mpandalo sy mpivahiny ihany isika eto amin\'ity tany ity. izay tonga teto anefa dia matahotra tokoa izany ho faty izany.nefa tsy maintsy ho faty satria mpanota (ny fahafatesana no tambin\'ny ota). miezaka ny olona ny mikaroka ny hampitombo ny andro iainana amin\'ny alalan\'ny fikarohana siantifika isan-karazany; tsy misy maharatsy na tsy mahamety izany; aoka anefa ho tadidy fa voaisa ny androntsika ety (Job 14:1-2).
Ary na mino na manda ny lazain\'ny baiboly dia tsy mbola nisy afaka niala io fahamarinana io; ka tsy ny maha-be fahaizana anao na ny fitokianao amin\'ny fandrosoan\'ny siansa no hanova ny lala-kizoranao fa tsy afaka ny hijanona mandrakizay ety ianao.
Ka raha manambara aminao ny baiboly fa misy toerana efa nomanin\'i Jesosy ho anao any rehefa miala ety( jaona 14:1-4), moa ve hisalasala sa mbola miandry porofo ara-tsiantifika vao hanaiky koa ny fisian\'izany; ny fomba hahafahana mahazo izany dia tsy mila volabe, na tapi-pahaizana fa ny fonao hino Azy ho mpanavotra (rom 10:9-10).
Ny devoly dia efa sûr 100% fa tsy mankany amin\'io toerana io, tsy te-ho irery any amin\'ny toerana sahaza azy anefa izy sy ny miaramilany ary miezaka mafy ny hanakana izay rehetra maniry io toerana any amin\'i Jesosy io tsy ho tonga any.
Satriny ianao olombelona izay niangaran\'Andriamanitra satria tiany loatra tsy ho tonga any, ampisaiany arak\'izany ny tetika rehetra mba hanakana hanao tsy ho any; fantany tsara ny fisian\'ilay toerana ka hainy toy izany koa ny manafina azy tsy ho fantatrin\'ny olombelona.
Ampiasainy na ny mpitondra fivavahana; ny mpanao politika, ny manam-pahefana rehetra handrebireby anao tsy ho tonga any (vakio tsara ny tantara, fa ny fanjakana romana sy ny farisiana anie no nanenjika an\'i Jseosy kristy sy ny mpianatra izay nomba azy e).
aza gaga raha mahita olona toa hoe: kristiana anefa toa manao ity tsy fanao rehetra ity; toa miseho hompivavaka anefa toa variana amin\'ny fanaon\'izao tontolo izao izay manindrhindra ny fahafinaretan\'ny nofo (plaisir materiel).
manenjika ireo izay mitoky amin\'ny finoana an\'i Jesosy ireny ka laziny matetika fa efa nilaozan\'ny toetr\'andro izany finoana izany (dépassé). tsy ekeny matetika ny zavatra tsy misy porofo ary ambarany fa fialokalofan\'ny kely hery sy kely aina ny fivavahany amin\'Andriamanitra;
Raha fantany mantsy fa ny devoly no manampina ny sofiny; manajambena ny masony tsy hahita ny voninahitr\'Andriamanitra sy ny heriny.
Raha hainy ny hery entin\'izany anaran\'i Jesosy izany dia tsy nikaroka baomba mahamaty olona izy fa nitady izay hikolokoloina ny zava-boahary noharian\'Andriamanitra.Nieritreritra ny fiainany aorian\'ety an-tany izy fa tsy nitady izay fomba tsy mahafaty .
Na izany ary ny fijeriny dia matahotra an\'io ankoatran\'ny eto an-tany io izy.
mazava ny baiboly sy ny teny ambarany ny momban\'io ho avy io fa ry zareo ireo no tsy mety manaiky ny fahamarinany.
izany no antony nilazan\'i Jesosy talohan\'ny nialany teto hoe:\"torio fa betsaka ny tsy mahalala\". izany no anjara asantsika izay mino ny teny fa tsy hanenjika na hihataka amin\'izy ireny ary tsy herintsika no manova azy ireo fa ny fanahin\'Andriamanitra izay efa miasa ao amintsika no manamboatra ny fony ka horesy lahatra amin\'ny fanaontsika; satria isika dia epistily mandehadeha; baiboly mivelatra ary mazava noho ilay Mazava mitsilo ny fiainantsika.
Meteza ary ho jiro apetraka eo amin\'ny fitoerzn-jiro isika kristiana fa tsy labozy manetroka no maizimaizina mba ho voninahitr\'ilay Naniraka antsika sy hinoantsika;
itony sehatra itony no fitaovana hanehoantsika izany voninahitr\'ilay Andriamanitra inoantsika sy ankalazaintsika izany ka aoka ho mendrika izany voninahiny izany ny soratra avoakantsika ;ka hitondra finoana velona tokoa ho an\'izay mamaky azy fa tsy zavatra hafa
