Izao kosa ny ahy no mba holazaiko.
Misy ho raisina daholo ny teninareo rehetra.
Raha lazaina sy adika amin\'ny fiteny tsotra io versé io de hoe:
tsy misy mividy ravindamba any analakely mba hanampenany ilay akanjo efa natao serpiera.
Matoa mividy ravindamba vaovao ianao de hanaovanao akanjo vaovao iny.
Isika moa tsy misy mpanao divay fa mitovy ihany ny hevitr\'io fanoharana momba ny siny hoditra fasiana divay io sy ny momba ny lamba na tapa-damba
Izao no tena hevitr\'io tenin\'Andriamanitra io:
Andriamanitra de tena lehibe sy masina ary ny olombelona de faran\'izay bitika eo anatrehany.
ohary amin\'ny tenanao sy ny prezida Ravalomanana
farafaharatsiny.
Tsy moramora izany hoe olon-tsotra hangataka fihaonana amin\'ny président izany.
Tsy moramora izany hoe mivavaka sy miresaka ary mifandray sy mangata-javatra amin\'Andriamanitra izany.
Firifiry moa ny olona mivavaka eto ambonin\'ny tany, firifiry moa no marary mafy eny amin\'ny hopitaly ka entina ambavaka, firifiry moa no olona miseho sy tena hita hoe mivavaka kanefa firy amin\'ireny no valian\'Andriamanitra.
Iza no olona sahy hilaza fa vao mangataka amin\'Andriamanitra de homeny, iza no olona afaka milaza fa akaikin\'Andriamanitra indrindra eto ambonin\'ny tany.
Iza no olona sahy milaza fa masina indrindra eo anatrehan\'Andriamanitra.
Izay indrindra, arak\'izay nolazainao izay, tsy misy, ary za milaza amintsika fa tsy amin\'izao ihany fa efa hatramin\'ny taloha izany.
Eo indrindra no hidiran\'ilay resaka fifadiankanina.
Amin\'ny fifadiankanina no fomba tsara indrindra hanantonana sy hifandraisana amin\'Andriamanitra.
Jereo tsara, samy mahalala ilay tantaran\'i Jonah angamba isika, tsy de hiditra amin\'ilay tantara hoe Jonah tany ankibon\'ny hazandrano lehibe na baleine aho fa ny amin\'ny mission nampanaovin\'Andriamanitra azy.
Nirahin\'Andriamanitra izy hilaza any amin\'ilay tanàna atao hoe ninive fa horavan\'Andriamanitra tahaka an\'i Sodoma sy Gomora izany tanàna izany satria tena ratsy ny olona rehetra tao amin\'izany tanàna izany.
Ary rehefa Andriamanitra izay no miteny de tsy misy mahaova iny heviny iny fa amin\'ny fony no hitenenany iny. Tena horavany tokoa ilay Ninive, saingy ity;
tonga saina hatramin\'ny président tao amin\'ilay tanàna ka de nasaina nifady hanina haingana ny olona rehetra, eny tsy nisy tsy nifady hanina hatramin\'ny zazakely ka hatramin\'ny omby sy ny biby fiompy rehetra de tsy nisy navela na de hisotro rano aza mba hifonana amin\'Andriamanitra tsy hahatongavan\'ny loza.
De tena nohenoin\'Andriamanitra tokoa ny fifonan\'ireo olona rehetra tao amin\'io firenena io.
Ianao ve mihevitra fa raha nivavaka nifona tsotra fotsiny ny olona tao de tsy tonga ilay loza.
Matoa io tantara io nosoratan\'Andriamanitra de mba hianaran\'izay te hahafantatra an\'Andriamanitra rehetra aty aoriana koa.
Ary izany no nahatonga ilay ady hevitra tamin\'ny andron\'i Jesosy hoe: nahoana ny mpianatrao hoy ny mpianatr\'i Jaona miantso an\'i Jesosy no tsy mba mifady hanina tahaka anay sy ny mpianatry ny fariseo.
Kanefa Jesosy de nitory tamin\'izany fa izy de avy amin\'Andriamanitra ary ny olona rehetra aza tamin\'izany de niala tamin\'ny fariseo sy Jaona ka lasa mpianatr\'i Jesosy avokoa.
De teo no nahatonga ny ady hevitra tamin\'izany hoe ity Jesosy ity miseho ho avy amin\'Andriamanitra kanefa ny mpianany aza tsy mba mifandray amin\'Andriamanitra amin\'ny fifadiankanina.
De tsotra moa ny valintenin\'i Jesosy, de io mahatonga ady hevitra eto io koa.
Izao no tena hevitr\'io tenin\'ny Tompo io:
Tena ilaina ny fifadiankanina ary io no tena lalana sur fa hihainoan\'Andriamanitra ny vavaky ny olombelona sy ny fifonany. Saingy kosa tamin\'i Jesosy tonga tety de nofohanan\'Andriamanitra aloha io fifadiankanina io, fa izay rehetra izay rehetra nila vonjy sy nangatampamelana sy nangataka fanasitranana tamin\'izany de nohenoin\'Andriamanitra avy hatrany, de jereo fa n\'iza n\'iza marary sy jamba sy nisy problème tonga teo amin\'i Jesosy de nohenoiny sy nositraniny sy navelany ny helony.
Jereo anie ilay mpijangajanga (na makorelina) saika hotorahimbato tamin\'izany e! nony tonga teo amin\'i Jesosy izy de navotany tsy hotorahimbato ary tsy vitan\'izany fa navelany koa ny helony sy ny fahotany.
Tsy nila nifady hanina ilay vehivav, na ireo olona rehetra nila famonjena tamin\'izany.
Fa rehefa lasa niakatra any an-danitra kosa Jesosy de izay vao miverina amin\'ny laoniny ny mikasika ilay fifadiankanina.
Izany hoe tsy misy dikany izany ny fifadiankanina izay natao tamin\'ny andron\'i Jesosy fa vao maika aza ohatran\'ny hoe fanaovana tsinontsinona azy.
Izay no nahatonga azy niteny hoe ny tapa-damba vaovao de handrovitra ny lamba tonta ary ny divay tonta de hampitriatra ny sinyhoditra vaovao.
Izany hoe ilay fifadiankanina de manjary lasa fanaovana tsinontsinona ny fahatongavan\'i Jesosy, ary Jesosy de nahatonga ny fifadiankanina ho tsinontsinona ka de tsy afaka niaraka mihitsy ireo zavatra roa ireo.
Raha misy izany olona nifady hanina tamin\'izany de tsy nohenoin\'Andriamanitra fa izay nanantona an\'i Jesosy no nohenoiny.
Ny hafatro amintsika mpamaky de ity, tena mbola ilaina ny fifadiankanina amin\'izao ary vitsy ny olona mahalala izany fa tena secret izany ary efa io nambarako aminareo io ny secret, ka raha misy aminareo mahay mandray ny teny nolazaiko de sambatra indrindra ianareo.
Hoy Jesosy raha nanao ohatra mitovy amin\'io ihany izy hoe:
tsy mahay mifady ny havan\'ny mpampakatra raha mbola ao aminy ny ampakarina fa rehefa lasa ny hampakarina vao hifady izy.
Ny dikany de araka io fanazavana ery ambony io ihany,
tsy misy dikany ny fifadiankanina raha mbola eo Jesosy fa rehefa lasa Izy vao tokony hifady amin\'izay ny olona.
Za mamporisika antsika, raha misy olana be na manoloana ny zavatra tena tsy misy fanafana intsony isika, eny rehefa mety zavatra tsy misy solution intsony, mety ho aretina , mety ho fonja, mety ho fahafatesana no eo aloanao, mivavaha mafy amin\'Andriamanitra miaraka amin\'ny fifadiankanina fa ho hitanao hoe tena mbola misy Andriamanitra, tena mbola mihaino ny olombelona Izy, tena tsy miova tokoa Izy.
Inty anefa no tena zava-dehibe sy tadiavin\'Andriamanitra amintsika.
Tsy rehefa tojo loza na araka ireo voalaza eo ambony ireo isika vao hitady an\'Andriamanitra sy hifady hanina fa ny mifanohitra amin\'izany aza no tena tadiaviny.
De ny hifadiantsika hanina mba hanantonantsika azy sy hahafantarantsika azy ary hahaizantsika mandeha amin\'ny fahamarinana sy araka ny sitrapony
Rehefa mifady hanina de tena tsy mikasika na de rano aza.
Ary ny iray andro tena 24 heures fa tsy hoe manomboka amin\'ny enina maraina de tapitra amin\'ny enina hariva.
De arakarak\'izay maharesy lahatra ny fonao sy ny sainao ihany io hoe:
tena raha hifadiako hanina telo andro ity toe-javatra iray ity de hivaha, ity kosa ohatra mety indray andro, tsy voatery misesy fa mety hoe telo andro ka de asiako indray mandeha isankerinandro.
Andramo ka izahao fa tsara Jehovah
