Namorona ity lohahevitra ity aho, mifameno @ lohahevitra ilany io, fa... indraidray rahefa "araka ny baiboly" ny lohahevitra tianareo ifanakalozana, dia lasa H.S izay hafa mivoana, nefany mba te-hanitatra ny resaka (sy fahalalana) ihany ny tena...

Fa lalina tokoany ny lohahevitra.. manomboka mamakivaky ny Wikipedia : La mort (mythologie) ary dia mila vabahana tokoany hoe ahoana ny an'ny gasy, ahoana ny an'ny kristiana, ets...

Ny anay rehefa maty ny olona dia mankany Ambondrombe sy Tsiafajavona ny fanahiny. Ary indraindray ireo miverina mitsidika ary mitahy ny velona. Misy koa anefa manangatra ka mampitahotra ny velona.

Misimisy boky zareo eo @ google fa ndao mba iaraha-mandalina


- boky ... L'Identité Malgache

- boky ... La mort et les coutumes funeraires a Mada

Aleo angamba ilay boky nosoratan'i Malagasy toa an'i Ravelojaona no jerena sy dinihina, satria io tsy mbola nisy dikateny no sady ny Malagasy mihintsy no nanoratra azy.
Dia ho resahina eto ny hoe Ampasandrailaolona, Ampasamanantongotra, Fasambazimba sy ny Sakalava diso. Ny hoe maninona no mangataka fitahiana amin'ny razana sy mamadika ny Malagasy sasany? Tsy ny Malagasy rehetra tokoa mantsy no mamadika.

Dia maninona ny Malagasy no mandany vola amin'ny fanaovana fasana? Ary ny fasan'ny foko sasany dia lehibe lavitra noho ny trano onenany sy asiana haingo mihintsy?

Maninona no volena vahoana ny fasana?

Maninona ny isa faha 12 no isa nomena ny razana, ary ny zoro avaratra atsinanana no natokana ho an'ny razana zanahary?

Ny tena mahavariana amin'ny resaka fahafatesana dia ity: ny olombelona ihany no tena mahita holazaina amin'azy ity kanefa ny zavatra noharin'Andriamanitra rehetra dia mandalo amin'io fahafatesana daholo (ny hazo, ny biby, sns ...)

Raha izany no jerena dia lalàna voa-janahary ny fahafatesana, miainga amin'ny fahaterahana, fitomboana ara-batana, tonga amin'ny fahanterana ary miafara amin'ny fahafatesana; mandalo amin'izany daholo ny voary iray manontolo fa tsy ny voalaza ho taranak'i Adama sy Eva irery ihany.

Ao aorinan'ny fahafatesana ny olona dia mitady lalàna hafa toy ny hoe miandrandra izany paradisa izany na mitsaoka hanalavitra izany afobe izany... Maro nyresaka manodidina izany afobe sy paradisa izany indrindra fa ao amin'ny baiboly... Tsy hiditra lalina momban'izany aho fa sarotra takarina be izany satria ny maty tsy mbola nisy niverina nitantara izay any ankoatra any.

Ny zavatra fandre koa indrindra fa ry zareo tatsinana dia mivoy ny atao hoe reincarnation, ary fandre koa ny fisian'ny matoatoa sy ny avelo,

Raha ny eto madagasikara indray dia misy hono izany lolo vokatra izany (izaho aloha tsy mbola nahita) ary misy koa foko iray no voalaza fa misy olona mivadika ho bibilava (fanano) rehefa maty...

Ny fahafatesana
Araka ny avim-potoana niainana teto Madagasikara, sy araka ny faritra misy no amaritan'ny olona na ny foko iray ny hoe inona no miandry.

Tsara aloha ny manamarika kely fa taloha dia nisy ireo Foko tsy nanaja izany olona maty izany mihintsy, toa ny teto Imerina, ny Betsimisaraka, ny Betanimena, ny Bara. Tsy nanana fasana akory aza izy, fa dia nasitrika tamin'ireny heniheny sy honahona ireny fotsiny ny faty. Io ilay hoe iray petsapetsa. Saingy taty aoriana rehefa tonga ny arabo ary nandalo teto ny Tanosy sy ny Sakalava niampy ireo piraty dia izay vao gaga ny olona fa tokony hanao fasana. Saingy ny vazimba kosa dia efa nanana ny fasany hatrany hatrany. Misy faritra eto Madagasikara, izay fady mihintsy mandrak'ankehitriny mamboly vary eny amin'ireny horaka ireny, fa dia tsy maintsy eny an-tehezan-tendrombohitra no volena ny vary noho io antony io.

Dia ireto arabo tamin'ny faritra atsimo atsinanana, sy faritra andrefana, ary ry Rabiby, ny Tanosy sy Tandroy no tena nanisy hasiny izany olona maty izany. Mbola henontsika hatramin'izao ohatra ny hoe fasan-tSakalava, ary atahorana mihintsy. Ny fasam-bazimba ihany koa. Satria ny tompon'ireny fasana ireny no nanome hasina an'ireo havany maty.

Dia ny foko avy amin'ireo faritra ireo no tena nametra sy nahatonga ny rehetra nino ilay hoe ny fanahy tsy mba maty. Rehefa avy eo moa niditra ny fivavahana kristianina dia vao maika niha mafy ny finoana ilay hoe ny fanahy tsy mba maty.

Eo aloha

Misaotra an'i Endriny.. mamahabaha sy mizara etoana ny fandraisan'ny Malagasy ny Fahafatesana..

Ny fahazoako azy indray koa dia :
1- misy "fiainana" koa aorian'ny Fahafatesana, fa lasa "Razana" hono raolona, ary tena karakaraina (ny misy) ireo "Razana" @ fombafomba, @ fasana/famadihana
2- ary ny "Razana" dia mitahy

Eto izao dia afaka ampifandraisana @ fandraisan'ny Kristiana ny fiainana any ankoatra ny fisian'ny "Razana" (1)

Fa kosa, raha ny @ hoe "mitahy" (2), dia toa mizara hevitra ny samy Kristiana, ka raha "mitahy" ny Masina, na koa aza izay any @ paradisa hono, ho an'ny Katolika ohatra (izay o?), dia tsisy an'izany kosa hoy ny Protestanta (hitako avy t@ Wikipedia: intercession of saints)

Dia ts'haiko aloha 'nareo, fa rahefa mandinika an'izany aho, dia miverina indray @ nolazain'i Endriny tatsy @ ilany tatsy hoe : "ny olona ihany mamaritra ny atao hoe ...". Ka eto izany dia ny "olona" ihany no mamaritra hoe iza no mitahy na tsia.

Ny olona maty taloha tamin'ireo foko voalazako ireo dia tonga dia alevina ny androtry ny nahafatesany ihany. Ny an'ny Betanimena ohatra dia misy atsipy any anaty ranomasina mihintsy. Ny olona maty dia nantsoina hoe: Biby teo amin'ireo foko ireo (merina, Bara, Betsileo, Betsimisaraka, Betanimena)

Ho an'Antananarivo fahiny dia i Petsapetsa, na Andranobevava na Masay moa izy izany izao e, io no fanitrihan'ny Ntaolo ny olona maty.

Fa rehefa tonga kosa i Rabiby, dia izy no nitondra ny fomba fandevenana misy ankehitriny teto Afovoan-tany. Nony avy eo moa dia noteren'i Ralambo hiantso ny fatin'Andriamanjaka hoe masina ny mponina, ary raha mandevina dia tsy fiteny intsony ny hoe manary biby, fa natao hoe manitrika ny masina. Nanomboka teo amin'i Rabiby no nankalazana ny hoe ny fanahy tsy mba maty.

Fa ny tany amorontsiraka sasany moa sy ho an'ny Vazimba dia efa ela no nilaza io fiteny io. Ka izany no nahatonga ny vazimba tsy mba niady raha naka an'Ankotrokotroka i Rabiby, fa naleony niala mora satria ny tany fandalovana.

Ny mahavariana amin'ny vazimba dia izy manao fasana eny an-tamponkavoana matetika. Satria eny no ifanenan'ny Zanahary sy ny fanahiny. Tendrombohitra ihany koa anefa no nasiany ireo sikidiny. Saingy ny vohitra misy ny sikidy dia ivaiva noho ny misy ny fasana. Toa midika io fa ny olona na ny fanahin'ny olona dia ambony noho n'ny sikidy. Natao ambony ihany koa ny fasana mba hitahy ny velona sy ny toerana fivelomany.

Raha zohiana ara-tsiansa io fomba fandevenan'ny Vazimba io. Dia io no manakaiky kokoa ny tsingerina ara-tsakafo sy ny fitandroana nt tontolo iainana satria dia miainga avy eny an-tendrombohitra daholo ny fikorianan'ny rano sy ireo mineraly maro samy hafa, izany hoe ny hery. Ka ny fametrahana ny fasana eny dia mamerina ny hery ara-boajanaharin'iIlay vohitra.

Amin'ny maraka indray

Ho an'ny foko sasany, ny olona maty dia mety mivadika biby. Toa ny finoan'ny olona ao amin'ny farihy Ravelobe, na ny ranon'i Mananara, na ny ranon'i Menarandra, Andevoranto ary Anivorano. Misy koa anefa no lazaina fa lasa fanano fitoloha www.google.com/?gws_rd=ssl#q=multi+head+snakes+images&facrc=_&imgrc=3D_0W6DAA7yKGM%253A%3Bundefined%3Bhttp%253A%252F%252F4.bp.blogspot.com%252F-JHM58piY_vo%252FUDK3Tz_kooI%252FAAAAAAAAD8U%252Fu-Ypi5DEKwI%252Fs400%252FTwelve-headed_cobra%2525252C_bigger.JPG%3Bhttp%253A%252F%252Fkarlshuker.blogspot.com%252F2012_08_01_archive.html%3B400%3B380.
Fa ny maro mpiteny dia ny fanahin'ny olona lasa any Ambondrombe, na Manjakatompo...
Misy koa ireo hoe miverina sy miaina miaraka amin'ny velona ka miseho amin'ny alalan'ny tromba.

ohabolana Malagasy:
"Raha Razana Tsy Hitahy, Mifohaza Hiady Vomanga."

Koa raha io, raha ny fahazoako azy, dia
- "misy" aloha ny "ho aleha" aorian'ny fahafatesana : lasa "Razana"
- ireo izay lasa "Razana" dia tsy lasa lavitra fa mbola eo anivon'ny velona
- ary manao raha ho an'ny velona (mitahy)

Tsy haiko aloha anefa raha avy @ Foko iza ity ohabolana ity.

Fa ny fiseho ivelany (heverina fa) ahitan'ny velona ny Razana izany dia ireo notanisain'i Endriny ireo (arakaraky ny Foko).

oha-pitenenana Malagasy:
"Lasana Any Amin'Ny Vary Tsy Mifody."

Koa raha io, dia tsy miverina ho velona intsony ny efa maty (ka lasa Razana) raha ny fahazoako azy.

Fa raha ny fahatakarako h@ izao kosany, dia ny "ao aorian'io maha-Razana azy io", dia TSISY milaza mihintsy hoe, lasana any @ toerana hafa indray ny Razana.


Tiako avoitra fotsiny ireo, hitarafana ny revy Kristiana.. Satria mantsy ny Malagasy dia tsy afaky ny maha-Malagasy. kanefa ny maha-Malagasy azy, toa ireo voalaza ireo, dia toa tsy mifanaraka @ revy Kristiana : Aiza ho aiza ny "Paradisa" sy ny "Helo", ny "Fitsarana Farany" sy Md Petera sns...

Toa TSY mahita an'izany @ Malagasy aho.

rhaj0:

oha-pitenenana Malagasy:
"Lasana Any Amin'Ny Vary Tsy Mifody."

Somary ahitsiko kely aloha ity e: "varo-tsy mifody" no fiteny azy. Fomba fiteny ireo olona lasa namidy natao andevo fahiny, ka tsy afaka ny hiverina amin'ny tany niaviany na tsy hilevina amin'ny toerana niaviana intsony.

Dia any dia any, ny efa maty dia maty ary Razana hoy ianao. Marina io, saingy ny Malagasy izany moa lasa nino ilay hoe Razana mitahy. Dia io no toa ataon'ny olona fandrabiana hoe: mifohaza tao hiady vomanga rehefa tsy hitahy. Io mbola taratr'ilay hoe taloha dia tsinotsinona izany olona maty izany teo amin'ny Malagasy. Fa taty aoriana nilazana izy fa mitahy ny Razana, ary ny fanahy tsy mba maty dia lasa niova ny fomba. Kanefa io teny toa maniratsira Razana io dia azo itarafana tsara ny ahoana marina mo tena fijerin'ny Malagasy sasany taloha izany hoe Razana izany.

Ho an'ny Tandroy na ny Sakalava, dia asiana ireo sary mba nofinofin'ilay Razana fony izy velona ny fasana. Satria ry zareo dia nino foana fa ny olona raha maty dia velona ny fanahiny, ary mitahy. Ka na ny fasana aza dia misy faritra tsy azon'ny velona itsahina raha tsy hanao fombafomba.