T@ serasera momba ny finiavana hamono tena nitondra ny lohateny hoe "Life matters" nalefa t@ Australian Broadcasting Corporation, nisy tovolahy niantso hoe Gerard izay niteny hoe :
"I think that some people may have an inability to cope, and maybe this might sound a bit extreme, but that might be Darwinian theory, the Darwin theory of survival of the fittest. Maybe some of us aren’t meant to survive, maybe some of us are meant to kill ourselves because the only people that really suffer are the ones left behind, but the person who kills themself may in fact be liberated from this body."

Ka inona no nahatonga an'itony tovolahy itony hihevitra ny fiainana ho zavatra tsinontsinona toy izao ? Angamba izy dia nihaino tenin'olona tahakan'i Peter Atkins, mpampianatra any Oxford, hoe : "We're just a bit of slime on this planet."
Torak'izay koa no notenenin'ilay psikôlôga Susan Blackmore (izay mpandala ny fampianaran'i Richard Dawkins, ilay apôstôlin'ny fandavàna an'Andriamanitra) : "If you really think about evolution and why we human beings are here, you have to come to the conclusion that we are here for absolutely no reason at all."

Izany dia tena mifanohitra tanteraka @ tenin'i Jesoa hoe : "Izaho avy mba hananany fiainana, sady hananany be dia be." (Jn. 10:10b).

Ka ny aiza no tena manome dikany sy lanjany ny fiainana : ny finoana kristiana sa ny fandavàna an'Andriamanitra ?

Mila fantarina aloha hoe iza amin'y mpisera no mpandà an'Andriamanitra tianao hanontaniana?

Toy ny fanontaniana hoe mihinana mba ho velona ve sa velona mba ihinana?

Miharena >> Tsy ianao kosa izay e :).

Niryna >> Angamba tsy azoko tsara ny tianao iaviana.

Mahafantatra tsara ianao namana Nehemiah fa fanoherana ny Tenin'Andriamanitra ny "théorie évolutionniste", normal ho an'ny olona mino itony hevitra ny momba niavian'ny olombelona itony no mampitovy ny lanjan'ny ainy amin'ny ain'ny rajako sy ny babakoto ary ny biby rehetra lazainy fa razam-beny.

kanefa kosa raha Kristiana tsy manana ny didin'Andriamanitra sy tsy mino ny fiainana aorian'ny fahafatesan'ny nofo dia tsy mazava ho azy fa tsy manisy "valeur" izany aina avy amin'Ilay Mpahary izany.

Aleo ihany aloha mandray anjara kely eto satria milaza zavatra hafahafa ihany indray ny namana Didi10 zanak'Andriamanitra.

Amiko, dia fanoherana ny Tenin'Andriamanitra ny fandavana ny evolisionisma. Ny antony dia izay voary noforoniNY no nohadiahadian'ny evolisionista ka nahitana fa singa iray ihany izy rehetra ary misy fisandrahana ara-tarazo azo tarafina miainga any ami'nny kely sy tsotra indrindra mankany amin'ny faran'izay compliqué indrindra dia ny olombelona vatana saina ary ny fanahy.

Ny fanajana ny aina rehetra dia fanajàna ny Tenin'Andriamanitra manome antsika ny asa fikarakarana ny zavaboary.

Raha tsy mahatsapa isika fa iray amintsika ny zavaboary rehetra dia mbola lavitry ny afo ny kitay hahafantarantsika ny sitrapon"Andriamanitra namorona izao tontolo izao sy ny fanajana azy ho an'ny taranaka arivo mandimby.

Koa aza ny teny sy ny didy no hasohasoana fa ny sitrapon'Andriamanitra marina asehoNY amin'ny alalan'ny zavaboary.

Didi10 > Tena fantatro tsara mihitsy izany ry Didi10 ^_^. Ary fanontaniana retôrika ihany ilay fanontaniana farany iny. Tsy nataotao foana ny didy faha-6. Ary mba tiako ho tonga saina @'izany ny gasy rehetra : fanoherana ny Tenin'Andriamanitra ny "théorie évolutionniste" araky ny teninao, sady tsy mba kolon-tsaina gasy rahateo.

Miharena > Woooow ! Zavatra hafa indray izay ! Aiza kay ianao no mahita fa noforonin'Andriamanitra t@ alalan'ny fizotra evôlisionista kisendrasendra mitaky fahafatesana biby tsy tambo isaina mandritry ny fotoana tsy tratry ny saina ianao ? Mba mifanaraka @ fitandrovana ny fahafinaretan'ny biby ihany ve izany :) ?

Tsy ny Gen 6-8, ny Nom. 22:21-33, ny Job. 39 ary indrindrindra moa ny Mt. 6:26, izay mampianatra koa @'izany fa na dia manan-danja eo anatrehan'Andriamanitra ny vorona madinika dia manana lanja lavitra kokoa noho izy ireo antsika, no tena mampianatra ny fiarovana ny biby sy ny fitandrovana ny fahafinaretany ?

Fa ny evôlisiona tsy mba "mifankatiava" fa "mifampihinàna". Izany ve ilay Jehovah tompoinao ?

Ny fanoherana ny evolisionisma dia tsy manome fahamarinana ho anao mihitsy namana satria famakian'ny olombelona ny voary ihany anie izy io e!

Ho ahy Kristianina mamaky sy mikirakira ny evolisionisma dia mahita ny fahalehibiazan'Andriamanitra ao anatiny, mihoatra izay voafetra. Manaporofo ny maha-mandrakizay AZY sy ny faharetany nanao ireo voary rehetra ireo ary ny fandalinana dia mitarika ny tena hanaja satria izaho izay fanahy notorontoroniNY dia nomeny nofo izay azoko vakiana ao amin'ny voary izay noforoniNY hafa, dia ny biby maro isan-larazany araka ny sehatra misy azy avy. Azoko vakiana amin'ny alalan'ireo izay toetro mipongatra isan-karazany, ary azo vakiana eo amin'ny olombelona rehetra arakaraka ny fivoarany avy.

Ohatra: maninona no miady faritra ny olombelona? Jereo ny gidro sy ny vorona fa manao izany koa. Maninona no miaina fianakaviana iray ny olomblelona? Jereo ny gidro fa manao izany koa sns.
Ny manao bontolo no tsy mety rehefa mijery ireny fahalalàna mipoitra rehetra ireny.

Ka avy aiza izany ny kolon-tsaina sy ny hatsikana ? Mba mahita biby manao an'izay ve ianao ?

Fa eto angamba asiantsika paozy kely ny resaka. Misy fanontaniana be dia be tokony apetraky ny evôlisionista mino an'i Jehovah ny tenany ary tsy maintsy fehezina anaty lohahevitra anankiray izany. Mbola ho ela be izany satria mbola miketrika lohahevitra momba ny porofon'ny maha-Andriamanitra an'i Jesoa aho. Fa rehefa vitako ilay izy dia asiako rohy aty.

Mba azonao ambara ihany ve hoe avy amin'ny inona moa no hitadiavanao izay fanaporofoana fa Andriamanitra i Jesoa? Ary io ve no tena fampianarana azo raisina ho tanjona?

Ny momba ny hoe avy aiza ny kolon-tsaina sy ny hatsikana izay hanavahanao ny olona sy ny biby dia hoy aho hoe : haintsika olombelona koa angaha ny mampiasa ny ultrason ananan'ny ramanavy? Ny vorona sy ny bibikely manidina? Ny trondro miaina anaty rano amin'ny alalan'ny sagoaga? Ny fahendrena ao amin'ny Dauphin sy ny Baleine ary ny vitsika?

Ny kolontsaina dia noho ny fivoarana, ary io no mahatonga antsika ho tsara na ho ratsy fandrindra ny fiainantsika. Fa ny tena raharaha dia ny fivavahana dia anisan'ny misafotofoto intdrindra satria izay tsy mitana ny tendrony iray dia mitana ny tendrony mifanohitra amin'iny. Ny fandinihina ny fivavahana no hita hoe mikorontana indrindra raha samy kolontsaina ihany. Fa aoka angaha atao hoe kolom-panahy no ilazana ny tena maha-olona ary azo antoka fa tian'Andriamanitra ananantsika matoa IZY mirotsaka mitaiza?

Miharena:

Ny momba ny hoe avy aiza ny kolon-tsaina sy ny hatsikana izay hanavahanao ny olona sy ny biby dia hoy aho hoe : haintsika olombelona koa angaha ny mampiasa ny ultrason ananan'ny ramanavy? Ny vorona sy ny bibikely manidina? Ny trondro miaina anaty rano amin'ny alalan'ny sagoaga? Ny fahendrena ao amin'ny Dauphin sy ny Baleine ary ny vitsika?

F'angaha kolon-tsaina na hatsikana na fivavahana ireny ? Tadiavinao ahodikodina ny resaka.

Miharena:

Ny kolontsaina dia noho ny fivoarana

Raha mino an'izay tokoa ianao hoe avy @ fizotra kisendrasendra nandeha tsikelikely no nahaizan'ny rajako manao sary @ zohy, manamboatra sary vongana, mandevina ny fatiny ary manao mozika dia manambara izany fa fanekem-pinoanao ny evôlisiona, satria tsy misy porofo mivaingana ho an'izany.

Ny fomba fijery ny evolisionisma no misy tsy mitovy amintsika angamba.

Ny fanadihadiana ara-materialy (ADN) no ahitana fa mifandrohy izay mitovitovy firafitra ary firindram-pirafitry ny acides aminés avokoa na ny vatantsika na ny an'ny biby, na ny an'ny zavamaniry aza. Ny singa dia mitovy fa ny rindra no samihafa araka ny fivoarany avy. Izay aloha no fantatra sy hita maso.

Ny kolontsaina na fivoaran'ny conscience koa dia tsy azontsika ambara hoe tsy miaraka mivoatra isika sy ny biby. Azonao tsapaina tsara eo amin'ny fifandraisan'ny biby sy ny olombelona izany. na dia eo amin'ny resaka fiompiana sy fampiasana ny biby aza.

Izaho izany tsy miresaka zava-poronina fa miainga avy amin'ny zava-misy mivaingana. Azonao tsapaina avokoa amin'ny serasera amin'ny biby hoe misy ve ny conscience sa tsia eo ami'n'ny biby? Ary i Jesoa koa aza efa nibaiko ny zavamaniry ho maina teo no ho eo (aviavin'i Betania). KA na biby na zavamaniry eto dia samy manana fifandraisana amin'ny olombelona amin'ny alalan'ny conscience.

Ny olana ely fotsiny amintsika dia izay kolontsaina mbola taona vitsy anarivony fotsiny no entintsika mandrefy izay efa notontosaina an-tapitrisantaona izay an'ILAY Omaly sy Anio ary Mandrakizay. DIa lasa voafefy ilay izy ary ny mahazendana dia mihodinkodina tsy tafavoaka mihitsy satria lasa ny an-tendronorona no entina miady hevitra.

http://forum.serasera.org/forum/message/m514c55a95c627