Misaotra ny rehetra amin'ny fampahatsiahivana. Marina ary tena marina daholo ny famaritana momba ny fibebahana sy ny fifamelan-keloka.
Te-handray ilay fanamarihinareo milaza hoe manana filazan-tsara hafa aho ka lasa mitovy tokoa ami'n'ny asa nataon'ny menarana nampihinana voankazo voarara no fandraisanaoreo azy, ary tena misy sahy milaza aza hoe manaova izay tianareo hatao fa tsy ho very tsy akory ianareo izay teneniko. Tsy izay velively angamba no voalaza fa ny fandraisana ny Tenin'Andriamanitra maharitra sy tiana hamafisina toa an'i Ezekiela « Moa sitrako akory va ny fahafatesan'ny ratsy fanahy, hoy Jehovah Tompo, fa tsy ny hialany amin'ny alehany mba ho velona izy ? » (Ezekiela 18:23)
Ny fanatanterahana ny ASA izay mandeha hatramin'izao fotoana hitenenantsika izao no tiana zaraina. Izany hoe ny drafitra mandeha momba ny fanadiovana ny tsy fahatomombanan'ny olombelona hanariany ny efitra mampisaraka izay atsangany ao am-pony ka tsy ahafahan'i Kristy mitoetra sy mampahery azy ary mampionona azy ao amin'ny FiadanaNY. Fijoroana ilay atao hahatanteraka ny hoe:
Matio 5,14 Hianareo no fahazavan'izao tontolo izao. Tsy azo afenina izay tanàna miorina eo an-tampon-tendrombohitra.
15 Ary koa, tsy misy olona mandrehitra jiro ka mametraka azy ao ambanin'ny vata famarana, fa apetrany eo amin'ny fanaovan-jiro, ka dia mazava amin'izay rehetra ao an-trano izany.
16 Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra.
Fitoriana ny RAY izany no tena hiompanan'ny zavatra atolotra eto sy ny fanantenana maharitra mba ho voaray daholo ny rehetra. Tsy ny asan'ny olombelona ihany fa hatramin'ny asan'ny Anjely maro sy ny olomasina izay efa miara-miasa amin'i Jesoa.
Ka hoy aho hoe, aza dia malaky mitsara raha tsy mahita ny voan'ny hazo ianareo. Na hitsara aza moa ianareo dia fantaro fa mamela izany foana aho satria madio am-po aho mizara ary tsy mbola nahita ahy ianareo hiteny hoe manaova izay tianareo hatao fa voavonjy daholo (baiko fisalovanana tsy anjarako kosa angamba io fa fiheveranareo fotsiny ihany ka aoka re hofoanana satria
tsy mitovy ny teny hoe
ho voavonjy faholo isika rehetra sy ny teny hoe
manaova an'izatsy fa ho voanvonjy daholo ihany. Ny voalohany manome fanantenana handrosoana hizara sy hitantana ho amin'ny fahatsarana, ny anankiray kosa miparitaka.
Ka sao dia lasa io fomba fitory miparitaka io no entintsilka handraisana ny namantsika avy ka izay no ataoko hoe mampibanjina ny olona hanatrika an'Andriamanitra no mety amin'izao fotoana izao fa tsy ny mitsaratsara foana ka manjary mampiseho fiatahana amin'ny lalana mahitsy sy ny fo madio.
Izay ilay izy Kiriah fa aza dia malaky mitsara ianao ka hanao hoe : " FA TY MIHARENA TY VE DIA TENA EFA NIDIRAN NY FAHAHY MAMITAKA SA AHOANA E ?????? "
Tsy izay velively satria ny mitondra hazavana tsy handairan'ny haizina na ny fitaka ary tsy hamitaka anareo mihitsy aho raha mbola manana fahatsoram-po mizara izay azoko.
