Velona Jesosy!

"Koa ataovy tsara ny hazo mbamin'ny voany, na ataovy ratsy ny hazo mbamin'ny voany ; fa ny voany no ahafantarana ny hazo" Mat 12/33.

Rehefa nitantara ny fahitany raha nentin'i Jesosy nizahazaha tany an-danitra i Nenilava dia nilaza fa nahita seza maro, ary nisy seza iray tsikariny fa niongana. Dia nanontany izy ny amin'izany seza izany ary ny valin-teny dia hoe ny sezan'i Jodasy izany. Nanaraka izany, nahita ankizy marobe indray Nenilava, ary rehefa nanontany ny amin'ireo indray izy dia hoe ireo zaza ireo dia tsy voavonjy satria tsy vita batisa nefa maty.

... Ny voany no ahafantarana ny hazo ...

Sokafy ny masom-panahy hahafantatra, ary omeo izay hevitrao namana!

Izaho aloha tsy afaka tena milaza ny hevitro satria tsy tena fantatro i Nenilava. Koa dia hamaky izay lazain'ny namana hafa.

hery:

Izaho aloha tsy afaka tena milaza ny hevitro satria tsy tena fantatro i Nenilava. Koa dia hamaky izay lazain'ny namana hafa.

Izy no nahita azy tany ka nampita ny hafatra, ny sisa azontsika atao dia ny mivavaka sy mino!!!zay angamba no azoko tenenina!!

Raha toa ka misy ireo izay manome fandalinana mazava momba ireo seho ireo ankehitriny dia fampianaram-baovao izay. Ary ny fampianaram-baovao dia arakaraka ny vanim-potoana no azo hamoahana azy satria mila fanomanana ny olona handray izany izy io.

Ohatra, azo lazaina ho sehatra fandrindrana ny fianan'ny olona aorian'ny handaozany ny nofony ka idirany amin'ny vatana atao hoe : astraly ohatra ny seho hita teo. Izany hoe mandalo io sehatra io ny olona izay tsy mahalala ny fampianarana ara-panahy tanteraka hatrizay.

Ankehitriny anefa dia efa misy fampianarana momba ny fanahy (tsy ara-batana) fa tena fanahy afaka tanteraka tsy voafatotra. Rehefa tonga amin'io sehatra io ny olona mahazo fahalalàna dia manaraka an-tsakany sy andavany ny fiampitana amin'ny fiainambaovao ka matoky izay banjininy sy mifampitantana aminy dia i Kristy izany. Mbola misy fanazavana maro izay tsy mbola notantarain'i Nenilava satria izy irery ihany no nasaina nitana izany. Ohatra iray : nahoana moa izy no nasaina nisalotra ny ankanjon'ny Mpisoronabe Arona araka ny voasoratra ao amin'ny Testamenta Taloha? Tsy mitory fampihavanana eo amin'ny Jiosy sy ny Kristianina ve izy io? ary fampahafantarana fa ny Malagasy dia fanjakam-pisorona ?

hery:

Izaho aloha tsy afaka tena milaza ny hevitro satria tsy tena fantatro i Nenilava. Koa dia hamaky izay lazain'ny namana hafa.

Ity misy rohy raha te hahalala azy misimisy kokoa ianao : http://gascar.me/node/1601
Tsara ho marihina fa Nenilava no azo lazaina fa fototry ny toby fifohazana Ankaramalaza ary ao anatin'ny FJKM.

Velona Jesosy!

Ny tiako hahatongavana : hojerentsika amin'ny alalan'ny Tenin'Andriamanitra raha tena avy amin'Andriamanitra tokoa ity fahitan'i Nenilava ity na Kristy sandoka (= devoly).
Momba ireo zaza tsy voavonjy noho ny tsy nanaovana batisa mbola kely azy no tiako hojerentsika.
Fantatsika tokoa ve hoe inona no hevitr'ity teny ity :
"ARY nisy nitondra zazakely ho eo aminy mba hametrahany tànana; fa ny mpianany niteny mafy ireny. Nefa tezitra Jesosy, raha nahita izany, ka hoy Izy taminy: Avelao ny zaza hanatona Ahy, ary aza rarana; fa an’ny toa azy ny fanjakan’Andriamanitra. Lazaiko aminareo marina tokoa: Na zovy na zovy no tsy handray ny fanjakan’Andriamanitra tahaka ny zaza, dia tsy ho tafiditra aminy akory. Ary nitrotro azy Izy, dia nametra-tànana taminy ka nitso-drano azy.". Mar 10/13-16

Zavatra roa no andeha hotsoahana :
- "... dia nametra-tanana taminy ka nitso-drano azy" : eto no naolan'ny devoly ny teny fa tsy batisa velively io nataon'i Jesosy io fa mazava be : fametrahan-tanana sy tso-drano. Ao anaty baiboly dia tsy ahitana mihitsy zaza natao batisa izany, fa olon-dehibe sy vory saina daholo no natao batisa rehefa nahatsiaro ny fahotany ka nibebaka (Mar 16/16).
- "... fa an'ny toa azy ny fanjakan'Andriamanitra" : Iray aloha ny hoe : ny zaza izany dia efa ao anatin'ny fanjakan'Andriamanitra mazava ho azy. Tsy manana ota, tsy mahay mankahala, tsotra, malemy fanahy, sns ... ary faharoa dia izany toetry ny zaza izany no takiana ho an'izay lehibe ka hiverina eo amin'Andriamanitra. Teny fahita ao anaty baiboly ity hoe : "Miverena amiko" na hoe "Modia". Ny dikan'izany dia hoe efa teo amin'Andriamanitra (fony fahazaza) no niala, nania, nisintaka; ka antsoiNY hiverina indray na hody ao aminNY amin'ny alalan'ny fibebahana sy ny fandraisana ny famonjena dia Jesosy.

Tsy mpanota hatrany am-bohoka ny olombelona fa ny fiaraha-monina, ny manodidina azy izay feno fahotana no manimba azy tsikelikely.
Adidin'ny ray aman-dreny araka izany ny manome modely sy mikolokolo ny zaza hitombo lavitry ny tontolon'ny ota, hitombo ao anatin'ny tontolon'ny finoana sy fahalalana an'Andriamanitra : "zaro amin'ny lalana tokony halehany ny zaza, fa na antitra aza izy dia tsy hiala amin'izany" Oha 22/06.

Ny fandrika mantsy dia ity : maro ireo natao batisa faha-zaza no mihevi-tena fa efa zanak'Andriamanitra, mamita-tena fa efa isan'ny voavonjy, nefa ny tsikaritra sy fahita dia mbola milomano anatin'ny ota ihany, mitombo fahadalana. Zary voadingana ilay atao hoe fibebahana satria ny batisa aza moa efa vita koh!

Dia iza izany no nanome saina an'i Nenilava? iza no ao ambadika?

Ny olona tsirairay dia nandova ota avy t@ Adama sy Eva. Eny fa na dia mbola vao menavava izany ny olona dia efa mpanota. Ny ota no mampisaraka ny olombelona @ Andriamanitra. Koa noho izany dia tokony hodiovina @ Batemy ny olona tsirairay mba haka ilay endrika taloha tsy manantsiny. Araka ny tenin'ny Tompo hoe raha tsy ateraka @ fanahy indray ny olona dia tsy hahazo ny fiainana mandrakizay.
Koa dia ilaina hatao batemy ny zaza mba hahavelomany mandrakizay.

leva2:

Ao anaty baiboly dia tsy ahitana mihitsy zaza natao batisa izany, fa olon-dehibe sy vory saina daholo no natao batisa rehefa nahatsiaro ny fahotany ka nibebaka (Mar 16/16).

Rom.6:3 : tsy fantatrareo va fa na iza na iza isika no efa natao batisa ao amin’i Kristy Jesoa ==> Misy faniliana ny zaza ve izany hoe na iza na iza izany ?

Raha ny Mar.16:16 : mahita teny manilika ny zaza ao amin'io ve ise ? Jereo tsara ireto teny manaraka ireto izay mifandray amin'io finoana io :
Asa.16:31 : minoa an’i Jesoa Tompo dia hovonjena ianao sy ny ankohonanao

Asa 16:14-15 : milaza ny tantaran'ilay ramatoa Lydia: Ambara mazava eto fa i Lydia no nino dia natao batisa avokoa ny ankohonany rehetra.
Asa 16:32-33 “ary izy roalahy nitory ny tenin'ny Tompo taminy sy tamin’izay rehetra tao an-tranony, ary nandray azy roalahy izy tamin’izany ora amin'ny alina izany ka nanasa ny dia-kapoka; ary natao batisa tamin’izay izy mbamin’izay azy rehetra.” ==> ilay mpiandry fonja no nino nefa dia natao batisa avokoa izay azy rehetra. Misy miteny ve eto hoe tsy natao batisa ny zaza ?

leva2:

Tsy manana ota, tsy mahay mankahala, tsotra, malemy fanahy, sns ... ary faharoa dia izany toetry ny zaza izany
Tsy mpanota hatrany am-bohoka ny olombelona fa ny fiaraha-monina, ny manodidina azy izay feno fahotana no manimba azy tsikelikely.

Tsy mbola nahavaky ireto teny ireto tao anaty baiboly angamba ise :
Sal.51:5 Indro , tamin'ny heloka no niterahana ahy , ary tamin'ny fahotana no torontoronina ahy ny reniko. ==> Tsy ny efa nahatanteraka fahotana ihany akory vao tonga mpanota, fa efa mpanota hatrany am-bohoka, vao notorotoronina dia efa mpanota ny olona iray ary maneho ny fahamarinan’izany izy eo amin’ny fiainana. Tsy ny natao akory no nahatonga ny olona aty aoriana ho mpanota fa efa mpanota mihitsy isika dia manjary manota. Nateraka isika, nateraky ny nofo dia nofo ihany.
Jao.3:6 : “Izay ateraky ny nofo dia nofo; ary izay ateraky ny Fanahy dia fanahy” ==> Ary satria nofo adama sy eva ka rehefa niteraka izy dia nofo tahaka azy koa no naterany. Ny hevitry ny teny hoe nofo eto dia tsy milaza ny vatana fotsiny fa milaza ilay olona ao anatin’ny maha-olona azy, maha-voafetra azy efa andevozin’ny ota. Koa izay nateraky ny mpanota dia mpanota ihany koa. Rehefa mamafy katsaka ohatra isika dia miandry katsaka, rehefa mamafy vary dia miandry vary fa tsy miandry zavatra hafa akory, koa raha ny mpanota no miteraka dia mpanota ihany koa no naterany. Isika aty aoriana rehetra na dia ny zazakely aza dia efa mpanota satria nandova io ota fototra io satria nateraky ny nofo izy fa tsy mbola nateraky ny fanahy.

Nefa raha tsy ekenao na tsy mety aminao izany tenin'Andriamanitra izany fa nandova fahotana ny olombelona satria hoy ianao hoe ny zaza tsy nanota; toa an'i Jesoa izany: Izy tsy mba nanota. Ny zava-nisy anefa dia tena natao batisa i Jesoa.

leva2:

Ny fandrika mantsy dia ity : maro ireo natao batisa faha-zaza no mihevi-tena fa efa zanak'Andriamanitra, mamita-tena fa efa isan'ny voavonjy, nefa ny tsikaritra sy fahita dia mbola milomano anatin'ny ota ihany, mitombo fahadalana. Zary voadingana ilay atao hoe fibebahana satria ny batisa aza moa efa vita koh!

Ny tenako izao dia natao batisa fony fahakeliko. Ary tsy mila batisa izany intsony satria fanamavoana ny Fanahy Masina sy Jesoa Kristy izay maty in-ndray mandeha monja ny fanaovana izany fanindroany. Ho voninahitr'Andriamanitra no hilazako anao fa efa nandray Azy ho Tompoko sy mpamonjiko aho ary efa miaina izany fiainana mandrakizay izany sahady.

leva2:

Dia iza izany no nanome saina an'i Nenilava? iza no ao ambadika?

Izay tenin'i Nenilava any : tsy ahoako. Izay voaloazan'ny baiboly ary ny baiboly irery ihany no hitako fa sakafo mahavonjy sy mahavoky ary tena mamelona. Koa raha ireo ambarako aminao eo ambony ireo no nolazain'ny baiboly, mba iza ihany kosa izany no manome saina anao eto mba hanohitra ny tenin'Andriamanitra, hanilika ny zaza tsy hiditra ao anatin'ny fanjakany ?

leva2:
http://gascar.me/node/1601

Misaotra tamin'ilay rohy.

Izaho aloha tsy dia tia ny zavatra tahaka itony fa ilaiko ho fantatra kosa noho ny lazany.

[quote=leva2]
Velona Jesosy!

"Koa ataovy tsara ny hazo mbamin'ny voany, na ataovy ratsy ny hazo mbamin'ny vo

smileyah:

Ny olona tsirairay dia nandova ota avy t@ Adama sy Eva. Eny fa na dia mbola vao menavava izany ny olona dia efa mpanota. Ny ota no mampisaraka ny olombelona @ Andriamanitra. Koa noho izany dia tokony hodiovina @ Batemy ny olona tsirairay mba haka ilay endrika taloha tsy manantsiny. Araka ny tenin'ny Tompo hoe raha tsy ateraka @ fanahy indray ny olona dia tsy hahazo ny fiainana mandrakizay.
Koa dia ilaina hatao batemy ny zaza mba hahavelomany mandrakizay.

Misaotra amin'ny fanehoan-kevitra namana.
Fa mba tiako mihitsy raha tohananao amin'ny tenin'Andriamanitra ny hevitrao amin'ilay hoe nandova ota avy tamin'i adama sy eva ny zanak'olombelona. Raha ny fantatro mantsy dia fahafatesana no nolovaina vokatry ny ota nataon'izy ireo.

Leva2>> Vakio ny hafatry Tefigasy. Angamba tsy misy hanampiako azy intsony.

leva2:

Ao anaty baiboly dia tsy ahitana mihitsy ...

:-)
Tandremo fa misy ny mijery fa tsy mahita a ! :-)

Velona Jesosy!

Voaray ny hafatra namana isany fa dia misaotra.
Isaorako manokana ianao namana tefigasy satria hita fa nikaroka ianao nahafahanao namoaka ireo hevitra ireo. Ialako tsiny fa izao aho vao tena afaka namaky izay nosoratanao.
Raha ho raisintsika ny ao amin'ny Asa 16 momba ny tantaran'i Lydia sy ny ankohonany, ary ilay mpiambina ny fonja sy ny ankohonany, tsy voafaritra mazava eo na izany aza fa natao batisa koa ny zaza.
Tsara angamba dinihina amin'ny antsipiriany ireo versets ireo ahitantsika izay tena izy. Marina tokoa fa ny finoanao no hamonjena sy hitahiana ny ankohonanao (Asa 16/31), fa tsy mbola misy resaka batisa aloha hatreto. Asa 16/32-33 : jereo tsara fa nisy toriteny sy fampianarana aloha vao natao batisa sy mandray ny Fanahy Masina rehefa nino sy nibebaka. Jereo koa ny tantaran'i Kornelio Asa 10.
Raha ho natao batisa tokoa ny zaza teto dia mampifanohitra ny tenin'Andriamanitra izay manao izany satria fepetra takiana ho an'izay hatao batisa araka izany ny hoe mino, izany hoe olona ary saina sy mahatsiaro tena, afaka manapakevitra, mihaino sy mandray fampianarana.
Raha raisintsika ny Rom 06/03, ny filazana hoe "na iza na iza" ve aminao midika hoe : na tsy tompon'ny tenany aza, na tsy mahalala an'i Jesosy aza, na tsy mino azy fa nofitahina ka natao batisa fotsiny tamin'izao mba ho voavonjy? Tsia.
Izaho aza manamafy fa na iza na iza no natao batisa nefa tsy mahatakatra ny hevitr'izany batisa izany dia manaonao foana sy mamita-tena daholo. Inona no atao hoe batisa : Kol 02/09-13, Rom 06/03-11, Gal 03/26-27.

Horesahiko amin'ny manaraka ny amin'ny zaza, fa tsy hoe mbola tsy nahalala ny Sal 51/05 akory aho, ary tsy hoe ny tenin'Andriamanitra akory no diso fa ny fahazoantsika azy no diso ka mampivily ny hevitry ny teny rehetra.

Eo amin'y valinteny ny namana Leva2 dia mbola misalasala ny amin'ny ankizy atao batisa izay tsy ara-Baiboly (araka ny fiheverantsika azy) nefa nolazain'i Nenilava fa zaza tsy vita batisa no noresahan'i Jesoa taminy. Ary mahatonga antsika hisalasala indray manao hoe ; Izy sa tsy Izy no miresaka amin'i Nenilava?

Amiko, raha misy Jesoa dia ny fiangonana tsy an-kanavaka no omeny hafatra ami'ny alalan'ny mpiara-mmiasa AMINY izay adikan'ny Baiboly hoe Mpaminany. Fa maninona moa no atao hoe Mpaminany? Tsy miteny amin'ny anarany na ny maha-izy azy mihitsy izy fa miteny izay ampilazaina azy. Izany no toetran'ny mpaminany.

Isika olombelona be fanontaniana no manao filtre arakaraka ny fahalalantsika izay mba kely azontsika fa izay mpaminany kosa dia tsy mba mametraka fanontaniana betsaka fa mandray izay valiny tsotra avy amin'izay maniraka azy.

Anisan"ny zava-dehibe izany raha ny hafatra azon'i Nenilava izay ny fanaovana batisa ny zaza satria ny fon'ny ray aman-dreny no hahatarafana ny fitiavany ny zanany hiara-dia amin'i Kristy.

Ny fahatsoram-po mihitsy no anisan'ny hozongozonin'ny firehana ankehitriny. Andriamanitra irery ihany no mahita ny voa sy ny fo. fa ny olombelona dia natao hiaina ao anatin'ny safoto mba hisedrana azy avy.

Matetika moa aho milaza hoe raha te-hanotany ny vali'n'ny fanontaniana iray momba ny fitaizana ara-panahy na toe-javatra mitranga ao anaty Baiboly dia anontanio ilay MPITENY ao anaty Baiboly fa aza manao analyse avy amin'ny soratra ihany fotsiny. Ny ahy moa dia ireny hafatra mivantana irany no maharesy lahatra ahy fa tsy ny fanadihadiana ara-tsoratra (voafetran'ny Baiboly ihany) ataon'ny namana maro.

leva2:

Velona Jesosy!
Voaray ny hafatra namana isany fa dia misaotra.
Isaorako manokana ianao namana tefigasy satria hita fa nikaroka ianao nahafahanao namoaka ireo hevitra ireo.

Ny fikarohana aloha tsy nisy. Teny efa famakiko sy hitako ao anaty baiboly no nomeko an'ise mba hanampy an'ise. Raha mahasoa an'ise, raiso raha tsia kosa; afaka tsy rahirahiana fa novitaiko aloha ny adidiko.

leva2:

Raha ho raisintsika ny ao amin'ny Asa 16 momba ny tantaran'i Lydia sy ny ankohonany, ary ilay mpiambina ny fonja sy ny ankohonany, tsy voafaritra mazava eo na izany aza fa natao batisa koa ny zaza.

Fa nofaritana tsara eo kosa fa natao batisa daholo izay azy rehetra . Tsy navahana mihitsy ny hoe tsy natao ny zaza sa sur ise fa tena tsy nisy zaza tao dia tsy mila notenenina sa ve mila avahana manokana ny zaza satria tsy voafaritry ny teny hoe "izay rehetra azy" ? Koa aoka mba tsy hamorona ise na hanampy izay tsy mbola nosoratana

leva2:

Tsara angamba dinihina amin'ny antsipiriany ireo versets ireo ahitantsika izay tena izy. Marina tokoa fa ny finoanao no hamonjena sy hitahiana ny ankohonanao (Asa 16/31), fa tsy mbola misy resaka batisa aloha hatreto.

Hatrany amin'ny fanekena taloha dia efa hita taratra ny batisa. Tsy hotanisaiko eto daholo ireo milaza izany batisa izany fa mba miangavy an'ise aho vakio tsara ny baiboly. Ary ny vokatry ny finoana dia tsy miovaova isaky ny mihetsika.

leva2:

Asa 16/32-33 : jereo tsara fa nisy toriteny sy fampianarana aloha vao natao batisa sy mandray ny Fanahy Masina rehefa nino sy nibebaka. Jereo koa ny tantaran'i Kornelio Asa 10.
Raha ho natao batisa tokoa ny zaza teto dia mampifanohitra ny tenin'Andriamanitra izay manao izany satria fepetra takiana ho an'izay hatao batisa araka izany ny hoe mino, izany hoe olona ary saina sy mahatsiaro tena, afaka manapakevitra, mihaino sy mandray fampianarana.

Tsy manda aho fa marina tokoa izany. Ary raha ny tena tokony ho izy dia tena ilaina ny finoana eo amin’ny fanaovana batisa. Ary ny finoana dia avy amin'ny tenin'Andriamanitra (fampianarana). Saingy raha mijanona eo fotsiny isika dia manjary diso satria mbola tsy mijanona hatreo ny fampianaran'ny baiboly:
Noa mino an’Andriamanitra, nanana fo marina teo anatrehan’ Andriamanitra, ary rehefa hitan’Andriamanitra fa olona mahatoky dia nanatona azy Izy ka nanao taminy hoe alaivo ny vadinao, ny zanakao , ny vinantonao ary ento koa ny lahy sy vavy amin’ny karazam-biby rehetra dia ento miakatra ho ao amin’ny sambo fiara ireny. Ny finoan’i Noa irery dia nahazaka ny famonjena ireo rehetra ireo.
Gen.17: ny finoan’i abrahama no nahatonga an’Andriamanitra nanao fanekena taminy ka izy sy ny taranaka fara mandimby no nandray sy natao tao amin’ny tenany ilay famantarana dia ny famorana.
Asa.16:31-33: na dia samy nadreha ny fampianarana daholo aza ny tao amin' ilay rangahy mpiambina ny trano maizina, ny voasoratra aloha dia ilay rangahy no tena niova fo, tapa-kevitra, nino ary vokatr'izay finoan'io rangahy iray io dia natao batisa daholo izy sy ny ankohonany. Toa izany koa i Lydia: izy no voasoratra fa nandray tsara ny fampianarana nefa dia natao batisa daholo ihany koa izay rehetra azy.
Misy refy mazava tsara ny amin’ny finoana. Voalohany aloha dia ny amin’ilay olon-tokana, izy irery no mino dia mahavonjy azy ny finoany. Fa izay refin’ny finoana izay ihany koa dia misy refy hiombonana, izany hoe ilay finoan’ilay olona tokana iny dia miasa hamonjena olona marobe, tahaka ny finoan’i Noa, Abrahama. Tsy tokony hadinoina izany, fa raha mitazona fotsiny an’ilay hoe refin’ny finoana amin’ny olon-tokana isika dia tsy mahatakatra mihitsy ny fahafenoan’ny asan’Andriamanitra fa fintinintsika na hankelezintsika mitodika aty amintsika samirery ny asan’Andriamanitra fa tsy mahatanteraka ny hevi-dehibe izay tian’Andriamanitra havoaka.
Ao amin'ny Mark.2:1-5: ny finoan'ilay nibata ilay marary, nitondra azy ho eo amin'i Jesoa dia nanjary niasa ka nahatonga famelan-keloka sy fanasitranana ilay marary teo ambony fandriana.
Mitovy tsy misy valaka amin'izay ny batisa, nefa kosa aza afangaro amin'ny fidirana any amin'ilay fiainana mandrakizay izany satria [color] izay tsy mino no helohina. [/color]

leva2:

Raha raisintsika ny Rom 06/03, ny filazana hoe "na iza na iza" ve aminao midika hoe : na tsy tompon'ny tenany aza, na tsy mahalala an'i Jesosy aza, na tsy mino azy fa nofitahina ka natao batisa fotsiny tamin'izao mba ho voavonjy? Tsia.
Izaho aza manamafy fa na iza na iza no natao batisa nefa tsy mahatakatra ny hevitr'izany batisa izany dia manaonao foana sy mamita-tena daholo.

Hevitrao manokana izany. Fa ny teny hoe "na iza na iza" azo adika hoe "izay rehetra" dia voafaoka ao daholo na hendry, na adala, na kely na lehibe, na jamba na mahiratra: tsy misy avahana na marary na salama.
Be dia be ny adala, marary saina no nositranin'i Jesoa sy nomena famonjena. Mahay mino ve ny adala r'ise satria mitaky finoana ihany koa ny fanasitranana , tahaka ny batisa ? mahay mino ve ny marary saina ? Tsy fidiny ho azy ireo ve raha sitranina sy omena famonjena izy ireo ? Sur ve ianao fa aleony ihany adala, aleony ihany marary saina ? Miteny aminao aho fa rehefa sitrana tsara amin'ny aretiny izy ireo ka misafidy ny hiverina amin'ny aretiny nahazo azy taloha dia afaka manao izany tsara izy. Toa izany ihany koa ny olona efa vita batisa: tsy hoe vita batisa ny olona iray dia forcé tsy afa-miala amin'izany intsony, fa tena mbola afaka misafidy izy na hiara-dalana na tsia amin'Andriamanitra
Tadidio i Simona mpilalao ody: olona efa vory saina tsara no natao batisa nefa nisafidy ny ho adaladala taty aoriana !

leva2:

Horesahiko amin'ny manaraka ny amin'ny zaza, fa tsy hoe mbola tsy nahalala ny Sal 51/05 akory aho, ary tsy hoe ny tenin'Andriamanitra akory no diso fa ny fahazoantsika azy no diso ka mampivily ny hevitry ny teny rehetra.

Avelako hatreto ny fanehoan-kevitro fa izy ity koa angamba tsy hoe voatery mamaly foana. Ireo aloha no hita ao anaty baiboly: mino ise : tsara, tsy mino ise : ratsy, nefa azoko atao ahoana moa.
Sur

Ity koa nisy olona nisehoan'i Jesoa ary mitovy amin'io hafatra t@ Nenilava io koa ny azony: dia momba ny fanaovana Batemy ny zaza.
Frère Marcel Van no anarany. Raha misy te hahafantatra bebe kokoa dia io anarany io fotsiny no soratana @ recherche google dia hahita ianao.

smileyah:

Ity koa nisy olona nisehoan'i Jesoa ary mitovy amin'io hafatra t@ Nenilava io koa ny azony: dia momba ny fanaovana Batemy ny zaza.
Frère Marcel Van no anarany. Raha misy te hahafantatra bebe kokoa dia io anarany io fotsiny no soratana @ recherche google dia hahita ianao.

Afaka miteny daholo izay te hiteny, hatramin'ny sary vongana aza ny an'ny hafa ampiteneniny, saingy tandremo fa efa betsaka ny mpaminany sandoka miparitaka ety amin'izao tontolo izao. Adidinao ny mampiasa ny fiadian'Andriamanitra dia ny teniny izay voarakitra ao amin'ny baiboly ary ny baiboly irery ihany. Raha te hivoana amin'ny baiboly moa dia hafa indray izany. Tadidio fa samy mbola hadinina amin'izay rehetra ataony ny tsirairay avy, ka tsy misy afaka hanilihana intsony amin'izay fotoana izay !

leva2:

tsy hoe ny tenin'Andriamanitra akory no diso fa ny fahazoantsika azy no diso ...

:-)
Fa angaha rehefa tsy mitovy amin'ny fahazoanao azy kosa dia voatery diso foana ny an'ny sasany ? :-)

leva2:

Velona Jesosy!

"Koa ataovy tsara ny hazo mbamin'ny voany, na ataovy ratsy ny hazo mbamin'ny voany ; fa ny voany no ahafantarana ny hazo" Mat 12/33.

Rehefa nitantara ny fahitany raha nentin'i Jesosy nizahazaha tany an-danitra i Nenilava dia nilaza fa nahita seza maro, ary nisy seza iray tsikariny fa niongana. Dia nanontany izy ny amin'izany seza izany ary ny valin-teny dia hoe ny sezan'i Jodasy izany. Nanaraka izany, nahita ankizy marobe indray Nenilava, ary rehefa nanontany ny amin'ireo indray izy dia hoe ireo zaza ireo dia tsy voavonjy satria tsy vita batisa nefa maty.

... Ny voany no ahafantarana ny hazo ...

Sokafy ny masom-panahy hahafantatra, ary omeo izay hevitrao namana!

Tamin'izaho nianatra katesizy dia chapitre iray ao anatin'ny fampianarana mihitsy io zazakely lasa any amin'ny helo fa tsy vita batisa io, dia mirodorodo tokoa ny Katolika hanao batisa ny zanany sao maty ka tsy ho voavonjy.

Tsy hanazava lavabe momba ny tsy maha-mety ny batisan'ny zaza intsony aho fa andeha ekentsika hoe nahita zaza very tokoa izy tany ary tsy vita Batisa no nanazavan'i Jesosy azy;

Amiko dia lojika ihany raha misy zaza very tsy vita Batisa satria hoy ny didy faharoa:

Eks 20;4
4 Aza manao sarin-javatra voasokitra ho anao, na ny mety ho endriky ny zavatra izay eny amin'ny lanitra ambony, na izay ety amin'ny tany ambany, na izay any amin'ny rano ambanin'ny tany.
5 Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika, dia amin'izay mankahala Ahy;
6 nefa kosa mamindra fo amin'ny olona arivo mandimby izay tia Ahy ka mitandrina ny didiko.

Mazava io fa raha mpanompo sampy ny ray sy reninao ka maty ianao na mbola kely aza dia tsy hiditra ny fanjakan'ny lanitra velively satria nandray ny hozona avy amin'ireo ray aman-dreninao ireo. Miankina amin'ny fibebahan'ilay zanaka sy ny batisa ataony noho izany ny famonjena azy, indrisy moa izany fa maty mbola kely izy.