Amin-kafaliana lehibe indray no iarahabana antsika rehetra mamaky izao hafatra izao.
Tononina ho amintsika ny Fahasoavan’Andriamanitra sy ny Fiadanan’i Kristy ary ny fampiraisana avy amin’ny Fanahy Masina.

Rehefa namadibadika ny tahirin-tsary (album) tao an-trano aho dia nahita ny sarin’ny vadiko mipetraka eo amin’ny seza fiandrianan’ny mpanjakavavy (tsy fantatro ilay mpanjaka, Ranavalona angamba) izay (seza) aranty (exposé) ao Andafiavaratra (eny amin’ny Rova).
Vao haingana ihany koa, niresaka tamin’ny zanako aho fa rehefa niakatra any an-danitra Jesosy dia nilaza fa hamboatra toerana ho antsika, ho avy indray handray antsika ary izay itoerany no itoerantsika (Jaona 14/3). Dia nanontany ahy ny zanako: f’angaha, ry dada, lavabe ilay seza fiandrianan’I Jesosy? Dia mipetraka eo daholo izany izay zanak’i Jesosy? Eny, hoy aho, sady toran’ny hehy aho.
Tena marina izany fa izay itoeran’Ilay Mpanjakan’ny mpanjaka no tiany hitoerantsika ihany koa. Malalaka dia malalaka ny lanitra ary “lavabe” ilay seza fiandrianan’i Jesosy fa isika no andrasany.
Mino aho fa anisan’izay te hipetraka amin’izany seza fiandrianan’i Jesosy izany koa ny tsirairay amintsika mandray izao hafatra izao.
Misy fepetra nefa vao tanteraka izany. Inona ary?

Ny lanitra dia sahala amin’ny loka apetraka eo anoloan’ny olona rehetra ka izay mahatanteraka ny fepetra takiana ihany no hahazo azy.
Voalohany, hoy Jesosy: “Izay madio am-po no hahita an’Andriamanitra” (Matio 5/8). Raha adika marin-drano io Teny io dia hoe: atsaharo ny fifandrafiana amin’ny lafiny rehetra, ajanony ny fifanenjehana, adinoy sy fafao tsy ho ao am-po (sy tsy ho ao an-tsaina) ny hadisoan’ny namana, mamelà heloka, aza mitàna alahelo na amin’iza na amin’iza… eny, na amin’ny tenantsika aza, minoa fa efa nentin’i Jesosy ny heloka vitantsika rehetra). Ny dikan’ny hoe: aza atao tratry ny masoandro milentika ny fahatezeranao dia hoe aza miandry fasana hisokatra (masoandro milentika = fahafatesana) izay vao hanenina ny amin’ny heloka tsy nifamelàna tamin-kavana sy namana. Tsarovy ihany koa fa mba nanana ny tsy fahamarinantsika ihany koa isika. Koa ndeha hifamela heloka e!
Ny nihavian’i Jesosy tety ambonin’ny tany dia hanome ohatra (fianarana) ho antsika. Rehefa teo amin’ny hazofijaliana Izy dia norabirabian’ny Fariseo sy mpanora-dalàna ary izay rehetra nandalo teo (eny fa na ireo izay nositraniny sy nofahanany sakafo ihany koa angamba) (Matio 27/39-44) nefa tsy nanozona Izy na dia kely akory aza fa hoy Izy: “Raiko ô, mamelà ny helony, fa tsy fantany izay ataony” (Lioka 23 / 34a).
Raha tsy nadio am-po Jesosy dia tsy vita ny famonjena antsika, raha lotika tamin’ireo izay nitsangana ho fahavalony Izy dia lasa “Zanak’ondry misy kilema”, noho izany tsy feno ny fepetra ary tsy neken’Andriamanitra ny fanatitra nataony.
Dia taiza isika? Tsy voavonjy sy tsy voavela heloka isika ary tsy azontsika ny lanitra (tsy mipetraka eo amin’ilay seza “lavabe” e!)
Koa mianara Amiko, hoy Jesosy, fa malemy Fanahy sady tsy miavona am-po Aho (Matio 11/29)

Manaraka izany, Andriamanitra dia tsy mahatanty fahotàna, tsy mahazaka ny fahavetavetana ary indrindra ny fijangajangana ara-panahy (ny tiana hambara dia ny hoe manana andriamanitra hafa ianteherana ankoatra an’i Jehovah fa tsy hoe akory manenjika ireo izay mitety fiangonana manovo fahalalàna).
“tsy hiditra ao mihitsy izay tsy masina, na izay manao vetaveta, na izay mandainga, fa izay voasoratra ao anatin’ny bokin’ny fiainana izay an’ny Zanak’ondry ihany” (Apokalypsy 21/27)

Mafimafy ilay hafatra nefa matoa mbola afaka mamaky izany isika dia mbola misotraka ho antsika mandrak’ankehitriny ny varavaran’ny lanitra. Mbola manana fotoana isika hanadiovana ny fitafiam-panahitsika.
Mbola andron’ny famindram-po izao, mbola tsy tara. Fotoana fiverenana amin’Andriamanitra, fotoana ibebahana ny amin’ny ratsy rehetra vita hatramin’izay. Ataovy izany fa sady maimaimpoana (tsy andoavam-bola e!) no iankinan’ny mandrakizaintsika.
Hoy Izy: “manamasina ny tenanareo… satria Masina Aho, hoy Jehovah” (Levitikosy 20/7, 11/44a)
Ny mihavana amin’Andriamanitra no fomba tsotra indrindra hahamasina antsika, ny mifankazatra Aminy ary ny mitakosina Aminy no hampahadio antsika (Jaona 17/17). Rehefa entintsika hosasan’ny Ran’i Jesosy ny fahotantsika dia hadio mangatsakatsaka sy ho fotsy botsiaka (Isaia 1/18 – 20)

Tadidintsika ve ny tantaran’ilay zanaka adala ao amin’ny Lioka toko faha 15?
Rehefa nody ny sainy dia nanapa-kevitra izy handao sy hiala teo amin’ny toeram-pahantrany. Marihina eto sy tsindriana mafy eto fa tsy nihodikodina fotsiny teo amin’ilay valan-kisoa izy fa nilaozany tanteraka ilay tranga (situation) nisy azy. Toa izany indrindra ny miaraka amin’Andriamanitra, rehefa miantefa amintsika ny Tenin’Andriamanitra toa izao, mamporisika antsika hibebaka sy hiverina Aminy dia ilaozy, ario ny fahotàna rehetra mahatonga antsika ho voretra eo anatrehany (izany hoe, rehefa voavela heloka dia tsy mamerina izany intsony).
Nikasa ny hivalo amin-drainy ilay zanaka adala ary na ho mpanompo (andevo)n’ ny rainy aza dia hataony.
Tsy izany anefa no nitranga fa vao hitan-drainy teny lavitra eny ilay zanany dia NIHAZAKAZAKA izy sady NAMIHINA NY VOZONY (calins aux parfum de porc, fofon-kisoa e!), mba hanambaràna fa tena tia azy ny rainy ka tsy nahoany izay fofona sy loto teo amin’ny zanany.
Fantaro ary tsarovy mandrakizay fa mihoatra noho izany ny Fitiavan’Andriamanitra antsika n’inon’inona fahadalàna efa vitantsika satria “raha tsy mbola miantso aza izy (isika) dia hamaly Aho; ary raha mbola miteny izy (isika) , dia hihaino Aho”, hoy Jehovah (Isaia 65/ 24) ary "izao no lazain'i Jehovah: raha hiverina hianao, dia horaisiko indray..." (Jeremia 15/19a) mba hanamafisany hatrany fa tena Tiany isika na mbola ao anatin’ny fahotantsika aza. Raha tsy mbola manao hetsika akory isika dia efa vitan’i Jesosy teo amin’ny hazofijaliana ny famelàna ny heloka rehetra vitantsika. Fony tsy mbola ary (créé) ny fanorenan’izao tontolo izao dia efa vonona ho antsika ny famelana ny heloka vitantsika. Efa voavela heloka isika, koa ndeha hifaly e!

Farany, araiketo ao am-po sy ao an-tsaina fa efa nentin'i Jesosy ny fahotantsika ary voasoratra ao amin'ny bokin'ny fiainana ny anarantsika raha nibebaka marina isika satria "raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra" (1Jaona 1/9). Aleloia
Ny tiana havoitra eto, ry Havana, dia ny halehiben’ny Fitiavan’Andriamanitra sy ny hetahetany hiara-mipetraka amintsika eo amin’ny seza fiandrianany. Maniry Izy mba ho izaho sy ianao izay mamaky izao hafatra izao izany olona izany.
Raha efa azontsika antoka moa fa hiara-mipetraka Aminy eo amin’ilay “seza lavabe” isika dia aza tia tena, isao toerana ny hafa amin’ny itantànana azy sy hamporisika azy hanatona ny seza fiandrianan’Andriamanitra ihany koa. Manoro azy hanamasina ny tenany sy hibebaka ny amin’ny fahotàny ary ny hihavana amin’Andriamanitra.
Hoy Izy: “fa Andriamanitra, Izay manan-karena amin’ny famindram-po, noho ny HALEHIBEN’NY FITIAVANY izay NITIAVANY ANTSIKA, na dia fony mbola matin’ny fahadisoana aza isika, dia nahavelona antsika niaraka tamin’i Kristy (Andrianamitra) (fahasoavana no namonjena anareo), ary NIARA-NATSANGANY isika ka NIARA-NAPETRANY ANY AN-DANITRA AO AMIN’I KRISTY JESOSY”. (Efesiana 2/4-6).

Tia antsika Jesosy, aza avela hiandry intsony Izy fa bangabanga ilay seza “lavabe” tokony hitoeran’ny olon-tiany. Mbola midanadana ny vavahady: mandrosoa e! (Apokalypsy 21/25)

Ho an’Andriamanitra irery ny Fisandratana mandrakizay ary ho an’izay voaomana hipetraka eo amin’ny seza fiandrianan’i Jesosy ny Fiadanana nomena azy. Amena


Tanjona = afaka amin’ny fahotàna, mihavana amin’Andriamanitra, ny hanahaka an’i Kristy (masina tsy misy tsiny, madio am-po, mamela ny heloky ny hafa)
(Efesiana 4/13; Efesiana 5/26-27)

Misaotra indrindra amin'ny fizarana !

YDIFAS:

Raha efa azontsika antoka moa fa hiara-mipetraka Aminy eo amin’ilay “seza lavabe” isika dia aza tia tena, isao toerana ny hafa amin’ny itantànana azy sy hamporisika azy hanatona ny seza fiandrianan’Andriamanitra ihany koa.

H.S
Fanontaniana. Rehefa eo @ ilay seza lavabe, eo ankavanana sa ankavian'ny Tompo Jesoa no mipetraka ?
Valiny. Eo ankavanaNY, satria raha eo ankaviaNY dia eo anelanelan'Izy sy ny Ray ka hianjahanja eo (anoloan'ny Ray) ny fahalotoana ! :-)
Tapitra :-)

H.S.. .hazavao kely fa tsy azoko.. nefa izaho te-hihomehy... Maninona raha eo ankavia Izy no misy fahalotoana mihanjahanja ?

H.S
Mety ho fanazavana (raiso sary an-tsaina) :
1. Tsy misy mankany amin'ny Ray afa-tsy amin'ny AnaraNY
2. Mipetraka eo ankavanan'ny Ray Izy
3. Ny mpanara-dia Azy dia mitafy Azy : takoNY ny tsy fahamendrehana rehetra rehefa eo anoloan'ny Ray (satria Izy no tazan'ny Ray)
Tapitra ny mety ho fanazavana ! :-)
Mba H.S koa anie iny (nahita ilay hoe "seza lavabe") :-)

bor2lais:

H.S
Mety ho fanazavana (raiso sary an-tsaina) :
1. Tsy misy mankany amin'ny Ray afa-tsy amin'ny AnaraNY
2. Mipetraka eo ankavanan'ny Ray Izy
3. Ny mpanara-dia Azy dia mitafy Azy : takoNY ny tsy fahamendrehana rehetra rehefa eo anoloan'ny Ray (satria Izy no tazan'ny Ray)
Tapitra ny mety ho fanazavana ! :-)
Mba H.S koa anie iny (nahita ilay hoe "seza lavabe") :-)

Fiadanan'ny Tompo ho amintsika rehetra,
"... eny, mitatantana anao amin'ny Tànana ankavanan'ny Fahamarinako Aho..." Isaia 41/10b
Jesosy = Fahamarinana (Jaona 14/6)
Noho izany, eo ankaviany izany sa eo ankavanany?
Samia tahin'i Jesosy daholo.

Ilay fitoerana voalaza ao amin'ny Jao14:2 kosa angamba tsy seza lava b ka. Hoy ny Jao14:2:"Ao an-tranon'ny Raiko misy fitoerana maro ; raha tsy izany , dia efa nilaza taminareo Aho ; fa handeha hamboatra fitoerana ho anareo Aho ."(VF:Il y a plusieurs demeures dans la maison de mon Père. Si cela n'était pas, je vous l'aurais dit. Je vais vous préparer une place.)

Ankavia sa ankavanan'i Jesosy?
Apo7:9"Rehefa afaka izany , dia hitako fa , indreo , nisy olona betsaka tsy tambo isaina avy tamin'ny firenena rehetra sy ny fokom-pirenena sy ny olona ary ny samy hafa fiteny nitsangana teo anoloan'ny seza fiandrianana sy teo anatrehan'ny Zanak'ondry , niakanjo akanjo fotsy lava sady nitana sampan-drofia teny an-tànany ,"

Averiko fa mba H.S ny ahy iny. Ekena fa "relatif" ny resaka "seza lavabe" sy "ankavia sy ankavanana" saingy mba ilaina ihany ny fipetrahana eo amin'ny toerana misy ny zaza indraindray ... ;-)

toriteny:

Ilay fitoerana voalaza ao amin'ny Jao14:2 kosa angamba tsy seza lava b ka. Hoy ny Jao14:2:"Ao an-tranon'ny Raiko misy fitoerana maro ; raha tsy izany , dia efa nilaza taminareo Aho ; fa handeha hamboatra fitoerana ho anareo Aho ."(VF:Il y a plusieurs demeures dans la maison de mon Père. Si cela n'était pas, je vous l'aurais dit. Je vais vous préparer une place.)

Ankavia sa ankavanan'i Jesosy?
Apo7:9"Rehefa afaka izany , dia hitako fa , indreo , nisy olona betsaka tsy tambo isaina avy tamin'ny firenena rehetra sy ny fokom-pirenena sy ny olona ary ny samy hafa fiteny nitsangana teo anoloan'ny seza fiandrianana sy teo anatrehan'ny Zanak'ondry , niakanjo akanjo fotsy lava sady nitana sampan-drofia teny an-tànany ,"

Miarahaba,
ary ny ao amin'ny Matio 25/31 - 46?

Bordelais>>> D tsy hiteny v le zaza hoe tsy crampé foana v isiaka ry dada ra hipetraka eo ambony seza mandrakizay? :-)
HS kely iny.

Ny anay zao raha miresaka fiainana mandrakizay dia ville no hahalalan'ny zanakay azy. Ville natao tamin'ny volamena sy diamant. Dia rehefa any tsy mijaly intsony, tsy mitomany intsony, tsy marary intsony. Ary hiara mipetraka amintsika ao Andriamanitra sy Jesosy

Ydifas>>>>Fa anga ny resaka tsy hoe seza hipetrahan'izay EFA voavonjy ka miara mandova ny fanjakan'ny lanitra amin'Andriamanitra? Ny Mat 25:31-46 manko dia milaza ny fitsarana sy ny fanavahana fotsiny izay mandova (ankavanana) sy ny tsy mandova.

Dia ilay eo ankavanana tsy avela eo ankavanana eo mandrakizay akory fa hoentiny ireo ka hataony any amin'ilay toerana amin'izay. MAt25:34:"Ary amin'izany ny Mpanjaka dia hilaza amin'izay eo amin'ny ankavanany hoe : Avia ianareo izay notahin'ny Raiko , mandovà ny fanjakana izay voavoatra ho anareo hatr'izay nanorenana izao tontolo izao"

toriteny:

Bordelais>>> D tsy hiteny v le zaza hoe tsy crampé foana v isiaka ry dada ra hipetraka eo ambony seza mandrakizay?
HS kely iny.

:-)
D tsy hamaly v ny RAD hoe tsy misy crampe izany intsony any ! ;-)
Mba HS kely koa iny !

toriteny:
Ny anay zao raha miresaka fiainana mandrakizay dia ville no hahalalan'ny zanakay azy. Ville natao tamin'ny volamena sy diamant.

Mampihomehy... Ho an-jaza marina angamba io kisari-na fiainana mandrakizay amenao io : volamena sy diamondra.

- Ho an'ny sasany, toa ahy, dia ny volamena sy diamondra dia "luxury" na hoe maneho "opulence"... ho an-dRampanana... an an.. dia aleoko ihany mavomavo e... Tadidiko fony kely aho, dia ny tao an-tsaiko dia hoe, izaho rahefa lehibe dia tsy maintsy manana fiarakodia (zahay mantsy tsy nanana), fa kosa, tsy ireny mirentirenty ireny fa mahamenatra ahy izany: 2CV dia mety amiko.

- ho an'ny sasany, dia zavatra hafa no symbole-na manana sandany (valeur) .. ohatra hono hoe, taloha dia ny sira no manana sandany be indrindra..

Ka kolotora sy fitaizana marina angamba io izany e... asa, kolotoran'iza no anao izany manome sandany (valeur) ny volamena sy diamondra... na hoe fitaizana ahoana no amena ny ankizy...

Apok21:10-11 :"Ary nitondra ahy tamin'ny Fanahy ho any an-tendrombohitra sady lehibe no avo izy ka naneho ahy ny tanàna masina , dia Jerosalema , midina avy tamin'Andriamanitra any an-danitra , sady manana ny voninahitr'Andriamanitra izy ; ny famirapirany dia tahaka ny vato soa indrindra , dia tahaka ny vato jaspy manganohano toy ny vato kristaly "

Fa ny ankizy 3 sy 5 taona tsy hahay izany vato jaspy izany mihitsy fa diamant no hainy amin'ny dessin animé dia izay no nambaranay azy.

Apok21:18-21:"Ary ny màndany dia vato jaspy ; ary ny tanàna dia tena volamena , toy ny fitaratra madio. Ary ny fanorenan'ny màndan'ny tanàna dia voaravaka vato soa samy hafa rehetra. Ny fanorenana voalohany jaspy , ny faharoa safira , ny fahatelo kalkedona , ny fahefatra emeralda , ny fahadimy sardonyksa , ny fahenina karneola , ny fahafito krysolita , ny fahavalo beryla , ny fahasivy topaza , ny fahafolo krysopraso , ny fahiraika ambin'ny folo hyakinta , ny faharoa ambin'ny folo ametysta.Ary ny vavahady roa ambin'ny folo dia pèrila roa ambin'ny folo ; pèrila iray avy ny isam-bavahady ; ary ny làlam-be tao an-tanàna dia tena volamena , toy ny fitaratra manganohano.


Apo21:4:"Ary hofafany ny ranomaso rehetra amin'ny masony ; ary tsy hisy fahafatesana intsony , sady tsy hisy alahelo , na fitarainana , na fanaintainana ; fa efa lasa ny zavatra taloha"
"

Volamena sy vatosoa ary diamondra... maninona re no ireo no atao hoe andrandraina sy ankalazaina ho fatratra.. indrindra hitaizana ny ankizy ?

- Ilay nirohatra t@ volamena (ruee vers l'or) izao no anisan'ny nanapotehana ny amerindiana..
- Ny fitrandrahana ny diamondra ao Afrika izao no lasa vola maloto mamelona izao ady an-trano ao izao.
- Ny ahy izao ilay sary atsy @ IRIN News maneho ireo ankizivavikely gasy andeha hiasa hitrandraka ity volamena no mamparary ny kiboko (f'angaha izy ireo tsy handeha hianatra hono?).

Koa maninona no ankalazaina sy ampi-andrandraina, indrindra ho an'ny ankizy, ity volamena/vatosoa/diamondra (ho @ fiainana mandrakizay) ? Izany ve tsy fampirisihina ireo resaka (@ fiainana iainana andavanandro) mahatsiravina voalazako ireo ?

Apok21:18-21:
jaspy , afira , kalkedona , emeralda , sardonyksa , karneola , krysolita , beryla , topaza , krysopraso , hyakinta , ametysta, pèrila, volamena , fitaratra manganohano...

Rahefa mamaky Baboly hono, dia tazomy sary an-tsaina foana ilay Ingahikely, mpandalina/mpahalala ilay soratra taloha, ka mametraka izany an-tsoratra vaovao milamina. Dia nefany avy Ingahibe (ny Papa na izay Debany tao t@ izany fotoan'androny izany), ary dia asainy ovana ny "soratra". Dia haninona moa Ingahikely fa dia miondrika mankatoa raha tsy te-ho tapa-doha.

Ka io izany, raha ny fahitako azy, dia Ingahibe Debany no mampanoratra an'Ingahikely ireto vatosoa isan-karazany (te-hampidera ny fahaizany vatosoa ve Ingahibe sa ahoana).

Izaho mihevitra fa mety hoe, mety ho'a an... mety hoe, "mamirapiratra" no voalaza, fa tonga dia (nasaina) nampian'Ingahibe hoe "vatosoa"... ahazoany mora ny imagination (an'ny ankizy)..

Mbola misy vatosoa mbola soa noho ireo anie e... ary mbola misy metaly mbola mafy noho ny volamena.

rhaj0:

Dia nefany avy Ingahibe (ny Papa na izay Debany tao t@ izany fotoan'androny izany), ary dia asainy ovana ny "soratra".

Dia mety ny Pape izany hoy ianao no nanova ny Soratra ao amin'ny Apokalypsy ho vatosoa fa ny tena izy dia mety vovoka fotsiny ilay tanàna? Fa oviana moa no nisy ny pape voalohany dia oviana no nosoratan'i Jaona ny Apokalypsy? Dia oviana koa ny ruée vers l'or lazainao etsy ambony no nitranga?

Ny Fitarihan-teny ao amin'ny Apo1:1-2 dia mazava fa avy amin'i Jesosy Kristy ny vision an'i Jaona ary izy dia secrétaire ihany ary exactement izay hitany no nosoratany fa tsisy nanampiana, tsisy nanalàna ary tsy nisy no-modifier na. Na ny détail ny refin'ny tempoly io(Apo21:15), na ny détail ny seza fiandrianana, na ny détail ny évenement tsy maintsy hiseho.

rhaj0:

Ka io izany, raha ny fahitako azy, dia Ingahibe Debany no mampanoratra an'Ingahikely ireto vatosoa isan-karazany (te-hampidera ny fahaizany vatosoa ve Ingahibe sa ahoana).
Izaho mihevitra fa mety hoe, mety ho'a an... mety hoe, "mamirapiratra" no voalaza, fa tonga dia (nasaina) nampian'Ingahibe hoe "vatosoa"... ahazoany mora ny imagination (an'ny ankizy)..

Tsy mamirapiratra ihany fa tena vatosoa matoa voalaza ao daholo ny anaran'ireo vato ireo. Sady ny baiboly rehefa mi-comparer zavatra anakiray amin'ny zavatra anakiray dia teneniny mihitsy hoe "TAHAKA" izay tsy izay no zavatra niseho teto.

Fa inona no tena tsy hinoanao hoe hisy vatosoa sy volamena any e? Ny eto an-tany izay fandalovàna aza nasiany vatosoa ihany maika fa fitoerantsika mandrakizay izany ve tsy mendrika ny atao vatosoa? Ilay izy anie tsy misy dikany intsony ny volamena any e satria tsy hiasa sy hisasatra intsony ny olona any ka hoe mety hangalarin'ny sasany ny volamena. Fa efa tsisy valeur marchande intsony ny volamena any fa haingon-tanàna sisa

rhaj0:

Mbola misy vatosoa mbola soa noho ireo anie e... ary mbola misy metaly mbola mafy noho ny volamena.

Dia ianao indray ve no mahafantatra mihoatra an'Andriamanitra izay tsara ho an'i Jerosaleman vaovao?

Savasavao i google, ohatra eto, fa raha ny fahalalako azy, dia ny voasoratra tanaty Baiboly dia tambatra-na soratra sy lova-tsofina. Ohatra hitanao eto izao ny daty isaka ny bokiny, ary ireo no natambatra "taty aoriana". Ilay sekretera nanambatra azy "taty aoriana" no priatin'ny deba t@ fotoana'androny..

Tsikarokarohy ao @ google fa ireto foana no averimberin'ny mpahalala azy..

For the first 300 years of Christianity, there was no Bible as we know it today. Christians had the Old Testament Septuagint, and literally hundreds of other books from which to choose. The Catholic Church realized early on that she had to decide which of these books were inspired and which ones weren't. The debates raged between theologians, Bishops, and Church Fathers, for several centuries as to which books were inspired and which ones weren't. In the meantime, several Church Councils or Synods, were convened to deal with the matter, notably, Rome in 382, Hippo in 393, and Carthage in 397 and 419...

(raha adikan'i google translate @ teny frantsay dia ...
Pour les 300 premières années du christianisme, il n'y avait pas de Bible que nous connaissons aujourd'hui. Les chrétiens avaient l'Ancien Testament Septante, et littéralement des centaines d'autres livres parmi lesquels choisir. L'Eglise catholique a compris très tôt qu'elle avait à décider lequel de ces livres ont été inspirés et ceux qui n'étaient pas. Les débats ont fait rage entre les théologiens, évêques et Pères de l'Église, pendant plusieurs siècles à qui les livres sont inspirés et ceux qui n'étaient pas. Dans l'intervalle, plusieurs conciles ou synodes, ont été convoqués pour traiter de la question, notamment, de Rome en 382, Hippone en 393, et Carthage en 397 et 419....

.. tohizako kely..

T@ ity herinandro sa volana ity izao, dia nisy "soratra antitra" hitan'ny olona, izay toa milaza fa "nanambady anie i Jesosy". i CNN no fijeriko, jereo eto

Mbola hiadian-kevitra ny fahamarinany. Fa azonao hita taratra toa izao ilay "nanoratana ny Baiboly"... nisy "soratra antitra" maromaro no natambatambatra "taty aoriana", hoe iza @izy ireo no mampiainga ny fanahy (sy ny imagination... an'ny ankizy)...

Ny papyrus misy an'ireny soratra ireny anie ka voatahiry any amin'ny Musée e. Dikan'izany afaka mijery any ianao raha tsy matoky ny véracité ny Soratyra. Ary ny canonisation an'io Baiboly amin'izao io tsy indray ihany akory no natao fa efa be dia be hatramin'izay 2 000 ans izay. Nandray anjara tamin'izany avokoa ny grand eglise rehetra fa tsy ny Catho ihany ary niainga tamin'ny texte original hatrany ny fandikan-teny sy ny fijerevana ny Soratra izy sy tsy izy.

Misy sehatra fandalinana Baiboly izay ao Ambatonakanga, natokana ho an'ny laika. SETELA. An'ny FJKM ilay izy fa tsy manavaka fa misy olona avy amin'ny antokom-pinoana maro mianatra ao koa.

Profesora en Theologie avokoa ny ankamaroan'ny mampianatra ao ary mpampianatra ankizy miofana ho pasitera ny ankamaroany. Ny taona 1 mandalina ny finoana sy ny baiboly. Fa misy fampianarana teny grika sy hebreo ao ny taona faha 2 ary fandikana ny original ny epistily ny taona 3 sy 4 à partir ny photo ny papyrus original ny Boky rehetran'ny Testamenta. Raha mahaliana anao rehefa mody aty ianao

Fa ra za manokana no hanontanianao dia za mino 100% fa ny Teny rehetra ao amin'ny baiboly dia avy amin'Andriamanitra avokoa na dia tsy misy preuve an'izany aza. Tahaka ny inoako ny fisian'Andriamanitra sy ny namonjen'i Jesosy an'izao tontolo izao. N'iza hiteny hoe diso ny Baiboly, n'iza hiteny hoe tsy nitsangana tamin'ny maty Jesosy. Tsy misy mahova ahy amin'izany intsony.

Tsy hitako intsony ilay lahatsoratra an-gazety, fa nisy fotoanany, dia nalazabe taty fa rahefa nandalina soratra (hafa) ireo Scholars Jiosy (ankehitrio) dia nahita contradiction bebe ihany @ Torah (sy Baiboly) @ dikany (version) misy azy io ankehitrio izao... Dia io izany ny hoe, samy mandalina dia samy miteny, fa dia anjaran'ny tsirairay ny mandanjalanja sy mandray izay ... inoany (na mampetimety ny baolinany ao)
(raha vao hitako ilay artikla dia ampitaiko eto)

rhaj0:

Tsy hitako intsony ilay lahatsoratra an-gazety, fa nisy fotoanany, dia nalazabe taty fa rahefa nandalina soratra (hafa) ireo Scholars Jiosy (ankehitrio) dia nahita contradiction bebe ihany @ Torah (sy Baiboly) @ dikany (version) misy azy io ankehitrio izao...

Manaova recherche kely fa vao haingana koa no tao ambanin'ny masoko hoe nisy relique hita tany Turquie izay maminany ny fahatongavan'i Mohamed amin'ito siècle ito. Dia nambarany fa Jesosy dia signe ny fahatongavan'i Mahomet fa i MAhomet no tena Messia.

Dia niteny koa ny scientifique fa tsy mifanaraka amin'ny datation au carbone 14 ny genesisy.

Dia miteny koa ny Jiosy sy ny Temoins de Jeovah fa tsy Izy Jesosy, tsy Zanak'Andriamanitra.

D ianao koa zao afaka manoratra hoe tsy nisy izany Jesosy izany fa tantara compte pour faire dormir les enfants fotsiny. Dia alevinao iny dia misy olona mahita 1000 ans après; Dia hoy ilay olona hoe ito mihitsy ny preuve fa tsy misy hono izany Jesosy izany. Azonao ny tiako hahatongavana?

Dia mbola be ny hiteny fa tsy ireo ihany. Fa tsy mampiova ny finoako an'io Baiboly io sy ny finoako an'i Jesosy izany e. mivadia ianao Musulman raha hivadika, na scientologue, na Jiosy na TJ fa ny ahy tsy voahozongozon'izany ny finoako.

Satria averiko foana fa ny ahy ny finoako hianako, velona, miara miaina amiko isan'andro, miteny amiko, manoro sy mananatra ahy fa tsy théorie fotsiny ka mora voafafa ny théorie manaraka.

Ka na dia tsy misy baiboly aza, efa betsaka ny fahagagagana, ny porofo nataon'io Andriamanitra io tamin'ny fiainako ka tsy misalasala aho, na dia tsy misy baiboly aza, milaza fa io no Andriamanitra tena Izy. Nefa ny baiboly izay novakiako hatrizay dia tsy nolavin'ny Fanahy izay ato anatiko mihitsy.