Efa hanomboka hangina ny fiangonana fa very lakolosy. Tsy hisy intsony ilay tindao manaitra vao maraina ireny atsy ho atsy...

Fa maninona no angalarina ny lakolosy?

Atsonika dia atao fitoeran-dabozia amin'ity delestazy ity, sa atao lakroa amidy iambozonan'ny olona mpino; sa anaovana raobine ho an'ny mpaompin'ny Jirama, sa anaovana sarivongana amidy ho amin'ny krismasy...

Mampalahelo saingy fomban-javatra ihany izany

Ny tao Montreal ho'a, nisy nimenomenona fa "mitabataba" (nuisance sonore) hono itony lakolosim-piangonana. Nefa anie mihirahira mihintsy ny an'ny sasany, mahavita do re mi.. Dia nefa koa anie, ampahafirin'ny "pollution sonore" rahefa raikitra ny Formule 1, na manety bozaka ny etsy ampita.

Fa io lakolosim-piangonana io izao ve azo ampitoviana @ antsoantson-dry moslimo??

Mitovy amin'ny mpivarotra miantso amin'ny megaphone ihany koa... miantso K.

"Lakolosim-piangonana avy dia angalarina, zava-masina ange ireny e. Ho any amin'ny afobe mandrakizay izay nangalatra an'ireny"

Ny taolan-kitran'i dadabe sy bebenay koa aza zava-masina noho ny masina kanefa nisy nangalatra. Nangalarin'ireo olona tsy matahotra angatra.

Saingy soa fa tsy nisy lakolosy teo an-tokotanim-pasana fa raha tsy izany fahavoazana roa sosona be izao...

Ny lakolosy dia zavatra nentin'ny vahiny teto amintsika. Ry zareo Karana nipetraka tany amin'ny faritra avaratra fahizany no nitondra ny lakolosy voalohany teto Madagasikara. Talohan'ny 1500 izany

Nampiasaina tamin'ny zavatra maro ny lakolosy:
1) feon'anjomara ho an'ny borty
2) famoriana olona
3) fandroahana ny ratsy mba ho fitahiana ny Tanana nitobian'ireto Karana ireto
4) fanairana raha misy loza
5) feom-bavaka hoan'ireo Karana mivavaka

Fa rehefa tonga teo Nosibe ny Frantsay ny 1600 dia nihena tsikelikely ireo karana nitoby tao, ary dia niova ny lakolosy. Ka ny miaramila frantsay no tena nampiasa ny lakolosy hiandrasany ny tobiny.

Taty aoriana dia ny fiangonana izay niha nahazo vahana tamin'ny faraparan'ny 1700 no nampiasa lakolosy, ary lasa tsy nisy nahazo nampiasa lakolosy afa tsy ny fiangonana. Fa raha hiantso vahoaka an-davan'andro dia tsy maintsy koka, na anjombona no nampiasaina.

Izao anefa manomboka misy mangalatra ny lakolosy dia ahoana indray no ahafantaran'ny tsy manana famataran'andro hoe efa lakolosy voalohany, na faharoa, na efa fahatelo mihintsy izay?

nataoko fa trompetra ny an'ny Kristiana.. angaha nisy "lakolouche" ao @ baiboly ao?

Fa angaha misy an'izany koa ny baiboly? Lakolosy aloha ny an'ny Kristianina e. Fomba nolovainy tamin'ny sinoa sy ny hindo, izy io. Fa ry zareo mosilimo ary Jiosy no tsy nanaraka an'io satria fomban'ny jentilisa io.

Saingy inona tokoa moa izay fahaverezan'ny lakolosy?

Toa fanairana ihany koa ny fahaverezan'ny lakolosy, fanairana ny amin'ny fahasahiranana mahazo ny fiangonana ankehitriny: Lasan'ny finoana zandriny ny mpino sasany teo amin'ny finoana zokiny; miady an-trano ny mpampiasa baiboly ka mandala fahasahiranana fatratra ny Fikambanana Mpampiely Baiboly.

Toa tarazo tamin'ny fahizay no miverina, dia ilay fangalarana fiangonana mihintsy.. Nangalarin'ny Katolika avokoa ny an-kamaroan'ny fiangonana Loteranina tamin'ny fiandohan'ny taona 1900, faraparan'ny 1800

Taloha ny hira saova sy ny hira zafindraony dia tsy nahazo niditra ny fiangonana, fa tsy maintsy ny gadon-kira eraopeanina no ampiasaina any am-piangonana.

Saingy ho an'ny sasany ankeitriny dia ilay hiran'ny olona avy eny ambanivohitra mihintsy, tsy tahotra tsy henatra no mody ovaina fotsiny ny tonony dia iny no atao any am-piangonana, satria izay no mahasarika ondry.

Dia very ny hasin'ilay niporan'ilay hira fa ny fiangonana no derain'ny olona. Halatra kolontsaina bevata.

Na mitabataba aza ry mopera hoe tsy rariny intsony ity fitondrana ity, fa mampijaly vahoaka loatra no sady tsy mitsinjo ny mahatra sns

Dia toa tsy misy mandre intsony ilay fanairana satria very hatramin'ny lakolosy