Ny efa maty ve dia mbola ho faty fanindroany indray?
ENY
Apok 21,8
Fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa.
Inona ary ilay fahafatesana voalohany?
Jak 1,13
13 Raha misy alaim-panahy, aoka izy tsy hanao hoe: Andriamanitra no maka fanahy ahy; fa Andriamanitra tsy azon'ny ratsy alaim-panahy, sady tsy mba maka fanahy olona Izy; 14 fa samy alaim-panahy ny olona, raha tarihin'ny filany sy fitahiny izy. 15
Ary ny filana, rehefa torontoronina,
dia miteraka ota;
ary ny ota, rehefa tanteraka dia miteraka fahafatesana.
Mazava eto fa tsy fahafatesan'ny nofo no tiana ambara fa ny fahafatesan'ny fanahy izay tonga fanahin'ota. Ny fahafatesana voalohany noho izany dia ny fahatafidiran'ny ota ao anaty, ny fahafatesana no tambin'ny ota.
Inona ilay fahafatesana faharoa?
Rehefa tonga ny fahafatesan'ny nofo kanefa efa maty ara-panahy (mpanota tsy nibebaka) ny olona iray dia tanteraka io Tenin'Andriamanitra voalaza amin'ny Apok 21,8 io: hanana ny anjarany amin'ny farihy mirehitra afo izy.
Ny efa maty ve mety hitsangana indray ?
ENY
Rom 6 3-7
3 Tsy fantatrareo va fa na iza na iza isika no efa
natao batisa ho amin'i Kristy Jesosy dia natao batisa ho amin'ny fahafatesany? 4 Koa niara-nalevina taminy tamin'ny batisa ho amin'ny fahafatesana isika,
mba ho tahaka ny nananganana an'i Kristy tamin'ny maty tamin'ny voninahitry ny Ray no handehanantsika kosa amin'ny fiainam-baovao. 5 Fa raha nampiraisina taminy tamin'ny endriky ny fahafatesany isika, dia ho tahaka izany koa amin'ny fitsanganany; 6 fa fantatsika fa ny toetsika taloha dia niaraka nohomboana taminy hanimbana ny tenan'ny ota, mba tsy hanompoantsika ny ota intsony. 7
Fa izay efa maty dia afaka amin'ny ota.
Ny efa maty ka nitsangana ve mety ho faty fanindroany indray?
ENY
Apok 2,11b
Izay maharesy no tsy hosimbain'ny fahafatesana faharoa
Maharesy inona?
Jao I 5,4
4 Fa izay rehetra naterak'Andriamanitra dia
maharesy izao tontolo izao; ary ny fandresena izay enti-maharesy izao tontolo izao dia ny finoantsika.
Heb 10 38-39
38 Ary "ny oloko marina dia ho velon'ny finoana;"
fa raha mihemotra izy, dia tsy sitraky ny fanahiko (Hab. 2. 3,4).
39 Fa
isika tsy mba naman'izay mihemotra ho amin'ny fahaverezana, fa naman'izay mino ho amin'ny famonjena ny fanahy.
Mitovy ve ny endriky ny fahafatesan'ny nofo sy ny fahafatesan'ny fanahy?
TSIA
Ny fahafatesan'ny nofo: Vovoka hody vovoka (Gen 3,19), mety lo ary tsy mandova ny fanjakan'ny lanitra. (I Kor 15,50)
Ny fahafatesan'ny fanahy: fanjakan'ny ota, sy fanompoana izao tontolo izao.
