Raha dinihina lalina ny fandehan'ny zava-mitranga amin'izao vanim-potoana iaintsika izao ,dia toa lasa eritreritra ny tena,fa toa tsy misy filaminana intsony manerana izao tontolo izao,ireto firenen-dehibe toa miharendrika avokoa,ny firenena malemy tahaka ny antsika moa tsy lazaina intsony,ary etsy andanin'izany ireto karazana "faminaniana " isan-karazany hita etsy sy eroa momba ity taona 2012 ity.Inona marina no tena hitranga? misy milaza fa:
Fa amin'ny volana Jolay no hanomboka ny ady lehibe fahatelo(valiny amin'ny fanafihan'i USA sy Israel an'i Syrie sy Iran)ary i Russie sy i Chine kosa hiaro an'ireto firenena roa farany ireto,dia avy eo kosa hiditra an-tsehatra ny OTAN(NATO) sy ny firenena hafa.
Amiko aloha, ny ady lehibe fahatelo dia efa nanomboka efa ela fa tsy amin'ny baomba nokleary na fitaovam-piadiana fa amin'ny fahafoanan'izay mbola miezaka manohana izay efa ho rodana dia ny rafitra tsy mahomby rehetra atsangan'ny olona.
