Mbola tokony asiana adi-hevitra ve ny finoan'ny tsirairay amin'izao taon-jato diavintsika izao?

Maro tokoa ny adi-hevitra mitranga raha vao resaka fivavahana no atao. Misy tokoa ireo olona no tena tohina raha misy mitsikera ny finoany. Saingy inona moa ilay finoana e? ary inona no mahatonga ny olona sasany hisambaravoara raha vao resaka finoana no atao na koa hitsikera amin'ny finoan'ny hafa? Tiana homarihina ireto teboka roa ireto izay azo ambara fa mety ho fototr'izany zava-mitranga izany:

1- Ny finoana an-jambany: Io no isan'ny mahatonga ny ady satria tsy fantatra marina aloha izay hinoana. Misitery hoy ny filazan'ny sasany azy. Ireo izay mandray am-bolony izay toro-hevitra omen'ny mpitarika na tsy mandalina dia tratran'ity toetra ity. Tsy misy fandinihina lalina ka manjary lasa miboraingy ny eritreritra fa tsy mahitsy araka ny tokony ho izy. Lasa tsy ao anatin'ny lojika intsony ka mametraka fanontaniana na loha-hevitra tsy am-pisainana sy tsy mazava loatra ka rehefa iadian'ny olona hevitra dia fahatezerana no hasetry izany satria tsy marim-pototra izay tohanan'ny tena fa mitsingilahila.

2- Fitiavana te-handalina loatra: Ity manaraka ity no tena raharaha eo amin'ny finoana. Ny tena mahazendana matetika dia mandalina sy mitady izay marina nefa ny tena atao amin'io dia mihodinkodina fotsiny (cercle vicieux). Tsy misy fahatombenana fa lasa miboraingy hevitra indray koa ny olona. Ny mahavalalanina amin'ity lafiny iray ity dia ireo izay tena te-hahalala dia lasa fanina tanteraka ka ny farany dia lasa misintaka sy tsy mino intsony. Endrik'ady sy fahalovana no hita ao anatin'ny samy Kristiana amin'ity lafiny iray ity ary ny fiafarany dia tsy misy intsony ny fiadanana izay andrandraina ao anatin'ilay fiangonana. Matetika dia te-hanohana ny heviny avokoa ny isanisany ary ny tena mahavalalanina dia ny Tenin'Andriamanitra ihany no hifamatrapatrarana.

Mipetraka ary ankehitriny ny fanontaniana hoe: Efa ho 2000 taona no efa nanaparitahana ny Tenin'Andriamanitra sy ny Filazan-tsara eran'izao tontolo izao. Nahoana no mbola iadian-kevitra izany? Nahoana ny hevitra rehetra ao no mbola ataon'ny rehetra ifandrirotana?

Misokatra ho an'ny rehetra ary ny adi-hevitra ary misaotra sahady izay liana amin'ity loha-hevitra ity.

Iangaviana fotsiny isika mba tsy hisy hihoatra ny vala eo amin'ny fandalinana sy fandinihina.

Ilay mitsikera no tiko tenenina kely, fa maninona kosa moa no hotsikeraina? raha misy zavatra hita fa tsy mety ao dia tsy mitsikera no tokony atao, fa manitsy, miteny hoe ity diso ka ovay. Ny tena hitako dia ireo tao @ ilay fiangonana na antokom-pinoana ka tsy nahazo izay tombontsoa nilainy na marivo salosana satria nisy nanisika hevitra hafahafa moba iny finoana narahiny iny dia lasa mitsikera be fahatany fotsiny, ary lasa manaratsy mintsy aza!

Hoy ianao hoe

1- Ny finoana an-jambany: Io no isan'ny mahatonga ny ady satria tsy fantatra marina aloha izay hinoana. Misitery hoy ny filazan'ny sasany azy. Ireo izay mandray am-bolony izay toro-hevitra omen'ny mpitarika na tsy mandalina dia tratran'ity toetra ity. Tsy misy fandinihina lalina ka manjary lasa miboraingy ny eritreritra fa tsy mahitsy araka ny tokony ho izy. Lasa tsy ao anatin'ny lojika intsony ka mametraka fanontaniana na loha-hevitra tsy am-pisainana sy tsy mazava loatra ka rehefa iadian'ny olona hevitra dia fahatezerana no hasetry izany satria tsy marim-pototra izay tohanan'ny tena fa mitsingilahila.

iombonako hevitra tanteraka aminao koa io teboka iray io!

Misaotra an'i ari.malala. Tombon-tsoa tokoa ve no tena mahatonga ny fifandrirotana ankehitriny? Raha izany no lazaina dia efa "mahalala tsara izany ireo olona ireo fa minia manohana ny hevi-disony". Ity dia tena raharaha mahavalalanina tokoa ary maro ireo izay lasa milomano ao anatin'izany ka tsy mahita ny lalan-kombany. Tokony mbola ho tafiditra amin'izany fandrika izany ve ny tena Kristiana? Aiza Ilay Hazavana?

Ankoatr`ireo izay baikon`ny interet-ny samihafa any dia tsy mitovy koa ny fahazoan`ny olona ny Tenin`Andriamanitra.

boraingy:
Ny finoana an-jambany: Io no isan'ny mahatonga ny ady satria tsy fantatra marina aloha izay hinoana. Misitery hoy ny filazan'ny sasany azy. Ireo izay mandray am-bolony izay toro-hevitra omen'ny mpitarika na tsy mandalina dia tratran'ity toetra ity. Tsy misy fandinihina lalina ka manjary lasa miboraingy ny eritreritra fa tsy mahitsy araka ny tokony ho izy. Lasa tsy ao anatin'ny lojika intsony ka mametraka fanontaniana na loha-hevitra tsy am-pisainana sy tsy mazava loatra ka rehefa iadian'ny olona hevitra dia fahatezerana no hasetry izany satria tsy marim-pototra izay tohanan'ny tena fa mitsingilahila.

ilay point voalohan'i boraingy io koa iombonako hevitra

boraingy:
Mipetraka ary ankehitriny ny fanontaniana hoe: Efa ho 2000 taona no efa nanaparitahana ny Tenin'Andriamanitra sy ny Filazan-tsara eran'izao tontolo izao. Nahoana no mbola iadian-kevitra izany? Nahoana ny hevitra rehetra ao no mbola ataon'ny rehetra ifandrirotana?

Raha manaraka ny tanara dia tsy niadiana hevitra ilay izy nandritra ny 1500 taona taloha! marina fa nisy hevitra sasany tsy azo, tsy nazava, nahasorena...fa nilamina teny ihany ., fa ny 500 taona taty afara no nisy anankiray nanomboka, dia lasa amin'izay, tsy haiko, nety nahafinaritra angamba! menatra aho milaza an'izany nefa izay no mitranga ko

ari.malala:
Ilay mitsikera no tiko tenenina kely, fa maninona kosa moa no hotsikeraina? raha misy zavatra hita fa tsy mety ao dia tsy mitsikera no tokony atao, fa manitsy, miteny hoe ity diso ka ovay. Ny tena hitako dia ireo tao @ ilay fiangonana na antokom-pinoana ka tsy nahazo izay tombontsoa nilainy na marivo salosana satria nisy nanisika hevitra hafahafa moba iny finoana narahiny iny dia lasa mitsikera be fahatany fotsiny, ary lasa manaratsy mintsy aza!

io nataoko matevina io dia betsaka no tsy mahatanty an'io, dia manao ilay hoe aza mitsara eee, hoy aho hoy fa mbola atao an'izany koa e... (jereo nyresaka atsy ambadika atsy)

Dia miverina amin'ny voalazan'i Boraingy manaraka isika

boraingy:
Tombon-tsoa tokoa ve no tena mahatonga ny fifandrirotana ankehitriny? Raha izany no lazaina dia efa "mahalala tsara izany ireo olona ireo fa minia manohana ny hevi-disony". Ity dia tena raharaha mahavalalanina tokoa ary maro ireo izay lasa milomano ao anatin'izany ka tsy mahita ny lalan-kombany. Tokony mbola ho tafiditra amin'izany fandrika izany ve ny tena Kristiana? Aiza Ilay Hazavana?

1)tombotsoa? ie ...misy mahita tombotsoa amin'io, ary tena marina mihitsy io voalazanao io hoe mahalala izy fa minia manohana ny hevi disony

2) momba ilay fanontanianao manao hoe

Tokony mbola ho tafiditra amin'izany fandrika izany ve ny tena Kristiana? Aiza Ilay Hazavana?

Ny kristianina, araka ny fahitako azy, dia toy ny mpandeha lakana eo amin'ny onjam-piainany. Dia mahita ilay "Phare" izy mi guider anazy amin'ilay lalana hoe aty ny tokony ho izy. ny mahazendana sy ny mampalahelo anefa dia matetika rehefa sendra mandalo tafiotra ny lakana .. dia lasa be dia be lakana amorondrano no mandehitra"afo @ afo mololo" koa!
Ny onja mandeha ihany, ny lakana mitopatopa etsy sy eroa, dia very ny reperen'ilay mpitondra lakana, dia lasa izay hazavana hitany eo sy ilay feo mitabataba akaiky azy kokoa no ataony repere... mandra pahitany hoe ..kay iny koa lakana entin'ny onja tahaka azy!

boraingy:

Mbola tokony asiana adi-hevitra ve ny finoan'ny tsirairay amin'izao taon-jato diavintsika izao?

Maro tokoa ny adi-hevitra mitranga raha vao resaka fivavahana no atao. Misy tokoa ireo olona no tena tohina raha misy mitsikera ny finoany. Saingy inona moa ilay finoana e? ary inona no mahatonga ny olona sasany hisambaravoara raha vao resaka finoana no atao na koa hitsikera amin'ny finoan'ny hafa? Tiana homarihina ireto teboka roa ireto izay azo ambara fa mety ho fototr'izany zava-mitranga izany:

1- Ny finoana an-jambany: Io no isan'ny mahatonga ny ady satria tsy fantatra marina aloha izay hinoana. Misitery hoy ny filazan'ny sasany azy. Ireo izay mandray am-bolony izay toro-hevitra omen'ny mpitarika na tsy mandalina dia tratran'ity toetra ity. Tsy misy fandinihina lalina ka manjary lasa miboraingy ny eritreritra fa tsy mahitsy araka ny tokony ho izy. Lasa tsy ao anatin'ny lojika intsony ka mametraka fanontaniana na loha-hevitra tsy am-pisainana sy tsy mazava loatra ka rehefa iadian'ny olona hevitra dia fahatezerana no hasetry izany satria tsy marim-pototra izay tohanan'ny tena fa mitsingilahila.

2- Fitiavana te-handalina loatra: Ity manaraka ity no tena raharaha eo amin'ny finoana. Ny tena mahazendana matetika dia mandalina sy mitady izay marina nefa ny tena atao amin'io dia mihodinkodina fotsiny (cercle vicieux). Tsy misy fahatombenana fa lasa miboraingy hevitra indray koa ny olona. Ny mahavalalanina amin'ity lafiny iray ity dia ireo izay tena te-hahalala dia lasa fanina tanteraka ka ny farany dia lasa misintaka sy tsy mino intsony. Endrik'ady sy fahalovana no hita ao anatin'ny samy Kristiana amin'ity lafiny iray ity ary ny fiafarany dia tsy misy intsony ny fiadanana izay andrandraina ao anatin'ilay fiangonana. Matetika dia te-hanohana ny heviny avokoa ny isanisany ary ny tena mahavalalanina dia ny Tenin'Andriamanitra ihany no hifamatrapatrarana.

Mipetraka ary ankehitriny ny fanontaniana hoe: Efa ho 2000 taona no efa nanaparitahana ny Tenin'Andriamanitra sy ny Filazan-tsara eran'izao tontolo izao. Nahoana no mbola iadian-kevitra izany? Nahoana ny hevitra rehetra ao no mbola ataon'ny rehetra ifandrirotana?

Misokatra ho an'ny rehetra ary ny adi-hevitra ary misaotra sahady izay liana amin'ity loha-hevitra ity.

Iangaviana fotsiny isika mba tsy hisy hihoatra ny vala eo amin'ny fandalinana sy fandinihina.

Somary hafahafa ihany ny fahitako ny voasoratra ... zavatra roa hoy ny mpanoratra no mety mahatonga ny savorovoro kely rehefa miresaka finoana
1 - tsy fandalinana
2 - fitiavana handalinana be loatra ...
:-w:-w:-w Dia ahoana izany no tokony atao ?
Tsy mandalina ianao voa ... mandalina ianao voa ... sarotra ny fiainana.

Amiko dia ny fomba fiainana ny finoana sy ny tsy finoana no mahateraka na mampatsy-teraka ny olana rehefa miresaka.

za kao nisalasala tamin'io "nord sud" be io
dia nisafidy ny voalohany aho hovaliako

Samy diso hevitra na ilay tsy mandalina na ilay lazaina fa mandalina be loatra eto. Ary rariny raha milaza ilay nanokatra ny lohahevitra fa misavoritaka noho izany.

Izao mantsy no iainako azy. Tsy ny fahitako azy fa ny iainako azy hoy aho. Raha resaka finoana mantsy no lazaina dia fiainana io. Tsy asa saina be fotsiny. Izay mantsy no mahavoa ny hafa eto. Misy ny zavatra tsy takatry ny saina nefa misy sy iainana.

Ny miaina anefa dia tsy midika fa tsy mampiasa saina. Ny miaina dia manana saina, fo, fanahy, vatana; ary mampiasa ireo rehetra ireo hitadiavana ny marina iainany. Ny hevitry ny Fo tsy ho takatry ny saina mihitsy, ary ny fahalalan'ny fanahy dia tsy ho hain'ny saina hazavaina. Saingy ireo fahalalana rehetra ireo dia manosika ny tena iaina avokoa. Io ilay finoana hita maso. Manampy ny tena hizara ny finoana amin'ny hafa.
Ny finoana tsy ilaina diploma loatra, saingy manosika ny tena handalina hatrany kosa. Tsy misy maharatsy ny fandalinana, satria midika ho fitiavana an'Andriamanitra izany. Ny tokony haharesy lahatra kosa dia ny hoe: tsy hary ho fantatra daholo ny momba an'Andriamanitra satria tsy manam-petra izy ary tsy voafetra.

Tantano hahalala ny Ray izahay tompo ò. Amen!

Hanampy antsika hatrany hahalala ny marina anie ny Fanahin'Izy Tompo. Amen!

Misaotra antsika rehetra nandray anjara tamin'ny adi-hevitra. Anisan'ny manazava kokoa ny saina sy ny fanahy ny hevitra narosontsika. Ny zavatra mahatalanjona dia io "nord-sud" araka ny filazan'ikaretsaka azy io tokoa no zava-misy ankehitriny. Tiako hotsindriana ny fandehan'ny resaka fandalinana be loatra:
Raha mandalina be loatra ny olona dia ho valalanina satria: 1) na izy mandalina irery ary mikombona ao anatin'ny fandalinany ka tsy afaka ny hihoatra izay fantany 2) na izy mihaino izay lazain'ny hafa rehetra izay samy manana ny fomba fijeriny avy ary dia toy ny akoho mandihy eo ambony sahafa no fiafarany ary tsy manana saina mitombona intsony.
Ity faharoa ity no tena hitako fa hahatafidiran'ny olona maro. Ny Kristiana moa dia voahozongozona avy ao amin'ny antokom-pinoana nidirany, moa ireo tsy mbola tao izay te-hiditra dia voasakana satria tsy hitany izay marina azony hidirana.

Ny fahatsoram-po sy fahatsoran'ny saina mandray ny Hafatr'Andriamanitra amiko no tsy ampy ka mahatonga ireo rehetra ireo hitranga. Ny mpampianatra moa matetika maneho ny heviny sy ny voka-pandalinany, ary ny mpianatra izay mihinana ambolony raha vao mahita ny voka-pandalina'ny hafa metimety kokoa noho ny an'ny voalohany dia voahozongozona.
Mahatsiahy ny fananarana nataon'ny olon-kendry iray aho hoe: raha misy mangataka hanina aminao dia angady no omeo azy. Amiko dia io no tena zava-dehibe. Raha misy mangetaheta dia tokony ny fanomezana ny Baiboly sy ny famporisihana azy hamaky izany no fototra ahazoany miaina amin'ny maha-Kristiana sy mamahana ny fanahiny.

Nisy tori-teny iray nataon'ny Mpitandrina iray momba an'i Mahatma Gandhi izay namaky ny Baiboly. Hoy izy tamin'izay: "tena tsara ny fahendrena ato anatin'ity boky ity saingy tsy te-ho Kristiana aho noho ny fahitako ny toetran'ny Kristiana ankehitriny".

Anisan'ny mahamenatra tokoa io filazana io. Hitantsika Kristiana tokoa ve izay fahendrena hitan'i Gandhi tao anatin'ny Baiboly io?

Ny fahatsoram-po sy fahatsoran'ny saina mandray ny Hafatr'Andriamanitra amiko no tsy ampy ka mahatonga ireo rehetra ireo hitranga. Ny mpampianatra moa matetika maneho ny heviny sy ny voka-pandalinany, ary ny mpianatra izay mihinana ambolony raha vao mahita ny voka-pandalina'ny hafa metimety kokoa noho ny an'ny voalohany dia voahozongozona.

izay mihitsy

Nisy tori-teny iray nataon'ny Mpitandrina iray momba an'i Mahatma Gandhi izay namaky ny Baiboly. Hoy izy tamin'izay: "tena tsara ny fahendrena ato anatin'ity boky ity saingy tsy te-ho Kristiana aho noho ny fahitako ny toetran'ny Kristiana ankehitriny".

Dia ny tohin'io dia nisy mompera vazaha anakiray niteny hoe ... tokony tsy baiboly no nasaina nojeren'i Gandhi T@ io fa ny toetran'ilay masera 1 izay (mere Theresa no tian'ilay Mompera lazaina) dia mety hafa ny filazany

Hitantsika Kristiana tokoa ve izay fahendrena hitan'i Gandhi tao anatin'ny Baiboly io?

hita tokao io saingy variana mijery sy mitsipona isan'toko sy andininy ny ankamaroantsika dia mamafy izay mba hitany sady ampiany zavatra hafa mba hangalany interet.

Sahala amin' Ilay tantara iray izay hoe mba asaina manome vary ny olona hono ity Rangahy iray. dia nalainy aby ny vary dia nafafifafiny, sahala amin'ny manome vary ny akoho ireny izany e!
izy any @ patron-ny sy @ conscience ny dia tena mihevitra tokoa hoe tena nizara vary tokoa izy, kanefa ny olona mbola mirangorango... amin'ny fomba ahoana no hihinanany vary natsipy.. nihinana izy fa tsy voky!
Avy eo bedin'ny patron! tsy mbola tonga saina fa mbola ny azy ihany no asesiny hoe moa tsy nozaraiko va ny vary?

:lol::lol::lol:

Izany tokoa no izy r'ikaretsaka! Koa mila miambina isika Kristiana satria sao dia sendra ny mpizara vary toy izany. Amiko dia mila mijery ny Fototra isika izay Iankinana tsy miankina amin'ny fombafomba isan-karazany izay matetika mamilivily sy manarona ny Tanjona Tian'Andriamanitra hotratrarina ho an'ny voariny tsirairay avy.

izay manko .. ao am-po io.. tadidio fa na ny famakiana baiboly aza anie ka fombafomba koa rehefa tena dinihina ka tsy ampiasaina e.. fa tsy le hoe mamaky baiboly sy mahay mitsipona isan'andalany ao aho dia mitoritory satria izany no fombaahitana fa tena mpivavaka aho dia izany no atao!
ny fomba rehetra dia tsy misy dikany raha tsy fantatrao ny antony sy hoe fa maninona aho no manao izao. fa tsy ilay hoe fomba ny atao an'izao dia izaho koa hanao! lasa izao aby ny olona dia izaho koa handeha anao!

boraingy :

Mahatsiahy ny fananarana nataon'ny olon-kendry iray aho hoe: raha misy mangataka hanina aminao dia angady no omeo azy. Amiko dia io no tena zava-dehibe. Raha misy mangetaheta dia tokony ny fanomezana ny Baiboly sy ny famporisihana azy hamaky izany no fototra ahazoany miaina amin'ny maha-Kristiana sy mamahana ny fanahiny.

Hiverenako ihany ny fomba hizaràna an'ilay finoana izay samy manana ny azy : enao hanome angady olona noana, izaho hanome sakafo azy aloha, dia avy eo vao mitarika azy @ finoana tsikelikely satria ho tsapany @ fihetsikao sy ny fiteninao hoe kristiana ianao. Tsy ny fanomezana azy baiboly no hanova inona, fa ny fanohanana azy @ maha-olombelona aloha, dia avy eo manaraka ho azy ny ambiny(arakarak'ilay toe-javatra mitranga izany no hampisehoana hoe kristiana miantra ianao fa tsy hoe kristiana te-hampiseho ny fomba fanao ...dia izay ilay hoe tsy hiadin-kevitra fa zaraina, omena azy ny fanampiana azonao omena azy @ maha-kristiana anao :wink: ...):-*

Hiverenako ihany ny fomba hizaràna an'ilay finoana izay samy manana ny azy : enao hanome angady olona noana, izaho hanome sakafo azy aloha, dia avy eo vao mitarika azy @ finoana tsikelikely satria ho tsapany @ fihetsikao sy ny fiteninao hoe kristiana ianao. Tsy ny fanomezana azy baiboly no hanova inona, fa ny fanohanana azy @ maha-olombelona aloha, dia avy eo manaraka ho azy ny ambiny

miombon-kevitra amin'i Tywa aho eto! misaotra anao!:-*

tandremo sao manao ity ary rehefa manome sakafo azy:

Sahala amin' Ilay tantara iray izay hoe mba asaina manome vary ny olona hono ity Rangahy iray. dia nalainy aby ny vary dia nafafifafiny, sahala amin'ny manome vary ny akoho ireny izany e!
izy any @ patron-ny sy @ conscience ny dia tena mihevitra tokoa hoe tena nizara vary tokoa izy, kanefa ny olona mbola mirangorango... amin'ny fomba ahoana no hihinanany vary natsipy.. nihinana izy fa tsy voky!
Avy eo bedin'ny patron! tsy mbola tonga saina fa mbola ny azy ihany no asesiny hoe moa tsy nozaraiko va ny vary?

tywa68:

boraingy :

Mahatsiahy ny fananarana nataon'ny olon-kendry iray aho hoe: raha misy mangataka hanina aminao dia angady no omeo azy. Amiko dia io no tena zava-dehibe. Raha misy mangetaheta dia tokony ny fanomezana ny Baiboly sy ny famporisihana azy hamaky izany no fototra ahazoany miaina amin'ny maha-Kristiana sy mamahana ny fanahiny.

Hiverenako ihany ny fomba hizaràna an'ilay finoana izay samy manana ny azy : enao hanome angady olona noana, izaho hanome sakafo azy aloha, dia avy eo vao mitarika azy @ finoana tsikelikely satria ho tsapany @ fihetsikao sy ny fiteninao hoe kristiana ianao. Tsy ny fanomezana azy baiboly no hanova inona, fa ny fanohanana azy @ maha-olombelona aloha, dia avy eo manaraka ho azy ny ambiny(arakarak'ilay toe-javatra mitranga izany no hampisehoana hoe kristiana miantra ianao fa tsy hoe kristiana te-hampiseho ny fomba fanao ...dia izay ilay hoe tsy hiadin-kevitra fa zaraina, omena azy ny fanampiana azonao omena azy @ maha-kristiana anao :wink: ...):-*

Amiko raha mbola hoe finoana samy manana ny azy dia mbola tsy tonga eo amin'ny Fikasan'Andriamanitra izany ary lasa miverina amin'ny resak'ikaretsaka hoe "moa tsy nozaraiko va ny vary nefa toa bedy foana aho?" misy boussole iray ihany raha Kristiana no resahana dia ny Tenin'Andriamanitra sy ny Fikasany, raha tsy izay no zarainao dia lasa vary manta ilay izy.

Raha tohizina indray anefa ilay tantara vary manta ka ataontsika hoe ilay nanipazana azy tsy niavonavona fa nandray ary nanandrana nampitombo izany ary nahomby (ezany manokana io) dia lasa nanana izay nananan'ilay Patron izy ary afaka nizara sy naniraka ny mpiasany koa hizara indray. Koa satria hitany fa nahomby ny nataon'ilay nanipy vary ho azy ary io fomba (vary atsipy) io indray no nameperany ny mpiasany mba hataony fa izay no fomba mahomby hampiparitaka ny fahombiazana ary ampiany ny toro-hevitra fampiasana azy izany fanaparitahana izany (io ilay vavolombelona), dia izay ilay fielezana sy famafazana araka ny voalazan'i Jesoa raha nanao fanoharana momba ny Fanjakan'Andriamanitra Izy (ilay momba ireo sekely nozaraina ho an'ny mpanompo).

Amiko raha mbola hoe finoana samy manana ny azy dia mbola tsy tonga eo amin'ny Fikasan'Andriamanitra izany ary lasa miverina amin'ny resak'ikaretsaka hoe "moa tsy nozaraiko va ny vary nefa toa bedy foana aho?" misy boussole iray ihany raha Kristiana no resahana dia ny Tenin'Andriamanitra sy ny Fikasany, raha tsy izay no zarainao dia lasa vary manta ilay izy.

ka vo eo ilay fomba fandraisana ny Tenin'Andriamanitra sy ny fikasany aloha dia samihafa! eo dia vaky ny vera!

Eo dia misy mametra ohatra fa mijanona eo @ famakiana Soratra masina ihany io ,
misy koa ny miteny hoe mandrak'izao dia mbola miteny amintsika amintsika Andriamanitra, amin'ny alalan'ny Fanahy Masina sy @ alalan'ny Tenany mitoetra ao amintsika (tempolin'Andriamanitra ny vatantsika ) ary omentsika hery lalandava rehefa manao komonio

efa nisy fomba 1 efa najoro sy narafitr'i Jesoa io ary nomeny ny Apostoly (io ilay vera sy kaopy nolazaiko tany ambony) dia napasipasiny foana
novakiana anefa ilay izy 1500 taona taty afara!
nisy ezaka ihany nanambarana ny vakin'ilay kaopy, sy izay faritra tsy tena vaky be! fa misy kosa ny vakiny mbola zaraina ihany hiha vaky dia lasa poudre sisa!

Ary raha ilay poudre no voantsinampy afaka namokatra be dia ahoana indray ny zavatra mitranga?

poudrem-bera ve ho lasa voatsinapy?
ka akondro ve izany ny fary?

Tsy akondro tokoa ny fary araka ny conception-ny avy. Fa ny mahazendana dia ny hoe Andriamanitra no iandohana koa no misy vakivaky avy eo? Ny sary omena Azy izany no tsy mitovy araka ny fanazavanao.
Alaivo an-tsary tokoa ary hoe misy olona iray mitsangana ary manodidina azy manao faribolana olona marobe. Raha samy mifantoka amin'ny lafiny izay hitany ihany ny tsirairay dia mazava fa tsy mitovy ny heviny momba io olona io: ohatra ny olona mahita ny aty anoloana dia tsy hahalala izay ao ivoho (miresaka famaritana araka ny endrik'ilay olona isika eto).
Io no mahatonga ny fisarahana satria raha hiteny ianao hoe "izato no tena fivavahana voalohany fa tena hirobohako" dia tokony hametraka ny fanontaniana aloha hoe "Ny lafiny avy aiza no nojeren'izany fivavahana izany?. Feno ve ny fomba fijeriny sa ny lafiny iray ihany?".

Ankehitriny dia "reflexe naturel" eo amin'ny olon-drehetra io fanontaniana io ka izany no tsy hatokisany avy hatrany ny antoko izatsy na izaroa mba tsy hihinanany amam-bolony.

Ny tena mangetaheta sy mitady dia hahita anefa na dia pitiny fotsiny aza aloha no nanaitra azy ka izany no ilazako hoe voantsinampy ilay pitiny nisarangotan'ny maro.

Eo amin'ny ara-panahy no tokony hijerena io resaka io fa raha araka ny endrika ivelany dia ho sahirana isika ary hihodinkodina eo ny adi-hevitra fa tsy misy lalan-kizorany.

Alaivo an-tsary tokoa ary hoe misy olona iray mitsangana ary manodidina azy manao faribolana olona marobe. Raha samy mifantoka amin'ny lafiny izay hitany ihany ny tsirairay dia mazava fa tsy mitovy ny heviny momba io olona io: ohatra ny olona mahita ny aty anoloana dia tsy hahalala izay ao ivoho (miresaka famaritana araka ny endrik'ilay olona isika eto).
Io no mahatonga ny fisarahana satria raha hiteny ianao hoe "izato no tena fivavahana voalohany fa tena hirobohako" dia tokony hametraka ny fanontaniana aloha hoe "Ny lafiny avy aiza no nojeren'izany fivavahana izany?. Feno ve ny fomba fijeriny sa ny lafiny iray ihany?"

dia izay ilay hoe mila miodina.. na soit ilay olona na soit ilay mpijery... fa tsy variana tao andamosina tao fotsiny.

fa raha voalohany izany, sy nahorin'i Jesoa, raha tena mino an'i Jesoa aho dia ny naoriny no jereko sy asaiko miodina raha sendra variana tsy miodina... dia ilay olona izay tsy miodina koa teneniko hoe mba mihodina ..
toy izao ny aloha, toy izao ny afara, toy izao ny avy ato amin'ny sisiny, toy izao ny tampony, toy izoa ny fanambaniny..

Efa resaka teto moa ilay fivelarana sy fihodinana io fa Boraingy manao fiavin'ny tafara...