tokony ho avela @ zay angamba ity finoanoam-poana iray ty fa ny zaza no mampalahelo
http://www.dailymotion.com/video/xd13ux_madagascar-les-jumeaux-maudits_news

Nisy antony matoa notazomina ireny fomban-drazana ireny , mba manaova fandinihina lalina dia ho tsapanao fa tsy nanaonao foana ny ntaolo malagasy .Jereo ny fomban-tany sasany dia ho tsapanao fa betsaka ny manao io fomba iray io . Ny an' ny sasany aza dia tsy maintsy vonoina eo noho eo ireny zaza kambana ireny ary andrahoina miaraka @ vorombe fihinana mba tsy hahavery fanahy ny razana hono . Jereo fotsiny ao afrika ao , any azia avaratra , amerika central , manana finoana mitovy @ izany finoana malagasy izany .Rehefa hoe fomba malagasy dia ratsy foana ho an' ireo te hahazo tombiny @ lafiny hafa . :idea: :idea:

Sarotra be ny raharaha.

Araka ny fanadihadihana nataoko efa elabe izay dia ny antony maha-fady ireo Kambana hono dia satria isika olombelona rehefa teraka dia manana sila-panahy daholo any an-danitra any. Mety ho teraka ihany io sila-panahinao io saingy toeran-kafa ary iny aza no mety ho lasa vadinao hono raha tsy mitovy fitaovam-pananahana aminao. Ka raha tonga eto an-tany izany ny kambana dia midika izany fa fambara ratsy.

Finoana tokoa ilay izy.

Mampalahelo tokoa ny mahita ny kambana tsy misy mandray fa ariana eo ambaravarana ka na ilay reny niteraka aza tsy mahazo manopy maso ireo zaza ireo fa tonga dia misy maka dia tsy mahalala izay hiafarany ny ray aman-dreny. Ny reny mitomany dia bedesina tokoa raha sanatria te hifikitra sns sns... mafy mafy tokoa.

Saingy, raha notaizana anefa ireo zaza ireo dia ilay fisainana ao amin'ny mpianakavy mihitsy no tsy tafatombina. Efa nahita izany koa aho fa dia misy mihevitra foana raha vao mandalo olana ilay fianakaviana dia ireo zaza no fototr'izany satria mitondra vitan-dratsy. Nandika fady ilay fianakaviana ka mahazo tsiny tokoa amin'ny manodidina. Mafy ny manjo ireo izay mitazona ireo zaza ary ny reny no voakitakita voalohany. Na ny tsapan'ireo zaza aza dia tena mampalahelo tokoa. Eny fa na dia mivavaka efa Xtianina aza ireo fianakaviana dia mbola mahatsapa vesatra izy noho izany satria tsy mitombina ny sainy. Ny finoana netin-drazana tsinona tena zava-mahery tokoa amin'ny Malagasy.

Ka amiko raha toa ka misy ny mila ireo zaza any ho any hanangana azy ireo dia aleo izay aza no soa. Ireo izay tsy mba nanana anjara masoandro tamin'ny fiterahana dia aoka mba ho azy ireo ireo zaza ireo. Any izy ireo hahazo fitiavana tokoa ary mahafantatra ny reniny fa misy mpikarakara sy mitia ny zanany.

Ny fanjakana no mila miezaka manara-maso ny fananganana ny zaza sy mijery hoe nanao ahoana no fitombony sy ny momba azy ireo izay lasa any. Vola tokoa mantsy no azon'ireo mpanelanelana ka aoka ireo no harahan'ny fanjakana maso tsara. Raha tsy izay dia isika Malagasy no aoka hanangana fikambanana mahasoa ho an'ireo zaza ireo. Vao lasa manambady anie ireo kambana dia efa malalaka indray ny toerana e.

Aoka ho samby tombotsoan'ny rehetra no jerena. Raha zaza tsy tiana dia aoka izy tsy ho taizan'ireo izay tsy tia azy. Aoka hanana ny ray aman-dreny hitia azy sy kolokolo azy tsara. Be dia be ny zaza kambana avy any Mada milamim-piaina be aty an-dafy. Raha tany anefa izy ireo mety efa tsy izy intsony.

Mifameno re isika mianakavy eto an-tany.

Tsy ny hoe ny finoanoam-poana no ajanona fa ny fanaovana azy hoe mety ve ty sa tsy mety, izany hoe misy ny finoanoam-poana tokony tsy atao intsony na tokony tsy isainana intsony fa efa lany andro raha araka ny filazana azy, ohatra amin'izany ny hoe raha mangidihidy ny fela-tanana dia misy vola ho azo izay na koa hoe handray vola ianao, nefa raha tena dinihana izy io dia tsy marina akory, na koa hoe tsy mahazo mandaka rindrina fa mahafaty Renibe, nefa ny tena marina dia maloto ny rindrina ka mba ho fampitahorana dia aleo atao hoe mahafaty Renibe. Misy kosa anefa ny mbola azo inoana fa mitombona toy ny ohatra hoe raha avy be ny orana indrindra raha misy kotroka dia tsy tokony hanao lamba mena na hialoka amin'ireny hazo ireny na koa hiazakazaka na manakaiky ireny omby ireny fa manjary latsahan'ny varatra ianao satria tsy tian'ny varatra ireny noho ny misy hery misintona, ka izany izao dia azo inoana tsara, sy ny sisa izay tsy ary tanisaiko eto avokoa.

LAVASANGA:

nefa raha tena dinihana izy io dia tsy marina akory, na koa hoe tsy mahazo mandaka rindrina fa mahafaty Renibe, nefa ny tena marina dia maloto ny rindrina ka mba ho fampitahorana dia aleo atao hoe mahafaty Renibe.

Ny marina sy tsy marina iza tokoa moa no mahalala?

Raha ny tantaran'ny Ntaolo araka lovatsofina dia izao no antony tsy handakana rindrina.

Ny Rindrin'i Ntaolo tamin'izany dia vita amin'ny tany rotsipeta ka ny ankamaroan'ny zavatra ao anatin'izany dia ahi-mololo sy tany ary rano, ary indraindray hazo lavalava ireny no atsangana dia avy eo sesefana ilay tany lena feno mololo. Mora maina, mora atsangana nefa koa mora mirodana. Tsy mbola nahalala izay nandoko rindrina ny Ntaolo tamin'izany.

Ny renibe no ao an-trano matetika rehefa andavanandro fa i Dada sy Neny no miasa any an-tsaha. Ka i Nenibe no mpitaiza sy mikarakara ireo ankizy milalao eo. Ka raha manadaka rindrina ny ankizy dia izy no mahita voalohany fa mirodana ny rindrana na misy loaka. Satria izay no zavanisy; loaka miloatra any ivelany na anatiny izay toerana voadaka. Izy no taitra voalohanyBold textBold textBold text, nefa indraindray izy efa marefo ary matetika dia izy no ankinina hanesika ilay simba indray raha toa ka tsy goavana be ilay izy ka tsy nirodana ny rindrina rehetra satria ny hafa dia reraka avy niasa ary tsy manam-potoana manamboatra ny simba.

Noho izany dia nilaza ny Ntaolo fa tsy azo atao ny mandaka rindrina fa mahafaty Renibe.

Amiko dia nitombina tanteraka ilay fady teo. Saingy moa ve mbola mitombina amin'izao dia mety tsia tokoa saingy ny tsipi-piainan'i Ntaolo hatramin'izay dia niainga foana tamin'izay fiainana efa niainany ka nakany lesona- io no ohabolana. Tsy nisy lainga fa nisy tokoa ilay izy.

xxx:

Nisy antony matoa notazomina ireny fomban-drazana ireny , mba manaova fandinihina lalina dia ho tsapanao fa tsy nanaonao foana ny ntaolo malagasy .Jereo ny fomban-tany sasany dia ho tsapanao fa betsaka ny manao io fomba iray io . Ny an' ny sasany aza dia tsy maintsy vonoina eo noho eo ireny zaza kambana ireny ary andrahoina miaraka @ vorombe fihinana mba tsy hahavery fanahy ny razana hono . Jereo fotsiny ao afrika ao , any azia avaratra , amerika central , manana finoana mitovy @ izany finoana malagasy izany .Rehefa hoe fomba malagasy dia ratsy foana ho an' ireo te hahazo tombiny @ lafiny hafa . :idea: :idea:

Mety ho tsara kokoa raha ampahafantarina ny olona ilay antony fa izy tsy fantatra antony no mahatonga azy raisina ho finoanoam-poana

Ho ahy izao raha tsy hazavainareo amiko hoe inona no antony dia disoiko ireo manary zaza kambana, aina toy ny anao iny ka nahoana no atao ohatr'izany

Taloha koa nisy ohatra hoe main'ny vomanga mamay i dadabe dia izahay mianakavy aty aoriana no tereny tsy hihinam-bomanga ! :-D

xxx:

xxx:

Nisy antony matoa notazomina ireny fomban-drazana ireny , mba manaova fandinihina lalina dia ho tsapanao fa tsy nanaonao foana ny ntaolo malagasy .Jereo ny fomban-tany sasany dia ho tsapanao fa betsaka ny manao io fomba iray io . Ny an' ny sasany aza dia tsy maintsy vonoina eo noho eo ireny zaza kambana ireny ary andrahoina miaraka @ vorombe fihinana mba tsy hahavery fanahy ny razana hono . Jereo fotsiny ao afrika ao , any azia avaratra , amerika central , manana finoana mitovy @ izany finoana malagasy izany .Rehefa hoe fomba malagasy dia ratsy foana ho an' ireo te hahazo tombiny @ lafiny hafa . :idea: :idea:

Mety ho tsara kokoa raha ampahafantarina ny olona ilay antony fa izy tsy fantatra antony no mahatonga azy raisina ho finoanoam-poana

Ho ahy izao raha tsy hazavainareo amiko hoe inona no antony dia disoiko ireo manary zaza kambana, aina toy ny anao iny ka nahoana no atao ohatr'izany

Taloha koa nisy ohatra hoe main'ny vomanga mamay i dadabe dia izahay mianakavy aty aoriana no tereny tsy hihinam-bomanga ! :-D

Ny antony angamba dia io efa nazavaiko ery ambony io hoe Sampona aminy ny teraka roa na maro mihoatra fa tokony ho tokana ihany no avoaka isaky ny miteraka ny olona iray. Satria ilay kambana aminao dia tokony hitoetra any an-danitra na teraka amin'olon-kafa.

Betsaka tokoa ny nanazava tamin'izany ny fahoriana mianjady amin'ireo izay nitaiza kambana raha ny tantara. Ny olana koa mantsy dia nono ilany ihany no azo anomezana ronono na nonoan'ny zaza iray. Ka raha io no tsy ampy ilay nono ilany io dia tsy ampy sakafo ny zaza moa ny reny marary satria mamontovonto ny iray tsy ninonoana.

Ny hoe hodisoana izy ireo. Dia mino aho fa handiso azy ireo avokoa izay tsy mino sy tsy miaina ny inoany. Ny afaka hanova azy ve ianao mba tsy hinoany an'io no fanontaniana mipetraka?

Ady mafy tokoa ny miady amin'ny fanentanana ny olona any amin'io faritra io hanangana kabone/latrine farafaharatsiny fa ehe, ny sisin-dranomasina no lasibatra. Aman-taonany efa mifangaro ny ny razan'ny tsirairay satria manambady hafa razana. Efa miala ny tanana ny olona ary lasa mipetraka toeran-kafa sns sns ... avy eo miverina ao vao miova ny fisainana.

Tadidiko fa ny tenako dia isan'ny nanontany ny Dadabeko hoe fa nahoana ny Razantsika fady kisoa? dia hoy izy hoe biby fady ireny ka! Biby mitrongitrongy foana manimba voly, biby maloto, mihinakinam-poana, biby mankarary antsika sns sns... Ny zanaka amam-para taty aoriana moa dia nihinana satria io no sakafo misy sy matsiro ary efa manana afo mahaketrika azy tsara. Taty afara anefa vao azoko hoe rehefa mandinika aho fa ny kisoa dia biby tena tsy mahasalama tokoa raha hanina matetika indrindra raha izy ilay be menaka iny. Izy no mamparary raha tsy masaka tsara. Izy no misy aretina kokoa noho ny omby sns sns... tsara taminay tokoa ny tsy nihinana kisoa ankoatran'ny mahabiby maloto ara-panahy azy.

Tsy mbola naheno indray aho ry xxx hoe misy olona fady vomanga any ho any?

Misy antony foana ny maha -fady ny fady tamin'ny Gasy taloha fa mety tsy mifanaraka amin'ilay fady intsony ny tontolo iainantsika amin'izao sy ny zavamisy amin'izao.

dia tamin'ny andro taloha koa dia vonoina ny zaza teraka amin'ny andro alakaosy satria andron'ny mpanjaka io ka atahorana hanonga-mpanjakana ilay zaza satria mitovy vintana amin'ny andriana. Amin'ny toerana sasany eto amintsika ihany, dia napetraka teo ambaravaran'ny fahatry ny omby ireny zaz ireny ka raha tsy voahitsaky ny omby dia avela ho velona. Na koa alefa mandositra.

Misy zavatra iray koa mila fantarintsika momba ny fomba Malagasy sasany.

Misy foko maromaro eto Madagasikara mihevitra fa na vao teraka aza ny zaza iray/ kambana dia tsy mbola olona iny izay aminy raha tsy vita fombafomba isan-karazany na ilay zaza na ilay reny niteraka.

Ny reny niteraka dia tsy mahazo mandro amin'ny rano mafana mihitsy mandritra ny fotoana ifanana fa rano mangatsiaka. Mila mifana anefa ny reny vao avy niteraka. Ny zaza izay vao teraka dia tsy tokony ahita masoandro mandritra ny telo volana farahafaratsiny , zany hoe ny fotoana ifanan'ny reny iray. Tsy mbola isan'ny fiarahamonina/ na olona manan-jo amin'ilay misy azy ny zaza iray raha tsy vita "Ala Volon-Jaza" , misy fomba arahina amin'izany, ka raha mbola tsy vita izany izy dia misy "ody" ampanarahana ilay zaza eny ambozonany mba hiambina azy sao misy "Fanahy ratsy" mandrombaka ilay zaza (aretina na hafa maro atahorana). Ary farany dia ny "Famorana" na "Sambatra" ho an'ny foko hafa. Tsy ho isan'ny lehilahy mihitsy ny zaza ( lehilahy =manana ny mahaizy azy) ny zazalahy iray raha tsy mifora. Ny an'i Foko Antambahoaka anefa dia isaky ny folo taona ny Sambatra.

Marihana fa hatramin'izao dia mbola ambony be ny taux ny fahafatesan-jaza Malagasy alohan'ny hivadihany ho feno 5 taona. Zany hoe be ny zaza maty alohan'izy feno dimy taona. Ny taona voalohany dia maro no mamoy zanaka ny olona tamin'izany ka tsy heveriny fa olona aloha ireo zaza raha tsy mandalo dingana isan-karazany. Izay no antony hisian'ny fasan-jaza "any anirotra" ary misy fombafomba koa ny hametrahana izany fasana izany.

Isan-karazany koa ny fifandraisana amin'ilay zaza eo rehefa mikarakara azy satria izy dia mbola tsy heverina ho olona izay dia mody atao tsinotsinona. Tsy omena ny tena anarany izy fa mbola anaram-bositra sady anaran-dratsy. Rehefa milaza azy hoe "mahafatifaty" dia tsy azo atao mihitsy fa hoe "Amboamboa" na "ratsiratsy" ezahina mihitsy ny tsy hanomezana lanja ilay zaza mba haharitra ilay zaza satria raha kenaina loatra amin'ny fiheviny dia " misy maka" na maty.

Tsoaka, mandalo fitsapana isan-karazany ny olombelona iray amin'ny foko iray vao tafiditra ho isan'ny olombelona omen'ny fiarahamonina hasina sy mahazo zo ho mpikambana ao aminy. Koa raha misy ny aina eo ampiterahana dia tsy heverina ho ain'olombelona izany fa mbola hafa noho izany ny fiheverana azy.

Ny finoana daholo no mitondra izany!

Ny tiako ambara dia tsy "finoanoam-poana" mihitsy raha misy ny fomba ataon'i foko Malagasy iray fa tena "finoana" toa ny anao izay lazaina fa Kristianina ohatra.

mahafinaritra ny nahita sy naheno nolazainy ilay ampanjaka ny fanavela jean Mado rehefa nanasa ireo zaza kambana tao andapany izy e,ka nanao fanambarana ampahibe-maso ,namono omby natao ala-faditra izy hanafoanana izany fombafomba zany @ manodidina ny fiadidiany satria mbola hisy foana ozizy fa tsy ho tapitra zany kambana izany efa tsapany fa sarobidy ny aina rehetra na kambana na tsia,na finoana iny na tsia ,lalana fototry ny firaha-monina @ zao vanimpotoana izao no fanajana ny zon'olombelona e,misy andraikitra lehibe ny fiaraha-monina sy ny fanjakana ao manetsika sy manabe ireny mbola mampihatra fomban-drazana lavitry jiro ireny ka manao tsinotsinona ny ain'olombelona ,mila ampitomboina ny akany hanabeazana ireny zaza ireny oh. anisany ezaka tsy maintsy ataony fanjaka ho vaindohan-draharaha izany hiarovana ireny zaza tsy manatsiny noho ny finoanoampoana

Mahavariana tokoa ilay fombafomba .Na ny renirano aza dia omena anarana hoe ikalanonariana.Satria toa ilay zazalahy no notazomina fa ilay vavikely no nariana navalan-drano.Ka raha toy ny olona any ivelany mitady zanaka (teraka kambana 2-7 ) dia asa angmba fa tonga dia vonoiny daholo ilay zaza.izany miteraka kambana izany anefa dia maro no maniry satria indray miteraka fotsiny tonga dia roa dia vita amin'izay.Nandritra ny fotoana efatra ka hatramin'izao fotoana izao anefa dia marobe mihitsy ny olona miteraka kambana .Ny tsy hitovizany fotsiny dia mahazo fanampiana avokoa na ny reny mitondra voka na ireo zaza ateraka ary tsy misy fombafomba izany fa dia mahafatifaty kely ny mijery ireo zaza.Eny mafy tokoa ny mitaiza zaza kambana saingy mody ventiny ny rano natsakaina rehefa mihalehibe sy afaka mandeha ilay zaza.Mila ampianarina tokoa ny olona ary mila ho azavaina aminy fa resaka fampianarana ihany dia efa tena zava-dehibe anampy ireo miteraka kambana ka tsy amono ny iray na anao tsinotsinona azy ireo satria mitovy ny ain'ny rehetra ihany izy ireny.