Misaotra ny namana isany naneho hevitra, efa nolazaiko tery aloha fa
ny olona tsy mino ny baiboly resahina eto dia tsy noho ny interpretation na traduction ataon'olona, na fampianarana samihafa fa olona
tsy mino ny baiboly hoe tenin'Andriamanitra tsotra izao fotsiny.
Tsotra dia tsotra ny valiny raha te
hanaporofo isika hoe tenin'Andriamanitra marina ny baiboly :
Maro dia maro ny porofo, ary
lava dia lava, ary tsy
fotoana fohy no handresenao lahatra olona iray hino ny baiboly, fa santionany kely ihany no hazavaina eto :
Amin'ny alalan'ny
faminaniana voasoratra ao amin'ny baiboly sy efa tanteraka(2 Pet. 1 : 20,21 : "Tsy misy faminaniana avy amin'ny hevitr'olona..." :
1)
Faminaniana :
Isaia 44 : 24, 27,28 ; 45 : 1-4 : (vakio : momba an'i
Kirosy handrava an'i babylona... (vita tamin'ny 732 T. K. teo ho eo ny bokin'i Isaia).
Fahatanterahany : mbola tsy teraka i Kyrosy tamin'ny fotoana nanoratana an'io faminaniana io, efa nolazaina mialoha ao anefa
ny anarany sy ny tetikady hanafihany an'i babylona, tamin'ny
617-607 T.K. vao natao sesitany tany babylona ny jiosy,ary tamin'ny
607 T.K. vao rava i Jerosalema sy ny tempoliny. Nanomboka tanteraka ilay faminaniana tamin'ny
539 T.K. Navilin'i Kyrosy tao amin'ny farihy iray ny Reniranon'i Eofrata, ary navelan'ny Babylonianina hidanadana ny vavahadiny nandritra ny fety tao an-tanàna, ary resin'ny
Mediana sy Persiana notarihin'i Kyrosy i babylona. Nolazaina koa fa ho haolo tanteraka ny tanan'i Babylona ary tsy honenana intsony, ary hatramizao isika izao dia mbola lao sy tsy misy mponina any babylona fahiny(afaka mikaroka isika, any akaikin'i Irak no misy an'i Babylona fahiny, ary hitan'i mpikaroka fa
lao tanteraka ilay tanàna.)
Faminaniana : Lioka 19 : 41-44 ; 21 : 20, 21 : "faminaniana nambaran'i Jesosy Kristy tamin'ny
taona 33 momba an'i Jerosalema sy ny handravana azy. Vakio...
Fahatanterahany : Nikomy tamin'i Roma i Jerosalema, ka tonga nanafika an'ilay tanàna ny
tafika romanina notarihin'i Cestius Gallus, tamin'ny
taona 66, hoy anefa i Josèphe, mpahay tantara jiosy : nangonin'ilay mpitari-tafika romanina tampoka ny miaramilany ary
niala tao amin'ilay tanàna izy, araka ilay faminaniana mihitsy, afaka
nandositra ary ireo kristianina tao nandritra io fotoana io,
araka ilay nolazain'i Jesosy mihitsy, nanao fahirano an'ilay tanàna avy eo ny Jeneraly Titus tamin'ny fotoanan'ny Paska,
taona 70, ary
nandrava tanteraka an'i Jerosalema, hita amin'ny fandinihana ireo sisan-javatra fahiny, fa rava tanteraka izay rehetra naorin'ny jiosy.
Raha mamaky ny
faminaniany Daniela koa isika dia hahita porofo maro be tanteraka mahakasika an'ireo
fanjakana natanjaka nifadimby sy ny fomba nahalavo azy ireo...
Faminaniana : 2 Timoty 3 : 1-5 : "Momba ny fiainana amin'ny
fotoan'ny andro farany... Vakio"
Fahatanterahany : amin'izao andro iainantsika izao, voalaza ao fa ho sarotra sy tsy ho mora setraina ny fiainana, zany hoe
mihamafy foana ny fiainana, ary ireo
toetra rehetra lazaina ao dia tsy misy tsy tanteraka amin'zao andro iainantsika izao, ary tamin'ny fotoana nanoratana io faminaniana io dia
tsy mbola mafy be toy izao ny fiainana, ary marihiny tsara ilay hoe
any aoriana any.
2)Mifanaraka amin'ny Siansa ny baiboly :
Endriky ny tany : Isaia 40 : 22 : "Boribory ny tany.. Vakio"
Hifandraisany amin'ny Siansa : 300 taona taorian'ny nanoratana ny bokin'i Isaia dia nisy astronoma grika nikajy ny refin'ny antsasaky ny savaivon'ny tany. Mbola tsy ny rehetra anefa tamin'zay no nanaiky hoe boribory ny tany.
Tamin'ny taonjato faha-20 vao hitan'ny olona fa "
boribory" tokoa ny tany, rehefa afaka nandeha fiaramanidina izy ireo ary tonga hatrany amin'ny volana sy any ambony tsy taka-maso any.
Fiaimpiainan'ny biby : Lev. 11 : 6 : "Ny bitrodia dia
mandinika..."
Ny ifandraisany : nolavin'ny mpanao tsikera izany nandritra ny taona maro. Hitan'i
William Cowper anefa tamin'ny taonjato faha-18, fa
mandinika tokoa ny bitro. Nohazavain'ny boky iray momba ny biby navoaka tamin'ny 1940 ny fomba fanaovan'ny bitro izany.
3) Mirindra tsara ny ao anatiny :
Miavaka ny baiboly satria
olona 40 teo ho eo no nanoratra azy. Nisy tamin'izy ireo anefa mpanjaka, mpaminany, mpiandry ondry, mpamory hetra, ary dokotera. Tsy afaka niray tetika izy ireo mba hampirindra ny zavatra nosoratany, satria
naharitra 1610 taona ny nanoratana an'io boky io. Tsy misy mifanipaka mihitsy anefa izay nosoratan'izy ireo. Izay isika vao afaka milaza ilay ao amin'ny
2 Timoty 3 : 16 hoe avy amin'Andriamanitra tokoa ny baiboly.
Maro be ireo famiananiana efa tanteraka antsakany sy andavany manaporofo fa marina sy azo inoana ny baiboly,
tsy maintsy isika aloha no mahay tsara azy ireny mba ahafahana mitory amin'ny olona, porofo
tsy azo lavina mantsy izy ireny ho an'ny olona
tsy mino baiboly.
Mety ho
lava ny fanazavanao amin'ny olona, nefa
tsy maintsy manazava isika, izay no
maha-mpitory ny mpitory, ary nosoratana izy ireny mba ho fantary ny olona rehetra sy i
noany fa tenin'Andriamanitra ny baiboly, ary maro no efa nanaiky ny baiboly ho marina rehefa avy
nahafantatra ny fahatanteran'ireny faminaniana ireny.
Mazava tsara amintsika amzay ngamba ny tiana havoaka hoe
mila porofo mivaingana ny olona sasany vao mino ny baiboly, fa tsy mionona amin'ny filazana
andininy fotsiny hoe ny baiboly dia tenin'Andriamanitra.
