Rahoviana ny teratany Malagasy monina aty ivelany no hitambatra hanangana zavatra maharitra amin'ny toerana iray any Madagasikara ho fanehoana ny fandraisana anjara amin'ny fampandrosoana. Toa ny resaka foana no mipoapoaka eto. Ny tena finiavana no ilaina.
Aoka izay angamba, efa ampy ny anjaranareo amin'ny fanambakana ny vahoaka mikasika ity tontolo iainana ity. Ny vola lany efa an'arivorivony tapitrisa, saingy mbola mavo ny ranon'i Ikopa. Ny tantsaha tsy avelanareo mihaza ny gidro raha noana tsy ampy sakafo. Ny vahoaka voarara tsy handalo ny ala arovanareo. Ianareo anefa nahazo vola be tany an-dafy dia manondrana gidro, bibilava sy ny karazan-kazo an'alintrisa. Mba omeo amin'izay ny anjaran'ny tantsaha eh. Toa ataonareo fitaovana fotsiny izy ireo mantsy.
Raha ny tatitra vita dia tsara sy miloko saingy ny eny antsaha dia mbola fotaka. Atao fitaovana alaina sary ny tantsaha mba hadera amin'ny fitadiavam-bola. Saingy na ilay nalaina sary aza tsy mba afaka nijery ny sariny akory.
