasoa satria ny manodidina ilay mpino dia tsy mitovy fifandraisana amin\'Andriamanitra toa ilay mpino ka mahatonga hevidiso na fanimbana ny finoany sns... ary mahatonga ilay hoe \"tsy mahasoa\" ho mavesatra kokoa noho ilay hoe \"tsy ho andevozin-javatra\", no sady mifampitohy rahateo ihany ireo...
Etsy ankilany koa anefa, raha tena tsy hilalao ianao de somary endrika hakanosana ihany ilay izy.
... Ho an\'ny mpino, ny tsy fandraisana anjara amin\'ny filokana tsy hakanosana velively fa isan\'ny endrika fijoroana vavolombelona...
Matahotra ianao sao andevozin ny vola, na mitarika ny hafa ho @ izany.
... Tsy tahotra ho andevon\'ny vola na ny ota loatra no antony tsy tokony andraisan\'ny mpino anjara fa ny fitsarana ataon\'ny hafa sy ny fandotoana ny anaran\'Andriamanitra noho ny zavatra tsy dia tena misy antony mafonja loatra... (nefa ihany koa fiarovan-tena tsy hidita amin\'ny fakam-panahy, raha ity koa ohatra fa mandresy foana dia lasa tia loka)
Raha narahin\'i Mandefitra tsara ny zava-nisy nahatonga ny Apostoly Paoly nahateny an\'io dia ilay fitandreman-tena tsy hihinana hena naterina tamin\'ny sampy, tsy hampaninona ny mpino intsony anie iny raha vao isaorany sy angatahany fanamasinana avy amin\'Andriamanitra e, fa ny olana dia ny manodidina hitsara ny zanak\'Andriamanitra... raha tsy fantatra ilay izy hoy ny Apostoly dia ataovy, fa raha efa ampahafantarina anao mialoha hoe avy amin\'ny sampy iny dia aza manendry, tsy ilay izy hoe misy ozona na devoly hanararaotra hiditra fa ilay fitsaran\'ny hafa tsotra izao... ka rehefa ilazàna hoe misy vola eto an, nefa mbola manao ihany dia izay ilay ananaran\'ny Apostoly, fa raha nanao ianao fa tsy nahalala hoe misy vola io fa tonga dia mba nandray anjara fotsiny, tsy dia misy olana loatra... (nefa mahakely finoana ihany ny aneken\'ny manodidina eo andraisanao anjara nefa misy antoka loka eo)
Tsy tokony hoe mandray anjara mihitsy ianao,
... Itoviako hevitra tanteraka raha toa ka ampahafantarina mialoha hoe misy vola ilay kilalao...
dia eo ianao no manome ohatra (modely) tsara ho an\'ny mpandray anjara hoe, hatreto ihany ry zalahy ... lalao ty fa tsy fitadiavam-bola akory.
... ho anao hoy aho anie mazava izany e... sady tsy ho voafatotry ny vola no mazava ao antsainao tsara ny handraisanao anjara... fa ireo manodidina anao ireo ve hoy aho mitovy fihevitra aminao? fa rehefa voafatotra izy ahoana hoy ianao? mba lalao fotsiny tamin\'iny fa problemandry zalahy ve???
Ny sasany vao hanomboka eo dia efa hoe izaho indray na lalao io na tsia dia raofiko daholo, ny sasany hanao hoe tsy maintsy mitondra mody aho avy eo, ny sasany hanao aloha sitrany ahay hanefana trosa raha mba mahazo eo, ny sasany dia hifanaraka mialoha ny lalao (\"kamoberaka\" moa no filazan\'ny mpanao azy azy???) fa ny hanagotry anao no ataony eo dia avy eo miara-mihinana, ny sasany hampiseho fahaizana no hataony eo ka na resy sy mandeha hatrany am-paosy aza dia ilay deradera kely hoe dadany ny nanaovanao an\'iny indray maka iny no andrasana foana sns... vitsy ny hitovy hevitra tanteraka aminao hoe kilalaom-pirahalahiana izy ity ry zalahy ka na misy vola na tsia dia handeha atao... fa vao hoe tsy mety io raha tsy misy vola fa manjary kitoatoa dia efa mizara ny saina no sady efa manomboka ilay endrika famatorana hoe ny misy vola ihany no tsara sy matotra... manomboka amin\'ny tsotra toa izany no iaingan\'ny fahalavoana...
