Lazandri niteny hoe: " kanefa koa na mpampianatra hendry be toy inona aza rehefa diso ny zavatra inoany sy ampianariny dia vao maika loza. Io no antony nandavako ilay teninao hoe n'inona n'inona etsy ambony."
Ny fomba fampianarana no resahiko eto fa tsy hoe inona ilay zavatra hampianarina. Ahoana ny toetra tokony ananan'ny iray mba handaitra ny fampianarana ka hotafita any amin'ny mpihaino. Zany hoe ny fomba fampitana hevitra raha tianao handaitra ny fintana.
Misy tokoa ny fampianarana zavatra DISO. Ary betsaka be io eto ambonin'ny tany. Izaho anie ka tsy niteny hoe diso ny andry ianina sy ianina. Satria izay ilay efa resahako foana hoe tsy hitsara aho fa aleo azy mpihaino ny safidy. Eo indrindra ny ilana ny famakafakana sy fanadihadihana. Saingy sarobidy ny fotoana ka mila mahalala mahafantatra raha-potoana koa ilay mpihaino hoe omeko ny fotoanako ve ity resaka ity sa tsia. Ka hoe ndeha handany andro hihaino zavatra iray , izy mety tsy mahafantatra hoe diso anie ity. Dia ao moa no lasa voatarika raha tsy nahay nandalina sy nandanjalanja ary ao koa ny nahita fa diso be izy izany ohatra dia lasa nefa efa lany teo ny adiny 5 ohatra.
Omeko ohatra: Nisy ramatoa nanazava tamiko fa ny zavatra rehetra eto ambonin'ny tany sy ny tsy hita maso dia Andriamanitra avokoa. Na izaho izao aza dia mbola Andriamanitra.
Niketrona kely aho mihaino azy. Milamina tsara ny fanazavana. Ananany daholo ireo toetra notakiako tary ambony. Saingy vao henoko ilay sujet hoe Andriamanitra aho dia nisafidy hoe tsy hihaino intsony aho.
Misy anefa ny olona tsy mahalala an'izay fa mihaino sy mandany fotoana eo ihany. Dia misy voatarika tokoa satria hain'ilay olona nampita ilay hafatra ary tonga dia voatarika ny fony. Ka na dia diso aza ilay fampianarana dia azoko resahina ihany hoe voasasa atidoha ilay olona mpihaino teo.
Eo ny fahafantarana ny fampiasana ny SAFIDY avy amin'ny saina.
Misy koa anefa ny fomba hafa ao amin'ny fampianarana na presentation sns ka mampiasa ny atao hoe " Attention getter"
Fantatr'ilay mpihaino ny zavatra tena sarobidy sy manohitohina na lalain'ny olona mpihaino na hoe koa mahasaropiaro ny mpihaino sns. Atombony eo ny raharaha. Ohatra ilay nampiasain'ny St. Paul hozy iza iny moa fa tsy hitako eto ny hevitry ny rehatra "Tezitra aminareo Andriamanitra fa.... ary tezitra koa aho sns..." Raha vao heno ny resaka tezitra sy Andriamanitra dia misokatra ny mason'ny rehetra satria zavdehibe amin'ny olona ohatra ny tsy fahatezeran'Atra sns... dia mitohy eo ny fampianarana satria efa voakitikao ny fihainon'ny olona sy ny sainy ary mety koa ny fony.
