Hevero anie ireto fomba fijery 3 ireto :

- misy mpanao "délivrance henjana", ataontsika hoe Rafidilala no anarany, izay milaza an'i Rakoto fa hositraniny ny areti-nifiny. Mametra-tanana @ Rakoto ingahy ary mivavaka. Nony vita ny vavaka anefa dia tsy lasa ny areti-nify. Tsy miraharaha i Rafidilala fa milaza @ hoe : "Ianao ihany no mahatonga an'izay : tsy ampy finoana ianao !"

- mifanandrina @'olona izay manome azy hevitra maromaro ny kristiana 1 ary tsy hainy ny mamaly azy ireo. Hoy izy hoe : "Tsy raharahako izay tenenin'ny olona. Mbola hino foana aho !"

- nilaza ilay tsi-mpino malaza Mark Twain hoe : "Ny finoana dia mino zavatra izay efa fantatra fa tsy marina."

Aiza @'izay ny diso ?

Izao no valiny : tsy mba izay ny tena finoana ara-Baiboly. Ny famaritan'i Twain izao, na dia somary négative aza, dia manambara tsara ny fomba fiheveran'ny ankabetsahan'ny olona (na kristiana na tsia) ny finoana, fa saingy tsy mifandraika @ famaritana ara-Baibolin'ny finoana ilay izy. Hitantsika koa @ ohatra hafa fa diso be ny fiheveran'ny mpino ny finoana tokony ananany.

Ny finoan'ny kristiana voalohany dia tsy mba nidika finoana "zavatra izay efa fantatra fa tsy marina".

Ny voambolana Grika izay nadika hoe "finoana" @ Testamenta Vaovao dia "pistis". Nampiasaina ho voambolana retôrika koa ilazàna ny "pièce à conviction" ilay izy. Nampiasa an'izay teny izay t@'izay fomba izay i Aristote sy Quintillien, ary hita ohatra @ Asa. 17:31 koa izay : satria Izy efa nanendry andro iray, izay hitsarany izao tontolo izao amin’ ny fahamarinana amin’ ny alalan’ ny Lehilahy iray voatendriny, koa efa nanome vavolombelona hampino ny olona rehetra izany Izy tamin’ ny nananganany Azy tamin’ ny maty. (Avy amiko ny soramandry)

Raha ny 1 @ ohatra 2 voalohany no mifandraika @ fiheveranao ny finoana dia gaga angamba ianao. Lazaina ho porofo fa hitsara an'izao tontolo izao indray andro any ny fitsanganan'i Kristy t@ maty. Kanefa, rehefa banjinina ny asa fitoriana Filazantsara velabelarin'ny Asan'ny Apôstôly dia tokony tsy ahagaga, ary mampianatra antsika lesona 1 izany.

Ity misy zavatra hafa mampieritreritra : misy toerana @ Testamenta Vaovao izay ahitàna olona manome ny fijoroany vavolombelona manokana ve ?
Misy, fa saingy @ Fi. 3. Mijoro vavolombelona momba ny fiainany taloha izy, fa saingy kristiana tahaka azy no anoratany. Tsy ampiasainy hitoriana ny Filazantsara @ tsi-mpino izay.
Raha ny tena marina dia tsy ahitàna misiônera manome ny fijoroany vavolombelona manokana ny Testamenta Vaovao.

Misy antony mitombina izany. Nihevitra ny toe-panahy ho tsy miovaova ny olona taloha. Tsy antom-pivelomana ny fiovàna toe-panahy satria neverina fa zavatra tsy hay atao izany. Izay koa no nahatonga ny Fiangonana hanahiahy momba ny fiovan'i Saoly, hatr@ nijoroan'i Barnabasy (izay angamba nahafantatra azy taloha) momba azy.

Kanefa jereo tsara : tsy hahita an'izay karazan-javatra izay ianao @ Testamenta Vaovao : Asa. 2:48-25 : Ary nitsangana i Petera ka nanao hoe : Ry lehilahy sy rahalahy, mijoro vavolombelona etoana aho fa nifoka ravintsinapy, nisotro toaka, niteny blasfemia isan'andro, ary maimbo trondro @'izany. Fa rehefa niditra t@ foko ny tompo Jesoa Kristy dia nanjary olom-banona aho. Androany dia tsy mifoka, tsy misotro, tsy miteny ratsy intsony aho, sady mandro isan'andro. Voninahitra anie ho an'ny Tompo !

Toy izao kosa ny zavatra hita @ Testamenta Vaovao :
Asa. 2:22-36 : Ry lehilahy Isiraely, mihainoa izao teny izao: Jesosy avy any Nazareta, lehilahy nasehon’Andriamanitra teo aminareo tamin’ny asa lehibe sy ny fahagagana ary ny famantarana izay nampanaovin’Andriamanitra Azy teo aminareo, tahaka ny fantatrareo ihany, Izy efa natolotra araka ny saina niniana sy ny fahalalan’Andriamanitra rahateo, dia nohomboanareo sy novonoinareo tamin’ny tanan’ny olona tsy tan-dalàna; fa Andriamanitra nanangana Azy, rehefa nahafaka ny fanaintainan’ny fahafatesana, satria tsy laitr’izany hohazonina Izy. Fa Davida milaza Azy hoe: Nijery an’ i Jehovah teo anatrehako mandrakariva aho; Satria eo ankavanako Izy, mba tsy hangozohozo aho, Dia izany no nifalian’ ny foko sy niravoravoan’ ny lelako; Ny nofoko koa hitoetra amin’ ny fanantenana; Fa tsy ho foinao ho any amin’ ny fiainan-tsi-hita [Gr. Hadesy] ny aiko; Ary tsy hamela ny Iray Masinao ho tratry ny lò Hianao; Nampahafantatra ahy ny lalan’ aina Hianao; Hampifaly ahy indrindra amin’ ny tavanao [Sal. 16. 8-11]. Ry rahalahy, aoka aho mba hilaza aminareo marimarina ny amin’i Davida patriarka, fa efa maty izy ka nalevina koa, ary ny fasany eto amintsika mandraka andro-any. Ary satria mpaminany izy ka nahalala fa Andriamanitra efa nanao fianianana taminy fa izay hateraky ny kibony no hipetraka [Na: hapetrany] eo ambonin’ny seza fiandrianany, koa raha nahita rahateo izy, dia nilaza ny fitsanganan’i Kristy, fa tsy nafoy ho any amin’ny fiainan-tsi-hita [Gr. Hadesy] Izy, ary ny nofony tsy tratry ny lò. Izany Jesosy izany dia efa natsangan’ Andriamanitra, ary vavolombelon’ izany izahay rehetra. Ary rehefa nasandratry ny tanana ankavanan’ Andriamanitra [Na: ho eo an-tanana ankavanan’ Andriamanitra] Izy, ary nandray tamin’ny Ray ny Fanahy Masina Izay nokasainy, dia efa nampilatsaka izao hitanareo sy renareo izao Izy. Fa tsy Davida no niakatra tany an-danitra; fa hoy izy: Jehovah nilaza tamin’ny Tompoko hoe: Mipetraha eo an-tanako ankavanana Ambara-panaoko ny fahavalonao ho fitoeran-tongotrao [Sal. 110. 1]. Koa aoka ho fantatry ny taranak’ Isiraely rehetra marimarina fa iny Jesosy nohomboanareo tamin’ny hazo fijaliana iny dia efa nataon’ Andriamanitra ho Tompo sy Kristy.

3 loha ny porofo nampiasain'i Petera :
- ny famantarana sy ny fahagagàna nataon'i Jesoa
- ny fasana efa foana
- ny fanatanterahan'ny faminaniana @ Testamenta Taloha
Niantso porofo izy. Azon'ny olona atao ny miady hevitra momba ny hamarinan'ny porofo aroso, fa saingy resaka hafa izay. Ny tiana iaviana dia fotoran'i Petera @ porofo, araky ny famaritan'ny voambolana "pistis" hitantsika @ Asa. 17:31, ny finoany an'i Kristy.

Ka alohan'ny iverenana hamaky lahatsoratra maro samihafa momba ny finoana dia tsarovy mandrakariva ireto teboka 2 ireto :
- tsy midika izany fa tsy mety ny fijoroana vavolombelona manokana. Ampiasaina ho fanamarinana ny finoana kristiana matetika ny fijoroana vavolombelon'ny fiainana voaova. @'ity fiaraha-monintsika tsy mahalala tantara intsony (ny sasany @'izany dia tsy mahalala akory fa Praiministr'i Andriandranolava i Baroa lazaina @ fiteny hoe "Fanjakan'i Baroa") dia mety mahomby kokoa izay tetika izay nohon'ny adi-hevitra momba ny fasana foana indraindray.
- vitsy ihany ny tranga iheverana an'ity fomba fijery ny "pistis" anank1 ity. Ahazoantsika famantarana momba ny toetoetran'ny dikany hafa ity dikany 1 ity. Ampiasaina matetika ilazàna ny finoana kristiana @ maha-tamba-kevitra azy. @ andavanandro dia ampiasaina @ dikany hoe fahatokiana izay ananana @'ilay olona ananana trosa ilay izy (i Kristy eto).

Manomboka avy eto dia azontsika itarina ity fehin-kevitra ity. Ny fifandraisan'ny mpino sy Andriamanitra dia neverina ho tahaky ny fifandraisan'ny mpanjifa sy ny mpamatsy (fournisseur) t@ andro taloha. "Mpanjifan'Andriamanitra" isika. Nofoanany maimaim-poana ny trosantsika. Nohon'izany dia tokony hahatsiaro mandrakariva ny adidy tandrify antsika eo anatrehan'ilay nananantsika trosa (Andriamanitra) sy ny fikambanana misy antsika (ny vatan'i Kristy, na ny Fiangonana).

Ity "fahatsiarovana mandrakariva" ity no fanehoantsika ny fahatokiantsika, izany hoe izay no "pistis"-ntsika, na finoantsika. Tsy "fihetseham-po" ny finoana fa voadintsika hatoky ary ho mpanompo mahatokin'ilay mpamatsintsika (Andriamanitra), izay nanome fanomezana mivaingana antsika (Kristy) ka nanaporofo t@'izany fa mendriky ny fahatokisana Izy.

Rehefa zohina ny antontan-kevitra etsy ambony dia tsy fifandraisan'ny "samy akama" ny finoana an'i Kristy tena izy, fa fifandraisan'ny mpanompo sy ny Tompo.
Ankehitriny mantsy dia lazaina fa "akamantsika" i Jesoa ary tokony resahina tahaky ny firesaka @ "bandy akamantsika". Mazava loatra fa tsy mitombina mihitsy ilay izy.

Onena momba ny olona izay nilaza fa niresaka t@ Jesoa isa-maraina t@'izy niharatra i John McArthur. Nilaza t@ izy hoe : "Dia mbola miharatra ihany ve ianao rehefa miresaka @ !?" Tsy mba nitovy t@ fomba vantambantana ifandraisantsika @'Ilay Tsitoha ny fiheveran'ny olona fahiny an'izay. Raha ny marina dia zarany raha mba efa nahita ny tavan'ny mpamatsy (Andriamanitra eto) ny mpanjifa, ary tsy dia nifandray imbetsaka be manahoana t@ mpanera (i Kristy eto) koa izy. Ka rehefa nilaza i Jesoa fa tokony mangataka zavatra @'Andriamanitra @ anarany isika dia tsy midika izany tsy akory fa tokony antsoantsoina isaky ny misy filantsika kely Izy mba ho tanteraka araky ny faniriantsika ilay izy.

Mirodana koa ny resaka "fifandraisana personnelle" eo anatrehan'ny "fifandraisana mpanjifa-mpamatsy" rehefa fantatra fa hevitra nipoitra voa haingana ilay izy. Kolon-tsaina collectiviste ny kolon-tsaina t@'izany andro izany. Tsy dia nifankafantatra tsara tahaky ny fahafantarantsika olona môderina ny olona, izany hoe @ fomba manokana sy misongadina, @ lafin'ny toe-tsaina. Tsy neverina ho tontolo ara-toe-tsaina misongadina ny olona. Mazava loatra fa nisy ny toetra mampisongadina ny ts11. Kanefa tsy neverina ho zava-dehibe na mahaliana ilay izy.
Mariho tsara fa mety heverin'ny olona ankehitriny ho fohy saina na voapotsipotsika mafy na matahotra ny hafa ny olona ankehitriny. Hitantsika @'izany ny fihatsarambelatsihin'ny tsi-mpino milaza fa nanana toe-tsaina "obsédé" i Paoly, na nanao toetra mamotsipotsika ny hafa izy sy ny hafa.

Ny fehin'izay dia vokatry ny toe-tsaina ankehitriny ny resaka "fifandraisana personnelle @ Jesoa". Amboarina @ endrintsika Andriamanitra. Izay no atao hoe fanompoan-tsampy.

Ampiasaina in-240 ny voambolana "pistis" ka ho lava loatra ny mibanjina azy rehetra. Kanefa mora foana ny mampisongadina ny mora hita indrindra :
Mt. 8:5-10 : Ary nony tonga tao Kapernaomy Jesosy, dia nisy kapiteny anankiray nankao aminy ka nitaraina taminy nanao hoe: Tompoko, ny ankizilahiko mandry ao an-trano, mararin’ny paralysisa ka mijaly loatra. Dia hoy Jesosy taminy: Ho avy Aho hahasitrana azy. Fa namaly ilay kapiteny ka nanao hoe: Tompoko, tsy miendrika hidiranao ao ambanin’ny tafon-tranoko aho; fa mitenena ihany, dia ho sitrana ny ankizilahiko. Fa izaho koa mba lehilahy manan-dehibe ihany ka manana miaramila izay feheziko; ary raha hoy izaho amin’ny anankiray: Mandehana, dia mandeha izy; ary amin’ny anankiray koa: Avia, dia avy izy; ary amin’ny andevolahiko: Ataovy izao, dia manao izy. Ary nony nahare izany Jesosy, dia gaga ka niteny tamin’izay nanaraka Azy hoe: Lazaiko aminareo marina tokoa fa tsy mbola nahita finoana lehibe toy izany Aho na dia tamin’ny Isiraely aza.

Miharihary eto tsara ny famaritan'ny 'finoana' hoe fahatokiana na fahatokisana ny mpamatsy mendrika eto. Nahafantatra ny fahaizan'i Jesoa manao fahagagàna ny kapiteny (and. 8). Tsy "an-jambany" ny finoany fa nifototra t@ porofon'ny asa efa nataon'i Jesoa t@'izany. Neveriny ho mendriky ny fahatokisany i Jesoa. Izay no nahatonga azy hiantso vonjy @.

Izay koa no karazana 'finoana' asehon'ny olona nanatona na naterina t@ Jesoa mba ho sitranina. Ilay lehilahy nararin'ny paralysisa, ilay vehivahy nandeha ra nandritry ny 12 taona, Jairo, ilay jamba @ Mt. 9 ary ilay vehivavy kananita @ Mt. 15 samy nahafantatra ny fahaizan'i Jesoa manao fanasitranana mahagaga.
Azon'ny sasany atao ny miady hevitra hoe tsy marim-pototra ny fahatokisan'izy ireo satria mpandrebireby saim-bahoaka Izy, fa saingy resaka hafa izay. Ny tiako lazaina eto dia tsy "finoana an-jambany" ny finoana ara-Baiboly.

Mt. 17:19-20 : Dia nankao amin’ i Jesosy mangingina ny mpianatra ka nanao hoe: Nahoana izahay no tsy nahavoaka azy? Ary hoy Jesosy taminy: Noho ny fahakelezan’ny finoanareo ihany; fa lazaiko aminareo marina tokoa: Raha manana finoana hoatra ny voan-tsinapy iray aza hianareo ka hiteny amin’io tendrombohitra io hoe: Mifindrà er?, dia hifindra izy; ary tsy hisy tsy ho hainareo hatao.

Izay no anisan'ny tapan'ny Baiboly tena fampiasan'ny olona tahakan'i Rafidilala teo.
Kanefa ny zavatra tokony tonga @ saintsika rehefa mahita hoe "finoana" dia ny "fahatokiana" ary rehefa mahita hoe "fahakelezan'ny finoana" dia ny "tsy fankatoavana". Raha mijery ny Baiboly Prôtestanta ianareo dia ho hitanareo fa tsy tao anatin'ny lahatsoratra mahatoky indrindran'ny Evanjelin'i Matio ilay and. 21 miresaka momba ny fifadian-kanina sy ny vavaka. Ho hitanareo koa @ Mk. 9:29 fa ny resaka 'vavaka' ihany no tao anatin'ny ôrijinaly.
Ka endrika ahoana izany no nisehoan'ny tsy fankatoavana sy ny tsy fahatokian'ny Mpianatra ? Satria tsy ampy ny vavaka (firesahana @'Andriamanitra) nataony. Satria nanjary nieritreritra izy ireo fa herin'ny tenany no nahavitany fandroahana demony fa tsy heri avy @'Andriamanitra.

Mariho tsara fa milaza ny Mk. 9:14-16 fa niady hevitra ny Mpianatra sy ny mpanora-dalàna. Angamba naka fanahy azy ireo handroaka an'ilay demony izy ireo. Mifandraika @ lesona omen'ny Lk. 10:17-20 izay toe-javatra izay :
Ary ny fito-polo lahy niverina tamin’ny fifaliana ka nanao hoe: Tompo ô, na dia ny demonia aza dia manaiky anay noho ny anaranao. Fa hoy Jesosy taminy: Izaho nahita an’ i Satana latsaka avy tany an-danitra tahaka ny varatra. Indro, efa nomeko fahefana hanitsaka menarana sy maingoka sy handresy ny hery rehetra ananan’ny fahavalo hianareo, ka tsy hisy hampaninona anareo akory. Kanefa aza mifaly hianareo, satria manaiky anareo ny fanahy ; fa mifalia, satria voasoratra any an-danitra ny anaranareo.
Eto dia mampitandrina tsara i Kristy mba tsy hirehareha @ tena ka manadino ilay fahefàna tena ambadiky ny fandroahana demony.

Mitovy koa ny lesona azo tsoahina avy @ Mt. 21, izay misy an'i Jesoa milaza hoe : Ary Jesosy namaly ka nanao taminy hoe: Lazaiko aminareo marina tokoa: Raha manam-pinoana hianareo ka tsy miahanahana, dia tsy izao natao tamin’ny aviavy izao ihany no ho vitanareo, fa raha hiteny amin’ity tendrombohitra ity aza hianareo ka hanao hoe: Mifindrà hianao, ka mianjerà any an-dranomasina, dia ho tonga izany. Ary na inona na inona no angatahinareo amin’ny fivavahana atao amin’ny finoana dia ho azonareo.

Tadidio ny zavatra nodinihintsika etsy ambony. Tsy misy Jiosy izay hihevitra fa manana "carte blanche" hamadibadika tendrombohitra izy raha maheno an'izay. Amafisin'i Jesoa fotsiny ny fahavononan'ny Ray, @ maha-mpamatsy Azy, hitahy sy hanome fahasoavana ny mpino. Ity farany koa @'izany dia tsy andrasany hangataka ariary 100 am-pandriana, tahaky ny tsy andrasan'ny mpamatsy t@ tontolo Rômana taloha angatahan'ny kil-ny 1 000 000 000 sesterces ho laniana @ jeux vidéo :) . Olona manana finoana "pistis" izany dia tsy hangataka zavatra izay efa fantany fa tsy mifanaraka @ sitra-pon'Andriamanitra.

@ fomba fisainana Jiosy dia masi-mandidy Andriamanitra. Tsy misy inona na inona mitranga raha tsy mahatonga na mamela an'izany hitranga. Ny fampianarana Jiosy voalohany dia nankalaza ny hatsaram-panahin'Andriamanitra, fa tsy nampanantena fa ho valiana ny vavaka rehetra ataon'ny olona rehetra @ vahoakan'Andriamanitra. Vitsy ny olon-kendry izay neverina ho mendriky ny mangataka ka mahazo an'izay rehetra iriny nohon'ny finoany. Ary na dia izany aza dia ny finoany mihitsy no ahazoana antoka fa tsy niredareda nangataka an'izay rehetra danin'ny kibony izy ireo, fa izay neveriny ho sitrapon'Andriamanitra ihany. Anisan'izany i Hanina ben Dosa sy Honi ilay Mpanao Faribolana. Ny fiantsoana hivavaka amim-pinoana tahak'izao dia natao @ fiheverana fa ilaina ny fo mino sy milefitra @ sitra-pon'Andriamanitra.

Voafaritry ny contexte tsara ny zavatra tokony angatahana @ vavaka. Ny Vavaky ny Tompo dia mampianatra antsika hivavaka ho an'ny filantsika andavanandro (Mt. 6:11). Tsy milaza mihitsy ilay izy hoe : "Omeo anay anio ny Playstation 3 sahaza anay".
Ny trondro sy ny mofo @ Mt. 7:9-10 dia sakafo fototra ho an'ny Palestiniana, tahaky ny vary amintsika gasy, ary nomena an'izay matetika ny ankizy. Ka azontsika atao ny mangataka zava-tsoa (Mt. 7:11). Ny hoe "zava-tsoa" dia milaza matetika fanambinana, fa mety midika koa hoe voka-pambolena izay zarain'ny olo-marina @ hafa.

Tsy mifandraika na @ fomba fisainana Jiosy na @ fomba fisainana mpamatsy-mpanjifa Rômana ny fiheveran-diso fa manome alalana antsika hangataka an'izay rehetra irin'ny fitiavan-tenantsika na zavatra mifanohitra @ faniriana sy ny sitra-pon'ny mpamatsy ilay resaka famindràna tendrombohitra.

Mk. 4:39-40 : Ary nifoha Izy, dia niteny mafy ny rivotra sady nilaza tamin’ ny ranomasina hoe: Mangina, mitsahara. Ary dia nitsahatra ny rivotra, ka tony tsara ny andro.40 Ary hoy Izy taminy: Nahoana no saro-tahotra hianareo? Tsy mbola manam-pinoana va hianareo?

Mora kely ny mamantatra fa fananarana anaovan'i Jesoa ny Mpianany nohon'ny tsy fahampian'ny fahatokisany sy ny fahatokiany, zavatra izay sahazany satria efa nanao fahagagàna sy famantarana betsaka teo anatrehany, ity.

Mk. 6:5-6 : "Ary tsy nahazo nampiseho hery akory Izy teo, afa-tsy ny nametraka ny tànany tamin’ny olona marary vitsy foana ka nahasitrana azy. Ary gaga Izy noho ny tsi-finoany. Dia nitety ny vohitra manodidina Izy ka nampianatra."
Maro ny tsi-mpino nitanisa an'ireto andininy ireto tato ho ato. Milaza izy ireo fa mpisandoka izay mila ny olona sitraniny hanana "finoana" (tahakan'i Rafidilala ankehitriny) i Jesoa, ary niantsoantso ny tsi-finoany rehefa tsy nahasitrana aretina tena izy.
Ny feny izay nadika hoe "tsi-finoana" eto dia apistis (izany hoe tsy fananana "pistis", mazava ho azy).

Satria efa azontsika an-tsaina tsaratsara kokoa ny dikan'ny "pistis" dia efa fantatsika fa tsy avy @ Jesoa ny olana fa avy @ tsy fananana fahatokisana sy fahatokiana ny olona izay nanilika Azy. Raha misy mpamatsy manome fahasoavana ny mpanjifany, @ alalan'ny famafàna trosa ohatra, kanefa lavin'ny mpanjifa izany, moa tsy fanalam-baràka ny mpamatsy ve izany ? Torak'izay koa dia nanilika an'i Jesoa @ maha-mpamatsy azy ny olona na dia nomeny fahasoavana be dia be aza.
Ahazoantsika fomba fijery vaovao ny Mk. 6:4 hoe "Tsy misy mpaminany tsy hajaina afa-tsy eo amin’ny taniny sy ny havany ary ny ankohonany ihany" izay.
Tsy misy inona na inona nahafa-baraka toy ny fanipahana fahasoavana.

Ny antony tsy nahafahan'i Jesoa hanasitrana an'ireny olona ireny dia tsy mba ny fahampiana heriny fa ny tsy fahaizana mankasitraka sy ny fanilihana ny famatsiany mitondra fahasoavana nataon'ireny olona ireny. Aiza koa no hisy mpamatsy afaka na haniry ny hanao tery vay manta ny fahasoavany @ mpanjifa izay tsy mila an'izao ???

Farany andeha hojerentsika ity famaritana ny finoana izay ahodikodin'ny tsi-mpino mankafy ny famaritan'i Twain matetika dia matetika : Ary ny finoana no fahatokiana ny amin’ny zavatra antenaina, fanehoana ny zavatra tsy hita. (Heb. 11:1)

Finoana an-jambany ve :) ? T-t-t-t ! Ny lisitra manarakaraka an'ity andininy ity dia mitanisa olona izay nahazo porofo tsy azo lavin'ny fisiana sy ny herin'Andriamanitra. Ny "pistis" voalaza eto dia resaka fahatokisana an'Andriamanitra, izay naneho ny maha-mpamatsy mahatoky Azy. Ny ohatra omena dia mpanjifa izay nahafantatra an'izay fahatokian'Andriamanitra izay. Efa nahita izy ireo fa mpamatsy mahatoky Andriamanitra ka natokisany ;) .

Eto izany dia milaza ny Heb. 11:1 fa ny finoana, izay fahatokisana mpamatsy mifototra @ famantarana sy porofo efa misy, dia fahatokiana (ny voambolana ôrijinaly dia midika hoe tenan-javatra mivaingana na fahatokiana an-tsaina) ny @ zavatra antenaina (ny voambolana eto dia midika hoe ampoizina noho ny fahatokisana, ary tsy maintsy mendrika an'izay ny olona 1 voa mahazo an'izay !), fanehoana ny zavatra tsy hita, izany hoe, raha arahina ny contexte, andrasantsika hanome fahasoavana maharitra ny mpamatsy, nohon'ny zavatra efa notanterahiny teo aloha, satria efa nanaporofo ny tenany ho mendriky ny fahatokisantsika @ alalan'ny ohatra efa nomeny, ary izay fahatokisana izay no ahafahana antenaina fa ho tanterahiny ny fampanantenany.

Finoana an-jambany ve ? Tsia tompoko. Mifototra @ zava-misy ny finoana kristiana ^_^.

Rehefa azontsika an-tsaina tsara izay dia andeha isika hiverina handinika ny ohatra @ voalohan'ny lohahevitra ary jerentsika ny mahavoa azy ireo.

- Rafidilala : Efa hitantsika @ Mk. 6:5-6 fa miredareda izy. Ny olona mahatoky an'Andriamanitra dia manana ny 'finoana' rehetra ilainy. Ny zavatra tsy azon'i Rafidilala dia tsy zavatra manome antsika carte blanche hahazo an'izay rehetra danin'ny kibontsika ity fahatokisana ity. Izay rehetra azontsika dia mbola ao anatin'ny fahasoavan'ny mpamatsintsika tsara fanahy.

- Ilay kristiana tsy nahavaly fanontaniana momba ny finoana kristiana : angamba manana an'ilay finoana araky ny famaritana tena izy izy, fa kosa mila mifototra @ zavatra marim-pototra ny finoany fa tsy mino an-jambany. Manentana antsika hamaly ny fanontaniana tahakan'ireny ny 1 Pet. 3:15-16 sy ny 2 Kor. 10:5 ary ny Jod. 3.

- Mark Twain : tahakan'i Rafidilala teo dia tsy azony mihitsy ilay izy. Ny finoana dia ny mino izay efa fantatsika fa marina sy azo antoka. Averiko indray mandeha, azo iadiana hevitra ny hamarinan'ny porofo, fa na izany na tsy izany dia tsy mba an-jambany ny finoana kristiana.

Fehiny : Raha kristiana ianao ka manana fiheverana ny finoana mitovy @ 1 @'ireto ohatra 3 ireto dia atolotro anao am-panetren-tena ity fanitsiana ity. Tsy tokony ho fahatokisana an-jambany ifikiranao na dia milaza ny sasany fa tsy izy ny finoanao. Tsy izay mihitsy no tanjony.
Hevero tsara izay : raha tokony an-jambany ka tsy mifototra @ famantarana ny finoantsika, nahoana Andriamanitra no mbola nanome fanambaràna antsika ? Nahoana i Jesoa no nanao fahagagàna eo imason'ny vahoaka rehetra ? Nahoana Izy no nampianatra ny momba ny Fanjakan'ny Lanitra ? Nahoana Izy no mbola niseho t@ Mpianany rehefa nitsangana t@ maty Izy ? Sns.

Raha tsy diso aho, jesosy, apolinisy ary simon dia iray tarika (generation) samy nanao fahagagana, samy nanana mpianatra. Ny tariky Simon dia ry md pierre sy paoly no nanafoana azy. Ny an'i Apolinisy dia mbola naharitra hatramin'ny andron'i Md lucien. Ireo olona telo ireo anefa tsy nisy nanoratra afa tsy Apolinisy. Ny an'i jesosy ny mpianany no samy nanoratra anefa ny zavatra nosoratany aza tsy noraisina daholo, fa nahilika ny ankabeazany rehefa niforona ny fiangonana.

Hadinoko moa ny nilaza taminao fa ny finoana telo : ziona, moslima ary kristianina dia sampam-pinoana avy amin' ny Zoroastira avokoa

H. S. izao. Sady ny an'ny Jiosy ary no talohan'ny zoroastrianisme :-) !

Jereo ny tantara, fa I Moizy no nanomboka nanafoana ny finoan'ny Israely Atra be dia be.

Jereo lalindalina kokoa fa tsy nino afa-tsy i Jehovah i Jakôba sy ny fianakaviany, fa nanjary nanompo ny sampin'ny Ejipsiana ny taranany.

Na izany na tsy izany dia mbola faux raisonnement génétique ihany ny anao : f'angaha rehefa ny sampy no ninoan'ny Isiraelita voalohany dia tsy maintsy iny no marina ?

Ny Atr'Israely dia iray amin'ireo sampim-pianakaviana nisy teo amin'ny zanak'Israely tamin'ny fotoan'androny. (vakio ny baibolinao) fa hitanao ao daholo iza avy ireo sampy nisongadina ka saika nahafaty ity lazaina fa Atr'Israely ankafizintsika izao ity.

I Mosesy novolavolaina sy nobeazina tao amin'ny lapan'i Egipta no tonga nahazo fampianarana fa na maro aza ny Atry ny Egipsianina dia misy ilay ataony hoe Atra lehibe, izay fisainana Zoro...

Mbola ho lava ny andro fa amin'ny manaraka e

Honohono tsy misy fotony

Nehemiah:

Honohono tsy misy fotony

Nga lasa honohono indray ny baiboly ?

Matetika rehefa tsy mahita tohan-kevitra ny namana dia miala amin'ny adihevitra amin'ny fomba hafahafa. Maninona raha mandaha-kevitra mazava fotsiny dia ampy?

http://fr.wikipedia.org/wiki/Troll_%28internet%29