Nandritra ny andro vitsivitsy nirotsahan'ny orambe teto an-drenivohitra sy ny manodidina dia nahitana fiakarana ireo renirano . Hatramin'izao aloha dia tsy mbola misy atahorana izay hahavon'ny rano izay.
Noho ny fikaran'ny rano eny amin'ny kaominina Ankadikely Ilafy sy teny Sabotsy Namehana dia trano maromaro no rava ka nahatonga tra-boina roapolo mahery teo.
Vokatry ny ady lova dia trano iray etsy Isotry no noravaina androany maraina ka nahatonga savoritaka teny an-toerana. Misy tamin'ireo mpandova no tsy nanaiky ny handravana ity trano ity.
Nitokona ireo mpivarotra mpanofa trano eva etsy amin'ny toeram-pivarotana lehibe iray etsy Analakley, izay tazomina teratany sinoa. Araka ny fanazavana dia teraka ny disadisa noho ny tsy fanajan'ilay sinoa ny fifanarahana nifanaovana tamin'ny volana jolay 2011.
Mbola mitohy ny adi-hevitra mikasika ny asa fikarohana ny fasi-mainty any amin'ny distrikan'i Manakarana.Nanamafy ny fitakiany amin'ny hampitsaharana ny tetikasa ny filohan'ny delegasiona manokana.
3 taona mahery izao no noezahana novarotana ny fiaramanidina Air Force II. Izany hoe hatramin'izay dia nijanonana tsy afaka nanidina izy ity. Ny teknisiana anefa dia manamarika fa vao maika mampihena ny vidiny ny fijanonany tsy manidina izay. Tokony hanapa-kevitra haingana ary ny fitondrana hoy izy ireo.
Navesatra ny fandaharam-potoan-dramatoa Ramalason Olga, minisitry ny varotra, ny herinandro lasa teo. Nidina tany Toamasina ny tenany nandray ireo vary nafarana avy any Birmanie, nanadihady akaiky mikasika ny sehatry ny jirofo, ary niara-nivovry tamin'ireo mpandraharaha any an-toerana.
Ao anatin'izao taona vaovao izao kosa dia nanamafy hatrany ny fanamby rehetra napetrany ny filohan'ny fahefana tetezamita Andry Rajoelina. Raha ny sosialy manokana dia notsindriny fa mitohy ny fizarana ny trano mora amin'ny alalan'ny atsapaka.
Nivalona ny taona 2011, miditra ny taona vaovao isika. Nanamarika iny taon-dasa iny ny krizy politika, ary azo lazaina ho tena nampiferinaina sy navaivay tamin'ny vahoaka mihitsy.
