Ireto misy taranja vitsivitsy izay tsy iombonan'ny Baiboly sy ny "siansa" ankehitriny izay mandà an'Andriamanitra.

Izao no lazain'ny Gen. 1:1 : "Tamin'ny fiandohana, Andriamanitra nahary ny lanitra sy ny tany." Izany hoe efa teo hatr@ voalohany ny tany. Kanefa tsy mba izay no lazain'ny teôrian'ny Big Bang, fa hoy ilay izy hoe fipoahana kisendrasendra no nipoiran'izao tontolo izao ary tsy nisy afa-tsy partikiola mafana be mandritry ny taona an-ketsiny ilay izy.

Ka inona no dikan'izao ? Tsotra kely : raha marina ny haikintan'izao tontolo izao dia diso ny haikintan'ny Baiboly.

Mitantara koa ny Gen. 7-8 ny momba ny Safodrano t@ andron'i Noah, izay niteraka ny ankabetsahan'ny vaton-dilatra (roches sédimentaires) sy ny fôsily raketiny. Fa kosa milaza ny haibolantany (géologie) evôlisionista hoe tsy nisy izao mihitsy ny Safodrano maneran-Tany (ny tena mahatsikaiky @'izany dia milaza koa ny evôlisionista fa mety nisy safodrano tany @ planety Marsa :) ), fa nipetraka tsikelikely mandritry ny tapitrisa taona tsy hita lany ny dilatra ka nanjary vato.

Ka raha marina ny haibolantanin'izao tontolo izao dia diso ny haibolantanin'ny Baiboly.

Torak'izay koa milaza ny Gen. 1:24-25 hoe : "Ary Andriamanitra niteny hoe: Aoka ny tany hamoaka zava-miaina isan-karazany: biby fiompy, biby madinika mandady ary bibidia, samy araka ny karazany avy. Dia tanteraka izany. Nataon'Andriamanitra avokoa ny bibidia isan-karazany, ny biby fiompy isan-karazany, ary ny biby madinika isan-karazany mandady amin'ny tany; ka hitan'Andriamanitra fa tsara izany." Hitantsika @'izany fa noforonina t@ andro fah-6, 6 000 taona lasa izay, ny biby mandeha ambony tany, ary anatin'izay ny dinôzôra (tsy sokajiana anatin'ny dinôzôra ny pterôzôra sy ny iktiôzôra ary ny pleziozôra). Fa ny an'ny haizavamananaina evôlisionista indray dia nivoatra avy t@ karazan'andronga tsy fantampantatra izay nivelona 220 tapitrisa taona lasa izay.

Ka raha marina izany ny haizavamananaina sy ny paleontôlôjia evôlisionista dia diso ny haizavamananaina sy ny paleontôlôjian'ny Baiboly.

Rehefa miresaka momba antsika ny Baiboly dia milaza fa noforonina tahaka ny endrik'Andriamanitra ny olombelona t@ andro fah-6, 6 000 taona lasa izay (miaraka @ dinôzôra, izahao Gen. 1:27). Ny zavatra lazain'ny antrôpôlôjia evôlisionista indray dia hoe karazan-drajako izay nivelona 7 tapitrisa taona lasa no razantsika, 58 tapitrisa taorian'ny nanjavonan'ny dinôzôra tety ambonin'ny tany.

Ka raha marina izany ny antrôpôlôjia evôlisionista dia diso ny antrôpôlôjian'ny Baiboly.

Ka raha diso @ taranja ifotony tahakan'ireny ny Baiboly, mba azo atokisana velively ihany ve ny Baiboly ?
Aiza ny toerana @ Baiboly milaza hoe "azonao omena an'izay hevitra tianao ny teo aloha, fa manomboka hatreto dia raiso ara-dahatsoratra aho" ? Tsy misy !

Sa izay tsy mifanaraka @ siansa no ahilika ? Ka nahoana izany no tsy ahilika koa ny Evanjely raha izay ?
Mba ara-tsiana ihany ve izany vehivavy Virjiny miteraka izany ? Mba ara-tsiana ihany ve izany mandeha ambony ranomasina izany ? (Iny kosa dia tafiditra anaty sci-fi tsara e :) ).
Ny fitsanganana @ maty aloha dia tsy mba ara-tsiansa : milaza ny siansa fa rehefa maty dia maty.
Ka na tsipahintsika 1 manontolo ny Baiboly nohon'ny siansa, na tsy ny siansa no omentsika fahefàna rehefa handinika ny vontoatin'ny Baiboly. Kanefa dia mampalahelo fa izay mihitsy no ataon'ny mpitondra fivavahana : ny mpanao siansa no omeny fahefàna fa tsy ny Baiboly.

Izao tsara no nolazain'ilay mpampianatra @ oniversiten'i Oxford sy mpandà an'Andriamanitra fanta-daza C. Richard Dawkins (izay antsoin'ny sasany hoe "Darwin's rottweiler) t@ fandaharana "The Root of all evil", novokarin'ny BBC t@ 16 janoary 2006 :
"Amiko dia hevitra hafahafa ny mifikitra @ tapany sasany @ Baiboly kanefa tsipahina ny sasany. Rehefa misy resaka ara-pitondrantena dinihina eo, inona no critère anaovantsika tsimpon'akotry izay azo ampiasaina @ Baiboly ? Inona no antony tokony iraharahiantsika ny Baiboly na kely aza raha afaka misafidy izay rariny sy tsy rariny isika ?"
Hentitra sy mazava. Tsy azo afangaro ny Baiboly sy ny evôlisionisma, ary izao no hevitra izay mandrondana ny hevitra naorin'ny olona izay mampifangaro azy 2. Kanefa mampalahelo fa neken'ny ankamaroan'ny fiangonana sy ny kristiana izao fangaro izao. Tsy izay moa ny atao hoe "manara-drenirano" ? Ary ny anaran'ny renirano dia Betsimino (ny Baiboly).

Ity no rohy mankany @ fizaràna voalohany ho an'izay liana :
http://forum.serasera.org/forum/message/m516c1775b7305

Raha mijery ilay fitondrana ny firindran-kevitra mampitaha aho dia mahita hoe diso fandinika ny olombelona raha mitsipaka ny Baiboly amin'ny fahalalàna ny Darwinisma. Ilay voalohany dia tantara fa ilay faharoa dia fandinihina. Ny tsara ho fantatra anefa dia efa nisy ireo izay olona nanao izay hampanjakàna tsy am-piheverana ny finoana an'Andriamanitra nifototra tamin'ny Baiboly ka ny foto-piheverany sy fandraisany ilay Baiboly no novoiziny sy nampanarahana ny olona rehetra talohan'ny nisehoan'ny darwinisma (lojikam-pandinihina ny zavamisy) nitsipaka izay voambara tao amin'ny Genesisy izay latsaka am-pon'ny rehetra talohan'ny fandalinana ara-tsiansa rehetra.

Ny tokony ho izy dia rehefa mahafeno ny fepetra fanaporofoana ara-darwinisma ny Baiboly vao afaka miteny hoe mihaona ireo roa ireo. Ankoatr'izay dia fampitoviana zava-droa mifanindran-dalana fa tsy hihaona mihitsy satria ny iray lasa fiheverana fa ny faharoa lasa fandinihana.

Miverina ny fanamarihako izay anaty fonon-kevitra satria ilay fandrindran-kevitra mihitsy no misy mandringa eo amin'ny lahateny nosoratan'ny namana Nehemiah.

Ny consept maha-Andriamanitra Mpahary mihitsy no lasa mivoana raha vao manao rindran-kevitra mampifandray vanim-potoana isika olombelona. Isika no voafehin'ny vanim-potoana ka afaka manome daty (antapitrisa, na anarivony) arakaraka ny sehon-javatra iray. Fa amiko Andriamantira dia tsy voadehin'ny fotoana ary hafa ny Lalany amin'izay tranga izay. Izay no nilazaNY hoe : ny fiheviTRO tsy fihevitrareo.

Raha tsy amin'ny FO ivelan'ny famaritana ara-tsaina ny tranga isan-tokony no mampitodika ny fomba famoahana izay hevitra miloatra isika dia mbola mandeha amin'ny lalana tsy izy hatrany. Ary io no lalampanahy tokoy hampifoha bebe kokoa.

Fa ny malemy dia lavon'ny sainy ka rehefa tonga ny fanamavoana ny hevitra sasany ao anaty Baiboly dia manjary lasa olona tsy mino izy ary manao fa rehefa diso ny hevitra voalohany ao dia diso daholo izy rehetra. Izay ilay hoe mitoky amin'y soratra ary voafafa daholo ny zava-drehetra rehefa misy manakiana ilay soratra nametrahana ny fo amam-panahy.

Ka asa hoe : raha manokatra ny lohaheivtra ny namana Nehemiah, anisan'ilay ara-tsoratra sa ara-pinoana?

Hmmm aleo ihany ajanona hatreto aloha ity resakantsika anankiray ity satria hoatran'ny tsy tafita @ andaniny ny hevitry ny ankilany. Ireo hafatrao dia manambara fa tsy takatrao mihitsy ny maha-ara-pisainana ny Baiboly sy ny finoana kristiana ka tsy misy inona na inona azoko atao raha mbola ataonao tsinontsinona ny lôjika tsotra.

tsy hoe tsy tafita fa voafakafaka tsara ka!
Ny tsy fantatro fotsiny dia hoe : hiezaka handresy lahatra ve ny namana sa maneho hevitra ? Ny ahy manko ireo fanehoana izay tsapako ka raha mora raisina dia faly aho ao amin'ny Tompo.

Ny olana fotsiny amin'ny hevitra aposakao dia tsy lôjika tsotra araka ny fanambaranao azy io ilay vakiako lavalava eo amin'ny fiantombohan'ny lohahevitra fa miteraka fampiasan-tsaina goavana. Ka mba azonao tsorina ve fa tsy amin'ity endrika iray ity kosa aloha : hoy ny ray amandreny tamin'ny andron'ny rindrin-jozoro hoe aza mandaka rindrina fa mahafaty renibe dia hampanekena iny daholo ny taranaka rehetra efa manao trano vato fa tsy hazavaina hoe satria rindrinjozoro tamin'izany matoa io teny io nivoaka ary marina.

Izay anie no tanjona e : ampiasao ny sainareo fa tsy haingo io. Dia anjaranareo ny mandinika raha ara-pisainana sy lôjika ny hevitro na tsia.

Ary mba miezaha tsy hivoaka terrain.

Tsy mivoaka terrain isika fa ilay fampitahana zavatra roa lazainao fa tsy miray no tiana avoitra.

Inona ohatra no tsy ara-tsiansa amin'ireo voalazanao ireo? Virijiny miteraka ve? Azo alalinina izany, ny fandehanana ambony ranomasina ve? azo alalinina izany.

Ka ianao ihany no miteny hoe ampiasao ny saina fa aza atao haingon-javatra fotsiny, ka raha manao evolisionisma ve tsy hahafantatra hoe misy rindra mazava ny famoronana?

Fa eo ihany isika, raha ny filazanao

Izao no lazain'ny Gen. 1:1 : "Tamin'ny fiandohana, Andriamanitra nahary ny lanitra sy ny tany." Izany hoe efa teo hatr@ voalohany ny tany. Kanefa tsy mba izay no lazain'ny teôrian'ny Big Bang, fa hoy ilay izy hoe fipoahana kisendrasendra no nipoiran'izao tontolo izao ary tsy nisy afa-tsy partikiola mafana be mandritry ny taona an-ketsiny ilay izy.

Toa midika ilay voatsipika hoe efa teo ???

Fa inona moa no dikan'ilay teny hoe ary haizina no tambonin'ny lalina? sy ny hoe tsy nisy endrika? Tsy azon'ny evolisionisma hazavaina ve?

Raha toa ka atao hoe marina ilay filazanao voatsipika, dia lasa zana-bondron'ny big bang indray izany ilay tantaran'ny Baiboly.

Mety efa niteny anao an'izay aho taloha be tany fa averiko eto : alohan'ny idirana lalina @ resaka siansa dia mba ampitomboy ny fahalalanao azy toy izay miteniteny foana, na aza miditra mihitsy satria hita miharihary fa tsy voafehinao mihitsy ity resaka siansa ity !

Ity izao misy piste 1 : http://fr.wikipedia.org/wiki/Parthénogenèse#Mammif.C3.A8res
Dia mba lazao ahy kely ny fomba nitrangan'ny parthénogénèse lavorary t@ fomba kisendrasendra t@ Maria raha mba possible izay.

Tsy voavalinao akory ilay tena fanontaniana fa avy hatrany ianao dia mametraka fa tsy mahafehy siansa ny tenako.

Ary ny resaka Maria indray, azo hazavaina tsara ny momba ny niterahany an'i Jesoa ary ao anaty Korana na livre d'Urantia ianao aza no mahita azy kokoa.

Tsy any amin'ny parthenogenèse mihitsy no piste amin'io fanazavàna io fa any amin'ny toerana misy ny RAY, izay azon'ny boky hafa omena antsika ny valiny fa teny fohy ihany no voasoratra ao anaty Baiboly.

Ka natao ho an'ny kristiana ny lohahevitra anie. Inona no lanja ananan'ny Korana sy ny livre d'Urantia sy ny boky occultes hafa mety arosonareo, na @ lafiny ara-Baiboly, na @ lafiny ara-tsiansa ?

Toy izao ny fizotran'ny paika ara-tsiansa araka ny nandrafetan'i Francis Bacon (izay kristiana) azy :

fandinihana --> fanatsoahana rafitra ankapobeny (induction) ---> fametrahana hevitra ---> fanandramana ---> fanaporofoana ho marina/diso ---> fahalalàna

2 loha ny fototr'ity paika ity : causalité (ny antony 1 dia tsy maintsy manana vokatra mitovy mandrakariva) sy induction.

N.B. : Ny finoana ny Andriamanitry ny Baiboly namorona tontolo voafehin'ny lalàna natoraly tsy miova no nahafahana andrafetana an'ity paika ity, ary niaiky an'izay koa i Loren Eiseley, izay mpahay tantaran'ny siansa sady tsy kristiana.
Ka raha mbola mampiditra zavatra sady tsy ara-tsiansa no tsy ara-Baiboly dia tsy valiako koa, dia efa miteny aho izay !

Ity @'izay ny rohy mankany @ fizaràna faha-3 :

http://forum.serasera.org/forum/message/m516f8ca5df098