misy karazany firy wa ny karazana antoko-pinoana eto madagasikara ankaoatra ny Slamo sy ny ao anatin'ny ffkm? izay mahalala mba valio. misaotra tompoko.

tsy voaisa fa maro loatra e

300 farafahakeliny hono.

rabefou:

misy karazany firy wa ny karazana antoko-pinoana eto madagasikara ankaoatra ny Slamo sy ny ao anatin'ny ffkm? izay mahalala mba valio. misaotra tompoko.

Raha ny tena isan’ireo Antoko-pivavahana aloha dia tsy fantatro tsara fa toa maromaro ihany izy ireo fa raha ny fahalalako sy ny fikarohana vitsivitsy nataoko sy ny hevitro dia afaka kilasiana tsotsotra toy izao izy ireo (maneran-tany fa tsy eto amintsika ihany) (averiko ao ihany ireo efa voalazanao : silamo ny ny fivavahana ao amin'ny ffkm mba hampazava ny tiako hambara sy ahitana mazava ireo fizarana amin'ny ankapobeny)

A) Ireo Fivavahana sy Finoana Tsy Kristianina ary tena tsy mifandray amin’ny Baiboly sy ny Kristianisma : Ireo fivavahan-drazana paianina maro : Boudhisma, indouisma, animisma,…sy ny sisa sy ny sisa.


B) Ireo Fivavahana sy Finoana Tsy Kristianina nefa misy hifandraisany amin’ny Kristianisma sy ny Baiboly :
1) Ny Jodaisma : fivavahana Jody manaiky ny testamenta taloha ihany saingy tsy manaiky ny maha-Mesia an’I Jesoa Kristy sy ny Maha Andriamanitra sy Zanak’Andriamanitra azy sy ny famonjena avy aminy.(toa hoe mbola miandry ilay Mesiany izy ireo hatramin'izao...)

2) Ny Silamo: fivavahana naorin’i Mahomet izay teraka taminy 1570 : Manaiky ny ampahiny amin’ny Testamenta taloha izy ireo fa Mandà tanteraka koa ny Maha Andriamanitra an’I Jesoa Kristy sy ny Famonjena azo avy amin’I Jesoa Kristy : araka ny finoan’izy ireo dia tsy maty teo ambony hazofijaliana I Jesoa Kristy ary tsy Nitsanga-kovelona mazava hoa azy izany hoe tena Mifanohitra tanteraka amin’ny Kristianisma koa.


C)Ireo Fivavahana Milaza ho Kristianina

1) Ny Fiangonana Katolika : izay ara-tantara dia fitohizan’ny fiangonana niorina avy tamin’i Jesoa Kristy sy ireo Apostoly

2) Ireo Fiangonana Orthodoxes : izay nisaraka tamin’ny Fiangonana Katolika tandrefana tamin’ny taona 1054
Ny Fotopinoan’ny Katolika sy ny Othodoxes dia tsy dia samy hafa loatra (afa-tsy lafiny vitsivitsy: Samy manaja an'i masina Maria sy ny olomasina ohatra izy ireo,... ) fa lafiny fifandraisana ara-politika no tena anisan’ny nampisaraka azy ireo (tantsinanana sy tandrefana tamin’izany). Tsy dia misy "Centralisation" mazava ohatra ny Katolika intsony koa ny orthodoxes raha ny fahalalako azy .

3) Ny Anglikanisma: Naorin’ny Mpajakan’I Angletera Henri VIII tamin’ny taona 1930 teo ho eo nohon’ny tsy fifankahazoana nisy teo amin’ny sy ny Papa anisan’izany ohatra hoe tsy nanaiky ny fisaram-panambadiana sy ny ahafahany manambady vaovao indray ny Papa tao Roma (…)

4) Ireo Protestanta sy ny Zanaky ny Protestantisma: Niforona avy tamin’ny fanoheran’i Martin Luther ny Eglizy Katolika Romanina: I Martin Luther dia relijiozy teo aloha fa niala izy rehefa nifanohitra tamin’I Roma ary nanambady an’i ramatoa katharina von Bora izay relijiozy niala ihany koa (tsy anjarako aloha ny mitsara fa mitantara fotsiny aho araka ny fijeriko satria maro ny adihevitra momba an’I Martin Luther sy ny tantarany fa ireo nolazaiko ireo aloha dia zava-marina: marina koa anefa fa antony iray voalaza fa nampikomy an’i Lotera dia ny fisian’ny corruption teo amain’ireo mpitondra katolika sasany). Taorian’i Martin Luther dia maro ireo izay samy nanao ny interprétation’ny Baiboly araka ny heviny avy ka nampiteraka ireo zanaky ny protestantisma rehetra (Jean Calvin, Leferbre d’Etalpes, Zwingli, John Smith,…) Amin’ireo zanaky ny protestantisma dia misy ohatra ny:
-Loteranina : avy amin’I Martin Luther , ny taona1517 no tena lazaina ofisialy fa niandohan’ny Reforma Protestanta nataon’i Martin Luther
-Ny Kalvinista: avy amin’I Jean Calvin taorinakelin’I Martin Luther
-Ny Evangeliques : nanomboka tamin’ny 16 ème siècle tany ho
-Ny Baptistes : avy amin’I John Smith sy ireo namany
-Ny Adventistes : nanomboka tamin’ny Taona 1844 teo hoe eo avy amin’ny John Thomas sy ny namany
-Témoins de Jéhovah : nanomboka tamin’ny taona 1873 teo ho eo avy amin’i Charles Taze Russell
-Ny Branhamistes : nanomboka tamin’ny taona 1949 teo ho eo avy amin’i William Marrion Branham
….Sy ny sisa sy ny sisa izay zanaky ny protestantisma avokoa ny ankamaroany vokatry ilay hoe : samy manao ny interpretation ‘ny Baiboly dia samy manorina fiangonana vaovao raha vao tsy mifankahazo…araka ny fijeriko azy amin’ny maha-katolika ahy koa angamba amin’ny lafiny iray.

Ny Zavatra iray tena mampiavaka ny Fiagonana Katolika amin'ny Hafa dia ny Resaka Momba ny Fiangonana sy ny Fiombonan'ny OLomasina. Raha mety misy mila dia adikako eto ny valinteny efa nomeko ny namana iray tao amin'ilay lohahevitra hoe "Ahoana ny hevitrareo?" Mikasika indrindra io Fiangonana sy ny fiombonan'ny oLomasina io

Misy zava-dehibe izay mampiavaka manokana ny Testamenta Vaovao sy ny Fanekena Vaovao izay tsy azon'ireo finoana hafa ankoatra ny Eglizy Katolika tsara ny tena mahalehibe azy sy ny halaliny: Ny Fanorenan'i Jesoa Kristy ny Fiangonana sy ny Fiombonan'ny Olomasina izay mampifandray lalalindalina kokoa ny Lanitra sy ny Tany. I Jesoa Kristy aloha ilay tena mpanatanteraka sy mpandavorary ny lalana sy ny mpaminany marik'izany ny fisehoan'i Elia (mariky ny mpaminany) sy Moizy Taminy (mariky ny lalana)

«Nalain'i Jesoa i Piera sy Jakoba ary Joany ka nentiny nitokana tany an-tendrombohitra avo. Dia niova tarehy teo anatrehany izy(...) ary indreo niseho tamin'izy ireo i Moizy (izay efa maty) sy i Elia Niresaka tamin'i Jesoa(...) » (Matio 17, 1-8; Marka 9, 2-8; Lioka 9, 28-36; 1 Piera 1,16-18)

Io fiovana Tarehy atrehin'i Moizy sy Elia io dia mariky ny fidirana amin'ny Fanekena vaovao sy ny fandavorariana ny mpaminany sy ny lalàna izay tanteraka sy voalavorary ao amin'i Jesoa sy ny lalàn'ny Fitiavana izay fototra sy fahalavorarian' ny lalàna rehetra (Matio 28,37)

Io Fanekena vaovao io dia mifototra amin'ny Fanorenana ny Eglizy sy ny Fiombonan'ny Olomasina ary i Md Piera no nomen'ny Jesoa ny fanalihidin'ny Fanjakan'ny Lanitra:

«Ianao no Piera vato ary eo ambonin'izany Vatolampy izany no hanorenako ny Egliziko ary ny vavahadin'ny Afobe tsy Haharesy azy, Homeko anao ny Fanalahidin'ny Fanjakan'ny Lanitra, izay rehetra fehezinao ety an-tany dia ho voafehy koa any an-danitra ary izay vahanao ety an-tany dia ho voavaha koa any an-danitra» (Matio 16, 18-19)

Ny Eglizy izany izay i Kristy no filoha ary i Piera no Vikera dia mampifandray ny mponin'ny Lanitra (Ny Anjely, ny Fanahin'ireo Olomasina...) izay antsoina hoe Eglizy Sambatra sy ny mponin'ny Tany izay mivondrona ao amin'ny Eglizy mbola Miady (amin'ny ratsy) hoy ny epistola ho an'y Hebrio mampitahy ny fanekena roa:

«Hianareo tsy mba nanatona zavatra azo tsapaina sy mirehitra afo, sy izay rahona sy aizim-be sy kotro-baratra, ary feon-trompetra sy feo niteny mafy tsy tantin'ireo nandre, ka nangataka tsy handre izany intsony izy ireo; fa tsy tohany ilay fandrahonana hoe: Na biby aza mikasika ny tendrombohitra dia hotoraham-bato. Loza loatra no niseho tamin'izay, ka Moizy avy no vaky hoe: Tsiravina sy rano an-dravina aho! Fa ny nohatoninareo, dia ny tendrombohitr'i Siona tanànan'Andriamanitra velona, izay Jerosalema any an-danitra, sy ny fivorian'ny anjely alinalina, ny fiangonan'ny zokinareo izay voasoratra any an-danitra, ny Mpitsara izay Andriamanitry ny olon-drehetra, ny fanahin'ny olo-marina efa amin'ny fanaperana, sy Jeso mpanalalana amin'ny fanekena vaovao, ary ny ran'ny famafazana izay miteny tsaratsara kokoa noho ny an'i Abela» (Hebrio 12,18-25).

Ireo olomasina ao amin'ny Fiangonana Sambatra dia afaka manampy sy mivavaka ho an'ireo olona ao amin'ny fiangonana mbola miady ety an-tany satria Tena iray ihany ny Fiangonana izay Tenan'i Kristy any an-danitra sy ety an-tany. Ny fiantsona ny fanampian'ny fanahin'ireo olomasina dia nanomboka tamin'ny Fanekena Vaovao izay nanorenan'i Jesoa ny Fiangonana sy ny Fiombonan'ny olomasina. Mifanampy izy ireo mandrapahatongan'ny fotoana hiveran'i Jesoa ampahibemaso eto an-tany indray ami'ny farandro...


Ny Fanorenana ny Fiangonana sy ny Fiombonan'ny Olomasina koa dia mifandraika mivantana tamin'ny nidinan'i Jesoa Kristy tany amin'ny fonenan'ny Maty sy nanadiovany tanteraka avy amin’ny sorona izay nataony ny fanahin'ireo olomarina efa maty tao talohany sy nampidirany azy ao amin'ny Eglizy sambatra araka ny faminanian'i Zakaria

« Ny aminareo koa noho ny rà nanamafy ilay fanekempihavanana taminao no efa hamoahana ny mpifatotrao avy tao an-davaka tsy misy rano (io lavaka tsy misy rano io dia manambara ny fonenan'ny maty tao amin'ny Testamenta Taloha: antsoina hoe ambanin’ny tany na hantsan’ny fahafatesana… »(Zakaria 9,11)

Hoy ny katesizin'ny Fiangonana katolika mikasika indrindra ny fidinan'i Kristy tany amin'ny Fitoeran'ny Maty io:

Nidina Tany Ambanin’ny Tany i Kristy (Katesizin’ny Fiangonana Katolika Andalana 632-635)
(Ilay teny hoe Ambanin’ny Tany eto angamba dia tsy ara-bakiteny hoe ambanin’ny tany fa hoe fitoeran’ny maty taloha: ilay lavaka voalazan’ny mpaminany zakaria, ny dikanteny frantsay dia hoe : le Christ est decendu aux enfers izay azo adika koa hoe Nidina tany amin’ny hantsan’ny fahafatesana àry i Kristy)

Ireo filazana marina miverimberimberina ao amin’ny Testamenta Vaovao izay anehoana fa «nitsangana tamin’ny maty» i Jesoa (1 Kôr 15,20), dia azo heverina marina fa nitoetra tao amin’ny fonenan’ny maty Izy, talohan’ny fitsanganany ho velona (Heb 13,20). Izany no hevi-teny voalohany nomen’ny toritenin’ ny apôstôly, momba ny fidinan’i Jesoa tany ambanin’ny tany : Nahalala ny fahafatesana toy ny olombelona rehetra i Jesoa, ary tamin’ny fanahiny no Mpamonjy Azy no nidinany tany, nitory ny Evanjely tamin’ireo fanahy voatana tao (1 Pi 3, 18-19).

Ny fonenan’ny maty izay nidinan’i Kristy maty, dia antsoin’ny Soratra Masina hoe : ambanin’ny tany, Seoly na Hadesy (Filip 2,10 ; Asa 2,24 ; Apôk 1,18 ; Efez 4,9.) , satria izay rehetra mitoetra ao dia tsy afaka mahita an’Andriamanitra (Sal 6,6 ; 88,11-13.). Toy izany, eo am-piandrasana ny Mpanavotra, no toe-javatra misy amin’ireo maty rehetra, na olon-dratsy na olo-marina (Sal 89,49 ; 1 Sam 28,19 ; Ezek 32,17-32.), izay tsy midika fa mitovy anjara izy ireo, araka ny nasehon’i Jesoa tamin’ny fanoharana momba an’i Lazara mahantra noraisina teo «antratran’i Abrahama» (Lk 16,22-26.). «Soritana mazava izany, fa ireo nanana toe-panahy masina, izay niandry, teo an-tratran’i Abrahama, ny Mpanafaka azy ireo, no nahafahan’i Jesoa-Kristy, fony Izy nidina tany ambanin’ny tany». Tsy nidina tany ambanin’ny tany tsy akory i Jesoa, mba hanafaka ao an’ireo olom-bery, na handrava ny afoben’ny fahaverezana mandrakizay, fa mba hanafaka ny olo-marina izay nialoha Azy.

. «Notorìna tamin’ny maty koa ny Vaovao Mahafaly…» (1 Pi 4,6). Ny fidinana tany ambanin’ny tany no fanatanterahana, hatramin’ny hafenoany, ny fitoriana momba ny evanjelim-pamonjena. Izany no ambaratonga farany amin’ny iraka maha-Mesia an’i Jesoa, ambaratonga voafintina amin’ny fotoana kanefa midadasika tokoa amin’ny tena dikany marina eo amin’ny fiitaran’ny tsanganasam-panavotana ny olombelona rehetra amin’ny fotoana rehetra sy amin’ny toerana rehetra, satria izay rehetra voavonjy dia natao hiombona anjara amin’ny Fanavotana.

Nidina tany amin’ny hantsan’ny fahafatesana àry i Kristy (Mt 12,40 ; Rôm 10,7 ; Efez 4,9.,) mba «handrenesan’ny maty ny feon’ny Zanak’Andriamanitra, ka ireo izay handre izany dia ho velona» (Jo 5,25). I Jesoa «ilay Tompon’ny aina» (Asa 3,15), dia «nahatonga ho tsy manan-kery tamin’ny fahafatesany, ilay manana ny fanjakan’ny fahafatesana, izany hoe ny devoly, sy nanafaka an’izay rehetra niharan’ny fanandevozana, nandritra ny andro rehetra niainany, noho ny tahotra ny fahafatesana» (Heb 2,14-15). Nanomboka tamin’izay, i Kristy nitsangan-ko velona «no mitana ny fanalahidin’ny fahafatesana sy ny Hadesy» (Apôk 1,18) ary «handohalika amin’ny Anaran’i Jesoa avokoa ny lohalika rehetra, ny any an-danitra, ny ety an-tany, ary ny any ambanin’ny tany» (Filip 2,10).


Hoy koa i Md Paoly milaza momba io fidinan’I Kristy tany amin’ny Fitoeran’ny maty io sy ny fifandraisan’izany amin’ny fiangonana

«Samy manana ny ambaratongany anefa ny fahasoavana nomen'ny Kristy antsika tsirairay avy. Izany no anaovan'ny Soratra Masina hoe: Niakatra any ambony izy, nitondra olona maro ho babo, ary nanome fanomezana maro ho an'ny olona. Inona no ilazana hoe niakatra izy, afa-tsy noho izy efa nidina ho any ambanin'ny tany koa? Ary tsy iza ilay nidina fa ilay niakatra any ambonin'ny lanitra rehetra ihany, mba hamenoany ny zavatra rehetra. Dia izy no nanome ny sasany ho Apostoly, ny sasany ho mpaminany, ny sasany ho evanjelista, ary ny sasany ho mpiandry sy mpampianatra, mba samy hanana ny fandraharahany avy, amin'ny fandavorariana ny olona masina, dia amin'ny fandrafetana ny tenan'ny Kristy» (Efezianina 4, 7-12)

Anisany ny mampitombo haingana ny karazampinoana eto dia ilay adiady ny tompon'andraikitra ao amin'ny mpara mivavaka dia mitarika an'ny hafa hoe andao hiala ato isika fa hanangana hafa vaovao dia toy izany fona

andry2013:


Ny Silamo: fivavahana naorin’i Mahomet izay teraka taminy 1570 : Manaiky ny ampahiny amin’ny Testamenta taloha izy ireo fa Mandà tanteraka koa ny Maha Andriamanitra an’I Jesoa Kristy sy ny Famonjena azo avy amin’I Jesoa Kristy : araka ny finoan’izy ireo dia tsy maty teo ambony hazofijaliana I Jesoa Kristy ary tsy Nitsanga-kovelona mazava hoa azy izany hoe tena Mifanohitra tanteraka amin’ny Kristianisma koa.

Somary nisy diso kely ity voasoratro ity satria i Mahomet tsy tamin'ny taona 1570 akory no teraka fa tamin'ny taona 570 teo ho eo . Ny Mahavariana tamin'i Mahomet dia nilaza izy fa ny Anjely Gabriely
No niseho taminy nampanoratra azy ny coran kanefa dia mifanohitra amin'izay voalaza'ny baiboly ny zavatra lazain'ny coran raha tena dinihina indrindra moa tena mifanohitra tanteraka amin'izay voalazan'ny Testamenta Vaovao amin'ny Ankapobeny :Fandavana ny Maha-Andriamanitra an'i Jesoa Kristy,Ny Momba ny Maha Trinite Masina an'Andriamanitra, ny fahafatesan'i Jesoa Kristy teo ambony hazofijaliana noho ny fahotana, Ny Fitsangananko-velona, sns.

Amin’ny Ankapobeny , Mampalahelo ireo olona voasarika any amin’ny finoana sy ny fivavahana diso …angamba mety hamindran’Andriamanitra Fo ihany izy ireny ka mety anisan’ireo mandalo ao amin’ny afo fandiovana izay efa maty ka nadio fo sy nanao izay mba tratry ny heriny hanao ny marina sy ny rariny araka izay mba fantany sy fahazavana kely mba azony avy tamin’Andriamanitra satria tsy safidiny tanteraka ny tsy hiray feno tamin’ny Fiagonana teto an-tany ary Andriamanitra dia Marina ka Mitsara ara-drariny , hoy tokoa mantsy ny soratra masina hoe

«Izay mpanompo nahalala ny sitra-pon'ny tompony ihany nefa tsy niomana, na tsy nanao araka ny sitra-pony, no hokapohina imbetsaka; fa izay tsy nahalala kosa, na nanao zavatra mendri-pamaizana aza, dia hokapohina kelikely ihany. Izay nomena be no hitakiana be, ary izay nanankinana be no hadinina be koa.» (Lioka 12, 47-48)

andry2013:

Somary nisy diso kely ity voasoratro ity satria i Mahomet tsy tamin'ny taona 1570 akory no teraka fa tamin'ny taona 570 teo ho eo . Ny Mahavariana tamin'i Mahomet dia nilaza izy fa ny Anjely Gabriely no niseho taminy nampanoratra azy ny coran kanefa dia mifanohitra amin'izay voalaza'ny baiboly ny zavatra lazain'ny coran raha tena dinihina indrindra moa tena mifanohitra tanteraka amin'izay voalazan'ny Testamenta Vaovao amin'ny Ankapobeny :Fandavana ny Maha-Andriamanitra an'i Jesoa Kristy,Ny Momba ny Maha Trinite Masina an'Andriamanitra, ny fahafatesan'i Jesoa Kristy teo ambony hazofijaliana noho ny fahotana, Ny Fitsangananko-velona, sns.

Amin’ny Ankapobeny , Mampalahelo ireo olona voasarika any amin’ny finoana sy ny fivavahana diso

Ka ny miditra @ fanjakan'ny lanitra anie tsy resaka asa soa na inona fa resaka finoana.
Iaraha-mahafantatra ny voalazan'ny Jn. 14:6 antsika. Atao ahoana fa samy efa nanota daholo antsika, fa tsy misy an'izany mahazo privilège izany.

andry2013:
angamba mety hamindran’Andriamanitra Fo ihany izy ireny ka mety anisan’ireo mandalo ao amin’ny afo fandiovana izay efa maty ka nadio fo sy nanao izay mba tratry ny heriny hanao ny marina sy ny rariny araka izay mba fantany sy fahazavana kely mba azony avy tamin’Andriamanitra

Mbola tazomin'ny EKAR ihany izany ity fampianarana ity O_O ? Dia tsy mampaninona anao ve ny mieritreritra fa mety tsy ho ampy anao ny finoanao an'i Kristy ?
Sady tsy hitako anie ny andininy @ Baiboly milaza mazava tsara fa misy izany Purgatoire izany. Raha ny contexte @ 1 Kor. 3:13-15 dia afon'ny fizahan-toetra izany, tahaky ny ranonorana @ fanoharan'ilay adala manorina trano ambony fasika.

Nehemiah:


Mbola tazomin'ny EKAR ihany izany ity fampianarana ity O_O ? Dia tsy mampaninona anao ve ny mieritreritra fa mety tsy ho ampy anao ny finoanao an'i Kristy ?
Sady tsy hitako anie ny andininy @ Baiboly milaza mazava tsara fa misy izany Purgatoire izany. Raha ny contexte @ 1 Kor. 3:13-15 dia afon'ny fizahan-toetra izany, tahaky ny ranonorana @ fanoharan'ilay adala manorina trano ambony fasika.

Toy izao aloha no anisan'ny fotom-pampianaran'ny Fiangonana mikasika ilay hoe Afo Fandiovana sy ny mahasamihafa azy amin'ny Afobe:

Ny Eglizy Mijaly na Afo Fandiovana : Misy ny Fanahy izay tsy mbola mendrika ny ho any an-danitra kanefa tsy mendrika ihany koa ny ho very any amin’ny Afobe ka mila mandalo ny afo Fandiovana , hoy ny Katesizin’ny Fiangonana Katolika :

Antsoin’ny Fiangonana hoe Afofandiovana ny fandiovana farany ireo olom-pinidy , izay tsy mitovy velively amin’ny famaizana ny olom-bery any amin’ny afobe. Nandrafitra tamin’ny rijan-teny ny fitambarampampianaram- pinoana momba ny Afofandiovana ny Fiangonana, indrindra tamin’ny Kônsily tao Florence sy tao Trente. Ny lovam pampianaran’ny Fiangonana, izay manovo hevitra avy amin’ny lahatsoratra sasany ao amin’ ny Soratra Masina (Ohatra 1 Kôr 3,15 ; 1 Pi 1,7), dia miteny afo mpanadio : Noho ny fisian’ny fahadisoana kely sasantsasany, tsy maintsy mino fa misy afo mpandio alohan’ny fitsarà na, araka ny nolazain’Ilay Fahamarinana, amin’ny fitenenana fa ny olona izay hanao teny faniratsirana ny Fanahy Masina, dia tsy hahazo famelan-keloka, na amin’ity fiainana ity na amin’ny fiainana ho avy (Mt 12,32). Ao amin’ izany tenim-pitsarà na izany no ahafahantsika mahafantatra fa ny fahadisoana sasantsasany dia mety ho voavela eto amin’ity fiainana ity, fa ny hafa sasantsasany dia any amin’ny fiainana ho avy (ao amin’ny afo fandiovana).

Raha misy olona maty tao anatin’ny « fahotana tsy mahafaty » no mandalo ao amin’ny afo fandiovana araka io voalaza io. Hoy koa ny Baiboly :

« Raha misy mahita ny mpiray tampo ara-pinoana manao fahotana tsy ho amin’ny fahafatesana, aoka hivavaka ho azy izy, Ary Andriamanitra no hanome azy ny fiainana, dia an’izay manota tsy ho amin’ny Fahafatesana. Misy Fahotana ho amin’ny Fahafatesana ; tsy mba izany no ilazako hoe tokony hivavaka. Fahotana avokoa ny tsy fahamarinana rehetra , fa misy fahotana tsy ho amin’ny fahafatesana » ( 1 Joany 5, 16-17)

Fa raha maty ao anatin’ny «fahotana mahafaty» kosa ilay olona dia efa very Mandrakizay izy :

« Ny fampianaran’ny Fiangonana dia manantitrantitra ny fisian’ny afobe sy ny maha-mandrakizay izany. Ny fanahin’ireo izay maty ao amin’ny toepahotana mahafaty dia midina eo no eo avy hatrany any amin’ny afobe aorian’ny fahafatesana, izay ao izy no mijaly amin’ny sazìn’ny afobe, «ilay afo mandrakizay». Ny sazy lehibe indrindra ao amin’ny afobe dia ny fisarahana mandrakizay amin’Andriamanitra, satria ao amin’Andriamanitra irery ny olombelona no afaka mahazo ny fiainana sy ny fahasambarana izay ho amin’izany no nahariana azy ary izany rahateo no iriny. » (Katesizy 1035)

I Jesoa indrindra ihany ka no nanambara matetika (Mt 5,22.29 ; Mt 13,42.50 ; Mk 9,43-48.) ny fisian’io Afobe Mandrakizay io (izay afo ara-panahy ny endriny voalohany satria ny fanahy any dia ireo fanahy very fanantenanana sy kivy mandrakizay mandrakizay tsy hahita intsony ny Fahamarinana sy hiray amin'ny Fitiavana dia Andriamanitra izany)


Raha ny mikasika ilay 1 Kor. 3:13-15 dia toy izao ny vakiny

"ary ny andron'ny Tompo no hampiseho azy; satria andro hanetriketrika amin'ny afo izany, ka ny afo no hizaha toetra ny asan'ny olona tsirairay isam-batana: maharitra moa ny asa narafiny teo amboniny, dia handray valisoa izy; may kosa ny asany, dia ho faty antoka izy, nefa hovonjena ihany ny tenany, saingy toy ny avy ao amin'ny afo."

Azo hiadin-kevitra ihany nefa toe efa mazava ihany koa ny ambarany...

Toy izao indray ilay hoe Matio 12,32
Ary na iza na iza hanao teny manohitra ny Zanak'olona, dia hahazo famelan-keloka ihany: fa izay hanao teny manohitra ny Fanahy Masina kosa, dia tsy hahazo famelan-keloka, na amin'ity fiainana ity na amin'ny ho avy.

Ilay hoe fianana ho avy dia anakoatra ity fiaianana ity nefa mbola misy resaka famelan-keloka : tsy ny paradisa izany satria tsy mila avela heloka ny any, tsy ny afobe koa satria efa very indray ny any , ny afo fandiovana izany

Nehemiah:

Dia tsy mampaninona anao ve ny mieritreritra fa mety tsy ho ampy anao ny finoanao an'i Kristy ?

Ny tena Finoana tokoa no Mahavonjy , ilay tena Finoana tena velona sy arahin'Asa ka mahatanteraka ny Sitrapon'Andriamanitra, hoy ny Baiboly:

"Raha misy olona milaza azy ho manam-pinoana, nefa tsy manana asa, inona no soa ho azony? Moa hahavonjy azy va izany finoana izany? Raha misy rahalahy na anabavy tsy manan-kitafy sy tsy manan-kohanina isan'andro, 16ka ilazan'ny iray aminareo hoe: Mandehana amim-piadanana, mamindroa sy mivokisa, nefa tsy omeny izay ilain'ny vatany, inona no soa azony amin'izany? 17Mba toy izany ihany koa ny finoana, raha tsy omban'asa izy, dia tena maty mihitsy. Hamaly koa ny olona hanao hoe: Hianao manam-pinoana, hono, ary izaho manana asa koa. Asehoy ahy hoe ny finoanao tsy misy asa, ary izaho kosa haneho aminao ny finoako amin'ny asako. Hianao mino fa misy Andriamanitra iray; tsara ny ataonao; ny demony koa anefa mino izany, ka mangovitra.Fa moa te-hiaiky va hianao, ry olom-poana, fa tsy vanona ny finoana tsy omban'asa? (Jakoba 2, 14-21)


Nanambara mazava koa Jesoa fa izay Manao ny Sitrapon'Andriamanitra no ho vavonjy

"Tsy izay rehetra manao amiko hoe: Tompo, Tompo, no hiditra amin'ny fanjakan'ny lanitra; fa izay manao ny sitra-pon'ny Raiko izay any an-danitra, izy ihany no hiditra amin'ny fanjakan'ny lanitra.
Amin'izany andro izany, maro no hanao amiko hoe: Tompo, Tompo, moa tsy naminany tamin'ny anaranao va izahay, ary moa tsy nandroaka demony tamin'ny anaranao va izahay, moa tsy efa nanao fahagagana tamin'ny anaranao va izahay? Ary amin'izany dia holazaiko miharihary aminy hoe: Tsy fantatro akory hianareo na oviana na oviana; mialà amiko hianareo mpanao ratsy. 24Koa amin'izany, na zovy na zovy mandre izao teniko izao ka mitandrina azy, dia hoharina amin'ny lehilahy hendry izay nanorina ny tranony teo ambonin'ny vatolampy; 25ary latsaka ny ranonorana ka tondraka ny ony, ary nifofofofo ny rivotra namely izany trano izany, nefa tsy nianjera izy, fa niorina teo ambonin'ny vatolampy. 26Ary na zovy na zovy mandre izao teniko izao, ka tsy mitandrina azy, dia hanahaka ny lehilahy adala nanorina ny tranony teo ambonin'ny fasika; ary latsaka ny ranonorana ka tondraka ny ony, ary nifofofofo ny rivotra namely izany trano izany, dia nianjera izy ka loza ny faharavany. " (Matio 7, 21-27)

Ka tsy maintsy apetraka ny fanontaniana : inona no ota tena voavela noho ny finoantsika Azy ?

Ho an'izay tena mino dia izay manana ny finoana arahin'asa sy fitiavana ho fanatanterahana ny sitrapon'Andriamanitra dia izay no lalana mankany amin'ny famelana ny heloka rehetra sy ny famonjena.

andry2013:

Ho an'izay tena mino dia izay manana ny finoana arahin'asa sy fitiavana ho fanatanterahana ny sitrapon'Andriamanitra dia izay no lalana mankany amin'ny famelana ny heloka rehetra sy ny famonjena.

Dia mbola hanadio heloka any @ Purgatoire ve rehefa voavela ny heloka rehetra ? Raha ny fanoharan'ny ondry sy ny osy aloha dia tsy misy afovoany izany, fa na Paradisa, na Helo.