Io fomba fijery iray io aloha dia tsy azoko mihitsy fa mba nataoko ihany ny fandinihana. Azoko izy raha ara-pamaritana fa eo amin'ny fiainana no hitako fa tsy mitombina.
Nefa rehefa dinihina dia hita eny ihany ny manao ratsy sy manao ny tsara.

Amin'ny finoana sasany dia ny fitadiavana ny eo afovoany no tena tanjona. Izany hoe ny fahadiovan-tsaina. Madio ara-bakiteny mihitsy. Izay no mahatonga azy ireo hanana vato be eny amin'ny toerana fandinihany. Satria ny vato dia mafy nefa tsy miandany na amin'iza na amin'iza.

Hevitra avokoa apetraka amin'ny toe-javatra miseho iray no atao hie tsara na ratsy. Io fiainana io dia ny saina sy ny retsi-pandrenesana no miaina azy. Ny tena olombelona ara-panahy dia mihoatra ireo roa ireo satria afaka mandrindra, mamaha olana eo anatrehan'ireo toe-javatra mifandimby sy mifampiankina ary mifanipaka ireo. Ny tsy fahatongavan-tsaina amin'ny fihoarana ireo toe-javatra ireo matetika no mampisy fanapahan-kevitra mitotongana eo amin'ny fiainan'ny olombelona. Izany hoe safidy ilay izy : ohatra, lazaina fa tsara ny harena ara-bola ary ampianarina hitady vola ny olona, nefa rehefa dinihina dia ratsy ilay izy satria manangona ho an'ny tenany ary mampahantra ny hafa. Diso valera izany ilay resahana hoe tsara raha io ohatra io.

Ny dikany dia relatif avokoa raha fametrahana endrika no resahana fa ny mety kokoa dia ny mampivoatra firindràna mazava amin'ny fihoarana ny relatif.

Izay no atao hoe dualisme rahateo : misy "andriamanitra" 2 mitovy hery sy fahefàna ary miady @'izao tontolo izao. Azo lazaina fa mifandraika @ zavatra miseho @'izao tontolo izao io fotopisainana io, kanefa misy ny mahavoa azy.

Ny fiheverana ny tsara sy ny ratsy dia antsika olombelona ihany no manana an'izay rahateo. Ny biby tsy mahalala an'izany tsara sy ratsy izany. Tsy hanenina mihitsy, ohatra, ny liona izay nanongana ny filohan'ny andiany ka mamono sy mihinana ny zanak'ilay filoha taloha. Ka azo lazaina fa tsy tongatonga ho azy io fiheverana ny tsara sy ny ratsy io.

Iza tokoa no mamepetra hoe inona no tsara ary inona no ratsy raha ny dualisme no marina ? Ny "andriamanitry" ny tsara ve ? Raha manana an'izay fahefàna izay izy dia midika izany fa mahery nohon'ny "andriamanitry" ny ratsy izy ary tsy marina ny dualisme. Fa raha marina indray ny dualisme dia tsy misy fomba ahafantarana hoe iza no "andriamanitry" ny tsara ary iza no "andriamanitry" ny ratsy, satria mitovy hery sy fahefàna ihany izy 2.

Mety misy vaha-olana hafa : Andriamanitra mahery sy manam-pahefàna nohon'izy 2 no namepetra ny tsara sy ny ratsy. Fa raha izay kosa no izy dia izay Andriamanitra ambony izay no tena andriamanitry ny tsara satria izy no manana ny fahefàna hamepetra ny heveriny ho tsara sy ny heveriny ho ratsy, ary tsy marina ny filazàna hoe tsy misy ny tsara raha tsy misy ny ratsy.

Hitanareo mantsy, ny ratsy dia katsentsitry ny tsara. Ohatra : tsy misy ny aretina raha tsy misy ny fahasalamàna, izay angamba dia iombonantsika hevitra : @ fomba ahoana ary no azo lazaina fa marary ny olona 1 raha tsy misy olona salama izany ? Ny famaritana ny aretina anie dia zava-mahazo mampangirifiry ny vatana ka manimba ny fahasalamàna e.
Fa kosa tsy voatery misy ny aretina izay voa misy ny fahasalamàna. Azo atao tsara ny maka sary an-tsaina ny tontolo tsy misy afa-tsy olona salama tsara, fa tsy hay atao kosa ny maka sary an-tsaina ny tontolo tsy misy afa-tsy olona marary, fa raha misy tokoa izay tontolo izay dia lasa norme ny marary ka tsy azo lazaina ho "marary" intsony ny tsirairay.

Asa raha mba efa namaky ny boky "1984" nosoratan'i George Orwell ianareo. @'iny boky iny, tsy misy afa-tsy fanjakàna jadona mitovitovy @ communisme t@ andron'i Staline fa saingy henjana lavitra kokoa ety ambonin'ny tany : Oceania, Eurasia sy Estasia. Lasa eritreritra i Winston Smith, ilay prôtagonistan'ny tantara : raha ny fanjakana jadona no norme dia nahoana ny sainy no tsy mety manaiky an'izay fa mitaky tontolo tsy misy fitondrana jadona ? Nandinika ny raki-tantara (izay novaovain'ny fitondrana jadona, mazava loatra) ary nahita izy fa nisy tokoa ny demôkrasia t@ andro fahiny, na dia nolazain'ny raki-tantara fa zava-dratsy ny demôkrasia, fantatr'i Winston tsara fa tsy marina izany.
Rehefa mandeha ny tantara dia nifanena sy nampiaraka t@ vehivavy miantso hoe Julia i Winston. Mody mafana fo ho an'ny fitondrana jadon'i Oceania niainany izy, fa mitovy hevitra @ Winston ny tena marina.

Ny fehiny dia fahavetavetan'ny tsara ny ratsy, ary tsy azo lazaina @ fomba lôjika fa mitovy saranga izy ireo.

Aleo angamba tsy asiana resaka vetaveta ilay dinika raha mety.

Miharena:
Hevitra avokoa apetraka amin'ny toe-javatra miseho iray no atao hie tsara na ratsy. Io fiainana io dia ny saina sy ny retsi-pandrenesana no miaina azy. Ny tena olombelona ara-panahy dia mihoatra ireo roa ireo satria afaka mandrindra, mamaha olana eo anatrehan'ireo toe-javatra mifandimby sy mifampiankina ary mifanipaka ireo. Ny tsy fahatongavan-tsaina amin'ny fihoarana ireo toe-javatra ireo matetika no mampisy fanapahan-kevitra mitotongana eo amin'ny fiainan'ny olombelona. Izany hoe safidy ilay izy : ohatra, lazaina fa tsara ny harena ara-bola ary ampianarina hitady vola ny olona, nefa rehefa dinihina dia ratsy ilay izy satria manangona ho an'ny tenany ary mampahantra ny hafa. Diso valera izany ilay resahana hoe tsara raha io ohatra io.

Ny dikany dia relatif avokoa raha fametrahana endrika no resahana fa ny mety kokoa dia ny mampivoatra firindràna mazava amin'ny fihoarana ny relatif.

Tsy azoko

Mitovy amin'n fanazavana ny dualisme resahan'ny namana Nehemiah raha tsy azonao.

Ny eo amin'ilay boky noresahany fotsiny no tsy mety amiko satria lasa resaka demokrasia sy jadona - politika izany.

Fa ny tsara sy ny ratsy mifamahofaho no hahafahana mivoatra ho amin'ny tsaratsara kokoa.

Fa eo amin'ny fametrahan-kevitrao koa dia misy endrika fandrika ihany. Toy ny milaza hoe iza àry no voalohany? Ilay tsara sa ilay ratsy?

Ny fiheverana mifanohitra no manome ireo roa ireo fa raha tena ataontsika hoe fiheverna mahitsy dia tsy misy tsara ary tsy misy ratsy fa mahitsy araka ny fiheverana azy avy ny tranga rehetra. Ohatra : ny vatan'ny olombelona sy ny biby dia manala ny loto ao aminy. Ny loto indray anefa dia zezika itomboan'ny zavamaniry. Tsy rats yeo amin'y zavamaniry izany ny loto fa ratsy eo amin'ny biby. Io ilay hoe relatif. Fa ny marna dia hoe : miara-masa ny zava-drehetra hampivoatra ny voary rehetra ho amin'ny fahafaha-miaina matsilo kokoa.

Mazava, fa saingy mbola kamokamo aho aloha izao hanazava ny tiako tenenina.

sitlo:

kamokamo aho

:)