Nandika ny Didy hoe "aza mamono olona" i Davida.
Betsaka ny mpitondra fanjakàna sy mpitondra firenena voalaza fa "mihosin-drà" ny tanany.
Fantatro fa misy na dia mamono akoho aza tsy tantiny akory eto, fantatro satria izaho mba isan'izany. Fa ho an'izay toa ahy, ka mety hihevitra fa tsy meloka, ny tenin'i Jesoa milaza ny fitsaràn' Andriamanitra marina hoe :
"Efa renareo fa voalaza tamin'ny ntaolo hoe:" Aza mamono olona" [Eks.20.13]; ary izay mamono olona dia mendrika hohelohina amin'ny fitsarana.
Fa Izaho kosa milaza aminareo hoe: Izay rehetra tezitra amin'ny rahalahiny dia mendrika hohelohina amin'ny fitsarana; ary na zovy na zovy no hanao amin'ny rahalahiny hoe : Olom-poana hianao, dia mendrika hohelohina amin'ny Synedriona; ary na zovy na zovy no hanao hoe: Foka ialahy, dia mendrika ho ao amin'ny helo mirehitra afo.".
