Gaga be ny angamba isika naheno hoe tsy mino ny afobe izahay Vavolombelon’i Jehovah.
Aza adino fa tsara foana mantsy ny mihaino izay mba hevitry ny hafa. Samy hafa anefa ny hevitry ny olona momba ny afobe. Misy izao ohatra olona mino be hoe tena misy ny afobe satria efa nampijalin’ny olon-dratsy ry zareo. Tiany hivaly amin’ireny mpanao ratsy ireny ny ratsy nataony. Ara-dalàna aloha raha mieritreritra an’izany ny olona! Milaza koa ny Baiboly fa tezitra be Andriamanitra rehefa misy olona manisy ratsy ny olona tsy manan-tsiny. Mampanantena anefa izy fa hosaziny ny mpanao ratsy. Jereo ange ity lazain’ny Isaia 3:11 ity e! «Lozan’ny ratsy fanahy! Hahita loza izy, fa hatsingerina aminy izay nataony!» Hitanao eo fa tsy maintsy hosazin’Andriamanitra ny olon-dratsy. Horinganiny mandrakizay ry zareo . Raha mijery ny 2 Tesalonianina 1:9 isika dia toy izao no hitantsika ao «Hiharan’ny sazy vokatry ny didim-pitsarana ireo, dia fandringanana mandrakizay tsy ho eo anoloan’ny Tompo.»
Hitanao? Tsy misy azon’ny olon-dratsy antenaina intsony satria horinganin’Andriamanitra mandrakizay ry zareo. Tsy ho velona intsony izy ireo amin’ny hoavy.
Tsy rariny ve raha izany satria ho faty daholo ihany ny olona ? Tsy tokony ho mafy kokoa noho izany ve ny sazin’ny ratsy fanahy?
Efa nataon’Andriamanitra hahay hanavaka ny mety sy ny tsy mety isika. Faran’izay tia rariny koa izy. Rehefa mampianatra ary ny mpitondra fivavahana hoe manasazy olona any amin’ny afobe Andriamanitra, tsy hitanao ve hoe te hilaza izy ireo fa tsy rariny ny ataon’Andriamanitra!

Mety tsy azonao angamba. Intỳ àry misy ohatra. Fantatrao tsara angamba ny tantaran’i Adama sy Eva. Nisy hazo tsy navelan’Andriamanitra hohanin-dry zareo, nefa tsy nankatò ry zareo fa mbola nihinana ihany. Hoy ny Genesisy 2:16, 17, hoe: «Ary i Jehovah Andriamanitra nandidy an-dralehilahy hoe: ‘Afaka mihinana izay laninao amin’ny voan’ny hazo rehetra eo amin’ny zaridaina ianao. Aza ihinananao anefa ny voan’ny hazo fahalalana ny tsara sy ny ratsy, fa amin’ny andro ihinananao azy, dia ho faty tokoa ianao.’ » Inona no nolazain’Andriamanitra fa hitranga amin’i Adama raha mihinana an’ilay voankazo voarara izy?
Mba eritrereto kely ange e! I Adama no nahatonga ny olona rehetra ho lasa mpanota. Tena ratsy be ny nataony. Niteny ve anefa Andriamanitra hoe hosaziny any amin’ny afobe izy?
Aoka atao hoe hampijaliana any amin’ny afobe mandrakizay no ho sazin’i Adama sy Eva. Tsy tokony ho nolazain’Andriamanitra azy ireo mialoha ve izany, raha tena tia rariny sy be fitiavana izy?
Izao anefa no nolazain’Andriamanitra tamin’i Adama sy Eva rehefa avy nanota izy ireo ao amin'ny Genesisy 3:19 «Amin’ny hatsembohan’ny tavanao no hihinananao hanina, mandra-piverinao amin’ny tany, fa avy tamin’ny tany no nakana anao. Fa vovoka ianao ary hiverina ho vovoka indray ianao.»
Ho aiza, hono, i Adama araka ny tenin’Andriamanitra taminy?
Tsy hoe hiverina amin’ny vovoka indray ve izy!
Ka matoa ny olona iray hiverina any amin’ny toerana iray, dia tsy maintsy efa tany izy taloha. Sa ahoana?
Dia taiza i Adama talohan’ny namoronan’Andriamanitra azy?
Hitantsika angamba fa tsy niresaka afobe izany mihitsy Andriamanitra teo. Nanao ny rariny ve Andriamanitra raha niteny hoe hiverina amin’ny vovoka i Adama, nefa any amin’ny afobe izy no halefa?
Ny Devoly ve izany no hanatanteraka ny sitrapon’Andriamanitra?

Intỳ koa misy zavatra iray mila dinihina momba ny afobe.
TSY ny Devoly moa no lazain’ny olona fa miandraikitra ny afobe sy mampijaly ny olona any?
Ny Devoly anefa no fahavalon’Andriamanitra lehibe indrindra. Koa raha ny Devoly no asain’Andriamanitra manasazy ny olona any amin’ny afobe, tsy lasa mpiara-miasa ve izany ry zareo?
Manan-janaka ve isika! Andeha hatao hoe lasa maditra be ny zanakao. Ataony daholo izay rehetra mampalahelo anao. Inona no hataonao? Andeha hatao hoe tsy raharahainy mihitsy ny teninao, na dia efa niteny azy imbetsaka aza ianao. Tsy maintsy hoe hanasazy azy amin’izay ianao. Sa tsy izany?
Fantatrao anefa avy eo hoe hay nisy jiolahim-boto nampirisika ny zanakao sy nitarika azy haditra. Ahoana no hataonao?
Tsy ho tezitra be amin’izany lehilahy izany ve ianao!
Ka raha fantatrao àry fa ilay jiolahim-boto no nahatonga ny zanakao haditra ka nampahatezitra anao, dia mbola ilay jiolahim-boto ihany ve no asainao hanasazy ny zanakao?
Mety àry ve raha i Satana Devoly indray no asain’Andriamanitra hanasazy ny ratsy fanahy, nefa ny Devoly no tena mampirisika azy ireo hanao ratsy?
Raha ohatra koa te hanasazy ny ratsy fanahy Andriamanitra, ny Devoly ve dia hankatò azy ka hampijaly an’ireo olona ireo, nefa izy no fahavalon’Andriamanitra lehibe indrindra?

Fa izao azo antoka anefa hoe hanasazy ny mpanao ratsy tsy mety miova Andriamanitra. Misy andinin-teny asehoko antsika farany ity. Ato amin’ny Salamo 37:9. «Ny mpanao ratsy horinganina, fa izay manantena an’i Jehovah no handova ny tany.»
Hitanao ve hoe inona no hataon’Andriamanitra amin’ny mpanao ratsy?
Midika izany fa hofoanany mandrakizay izy ireo. Ny olo-marina izay lazainy hoe «manantena an’i Jehovah» kosa hiaina mandrakizay eto an-tany.

Rom 8,5
5 Fa izay araka ny nofo dia mihevitra izay zavatry ny nofo; fa izay araka ny Fanahy kosa mihevitra izay zavatry ny Fanahy.

Hoy i Monja Jaona izay hoe:" Rehefa diso avy any ambony ny fanidiana bokotra dia diso daholo ka hatrany ambany.
Raha vao diso ianao amin'ny fahafantarana ny momba tenanao dia tsy misy ekenao ny lojika tohiny rehetra. Ireto ary misy fahamarinana tsy eken'ny TJ ka mahatonga azy hanaraka ny lojikan'ny mifanohitra.

1- Fanahy mitafy nofo isika fa tsy ny saina na fieritreretana no atao hoe Fanahy.
Andeha jerena hatrany amboalohany, tamin'ny fahariana:

Gen 1,1
Tamin'ny voalohany Andriamanitra nahary ny lanitra sy ny tany.
2 Ary ny tany dia tsy nisy endrika sady foana; ary aizina no tambonin'ny lalina. Ary ny fanahin'Andriamanitra nanomba tambonin'ny rano.
Jao 4;24
Andriamanitra dia fanahy

Mazava eto ny natioran'Andriamanitra fa Fanahy Izy ary miendrika Fanahy.

Gen 1;27
27 Ary Andriamanitra nahary ny olona tahaka ny endriny; tahaka ny endrik'Andriamanitra no namoronany azy;
Diniho tsara fa ny biby rehetra izay manana nofo, saina, maso, orona, vava, volo, hozatra, taolana ...dia noharian'Andriamanitra talohan'ny olombelona fa tsy niteny Izy hoe andeha Aho hanao biby mitovy amiko, mazava izany fa tsy ny amin'ny endrika ivelany amin'ny nofo sy ny saina no itovizana amin'Andriamanitra. Ka amin'ny inona ary?
Amin'ny fanahy : fanahy mitovy Aminy no nohariaNY ary nomena nofo tahaka ny biby ny olona mba ho afaka hanjaka eo amin'ny zava-boahary rehetra izay efa nohariany teo aloha.

Koa raha mety maty ny Fanahin'Andriamanitra dia mety maty koa izany ny fanahinao, mazava noho izany fa nomen'Andriamanitra fanahy tsy mety maty mitovy Aminy isika.

2. mbola hitohy...

jajajaly:

Ny Devoly ve izany no hanatanteraka ny sitrapon’Andriamanitra?

« Dia hoy Jehovah tamin'i Satana: Indro eo an-tananao izay ananany rehetra; fa ny tenany ihany no aza aninjiranao ny tananao. Dia nivoaka Satana niala teo anatrehan'i Jehovah. » (Joba 1:12)

Tsy afaka manao n'inon'inona Satana raha tsy mahazo halalana "accord" avy amin'Andriamanitra.

jajajaly:

Ny Devoly anefa no fahavalon’Andriamanitra lehibe indrindra. Koa raha ny Devoly no asain’Andriamanitra manasazy ny olona any amin’ny afobe, tsy lasa mpiara-miasa ve izany ry zareo?

« Ary tamin'ny indray andro nony avy ireo zanak'Andriamanitra hiseho teo anatrehan'i Jehovah dia mba tonga teo koa Satana tafaharo taminy. Dia hoy Jehovah tamin'i Satana: Avy taiza ianao? Dia namaly an'i Jehovah Satana ka nanao hoe: Avy nizahazaha teny amin'ny tany aho ka nivezivezy teny.  Dia hoy Jehovah tamin'i Satana: Efa nandinika an'i Joba mpanompoko va ianao? Fa tsy misy tahaka azy eny ambonin'ny tany, fa olona marina sy mahitsy izy sady matahotra an'Andriamanitra ka mifady ny ratsy. » (Joba 1:6-8)

Manasazy Olona any Amin’ny Afobe ve Andriamanitra? Io no lohahevitra nentin'i jajajaly.

Ny ankamaroan'ny olona ankehitriny dia mino tokoa fa efa misy sahady ny afobe, ary ny maty na izy mankany amin'ny paradisa na izy mankany amin'ny afobe no fihevitry ny olona. Mino ny fanahy tsy mety maty ny olona ka mahatoky fa mbola misy fiainana hafa noho izao iainan-tsika izao aorian'ny fahafatesana. Ka lazainy fa lasa any amin'ny afobe ny fanahin'ny olona ratsy fanahy. ary any am-paradisa ny tsara fanahy.

Mba hisarihana tsara ny sain-tsika dia tsara raha fantarin-tsika fa misy karazany telo ny fanahy( misy toko sy andininy ireo fa omena aoriana raha ilaina):
1- Ny fofon'aina: iny miverina amin'A/tra rehefa maty ilay olona.
2- Ny rà: iny midina amin'ny tany rehefa maty ny olona.
3- Ny toetra: mipetraka any amin'ny Boky any an-danitra, ka araka izay nataony tety rehefa maty ny olona no misy ny anarany amin'ireo karazana boky.

Misy ve ny afobe??? tsy mbola misy aloha izao fa hiisy izy rehefa tapitra ny arivo taona . Mihidina avy any an-danitra ny tanana masina sy ny Tompo miaraka amin'ny olom-boavonjy rehetra ao anatin'ny tanana masina.
Hatsangana ny maty ratsy fanahy rehetra, tarihin'ny Losifera sy ny anjeliny hiaraka hanafika ny tanana masina. MISY AFO AVY ANY AN-DANITRA HANDEVONA AZY. Io no afobe. rehefa izany dia mbola raisina indray ny Devoly sy ny anjeliny sy ny mpaminany sandoka sy bibidia sy izay tsy levona eo dia hatsipy ao anaty farihy mirehitra afo sy solifara. Ao izy mandrakizay mandram-pahalevony.

Raha tsorina dia tsy mbola misy afobe aloha izao. Izay maty dia matory aloha miandry izay hananganana azy na ho amin'ny fiainana na ho amin'ny fahafatesana.
Fitaka hataon'ny devoly daholo ireny hoe nentina nijery ny tany amin'ny afobe dia nahita ny fijaliana rahetra tany sns...

Tsarovy tsara fa A/tra FITIAVANA Izy.

2. Tohiny: ny fahafatesan'ny nofo sy ny fahafatesan'ny fanahy
Efa nolazaiko tetsy ambony fa fanahy tsy mety maty mitafy nofo isika, tamin'ny niandohan'ny fahariana dia tsy mety maty ihany koa ny nofo fa rehefa tonga ny fahotana dia iharan'ny fahafatesana ny nofo (ny fahafatesana no tambin'ny ota), Izay ilay fahafatesana voalohany.
Ka raha maty ny nofo dia mankaiza ilay fanahy tsy mety maty?
Kor I 15;50: Ny nofo aman-dra tsy mahazo mandova ny fanjakan'Andriamanitra
Mazava io ka inona ary izany no handova ny fanjakan'Andriamanitra? ny fanahy mazava ho azy.
Fa iza no handova?
Ny zanak'Andriamanitra (Rom 8,17)
Ireo nohamariniNy tamin'ny FahasoavaNY (Tit 3;7)
Ny marina (Matio 5;20)
Izay manao ny SitrapoNY (Matio 7;21)
...
De ahoana ny amin'ireo tsy handova?
Mihatra aminy ny fahafatesana faharoa:
Apok 21;8
8 Fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa.

MIBEBAHA RY NAMANA FA
Nahoma 1;2-3
2 Andriamanitra saro-piaro sy mamaly heloka Jehovah;
Jehovah dia Mpamaly heloka sady be fahatezerana;
Jehovah dia Mpamaly ny rafilahiny
Ary mitahiry fahatezerana hamelezany ny fahavalony.
3 Mahari-po Jehovah sady be hery
Ary tsy mety manamarina ny meloka;

Ndao asiana H.S kely aloha :

jajajaly : "Manasazy Olona any Amin’ny Afobe ve Andriamanitra? "
bor2lais : "Ka ilay olona aza efa any amin'ny afobe koa mbola ho saziana ahoana indray ?"
:-)
H.S tapitra
Tsy lohateny vao haingana ve ity ry jajajaly ? ;-)

Maranatha:

Misy ve ny afobe??? tsy mbola misy aloha izao fa hiisy izy rehefa tapitra ny arivo taona . Mihidina avy any an-danitra ny tanana masina sy ny Tompo miaraka amin'ny olom-boavonjy rehetra ao anatin'ny tanana masina.
Hatsangana ny maty ratsy fanahy rehetra, tarihin'ny Losifera sy ny anjeliny hiaraka hanafika ny tanana masina. MISY AFO AVY ANY AN-DANITRA HANDEVONA AZY. Io no afobe. rehefa izany dia mbola raisina indray ny Devoly sy ny anjeliny sy ny mpaminany sandoka sy bibidia sy izay tsy levona eo dia hatsipy ao anaty farihy mirehitra afo sy solifara. Ao izy mandrakizay mandram-pahalevony.

Raha tsorina dia tsy mbola misy afobe aloha izao. Izay maty dia matory aloha miandry izay hananganana azy na ho amin'ny fiainana na ho amin'ny fahafatesana.
Fitaka hataon'ny devoly daholo ireny hoe nentina nijery ny tany amin'ny afobe dia nahita ny fijaliana rahetra tany sns...

Tsarovy tsara fa A/tra FITIAVANA Izy.

Ny olana eto dia raha milaza isika fa tsy misy aloha ny afobe amin'izao dia misy ireo olona izay nisehoan'i Jesoa nijoro vavolombelona nampisehoana ny afobe.

Ka raha ny lojikan'ny namana Maranatha, inona no antony nampisehoana izany? Ny olona izay nijoro faramparany izao dia ilay Dahalo tsy mahalala akory izany fivavahana izany izay nahazo anarana hoe TSARATSARA. Tamin'ny 2010 izy no nisehoan'i Jesoa ary amin'izao fotoana izao izy dia mitory sy mitsabo olona maro.

Asa hoe mety tsy azo antoka ve izany ny zavatra nampahitana azy?

Sao dia endrika vokatry ny saina avokoa àry ireo hitany ireo?

Miharena:

Ny olana eto dia raha milaza isika fa tsy misy aloha ny afobe amin'izao dia misy ireo olona izay nisehoan'i Jesoa nijoro vavolombelona nampisehoana ny afobe.

Ka raha ny lojikan'ny namana Maranatha, inona no antony nampisehoana izany? Ny olona izay nijoro faramparany izao dia ilay Dahalo tsy mahalala akory izany fivavahana izany izay nahazo anarana hoe TSARATSARA. Tamin'ny 2010 izy no nisehoan'i Jesoa ary amin'izao fotoana izao izy dia mitory sy mitsabo olona maro.

Asa hoe mety tsy azo antoka ve izany ny zavatra nampahitana azy?

Sao dia endrika vokatry ny saina avokoa àry ireo hitany ireo?

Mazava be fitaka ! hentina hanamarinana fa mitombina ny hoe Fanahy tsy mety maty. sy ny afo fandiovana angamba
Ilay dahao voalaza fa hoe Tsaratsara nisehoan'i Tompo. vao omaly 16 Decembre 2012 izy io no niseho t@ TVM sy nilaza ny zavatra hitany tany an-danitra araka ny voalazany. Rehefa tena halalinina anefa sy henoina tsara anefa dia hita sy tsapa fa ohatry ny lainga hamboarina daholo ilay izy. Ohatra nilaza izy fa ny Ray dia olona. sady mitantara ny fahitany azy eo izy .

Eo no ilaina ny hoe zahao taratra ilay fanahy na avy @ A/tra na tsia. Ny zavatra tsara tsy hialana dia ny fahitana izay efa voaporofo fa tena nisy marina toy ny an'I Jaona sy i Daniela sy ry Isaia . mitovy ny fomba fahitan-dry zareo ireo ny Avoindrindra. Fa ny an'ity rangahy ity toa mifanohitra @ hitan'ireo mpaminany teo aloha. Noho izany amiko tsy nahita an'i Tompo izany iny rangahy iny fa mety i satana amin'ny endriny mankatahaka ny anjelin'ny mazava no hitany. dia nanaiky ny sainy fa io tokoa ny Avoindrindra sy ny Tompo.
Misy criteur matetika ny olona mahita zavatra toy ireny araka ny baiboly. Criteur na mpaminany. (oh: miteny hoamin'ny lalàna sy ny tenin'ny vavolombelona ihany, isaia 8:20, )
Mety mahay manasitrana tokoa izy satria hain'ny devoly koa anie ny manasitrana e! rehefa jerena anefa izy toa tsy mahay soratra masina akory. Nefa ny olona hitoeran'ny fanahin'A/tra dia mahay soratra masina satria Io no mampahatsiahy azy ny zavatra rehetra. Mitarika azy ho amin'ny marina Jaona 16:13

Salama,

Maranatha,
Dia maninona ary izy(Tsaratsara) izany no mitarika ny olona hibebaka?
Maninona izy no sahy mitory ny anaran'i Jesoa Kristy?

Satana ve mitarika ny olona hibebaka?

Henoy tsara ny toriteniny @lien omeko eo ambany.
Maninona no manindrona ny mpanota ny toriteniny? Ohatra : ny mpisotro toaka, mpijangajanga, mpitondra, mpitondra fivavahana, mompera, pastera, mpiandry, olon-tsotra, sns.

Satana ve hampianatra anao ny lalana soa mankany an-danitra?

Raha ny fomba firesany dia fiteny Bara no fiteniny. Direct ohatra an'ireny ny foko Bara rehefa miresaka.









Misaotra indrindra.

Misaotra an'i Mekana amin'ireto vidéo ireto.
Maro no azo lazaina fa ity kosa mba tsy tantiko intsony (mitovitovy amin'izao ilay hevitra nolazainy) :

Tsaratsara:

Baolina maloto dakan'ny tongotra iny tsy ilaina atao amin'ny loha ! Fa manimbazimba ny "tempolin'Andriamanitra" ! Tsy fantatrareo fa ianareo no tempolin'Andriamanitra ?

Iny indray aloha mbola tsy hitako e ! :-)
Tokony hibebaka daholo ny mpanao baolina rehetra ary esorina ao amin'ny règlement (football) koa ny fanaovana "téte" ! :-)

Maranatha:

Eo no ilaina ny hoe zahao taratra ilay fanahy na avy @ A/tra na tsia. Ny zavatra tsara tsy hialana dia ny fahitana izay efa voaporofo fa tena nisy marina toy ny an'I Jaona sy i Daniela sy ry Isaia . mitovy ny fomba fahitan-dry zareo ireo ny Avoindrindra. Fa ny an'ity rangahy ity toa mifanohitra @ hitan'ireo mpaminany teo aloha. Noho izany amiko tsy nahita an'i Tompo izany iny rangahy iny fa mety i satana amin'ny endriny mankatahaka ny anjelin'ny mazava no hitany. dia nanaiky ny sainy fa io tokoa ny Avoindrindra sy ny Tompo.
Misy criteur matetika ny olona mahita zavatra toy ireny araka ny baiboly. Criteur na mpaminany. (oh: miteny hoamin'ny lalàna sy ny tenin'ny vavolombelona ihany, isaia 8:20, )
Mety mahay manasitrana tokoa izy satria hain'ny devoly koa anie ny manasitrana e! rehefa jerena anefa izy toa tsy mahay soratra masina akory. Nefa ny olona hitoeran'ny fanahin'A/tra dia mahay soratra masina satria Io no mampahatsiahy azy ny zavatra rehetra. Mitarika azy ho amin'ny marina Jaona 16:13

Na inona aloha na inona fandraisana izay zavatra hitan'io olona io dia satria izy notsaboina tao amin'ny fivavahana Krsitianina no nampahita azy ireo izay tantarainy ireo. Ka asa hoe Maranatha ve tsy mino izay sehatra Kristianina nampahita azy izao fahgagana izao? Mahay ary mianatra hatramin'ny fiteny tsy fantatra izy izao. Nenilava no fantatro nahazo izany koa ankoatr'ireo izay tsy fantatro.

Ka asa hoe aiza ilay finoana namana Maranatha?

Ny olana amin'ny resaka tahaka itony ange ry Miharena dia misy ny mihevitra fa "Paroles d'Evangile" daholo no avoakan'ilay olona milaza tena fa nahita an'i Jesoa ka tokony tsy maintsy arahina ! Tsy milaza akory aho fa diso daholo ny zavatra lazainy a ! :-)

Izaho manokana izao raha nijery ireo vidéo ireo dia somary gaga ihany satria tahaka ny mahita fa tsy mifanalavitra amin'ny propagandy fanaon'ny mpanao politika ilay izy ! :-)

Ialako tsiny amin'izay mety ho tohina fa noheveriko fa azo hanaovana fifanakalozana ilay izy matoa naseho teto amin'ity sehatra ity.

Fomba fijeriko ihany io, mety diso ! ;-)

Tsy mampaninona mihitsy namana ny manome commentaire satria na izaho koa aza dia manana lazaina eo amin'ireo zavatra miverimberina eo amin'ny fijoroana toy itony.

Ny tsapa aloha izao dia maro ireo olona no tsy mino ary mametraka aza hoe politika na hery hafa no manosika sy mampanao io namana io ny asa ataony ankehitriny.

Ny fanontaniana tena mipetraka aloha dia hoe : fantatsika marina ve aloha izay ivavahantsika vao miteny hoe tsy izy ny an'izatsy na izaroa?

Efa tafahoatra ny sehatra adihevitra manko isika raha izay no mitranga ary manana fanaporofoana mazava fa diso ilay namana nizara izay azony sy nanjo azy. Efa mihoatra ilay Fanahy mamiratra hitany ny fomba fijerintsika amin"izay fotoana izay.

Dia io no tokony havoitra tsara aloha. Rehefa tsy manana fanohanan-kevitra mazava amin'io lafiny io dia tsy afaka manakiana isika.

Raha izaho manokana ohatra dia mamaky izay nahazo azy aloha dia manao hoe inona no antony nahatonga ireo fisehoana taminy ary iza no fototra nipoiran'izany?

Dia mahita hoe misy Mpandrindra aloha ao miteny hoe mifankatiava ny Malagasy sy ny olombelona rehetra ary nataoNY amboletra ilay izy rehefa nanehoana fijaliana ilay namana.

Mazava fa toy ny fitaizana zaza ataon'ny olombelona no miseho eto. Rehefa mafy loha dia kapohina. Rehefa eken'ny rehetra fa mahomby io dia mandeha amin'izay ilay izy.

Raha zohina amin'ny fiainan'ny Malagasy ankehitriny indray dia hita hoe mamono tena ilay Malagasy. Asa hoe tsisy mifoha ve ? Iza no tompon'antoka? Sa variana mifanilaka dia ny mpanararaotra manao ny ataony ihany?

Io ilay olana lehibe mihatra amin'izao fotoana izao. Sao dia tsy ILAY nanome hafatra no te-hanasazy fa isika no efa hita fa mitotongana any an-davaka noho ny ataontsika ihany ka mila ampahatsiahivina?

Farany, raha ny marina dia misy ireo finoana izay efa hita fa tsy mandeha amin'ny laoniny ary mila fanavaozana, na ny marina kokoa mila fihavaozana ny fomba fisainan'ny olombelona. Dia eo no mahatonga ny fanehoana zavatra toy izao hahafahan'ny rehetra mahatsapa fa maizina am-pototry ny mazava ihany izy tsirairay avy. MIherikerika etsy sy eroa fa tsy mahatsapa ilay firaisana ao amin'ny Fanahy Masina.

Tsy drafitr'Andriamanitra ny fahafatesana sy ny afobe. Tamin'ny voalohany Andriamanitra raha namorona ny olona dia nataony nitovy endrika taminy. Izany hoe mitovy amin'Andriamanitra na ny côté eternel aza ny olombelona. Izany dia voamporofo tamin'ny nanisiany ilay hazon'aina teo afovoan'ny saha ary mino aho fa tena nomeny an'i Adama sy Eva io hazon'aina io mba hiveloman'ireo mandrakizay raha nankato Azy izy ireo tahaka ny mbola hanomezan'Andriamanitra io hazon'aina io ho an'ny olom-boafidiny any am-parany any. saingy alohan'ny hihinanan'i Adama sy Eva ilay hazon'aina ka hivelomany mandrakizay dia te hahalala Izy hoe mankato Azy ve ireto olombelona ireto. Ary rehefa tsy nankato i Adama sy Eva dia tonga ny ota (ny ota dia izay tsy mifanaraka amin'ny sitrapon'Andriamanitra) dia
tonga ny fahafatesana fototra

1) Ny fahafatesana fototra. Io ilay fisarahana tamin'Andriamanitra rehefa nihinana ilay voankazo voarara i Adama sy Eva, lasa nisy elanelana teo amin'ny olona sy Andriamanitra, noroahina ivelan'ny saha i Adama sy Eva raha tena niara-nonina en personne tamin'ny olombelona mihitsy ny drafitr'Andriamanitra tany am-boalohany (Gengen3: 8 NAndre an'i Jehovah Andriamanitra nitsangatsangana teo amin'ny saha izy)dia lasa tafasaraka tamin'Andriamanitra isiaka rehefa nanota

2)Ary satria tsy nihinana ilay hazon'aina i adama sy Eva dia lasa tsy eternel ary lasa maty. Io no fahafatesana voalohany. Tsy miala amin'ny drafiny tamin'ny voalohany anefa Andriamanitra dia ny mba hanomezany hazon'aina izay olombelona mahatoky azy ka hiara monina aminy mandrakizay ireo dia nafeniny ilay hazon'aina satria raha Adama sy Eva nanota iny no nihinana ilay hazon'aina dia ho mpanota mandrakizay izy sy ny taranany aty aoriana. Dia mba heritrereto tokoa anie izany hoe tsy maty mihitsy fa dia mangalatra mandrakizay é, miady mandrakizay, misy fahavetavetana mandrakizay,sns ary tsy mety maty ny olombelona fa
dia miteraka dia miteraka dia farany miady satria tsy ho omby antsika rehetra mihitsy eto an-tany raha tsy maty isiaka. Izay no hoe izay digne sy mankatoa an'Andriamanitra ihany no hihinana ilay hazon'aina ary tsy maintsy diovina aloha ireo olona ireo vao mihinana ilay hazon'aina mba ho madio mandrakizay rehefa mihinana azy fa tsy misy fofompofom-pahotana intsony

3) ary satria tsy hiakatra sy hihinana ilay hazon'aina avokoa isiaka rehetra fa hisy ireo hankato ary hisy ireo tsy hankato dia nasiana ny helo ka ho any ireo izay tsy nankato fa ireo nankato kosa hiakatra, ho diovina ary homena ilay hazon'aina. Io izay misy ny tsy mpino io, ny afo be hoy isiaka io no fahafatesana faharoa ary io no efa resin'i Kristy ka izay mino an'i Kristy ihany koa maharesy io fahafatesana faharoa io ka tsy atao any fa hodiovin'ny ràn'i Kristy ary homena ny hazon'aina

Raha mikasika ilay hoe fiainana aorian'ny fahafatesana dia misy lahatsoratra atsy ambadika atsy manazava an'io hoe aiza isiaka aorian'ny fahafatesana. Ao amin'ilay hoe hihaona amin'Andriamanitra ianao ato dia ary ambanimbany ary.