FANAHY… finoana….
Inty misy andiantsoratra kely NOTSONGAINA TAMINA BOKY nosoratan’i Faramalala Victoire RAVAOARIMANGA.
Ny olombelona dia manana ny atao hoe fanahy (esprit) ankoatry ny « âme »(saina) sy ny vatana (corps) : ny maha-ianao anao dia ireto 3 ireto : ny « âme » ny « fanahy » ary ny « vatana ».
A) Ny âme (saina) dia ilay sehatra misy ny 1- saina (eritreritra,fomba fisainana, ny faharanitan-tsaina, ny tadidy sy ny tsiaro, ny fihevitra…) 2- ny fihetsehampo (émotion) (alahelo, tahotra, fitiavana … sns) 3- ny finiavana (volonté), ny finiavantsika no misafidy ary manapa-kevitra na ho amin’ny tsara na ho amin’ny ratsy no hizorantsika. Fantaro fa ny fahavalontsika dia tsy afaka mandray ny safidy na ny fanapahan-kevitsika. Afaka mandrahona, mampirisika ary mandrobo atsika lava eny foana izy kanefa ny SAFIDY sy ny fanapahan-kevitra dia mbola antsika ihany
B) Ny vatana dia ilay sehatra iray maha-olombelon mifandray amin’izao tontolo izao (tsiro, fahitana, fahatsapana, ny hanoanana, ny ratra sns..)
C) Ny fanahy : ity sehatra ity no afaka mifandray amin’Atra @ maha-olombelona antsika. Tsy afaka mifandray Aminy avy hatrany anefa ny fanahy raha tsy efa novelominy izany hoe « efa nateraka indray ». Vokatry ny tsy fankatoavan’i Adama sy Eva ny sitrapon’Atra dia tafasaraka taminy izy ireo sy ny taranany, dia ny olombeloona rehetra. Ny fahafatesan’ny fanahy (esprit) no vokatr’izany eo @ tsirairay. Navitran’Atra t@ alalan’ny nanirahany ny Zanany ho faty hamonjy antsika anefa izany. (Rom 6 : 23)
Eo @ ireo olona tsy mbola nanovo izany fiainana mandrakizay ao amin’i Jesosy Kristy izany dia tsy misy aina, tsy manan-kery ary tsy miasa ny fanahiny (esprit) satria maty tanteraka. Ao anatin’ilay olona ihany anefa io fanahy io na dia maty aza. Tsy afaka mihaona amin’ny fanahin’ATRa ny fanahin’izany olona izany. Noho izany, tsy misy hery miantraika any amin’ny fomba fisainany na fanaony avy ao amin’ny fanahiny. Mety ho mpamonjy fiangonana marain-tsy hariva izany olona izany, mety ho mpanao asa soa, mety ho efa nahavaky ny baiboly iray manontolo koa, na mety ho mpangalatra na dahalo aza. Ny zavatra itovian’izy rehetra ireo sy iraisany dia izao : tsy baiko avy @ fanahiny (esprit) izany mbola maty no mahatonga azy ireo hanao izany fa baiko avy amin’ny « âme » na koa hoe saina.
Eo @ ireo efa nateraka indray kosa dia manjary velona ny fanahiny(esprit) ary lasa afaka mifandray @ Fanahin’Atra. Manjary afaka mianatra mihaino ny feon’i Jesosy Kristy Zanak’Atra ihany koa izy, ary afaka mifampiresaka Aminy mihitsy aza. Tonga monina ao anatiny @ alalan’ny Fanahy Masina mantsy Andriamanitra (Jaona 10 : 3-4 ; 16 :13). Io Fanahy Masina io no mamahana ny fanahiny (esprit), ary mampianatra sy manoro hevitra ny sainy, ny fihetsehampony ary ny finiavany (galatiana 2 :20). Na izany aza anefa, mbola tompon’ny safidiny manokana sy ny fanapahan-keviny ihany ny olona :
Mbola ilay fanahy (esprit) izay nateraka indray ihany koa no azo lazaina fa mahazo ny famonjena ka tonga vaovao fa tsy ny aina (âme) na ny vatana (corps) tsy akory (II koront 5 :17)
Ny volonao dia indro fa mainty toy ny teo aloha ihany fa tsy lasa vaovao, ny oronao dia mijanona ho petaka toy ny teo aloha ihany. Ny eritreritrao dia indro mbola mihevitra ny hamaly faty an’ilay olona manorisory anao ihany. Mbola mahatonga anao hangataka andro lava ihany ny fanapahan-kevitrao. Mbola mety hogejain’ny lolompo ihany ny fihetsehamponao. Ary indro fa mbola tsy voafolaka ihany ilay lela te-hifosafosa na te hanambany olona. Na izany aza anefa, efa manomboka miasa sahady ao anatin’ny ainao «(âme) Andriamanitra, ary miandalana kosa matetika ny bokatry ny fiasany eo amin’io sehatra io.
Ny fileferan’ny saina, ny fihetsehampo ary ny finiavana eo anatrehan’ny baikon’ny Fanahy Masina izay mitoetra ao anatin’ny fanahy (esprit) no mahatonga ny kristiana ho mpankatô. Eo anivon’ireo zana-tsehatra 3 ireo foana anefa no mipetraka ny olana ary mafy be ny ady, satria samy mbola tsy miwy vaovao tanteraka na ny saina na ny fihetsehampo. Ary Andriamanitra tsy mitsabaka rahateo amin’ny safidintsika na ny fanapahan-kevitra raisintsika fa manaja izany. Na izany aza anefa, tsy mitsahatra ny manoro lalana antsika Izy mba hahatonga antsika ho mpandresy.
Ny biby amam-borona no tsy manam-panahy (esprit) ka rehefa maty ny batany dia tapitra hatreo koa ny aminy manontolo. Isika olombelona kosa sarobidy labvitra noho izany, eny , tsy tokony oharina @ biby amam-borona akory aza. Noharian’Atra isika hanana izay mampiavaka antsika amin’ny biby. Izany no mahatery an’Atra mba hahatonga ny olona rehetra ho « ateraka indray ». Mba hananay ny Fanahy Masina, ka handovany ny fiainana mandrakizay miaraka Aminy.
Dia io no ao anaty boky izay « nadikako fotsiny » Miala tsiny fa lava be.
