Betsaka ny bibikely informatika (Virus) izay miparitaka be mihitsy amin'izao fotoana izao. Isanandro dia mandray emails anjatony maro misy tovana (zip, scr, exe sns). Soa ihany fa miasa tsara ilay sivana ao amin'ny gmail ka tonga dia any anjaoridira daholo ireny.
Fa ho antsika indrindra dia ireto misy torohevitra kely, ary mety hanampy koa ny namana hafa.
- Aza manokatra tovana (pièces jointes) raha tsy ianao no nangataka azy... ary tokony efa nifanarahanareo tsara hoe asio sonia sns. (Zah ohatra tsy mandefa tovana ho an'olona mihitsy raha tsy mampilaza mialoha hoe handefa taratasy misy tovana aho.)
- Aza manindry rohy ao anaty email mihitsy raha tsy hitanao mialoha hoe mandeha aiza ilay rohy (Aleo aza manao dika-petaka/copier-coller). Ohatra misy toa izao ao anaty email.
"Vous avez reçu un message. Cliquez sur le lien ci-dessous pour aller dans votre boite de reception
www.serasera.org/inbox/votrenom
Hitanareo avy hatrany fa hafa ny adiresy mitranga ary hafa ny zavatra asehony rehefa tsindrina.
- Aza manome tsiny avy hatrany ilay olona nahazoana ilay hafatra... satria metsy tsy izy akory no nandefa azy. Anisan'ny asan'ny bibikely amin'izao fotoana izao ny mindrana adiresy hafa amin'izay sarotra ny mahalala hoe iza no tena voa.
Raiso ary ny poizim-parasy :-)
