Iza marina izy io ?
Ny zavatra tsy dia azoko dia hoe : marina foana ve ny hoe vehivavy = fiangonana ao amin'ny baiboly ?
Raha vakiana manko ny Apokalypsy toko 17 sy 18, dia voasoratra ao hoe :
tanàna io vehivavy io, dia i
Babylona. Izany hoe voalaza tsara ny anarany eo.
Ny tsy azoko kely dia hoe : tanàna izy mipetraka amin'ny mpanjaka (fa tsy mpanjaka no mipetraka amin'ny tanàna). Ary mpanjaka fito ipetrahany daholo, izay fotoana samihafa no nisy azy.
Ilay tanàna tangoron-trano-n'i Babylona anefa fantatsika fa efa rava, ary tany Iran tany no nisy azy fahizay. Tsy ilay tanàna ara-jeografika anefa no izy satria :
- mbola mipetraka amin'ny mpanjaka faha-6 izy amin'ny fotoana nanoratan'i Jaona, ary mbola hisy faha-7 koa aza sy ilay bibidia ho fanimbalony
- kanefa ilay vohitr'i Babylona dia efa talohan'izany no rava. (ahitsio aho raha diso eo)
Fa inona izany no tena mamaritra ny identité-n'i Babylona io?
Misy miteny hoe irony fikambanana miafina irony io Babylona io, dia ny franc maçonnerie e, illuminati e, sns ... Ka asa raha misy ifandraisany amin'ilay anarany hoe "ZAVA-MIAFINA" io na tsia (17:5). Dia miverina amin'ilay resaka "maîtres du monde" ndremande izay.
Misy indray no miteny fa i Eoropa io. Eo dia misy ifandraisany amin'ny resaka mytolojia, fa i Eoropa hono dia vehivavy nitaingina omby, izay i Zeus ihany mpanjakan'ireo andriamanitra. Kanjo nentiny tany anaty rano dia naolany. Ary mbola marika entin'i Eoropa mitambatra io izao ilay sary vehivavy mitaingina omby.
Misy ny miteny fa ny fiangonana katolika io Babylona io. Misy koa no miteny hoe ny silamo io. Kanefa, tanàna hoy ilay anjely, fa tsy fiangonana; sady ilay Babylona efa nisy efa ela talohan'ny nanoratana ny apokalypsy sady efa nipetrahany ireo mpanjaka dimy efa lavo.
Ka mba iza loatra ary io, mba hahafahana miala aminy, araka ilay hoe :
"Mialà aminy hianareo, ry oloko, mba tsy hiombonanareo ota aminy, ary mba tsy hisy hahazo anareo ny loza manjo azy." (18:4)
