Ny Dady na Razana dia iray ihany.

Tany aloha dia samy nitondra ny Razany tamin'izay toerana nalehany ny Foko tsirairay teto Madagasikara. Nofonosina Tsihy sy Arindrano ny taolam-balon'ny Razana ary nentina nanaraka ny fifindra-monina tamin'izany andro. Ary io Razana io ho an'ny isan-tokatrano dia natao teo anjorofirarazana, ambony tahalaka, ka mipetra miaraka amin'ny velona. Ary io Razana apetraka anjorofirarazana io no Antsoina hoe Dady.

Raha mivaky ilay tokatrano na ilay foko. Dia zaraina ilay Razana ka samy mitondra any amin'ny toerana andehanany ny ampahany tamin'ilay Razana. Ary io ampahany tamin'ny Razana io, izay apetraka eo anjorofirarazana ihany koa no atao hoe Dadibe.

Taty aoriana rehefa tafapetraka tamin'ny toerana iray ilay Foko, dia nanao fasana ipetrahan'ireo Dady sy Dadibe ireo. Fa raha misy kosa manao fasana vaovao dia entiny manaraka an'io fasana vaovao io ny Dadiny.

Dia manatitra ny fisaorana an'i Endriny foana aloha mizara... sy mampieritreritra.

Zahay izao aty nieritreritra mihintsy hoe, ho dorana rahatrizay maty. Dia hoe, ho atao inona nefa izany izao ilay lavenona.
- tonga dia avela ho arian'ny mpandoro any ve, sa
- ho alaina dia aparitaka eny @ renirano na any an'ala akaiky eto, sa
- apetraka ao anaty vazy ny lavenona, dia alefa ho alevina any am-pasan-drazana any Dago, sa
- dia toa io ambony io ve, "hiara-hipetraka @ velona" ve izany ny lavenonay, raha izany no sitra-pon'ny velona

Inona no mety inspiraka na hoe paozitifa ny @ lavenonay "hiara-hipetraka @ velona" ??

Tsy maninona izay safidinareo koa. Izay tsy hampijaly ela dia efa mety. Ny foko Antalaotra izay avy any India ny niaviany ohatra dia efa hatramin'ny taon-jato faha 16 no nanao io fomba manirasira Razana io (ilay teny hoe mandoro mantsy tsy fampiasa amin'ny Razana) teto Madagasikara.

Manirasira = Manamasina = Mandevona ilay Razana ho lasa Sira na Masina

Namana serasera :) Mahafinaritra ny olona tia RaR fahavelony. Mila tena tiana tokoa zareo reny na dia tsy voatery mitovy fomba fijery @ tena aza ndraindray.
Atao izay azo atao mandritra ny fahavelomany . Efa ho ririnina ndray ty zao, ohatra ividianana akanjoba tsara tarehy, doubla fasy vaovao sy matevina tsara, termaosy hisotroany dité mafana. Afaka amboarina koa ny solonifiny mba ho manjamanja sy ho miramirana ery izy (ianao mahita azy fa be d be ny azo atao ...)
"Fa ny maty kosa tsy mba mahalala na in na in,ary tsy manana valim-pitia intsony iz"Mpit 9:6"
"Na ny fitiavany, na ny fankahalany, na ny fialonany, dia efa samy levona ela sady tsy manana anjara intsony mandrakizay @ izay atao ety ambanin'ny masoandro izy" Mpits 9:7

Samy manana ny fijeriny ny Razana sy ny Maty. Fa ho ahy tsy afototro amin'ny finoana ny fanajako ny Razako, fa kosa atsangako amin'ny sy hajaiko ary omeko voninahitra ny Razako noho:

1) Loharano nipoirako, ka raha tsy teo izy nikolokolo ahy tsy toa izao aho. Ka tsy ataoko rano dikain'ny zinga izy. Tsy ataoko valalan'alika sanatria.

2) Betsaka ny fahalalana sy ny fahendrena noratovoko avy amin'ny Razako ka tsy izaho indray no andeha handraraka ilo mby an-doha. Hanitra samy manana ny azy ary randram-bolo samy manana ny vakiny. Ka hajaiko ny ahy.

Taty aoriana dia nampiasan'ireo mpitankazomanga sy ampanjaka ary ombiasa sasany ny Dadiny mba entina miady amin'ny fahavalo. Ny fahavalo teto dia ireo Eraopeanina nibodo tany sy nangalatr'omby ary nangalatra olona ahondrana. Fa nihitatra ny fahavalo taty aoriana satria nisy ireo foko nifanaraka sy nitsikomba tamin'ny vahiny.

Ka isaky ny misy fanafihana na sy ady natao dia atsangana miaraka amin'ny hazomanga ny Dady (Eto ny Dady dia efa lasa volo, nify, taolan-kitra, na karandohan'ireo Razana)

Taty aoriana moa dia ireo lazaina fa mpamosavy sy mpivoaka alina no mitahiry io fomba io.

Iilay hoe tokony atao t@ "fahavelomana" aloha dia efa vita any iny. Rehefa maty izao no resahina.

Fa ny inspiraka na paozitifa @ ananana ny Dady na Razana ao am-bohitra izany, raha ny fahazoako azy, dia
- ny anome herin-tsaina, arak'ilay hoe, ny Razana mitahy fa tsy miady vomanga
- ny ampatsiahy ny soatoavina na fahendrena na izay niombonana t@ Razana tao.

Ny tiako lazaina foana, dia izay "finoana" na "fombafomba" (taloha) dia atao "inspiration", fa izay atao rehetra dia ho amarinina na amafisina @ lojika/pisikolojia/sosiolojia/siansa/2017/etsetra.. eo foana.

Io moa samy manana ny tiany anaovana ny tenany rehefa lasa razana. Ny sasany izao hoe izy irery ihany no ao anaty fasana iray, ary fenoina aloalo mirakitra ny faniriany fahavelona hampiaingo ny fasana.

Ny hafa soratatana tsara eo ivelany ny anarana, ny daty nahaterahana sy nahafatesana.

Ny Malagasy tokoa dia tsy niray fasana izany taloha. Fa samy nalevina tsirairay. Fa noho ny fanirian'ny rehetra mba te hilevina ohatran'ny mpanjaka ao anaty rary vato, dia nanomboka nanao fasana ny olona. Lafo anefa ny nanao fasana vato, ka voatery nifanampian'ny mpiray tanana. Satria nifanampiana sy lafo ilay izy, dia lasa niombonana ny fasana vita rehetra. Tamin'ny taona 1800 no nanomboka nilevina tamin'ny fasana itambarana ny Malagasy.

Saingy tsy ny Malagasy rehetra, satria ny olona amin'ny faritra atsinana, avaratra, andrefana ary atsimo dia mbola samy milevina tsirairay ny ankamaroany. Eny fa na ny eto amin'ny faritra andrefan'Antananarivo aza dia mbola alevina an-dongona fotsiny ny razana, ka tsy misy ahafantarana azy hoe misy razana ao raha tsy tompontany.

Rahefa ny Malagasy izao no miresaka Ny Dady sy ny Razana, dia ... hotry ny likiliky ho'a ny Kristiana eee...

Nefa anie, iza no tsy mahalala fa ny ao ambanin'ny Basilika St-Piera ao anie, ka feno taolam-patin'ny Papa maro, ary milevina miaraka @ biby akoriny aza izy ireo tao.

Ary io dia talohan'ny nisampanan'ny Kristianisma ho protestanta/katolika, izany hoe, ny "razan'ny Kristiana" izany dia nitahiry ny nofo sy taolana mangatsiaka tao an-trano tao koa.

Ka izay ilay fanajana ny razana, no sady fomba hita maso ilazana amin'ny mpiara-monina ny tantaran'ny razamben'ny tena.

Marina fa manao toa izany koa ny kristianina. Tsy ny mpino anefa fa ireo mpitarika ny finoana.

Fa Inona tokoa moa no ilana ny Dady.

Isan-taona alohan'ny fandroana, dia ireto Dady ireto aloha no diovina mialoha ny manodidina azy, na ny zavatra ifonosany. Ka dia vory eo daholo ny rehetra. Avoaka tsirairay ny Dady raha misy Dady maromaro eo an-Tanana. Ka antsoina tsirairay ireo amin'ny anarany, dia entina eo imason'ny be sy ny maro.

Rehefa aseho ny Dady iray dia misy zokiolona taranak'io Dady io, milaza sy mitantara ny zavatra nataon'io Dady io fony fahavelony. Rehefa vita izany dia fonosina indray I Dady ary alahatra eo amin'ny tsihy lehibe miaraka amin'ny Dady hafa izay efa vita tantara.

Marihina aloha fa ny Anarana teo amin'ny Malagasy dia miova rehefa nodimandry ilay olona. Saingy tamin'ny taon-jato faha 19 dia maro ireo foko nanaraka ny fomban'ny vahiny izay maro nifanaretsaka teto ny olona sy ny mpitondra ka tsy niova anarana intsony na nodimandry aza.