ratsirano:

Aminao izany dia samy manana ny fomba famaky (na fomba fijery) ny Baiboly ny olona tsirairay.

:-)

izaho:

Averiko indray fa fomba fijeriko (na famakiko) no entiko eto (tahaka ny anao ihany angamba) !
Fijery amin'ny maha-Kristiana mino an'Andriamanitra Telo izay Iray !

Sarotra ho an'ny olona tsy mino an'i Jesoa ho Andriamanitra (tahaka anao izay manao famaky Témoin de Jehovah) ohatra ny mamaky ka ahazo izay lazaiko : samy hafa ny famakintsika ny Baiboly ! ;-)

Tsy natao ho taritina lavabe re ny zavatra nosoratako ry namana fa lasa H.S eo isika fa ny lohateny no aoka ho valiana ! :-)

izaho:

4. Raha iverenana ny lohateny dia tsy azo ianteherana amin'ny resaka fitondram-pirenena sy fiaraha-monina mihitsy izany ianareo ao amin'ny TJ e !
Dia ahoana ireo "madinika" lazaiNY izany ?

bor2lais > 4. Raha iverenana ny lohateny dia tsy azo ianteherana amin'ny resaka fitondram-pirenena sy fiaraha-monina mihitsy izany ianareo ao amin'ny TJ e !
Dia ahoana ireo "madinika" lazaiNY izany ?


Valiny :

Raha ny momba ny fitondram-pirenena dia ny ohatr’i Jesosy no arahin’ny mpanara-dia azy, dia izay voalaza ao amin’ny Jaona 6:15. Milaza mazava io andinin-teny io fa na i Jesosy aza tsy nety natao ho mpitondra firenena, ary lazainy ao amin’ny Jaona 18:36 ny antony. Nilaza i Jesosy fa tsy avy amin’izao tontolo izao ny fanjakany.

Ny faminaniana ao amin’ny Daniela 2:44 dia miresaka karazana fitondram-panjakana anankiroa : ny iray ho voatorotoro sy ho levona rehefa kelikely, ary ny iray “hitoetra mandrakizay”(io ilay fanjakan’i Jesosy Kristy). Ka dia mazava ho azy ny safidy !

Raha ny momban’ny fiaraha-monina indray dia ny andinin-teny ao amin’ny Matio 22:39 no tokony ho ampiharin’ny kristianina, dia ilay hoe “tiava ny namanao tahaka ny tenanao”. Ahoana no ampiharany an’izany ? Milaza ny Petera voalohany 2:21 fa “namela fianarana” ho an’ireo mpanara-dia azy i Jesosy “mba hanarahanareo ny diany”. Inona no asa nataon’i Jesosy ? Lioka 8:1 no mitantara izany. Nitety tanàna sy vohitra i Jesosy mba hitory io fanjakan’Andriamanitra io.

Dia toy izany koa no ataon’ny mpanara-dia azy amin’izao fotoana izao satria miaiky izy ireo fa io no asa mahasoa indrindra azony atao ho an’ny mpiara-belona aminy satria io Fanjakan’Andriamanitra io ihany no azo antoka fa hamaha tanteraka ireo olana mianjady amin’ny olona ankehitriny, sy hanome fiainana mandrakizay.

ratsirano > Misaotra manome ny fomba famakinao (na nareo) ny Baiboly ! ;-)

Olom-pirenena ve le kristiana sa tsia?????

dimb > Olom-pirenena ve le kristiana sa tsia?????


Valiny :

Olom-pirenena ny kristiana rehefa mipetraka amin’ny tany na firenena anankiray, n’aiza n’aiza misy azy. Fa tahaka ny olom-pirenena rehetra dia afaka manana ny safidiny izy.

Mety misy olom-pirenena ohatra, tsy misy tiany ho fidiana na iray aza, amin’ireo rehetra milatsaka ho fidiana ho mpitondra fanjakana.

Ka araka ny nolazaiko etsy ambony, dia misy faminaniana ao amin’ny Baiboly milaza fa hotorotoroina sy holevonina ny fanjakana rehetra ka ho soloin’ny fanjakan’Andriamanitra. Ao amin’ny Daniela 2:44 no milaza izany ary mariho fa hoe “tsy ho rava mandrakizay” io fanjakana io.

Raha ao anatin’ny fivavahana lazaina hoe kristiana ianao dia ataoko fa mahafantatra tsara an’ilay vavaka nampianarin’i Jesosy. Milaza io vavaka io ao amin’ny Matio 6:10 hoe : “ho tonga anie ny fanjakanao”. Io ilay fanjakan’Andriamanitra hisolo ny fitondram-panjakana rehetra eran-tany.

Mitohy toy izao ilay vavaka : “Hatao anie ny sitraponao ety an-tany tahaka ny any an-danitra”.
Mazava ho azy fa izay vonona ny hanao ny sitrapon’Andriamanitra no ho olom-pirenena ao amin’io fanjakan’Andriamanitra io. Izany no lazain’ny Jaona voalohany 2:17. Voalaza ao fa “mandalo izao fiainana izao” fa “izay manao ny sitrapon’Andriamanitra no maharitra mandrakizay”.

Noho izany dia efa vita ny safidin’ilay kristiana !!!

ilaina ny mifidy, satria ny tànanao kristiana io indrindra ange no tànana ampiasain'i Kristy e ! raha tsy mifidy ny kristiana dia ny devoly zany no mifidy, nefa iombonana izay lany eo fa tsy mety havahana hoe filohan-dry zareo io.
on est citoyen du ciel, et de ton pays aussi.
am maha citoyen du ciel anao, karakarao tsara ny fanjakana any an-danitra, ary fijoroana vavolombelona tsara ho anao raha sakelehanao koa ny fanjakana ety an-tany.

Marina fa ho levona ity tany ity, izany tsy milaza hoe aza raharahiana eto, fa miaina ny présent ianao fa tsy efa any am futur akory ; mila mianatra tsara, mividy tany sy manao trano... fitahiana omen'Andriamanitra ange ireny e, fa tsy natao hametrahana ny fo fotsiny.
Ndao ry zareo mba ho kristiana manana équilibre a, fa tsy miaina toa ny misavoamboana fotsiny.

toi:

Ndao ry zareo mba ho kristiana manana équilibre a, fa tsy miaina toa ny misavoamboana fotsiny.

:-) :-)
Izay ange no isan'ny mahatsara ny (toko) 3 izay 1 : hananana équilibre ! :-)

moi > ilaina ny mifidy, satria ny tànanao kristiana io indrindra ange no tànana ampiasain'i Kristy e ! raha tsy mifidy ny kristiana dia ny devoly zany no mifidy, nefa iombonana izay lany eo fa tsy mety havahana hoe filohan-dry zareo io.

Valiny :

Araka ny Baiboly, dia tsy Andriamanitra ilay Ray any an-danitra na i Jesosy Kristy no mitondra ny fitondram-panjakana rehetra ety an-tany amin’izao fotoana izao. Jereo kely ange Lioka 4:5-7. Voalaza ao fa ny devoly no mitondra “ny fanjakana rehetra amin’izao tontolo izao” ary nilaza tamin’i Jesosy izy fa omeny azy daholo ireo, raha miankohoka eo anatrehany izy. Raha tohizanao Lioka 4:8 dia ho hitanao fa tsy nolavin’i Jesosy mihitsy izany satria fantany fa mbola i Satana aloha no mitondra izao tontolo izao.

Voalaza mihitsy aza hoe “andriamanitr’izao tontolo izao” izy io ao amin’ny Korintiana faharoa 4:4.

Mbola hamafisin’ny Jaona voalohany 5:19 izany, izay milaza hoe “izao tontolo izao dia mipetraka eo amin’ilay ratsy avokoa”.

Ny fahavalon’Andriamanitra izany no mitondra izao tontolo izao koa dia mazava fa tsy tokony hitsabaka amin’ny raharaha politika ny kristiana satria lasa milatsaka ho “fahavalon’Andriamanitra” araka ny voalaza ao amin’ny Jakoba 4:4.

Ary tokony tsy hahagaga raha ny devoly no mitondra izao tontolo izao satria tsy misy mandeha amin’izay laoniny ny fandehan-javatra eran-tany amin’izao fotoana izao fa miharatsy foana.

Mifanohitra amin’izany rehefa ny fanjakan’Andriamanitra no hitondra ny tany. Voalaza ao amin’ny Apokalypsy 21:3,4 ny "programme" efa napetrak'Andriamanitra momban'izany.

moi > on est citoyen du ciel, et de ton pays aussi.
am maha citoyen du ciel anao, karakarao tsara ny fanjakana any an-danitra, ary fijoroana vavolombelona tsara ho anao raha sakelehanao koa ny fanjakana ety an-tany.

Valiny :

Ny fijeriko ny resakao eto dia toa heverinao fa hoe any an-danitra no hoe hiaina ao amin’ny fanjakan’Andriamanitra ny olona. Tsy izany mihitsy anefa no filazan’ny Tenin’Andriamanitra, dia ny Baiboly. Ilay vavaka nampianarin’i Jesosy fotsiny dia efa mazava satria lazainy fa rehefa ho tonga ilay fanjakana dia ho atao ety an-tany ny sitrapon’ny Ray. Mila averina vakiana kely angamba Matio 6:10.

moi > Marina fa ho levona ity tany ity,

Valiny :

Raha araka ny Tenin’Andriamanitra ihany, dia ilay Andriamanitra namorona ny tany, dia tsy ho levona araka ny filazanao azy ny tany fa haharitra mandrakizay. Vakio fa izany no voalaza ao amin’ny Mpitoriteny 1 :4.

Ary hisy olombelona hipetraka foana ny tany amin’izany satria voalaza ao amin’ny Salamo 37 :29 fa « ny marina handova ny tany ka honina eo aminy mandrakizay ».

moi > Ndao ry zareo mba ho kristiana manana équilibre a, fa tsy miaina toa ny misavoamboana fotsiny.

Valiny :

Raha jerenao Romana 7:25 dia ny saina no tokony ho ampiasaina rehefa te hankatò ny lalàn’Andriamanitra.

Ao amin’ny Romana 12 :2 indray dia voalaza fa raha te hamantatra ny sitrapon’Andriamanitra, dia tsy maintsy manavao saina.

Andriamanitra no namorona antsika ary anisan’izany ny ati-dohantsika izay hahafahantsika misaina. Koa dia izy irery ihany no afaka manome « saina sy fahendrena » araka ny voalaza ao amin’ny Tantara voalohany 22 :12.

Koa ny tena kristiana mpanompo azy dia tsy maintsy olona mahay mampiasa ny sainy, ary « équilibré » tsara fa tsy hoe « misavoamboana fotsiny ».

moi > fa miaina ny présent ianao fa tsy efa any am futur akory ; mila mianatra tsara, mividy tany sy manao trano...

Valiny :

Tsara ny manana ny notion-ny présent sy ny futur. Fa ny logique dia hoe amin’ny “présent” no hanomananao ny “futur”. Sahala amin’ny lazainao hoe “mianatra tsara” aloha (présent io), dia avy eo manana asa tsara dia ho afaka mividy tany sy manao trano any amin’ny “futur”.

Ny Baiboly efa milaza an-tsipiriany ny toe-javatra hiseho any amin’ny “futur”. Ka raha fantatrao tsara ny zavatra hiseho amin’ny ho avy, dia dieny izao “présent” izao ianao dia efa afaka miomana mba hitady hoe ahoana no fomba hahitana soa amin’izany ho avy izany.
Misy fehitsoratra avy ao amin’ny Baiboly vitsivitsy nomeko etsy ambony milaza ny zavatra ho avy.

Fa ity zavatra iray ity dia efa niseho ary mbola mitohy hatramin’izao. Hita ao amin’ny Apokalypsy 12:7-9 fa hoe “nisy ady tany an-danitra”……. Resy tamin’izany ady izany ny devoly sy ny anjeliny dia voazera taty an-tany. Dia raha tohizana eo amin’ny Apokalypsy 12:12 dia hoe faly be ny mponina tany an-danitra noho izany, fa ny ety an-tany kosa dia hoe “loza” satria hoe “nidina ho aminareo ny devoly sady manana fahatezerana lehibe”. Ary mariho tsara ny “phrase” farany fa hoe “satria fantany fa kely sisa ny androny”.

Izany no mahatonga ny fandehan-javatra maneran-tany ho miharatsy satria romotra be ny devoly sady fantany fa “fa kely sisa ny androny”. Fantany tsara ny zavatra hiseho amin’ny ho avy. Fantany fa rehefa afaka kelikely dia ho esorina aminy ny fitondrana an’izao tontolo izao dia ho tapitra koa ny androny.

Fa ny andro sy ny ora hahatongavan’izany dia tsy misy mahafantatra na dia i Jesosy aza, fa Andriamanitra irery ihany. Hita ao amin’ny Marka 13:32 izany.

Tsara marihana koa hoe amin’ny fomba ahoana no hahatongan’izany. Lazain’ny Tesaloniana voalohany 5:2 fa ho tonga tampoka “toy ny mpangalatra amin’ny alina” izany andro izany.

Koa noho izany dia tsara kokoa raha amin’izao “présent” izao dia efa miaina sady miomana ho amin’izany “futur” izany.

Tena manana anjara amin'izao fanjakana ankehitriny izao isika, ohatra hoe mivavaka ho an'izay mpitondra antsika ; sa ny mpitondra fivavahana ao aminareo no handikanareo io mpitondra io ?
Tsy mitovy fijery isika angamba, fa ny ahy dia ny manampahefana rehetra io, manomboka any amin'ny sefonao any am-piasana, ny mpitantana eny amin'ny fokontany, hatrany amin'ny ao amin'ny fitondrana faratampony e !
Manana anjara andraikitra ety an-tany (izay mbola fanjakan'ny devoly) ny kristiana fa nirahin'ny Tompo ho eny afovoan'ny amboadia ! Aiza ny fandraisana andraikitry ny kristiana raha avela amin'izao fotsiny ny raharaha politika, nefa ange avy eo ndao hivavaka ho an'ny firenena e !(sa tsy tokony hivavaka ho an'ny firenena koa fa an'ny devoly ny firenena ?)
Ao amin'ny soratra masina koa matoa nampianatra ny fomba fifidianana mpanjaka (prezida izany amin'ny contexte antsika izao) dia nomena taridàlana isika amin'ny fifidianana. Sa ho an'iza indray ireny fanoroan-dàlana ireny ?
Tsy hitanisa ny teny verset nanohanako ireo fijery ireo aho, fa ny hevitra koa no zava-dehibe, ary ny verset mety ho efa be mpahalala ihany fa ny fiainana azy no tsy itovizana.

ary ahoana ilay hoe ny lanitra sy ny tany ho levona, fa ny Teniko tsy ho levona (Matio 24 : 35)
Azoazoko fa fijerin-dry zareo Temoin ny an'ny sasany, fa ambarako fa efa tao naharitra aho, fa saingy hitako ny làlana.