Manakory aby e!
Vao izay aho no mandalo indray, salama tsara ary vita soa ny 34 andro ny ady. Atao hoe vita tsy vita ny ady e, ny bomba no nitsahatra fa Israely toa mbola miandry kendritohana zany. Ny ady antrano koa no tena atahorana satria ny Hezb manana ny heviny ary ny filoha mpomba azireo.
Be ny tiana ambara, fa ny ankamaroany efa hitanareo t@ TV, sy henonareo t@ RFI.
Mampalahelo raha ny zava-nisy nandritra ny ady no lazaina, ampahany no hitanareo t@ TV.
Raha nanomboka ny ady ny 12 dia noheverina fa ho 3-4 andro na heriandro fotsiny dia ho vita e, tsy nisy nieritreritra ny vahoaka hoe hanapotika an'i Lib i Isr. Ary habibiana no zava-nisy ary tsy nisy resaka politika mihitsy tao anatiny.
Tsy lavitra ny toerana nisy ny Hezb no misy anay, banlieu Est n'i Beyrouth. Ny Alarobia 12 mba azoazo ny zava-nisy, fa nanomboka ny alakamisy dia tsy tsapa fa ao anatin'ny ady tanteraka, tsy misy olona mahasahy mivoaka, mangina ny tanana. Ny alina tsy nisy hatoriana fa matetika ny bomba. Ny vodilanitra any atsimo @ sisitany iraisana @ Isr mena noho ny afo (tsinjo lavitra). Ny seranam-piaramanidina voadaroka, setroka mainty sy afo (tsinjo eto aminay ny tapan'ny seranam-piaramanidina). Ny habakabaka nanomboka mivalomainty ary tsy hita intsony ny masoandro nefa dia ao anatin'ny été tanteraka aty @ izao. Tsaroana ireny zava-nisy hita t@ Tv ireny t@ ady tany Irak t@ 2003 ireny. Mba atao hoe azontory kely ny tena dia taitra indray @ iny @ 4-5 maraina iny noho ny daroka bomba.
Ny zoma dia natetika ny bomba ary dia naleo nifindra toerana tsy dia lavitra fa kosa mba afaka natory tsara ny alina.
Nahoana moa no milefa? Hanavotra aina mba tsy ho faty? Firifiry no nilefa niala ny tanana tao atsimo tao nefa na eny andalana aza dia nodarofan'i Isr ihany. Firifiry ny fiara mitondra fanampiana voadaroka, satria nanana ny pretexte-ny ry zareo. Ny ratsy andro ve no maty sa izay tokoa no efa voasoratra? Aiza Atra raha toa ka misy tokoa?
Ny asabotsy sy alahady dia daroka tsy nisy fitsaharany na atoandro na alina. Raha ao anatin'ny adiny 1 no tsy maheno bomba dia nihevitra fa vita ny ady e. Inona anefa no teo.... Isaky ny mitontona ny bomba dia ohatry ny hoe hilatsaka @ lohan'ny tena izany. Dia tena fahoriana ny an'ny olona t@ ireny faritra voadaroka ireny. Ny tena aza aty @ lavidavitra mivarahontsana ary tafatsangana avy hatrany raha vao midoboka ny bomba, tsy mankaiza akory fa mifindra efitra fotsiny. Indraindray alohan'ny hilatsahan'ny bomba dia maheno feon-javatra misosa izany, 1mn aorian'izay dia mihotsona h@ trano. Isaky ny maheno an'iny bomba iny anefa dia ity no tonga ao antsaina ao: misy olona maty any ho any.
Nahoana moa ny olona no tsy niala ny tranony na dia hoe tokony hilefa aza? Sarotra ny mamela ny trano ho @ izao... Ny harena iray manontolo. Tsy misy zavatra azo nentina afa-tsy izay sarobidy, vola, akanjo 4-5, provisions.... Zany aza no nentin'ny tena satria afaka niomana hoe andeha hilefa, fa ho an'ny sasany izay taitra noho ny bomba nitontona teny akaikin'ny tranony, inona no azony nentina niaraka @ tahotra? Kontin'ny tsy misy, satria zara aza tsy maty...
Na mihinana na mandro dia toa vitaina maika izany, ny jiro nanomboka tapatapaka, ny tel torak'izany.
Tapakevitra fa handeha lavitra ny 19 satria dia toa tsapa fa tsy ny banlieu sud fotsiny no lasibatra fa ny manodidina ihany koa. Ka tany @ nisy anay dia azo lazaina fa filaminana tanteraka % @ niainana nandritra ny herinandro. Maheno bomba fa kosa tsy dia nisy tahotra firy intsony. Fa dia toa ny bomba hatrany no mamoha @ maraiana e, @ iny @ 4 sy sasany - 5 iny dia manomboka ny andro, ary ny tena heno tany @ farirta nisy anay dia ny zava-nisy tao @ sisitany iraisana @ Isr.
Be tokoa ny olona no niala an'i Lib. Ny sasany mandeha sambo, ny sasany mandalo atsy Syrie. Ho an'ireo izay nandeha fiara, ireo nandalo tatsy Syrie dia nanao caravane no sady mandeha mora, miaraka @ drapeau kely isaky ny fiara.
Henoko fa nisy ny gasy no nody, occasion ho an'ireo izay tsy manana papier iny ady iny mba hodiana. Satria dia misy na tsy maro be aza ireo gasy tsy manana na passeport aty an.
Ny tsy fahafantarana ny toerana hitontonan'ny bomba no antony 1 tsy ivoahana ny trano, nefa dia nisy ireo olona izay niasa nandritra ireny fotoana ireny. Tao ny niasa tapak'andro, tao ny niasa isaky ny 2 andro.
Ny zavatra natao nandritra ny ady? Mijery TV ny 2/3, mahandro dia mihinana. Ny fanasandamba sy ny fipasohana dia miankina @ jiro. Satria ny ankamaroan'ny trano aty dia efa samy misy generatreur avokoa, ka raha maty ny jirom-panjakana dia samy mandamina ny fotoana andefasany ny generatreur avokoa ny olona arakaraky ny eo ampelatanana. Ny solika anefa no olana 1 lehibe indrindra, fa efa zatra ny olona e, samy nanao izay ho afany teny.
Nitsahatra tokoa ny bomba ny alatsinainy 14 teo, t@ 8 latsaka fahatelony ny bomba farany. Sarotra ninoana aloha ny hoe hitsaharan'ny ady teo anatrehan'ny nataon'i Isr. Ary rehefa tsy nisy intsony ny bomba adiny 1-2 taorian'ny t@ 8 ( izay voalaza fa hitsaharan'ny ady) dia be ny olona no namonjy ny misy azy, feno ny arabe.
Soa ihany fa tsy t@ andro nangatsiaka izy ity fa dia be lavitra no maty satria ny solika tsy nisy.
Na atao hoe niady nandritra ny 15 aza i Lib taloha dia ity ady nandritra ny 1 volana mahery ity no zava-doza satria voadaroka hatrany an'habakabaka, andranomasina, antanety ilay firenena. Ary raha sanatria ka nitohy izy iny na dia 10-20 andro monja aza dia matin'ny hanoanana ny vahoaka 1 manontolo, satria ny fanampiana @ faritra voadaroka zara raha tonga any @ dreo, ny hovidiana eny @ mpivarotra tsy misy fa lany ny stock. Raha teny @ mpivarotra zahay t@ herinandro dia be ny zavatra manky, ary tsy misy ny azo atao. Nanomboka omaly dia nivoha ny seranam-piaramanidina, nefa dia tsy maintsy mandalo any Jordanie araha-mason'i Isr avokoa ny fiaramanidina rehetra.
Rehefa tapitra ny ady ka nifankahita t@ olom-pantatra ny tena dia izay vao nisy dikany tamiko ilay fifampiarahabana fanao andavan'andro hoe: manahoana, fahasalamana? Taloha dia toy ny fahazarana fotsiny e.
Asa na rahoviana no hilamina ny atsy Palestine? Irak....?
Izay no azoko ambara ny @ zava-nisy niainako, inoako fa misy hafa any ho any hitantara ny niainany sy ny fahitany ny ady.
Ny hamaranako azy dia ity: MIFANKATIAVA ! Aza avela hanjaka mandritra ny fotoana maharitra ny fankahalana!
