Sakafo Velona

1. voromailala ( 18/07/2013 12:14)
Fantatrao ve inona no hatao hoe sakafo velona?

Ny sakafo Velona dia sakafo manta, na nandrahoana tsy mihoatra ny hafanan'ny vatan'olombona, eo amin'ny 40° eo ho eo.

Ny Tombony: mbola velona ireo Enzyme (manampy amin'ny fandevonankanina), Vitamine rehetra. Marihana fa manomboka 40° dia manomboka mihena ny vitamine anaty sakafo, rehefa tonga 100° izy efa zara raha misy sisa. 140° dia efa azo lazaina hoe sakafo maty ilay sakafo. Noho izany betsaka ny tombony azonao amin'ny fahasalamana.

Alimentation vivante moa no anarany amin'ny teny Frantsay. Ahoana ny hevitrao momba izany?


novalian'i niryna ny 03/09/2013 03:46
2. 5laody ( 18/07/2013 13:14)
Salama isika rehetra ary misaotra ny mpitondra lohahevitra,

Mety ahazoana tombony tokoa amin'ny resaka angovo fandarahoana azy satria vetivety monja dia tratra ny 40 °, fa ny fanahiana kely dia mety tsy ho faty ny otrikaretina raha sendra misy.
Raha ny fahazoako azy dia sakafo tsy avy any amin'ny vata fampagatsiahana izany (congelés na surgelés) fa otazana na vonoina dia any am-bilany?
3. hery ( 18/07/2013 14:02)
Manahirana ihany tokoa.

Raha ohatra ve ka atao anaty congélateur mandritra ny 24 heures mba hahafaty ireo otrikaretina (ny trondro aty Italie ohatra tsy maintsy atao an'izany) dia mbola azo heverina ho sakafo velona ihany rehefa mantamanta?
4. sitlo ( 19/07/2013 02:12)
Fomba fiainan'ny malagasy mihitsy io. Jereo tsara fa ny ankamaroan'ny malagasy tsy dia mampiasa congelateur na frig izany fa miantsena isan'andro.

Ny ilana afo ambony amin'ny sakafo, raha tsy hiresaka mikroba isika dia ny hanapaka ny proteine ho azon'ny vatana alaina avy eo. Ny olona tsy tena carnivore loatra na omnivore aza. Ka tsy mahasalama ny olona ny hena mantamanta raha atao matetika.
Ny glucide koa matetika ilaina andrahoina vao mora levonina, ohatra: vary, vomanga...

Ny mineral indray mahataty hafanana ambony ka tsy olana loatra.

Fa raha ny vitamine dia ny C no tena fantatro hoe tsy mahataty hafanana. Fa iza koa moa no hahandro voasary? Ny A sy ny E avy eo raha tsy diso aho, ka tsara raha tsy andrahoina be ny karaoty sy ny laiso, ny salady moa efa tsy fahandro rahateo. Ny D tsy olana fa mitanin'andro fotsiny. Ary ny B isankarazany toa mahataty hafanana ambony ihany. Satria ny fonon'ny vary no tena ahazoan'ny malagasy ny vitamine B, nefa ny vary mila andrahoina mahamay be.
5. voromailala ( 22/07/2013 10:24)
Misaotra anareo amin'ny valiteny.

5laody>hery>Hanampiako ny tenin'i sitlo dia marihana aloha izany fa na inona na inona sakafo ho anintsika dia misy mikroba daholo (tontolo iainana, tanana, lovia,sns...) , ary anatitsika tsirairay avy dia misy mikroba daholo.

Ny tena mankarary ny olona matetika dia tsy ny hoe fidiran'ny mikroba anaty vatana fa ny fihenan'ny fiarovantena (immunité). Anisan'izany ohatra ny fihinana sakafo be, sy sakafo maty. Izay mahatonga ny olona marary matetika aorinan'ny fety be ireny.

Mihena ihany koa ny habean'ny vitamine anaty sakafo rehefa hatao anaty"congélateur", ny tsara indrindra izany dia sakafo vao avy notazana, na biby vao avy novonoina no nohanina.


Amin'ny resaka sakafo velona dia tokony ho sakafo BIO no tsara matetika hohanina satria ny sakafo BIO dia mbola manana ilay fiarovatena natioraly sady tsisy zavatra simika firy.

Tsy mora ny fanarahana an'ilay sakafo velona fa ny torohevitro izany dia hoe mihinana "Crudité" foana alohan'ny sakafo.

Satria rehefa mihinana sakafo masaka ianao dia heveverin'ny vatanao fa fahavalo dia lasa miteraka globule blanc dia lasa mampihena ny fiarovantenanao, io ilay lazain-dry zareo amin'ny ilay hoe Leucocytose digestive.




6. bichette ( 12/08/2013 07:24)
Misy microba "congelé" fotsiny fa rehefa tratran'ny hafanana dia velona indray, ka izany no mahatonga ny sakafo indrindra ny hena hoe raha vao decongeler-na dia tonga dia andrahoana
7. Ialahy ( 23/08/2013 15:41)
otran'izao ko ve sakafo velona?


http://www.youtube.com/watch?v=3X8uzxmu2TM
8. niryna ( 03/09/2013 03:46)

Ialahy:

otran'izao ko ve sakafo velona?


http://www.youtube.com/watch?v=3X8uzxmu2TM
kay, voa angamba ny saiko fa tsy mba ihinana an'io aho na omena fotsiny aza tss hi,hi
© Eugene Heriniaina - serasera.org 1999 - 2024 - page load 0.7431