Faly miarahaba an-tsika namana rehetra indray,
Ao anatin'ny baiboly dia mbola tsy nisy olona hoe natsangan'Andriamanitra tamin'ny maty dia avy eo nirahin'Andriamanitra hanambara ny fisiany,
I Lazarosy (ilay sakaizan'i Jesosy) ohatra raha novelominy tsy nisy mihitsy fijoroana vavolombelona nataony ny amin'izay zavatra misy any ambadiky ny fahafatesana any,
Toy izany koa ireo olona hafa izay natsangan'ny Tompo.
Ny tena Marina dia izao, ny TENY RE ANY DIA TSY AZO TENENINA NO SADY TSY TOKONY HO LAZAIN'OLONA .
« fa nakarina ho any Paradisa izy ka nandre teny tsy azo tenenina sady tsy tokony holazain'olona. » (2 Kor.12:4)
Noho izany raha misy olona tany marina ary nahare teny tany dia tokony ho azy irery ihany izany fa tsy tokony holazaina na amin'iza na amin'iza.
Manaraka izany ny olona mankany dia tsy mahafantatra na maty marina izy na velona na otran'iza marina ny tenany nandeha tany na otran'iza. « Mahalala olona anankiray ao amin'i Kristy aho, tokony ho efatra ambin'ny folo taona lasa izay - na tao amin'ny tena, na tsy tao amin'ny tena, tsy fantatro, Andriamanitra no mahalala - ilay anankiray dia nakarina ho any amin'ny lanitra fahatelo. » (2 Kor.12:2)
Andriamanitra irery no mahafantatra na ilay olona maty marina no nakarina tany na izy mbola velona na koa tena hafa mihitsy.
Izay ny amin'iny, fa ny hafatra dia izao misy tokoa ny ASA LEHIBE ATAON'ANDRIAMANITRA AMIN'IREO fiangonana marobe eto amin'izao tontolo izao (fananganana ny maty, fampahiratana ny jamba, fananganana ny malemy, sns sns.......
Misy ihany koa ireo fahitana hasehony mivantana (toy ny tany amin'ny planète Mars)
Ny anton'ireny asa lehibe ireny dia tokana ihany TE HAMPAFANTATRA NY OLONA ANDRIAMANITRA FA TENA MISY MARINA TOKOA IZY. Ary ny tena tanjony dia mba HIBEBAKA avokoa ny olona ka hahalala HATAHOTRA AZY, KA HANOME VONINAHITRA AZY AMIN'NY ALALAN'NY FANAOVANA NY SITRAPONY REHETRA.
AOKA TSY HISY HANAMAFY FO FA SAMY HIBEBAKA SY HAHALALA HANOME VONINAHITRA AZY AVOKOA ISIKA REHETRA.
Hoy tokoa mantsy Jesosy Tompo rehefa avy nanantanteraka ireny asa lehibe ireny IZY.
« Lozanao, ry Korazina! lozanao, ry Betsaida! fa raha mba tany Tyro sy Sidona no natao ny asa lehibe izay natao teo aminareo, dia ho nibebaka ela izy ka nitafy lamba fisaonana sy nipetraka amin'ny lavenona. » (Lio;10:13)
Maro amin-tsika no tsy mahafantatra akory ny hoe MIBEBAKA, tsy mahalala akory ny tena sitrapon'Andriamanitra tokony hotanterahina.
Koa ampitiavana no anasako antsika rehetra hanaraka ny fandaharana VITAO NY ASAN'NY FAHAMARINANA ao amin'ny KOTO TV isa-maraina amin'ny 5ora sy sasany (alatsinainy ka hatramin'ny zoma)
« ......Matahora an'Andriamanitra, ka omeo voninahitra Izy; fa tonga ny andro fitsarany; ary miankohofa eo anoloan'izay nanao ny lanitra sy ny tany sy ny ranomasina ary ny loharano. » (Apok.14:7)
HAFATRA MANOKANA HO AN-TSIKA NOMEN' ANDRIAMANITRA FAHASOAVANA MANOKANA KA MAHAVITA ASA LEHIBE.
AZA VARIANA IANAO FA TANTERAHO NY SITRAPON'NY RAIN'I JESOSY ANY AN-DANITRA;
« Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra. » (Mat.7:21)
« Maro no hanao amiko amin'izany andro izany hoe: Tompoko, Tompoko, tsy efa naminany tamin'ny anaranao va izahay? ary tsy efa namoaka demonia* tamin'ny anaranao va izahay? Ary tsy efa nanao asa lehibe maro tamin'ny anaranao va izahay? [*Demonia = fanahy ratsy, na anjely ratsy] » (Mat.7:22)
« Ary dia hambarako aminy marimarina hoe: Tsy mba fantatro akory ianareo hatrizay hatrizay; mialà amiko, ianareo mpanao meloka. » (Mat.7:23)
VONINAHITRA HO AN'ANANDRIAMANITRA IRERY IHANY, ARY FIADANANA HO AN'NY OLONA ANKASITRAHANY;
Samia ho tahin'ny Tompo namana isany
