Efa hitantsika t@ voalohandohan'ny lohahevitra fa ny olana voalohany rehefa mandinika ny Safo-drano dia ny mahavaly ny fanontaniana hoe : avy taiza ny rano rehetra, ary nankaiza ?

Zavatra voalohany, tokony tsaroantsika tsara fa tsy tokony mitady fahagagàna any @'izay tsy ilazan'ny Baiboly fahagagàna isika. Milaza ny Baiboly fa sazy ny Safodrano, fa tsy milaza mihitsy ilay izy fa fahagagàna no nahatonga an'izay. Ohatra tsara alaina ny hain-tany t@ andron'i Elia. Azo hazavaina @ fomba ara-tsiansa tanteraka ity hain-tany ity, kanefa tsy manamaivana tsy akory ny lanjan'ilay famaizana izany, fa kosa voalaza mazava fa fahagagàna ny nizaran'i Môsesy ny Ranomasina Mena sy ny nitsanganan'i Jesoa Kristy t@ maty.
Tiako marihina koa fa tsy "miangatra" @ lalàna natoraly napetrany Andriamanitra rehefa manao fahagagàna fa manampy hery hafa. Ohatra, tsy afaka mandeha ambony ranomasina ny olombelona raha tsy misy inona na inona mitazona azy ny olombelona. Fa kosa, raha mihantona @ helikôptera izy dia afaka manao an'izay. Mora azon'ny mpamaky boky super-héros izay ;) !

Kanefa moa milaza koa ny Baiboly fa vita t@ andro faha-6 ny Famoronana (Eks. 20:11, ny fiteny hoe "ny lanitra sy ny tany" dia midika hoe "izao tontolo izao 1 manontolo"), ka rehefa tsy milaza fa nisy fahagagàna (fanampian'ny herin'Andriamanitra) nitranga ny Baiboly dia tsy tokony hitady fahagagàna ho an'izay tsy haintsika hazavaina isika fa manao izay anazavàna ny zava-nitranga @ fomba ara-tsiansa isika. Izay koa no mahatonga ny finoana jodeo-kristiana ho hany finoana ahafahana iroboroboan'ny siansa, satria io finoana io ihany no milaza fa noforonin'Andriamanitra ara-pisainana izao tontolo izao ka tsy manovaova ny fomba fandehany. Tsy tongatonga ho azy anie ny fifanandrifian'ny Fanitsiam-Pivavahana sy ny firoboroboan'ny siansa any Eorôpa e !
Nohon'izay, niezaka fatratra ny mpandala ny fahariana hitady fanazavàna natoraly ho an'ny Safodrano, ary maro ny teôria sy hevitra naroso. Ho jerentsika @'ity fizaràna ity ny sasany @'ireny.

Nametraka petra-kevitra i Dr Joseph Dillow, nifototra t@ Gen. 1:6-8 sy Gen. 7:11, fa nisy sosona hetona nandrakotra ny tany talohan'ny Safo-drano.



Novain'i Larry Vardiman kely ny teôria, ka nametraka petra-kevitra fa potipoti-gilasy tao anatin'ny kivango tany @ équateur (tahaky ny manodidina ny planety Vénus) ny "rano any ambony".



Nilaza koa izy 2 lahy, miaraka @ olon-kafa koa, fa niteraka effet de serre niteraka toetr'andro subtropical-tempéré eran'ny Tany 1 manontolo, na dia any @ Pôles misy gilasy ankehitriny, izay sosona hetona izay. Nahatonga ny zavamaniry handrombona eran'ny tany izany. Nentina anohanana an'izay hevitra izay ny fahitàna sarbô misy zavamaniry tsy fahita @'ireny latitudes ireny tany Antarctique. Betsaka kokoa ny ôksizena ka izay no nahatonga ny olona nivelona talohan'ny Safo-drano ho ela velona be.

Kanefa misy olana 2 goavana be, hatr@ Dillow sy Vardiman dia niaiky azy ireo :
- tsy misy fomba fantatsika ankehitriny nahafahan'ny rano be dia be afaka milatsaka ho ranonorana tsy akijanona mandritry ny 40 andro sy 40 alina hitsingevaeva @ soson-drivotra
- na dia nisy tokoa aza izany dia toy izao ny olana faha2 : ny heton-drano no gazy miteraka effet de serre be indrindra, mahomby lavitra nohon'ny CO2, ka raha nisy tokoa izay sosona heton-drano izay dia 450 °C ny hafanàna ety ambony Tany talohan'ny Safo-drano !!! Ny an'ny CO2 dia 20%-n'ny an'ny H2O ny effet de serre aterany kanefa gazy tsara anaovana pôlitika ilay izy, sa tsy izay ve ;) ?

Ka tsy dia mahagaga raha tsy dia tohanan'ny mpandala ny manam-pahaizana mandala ny famoronana intsony ilay izy, sady @'izay misy fizotra hafa manara-pisainana tsara izay azo anazavàna ny oram-be. Kanefa na izany na tsy izany dia fomba tsara anoritsoritana ny oram-be mivatravatra ny hoe "nivoha ny varavaran’ny lanitra" (Gen. 7:11).

Misy teôria hafa naroson'i W. Brown milaza fa 15 km teny ankibon'ny Tany no nisy an'ilay rano : sosona rano 1 km izay niboiboika ka nahatonga ny Safo-drano. Azo anazavàna ny dikan'ny "loharano amin’ny lalina lehibe" (Gen. 7:11) sy ny fivarahontsana tektônika t@'izany andro izany ilay izy (Hab. 3:10).

Toy izao indray ny olana goavam-be tsy mety vahàna @'ity teôria ity : tsy mitovy ny hafaingan'ny fihodin'ny sosona ao anatin'ny planety. Izay indrindra no mahatonga ny tektônika (tsy ilay dihy no resahina eto an, ho antsika izay nianatra lesona S.V.T. t@ kilasy fah6 :) ) miteraka horohoron-tany. Ka raha mbola asiana soson-drano koa ilay izy dia manjary miteraka effet de roulement à billes izay hamotika ny écorce terrestre izany.

Ity no rohy mankany @ fizaràna taloha ho an'izay liana :

http://forum.serasera.org/forum/message/m51ad9cb115228

Izahay tsy nianatra lesona ko

Ity indray ny rohy mankany @ fizaràna manaraka :

http://forum.serasera.org/forum/message/m51b02dc7d61d4