Ny FAHATERAHAM-BAOVAO
Ito zavatra zaraiko aminao ito no abd, ny 1er pas tsy maintsy diavintsika amin’ny finoana Kristianina ary « clé » homena anao manokana anio hanokafana ny lanitra ho anao. Arao antsakany sy andavany ity dia ho azo antoka fa ho azonao ny fiainana mandrakizay

• I. Ny fanontanian’i Nikodemosy ny amin’izay tokony hataony mba handovàny ny fiainana mandrakizay
  
JAona 3 : 1-16
FAntatsika tsara ny resak’i Nikodemosy fariseo sy Jesosy teto ny amin’izay tokony hataony mba handovàny ny fiainana mandrakizay. Mino aho fa tsy izao vao henonao ity tori-teny ity saingy mangataka aminao aho androany, mitalaho aminao Jesosy androany mba hihaino tsara sy tsy hanamafy fo ka hanao hoe efa fantatro izany fa tsy adala aho akory fa tena andeha isiaka hanetry tena ka tena hihaino ny hafatry ny Tompontsika anio

Nikodemosy dia Fariseo.
• Amin’ny maha Fariseo azy dia nihevi-tena ho mpanompon’A/tra modely satria hainy tsianjery ny Baiboly ary mpanaraka ara-bakiteny ny lalàna izy.
• Andininy 8: Mpampianatra sy mpanora-dalàna. Mino aho fa nianatra ela be ny tenin’A/tra sy ny lalàna izy. Izany hoe raha amin’ny vanim-potoantsika amin’izao dia mety ho pasitera na Mompera na eveka mihitsy aza. Fara-faharatsiny Bacc+5 na Bacc+8 en Théologie. Dia mba heritrereto sy saintsaino ohatra anie hoe mpampianatra eny amin’ny université Bacc + 6 fara-faharatsiny no manontany hoe ahoana kay no manoratra a, b, c, d,.. é!!! Satria ito anontaniany ito averiko indray no a,b,d ny finoana Kristianina.

Eto izany dia te hampahafantatra antsika A/tra fa tsy ny maha mompera, ny maha pasitera, ny maha pape, ny maha diakona sy ny fahaizanao tsianjery ny baiboly. Eny tsy ny fitandremanao ny lalàna akory no mahavoavonjy anao fa lalana iray ihany: TSY MAINTSY HATERAKA INDRAY IANAO vao hahita ny fanjakan’A/tra.

Ary izany toe-po hananan’i Nikodemosy izany no tian’A/tra hananantsika androany. Aza miteny hoe za efa manana toerana toy izao sy toy izao ao am-piangonana, zaho efa setela na sefala, zaho efa katesista fa tsy Titre no hidirana any an-danitra. TSy ny fandehananao any am-piangonana isak’Alahady ihany koa no hahavonjy anao fa raha ao am-piangonana mihitsy aza ianao no hipetraka ka hivavaka sy hihira isan’andro sy isan’alina ho zava-poana izany, ho perte de temps tsy hahavonjy anao izany raha tsy hateraka indray ianao.

Izany akory tsy midika hoe ratsy ny mandalina ny Baiboly, ratsy ny mivavaka any am-piangonana. TSIA fa Hateraka vao mandalina Baiboly fa tsy hoe voavakiko hatramin’ny farany ny baiboly, efa notandremako daholo ny lalàn’Andriamanitra, efa mivavaka isak’alahady aho dia voavonjy sy manana anjara amin’ny fiainana mandrakizay aho izany. Non, Tsy maintsy, tsy maintsy ary tsy maintsy hateraka ny olona vao hahita ny fanjakan’A/tra

• Nahatsapa Nikodemosy fa na dia teo aza ny fahaizany ny Tenin’A/tra tsy voavony izy fa raha tsy tsapany izany tsy nanontany izay mety ho lalana hahazoany ny fiainana mandrakizay akory izy.
Ny olona efa nateraka indray, efa nandray an’ny Tompo ho Tompony sy ho Mpamonjiny dia mahalala fa tena nihova ny fiainany rehefa nandray an’ny Tompo tao am-pony izy. FA raha ianao tamin’ny 10 taona no mbola ianao amin’izao dia mihevera tena fa tsy mbola nandray ny fiainana ianao ary mbola tsy mandova ny lanitra. Ho anao indrindra ito torin-teny ito.

II. INONA ARY NO HATAO HOE HATERAKA INDRAY ARY AHOANA NO HATAO MBA HATERAKA INDRAY
Zavatra 2 no tsy maintsy haleha raha hateraka indray ny olona:



• Zavatra efa nataon’A/tra




1. Valin-tenintsika amin’io zavatra efa nataon’A/tra io
   



A. Zavatra efa nataon’A/tra
And 5: TSy maintsy hateraky ny rano sy ny fanahy
And 14-15 : « ary tahaka ny nanandratan'i Mosesy ny menarana tany an'efitra no tsy maintsy hanandratana ny Zanak'olona,15 mba hanana fiainana mandrakizay izay rehetra mino Azy »

TAmin’ny zank’Isarely tany an-efitra dia nimonomonona tamin’A/tra ry zareo hoe zahay noana, zahay mangetaheta, izahay te hiverina any amin’ny Farao fa any no mahatsara anay,sns. Dia tezitra A/tra ka nandefa menarana bibilava be dia be mba hanaikitra ireo zanak’Israely (Nomery 21) ary betsaka tamin’izy ireo no maty. Nivavaka sy nifona ho azy ireo anefa Mosesy ka nohainoan’A/tra ny fivavany ary nasainy nanamboatra statue menarana varahina Mosesy ka hanandratra izany ambony ka izay mijery an’iny menarana varahina iny dia ho sitrana ka tsy ho faty.

TSy ilay statue akory no nanasitrana ireo zanak’Israely ka nahavonjy azy ireo fa ilay Tenin’Atra nitoetra sy niasa tao amin’izay nijery ilay statue. Izany hoe izay nankato an’Atra ka nijery no novonjeny fa tsy ilay statue akory no namonjy sanatria

Menarana manaikitra zanak’Israely------------ Menarana SAINGY varahina kosa ny solution
Fahafatesana ny tambin’ny ota------------------Fahafatesana ny solution SAINGY olona tsy nanota (tandindon’ilay hoe varahina) no tsy maintsy maty

Asaina mijery an’i Kristy nombohina teo amin’ny hazo fijaliana izany isiaka ary tsy mijery fotsiny fa tena mino sy mankato fa mahavonjy io Jesosy nombohina io. Izay ilay ao amin’ny And 5 hoe tsy maintsy hateraky ny rano sy ny Fanahy isiaka. Io ilay rano, ny fankatoavanao fa ny fahafatesan’i JK teo amin’ny Hazo fijaliana no manadio sy mamonjy anao ka hibanjina izany ianao. Io rano io, ny hazo fijalian’i Kristy no hevi-dehibe raiketin’ny batisa.

B. Valin-teninao amin’io zavatra efa nataon’A/tra io izay no hahaterahanao amin’ny FAnahy
Ny ankabeazan’ny Kristianina dia mbola tsy tafita amin’ity dingana faharoa ity nefa ito no atao hoe hateraka indray. Ito dingana faharoa ito no clé ny lanitra. Betsaka ny mino, mety ao anatiny ianao, fa tena namonjy antsika ny nahafatesan’i JK teo amin’ny hazo fijaliana kanefa tsy miditra amin’ity dingana faharoa ity ry zareo hany ka tsy voavonjy.

Raha ny rano fotsiny tsy ampy fa tsy maintsy ateraky ny Rano+Fanahy isiaka vao mahazo ny fiainana mandrakizay.

FANAHY= Rehefa mino ianao fa namonjy izao tontolo izao Kristy teo amin’ny Hazo Fijaliana dia batainao iny Fahafatesana iny ka raisinao ho famonjena anao manokana. Satria tsy hoe efa nombohina Kristy dia automatique voavony daholo ny olombelona. TSy hoe efa nasandratra ilay menarana dia automatique voavonjy daholo ny zanak’Israely fa mila initiative nao manokana, mila fanapaha-kevitrao manokana , mila ianao no manapa-kevitra hoe hijery ilay menarana aho, handray ny famonjena efa vitan’i Kristy teo amin’ny hazo fijaliana aho vao voavonjy ianao. Ny valin-teninao amin’ny fahafatesan’i Kristy no mahavoavony na tsia anao. Mety hiteny angamba ianao hoe za anie tsy mbola niteny «TSIA» an’i Kristy é. FA ny tsy fanekenao «ENY « azy dia mitovy amin’ny fandavanao Azy ihany koa.

Mila manao Eny isiaka amin’izao segondra izao, aza mangataka andro. Mihaino ny valin-teninao A/tra izao segondra izao fa mila miteny mihitsy isiaka hoe Eny Tompoko, manaiky izaho RAkoto(ohatra) fa manaiky Anao ho Tompon’ny fiainako sy ho famonjena ahy. Manolotra ny foko, ny fiainako, sy izay rehetra momba ahy eo aminao aho ankehitriny. Vonjeo ity mpanomponao. Tena teneno mihitsy hoe indro Tompo homeko anao izay momba ahy, ny androko rehetra, ny aiko, ny amiko rehetra omeko anao. Hanara-dia anao aho manomboka androany ary hanompo Anao. FA hihaino anao Izy ary hanokatra ny varavaran’ny lanitra ho anao.

Ary tadidio fa ny zazakely rehefa teraka dia tsy ela be, ora vitsy monja. Ny hateraky ny fanahy ihany koa dia torak’izay, rehefa mihaona amin’A/tra ianao dia eo ny eo dia mihova tanteraka ny fiainanao, tsy miandry hoe taona maro fa raha izao ianao no nanaiky azy izao dia homeny fo vaovao ianao ary tena olom-baovao tanteraka. TSy hita taratra eo amin’ny fiainanao intsony ilay ianao be lolom-po, ianao be fialonana, tia harena, mpijangajanga, mpandainga fa efa Kristy izao no velona ao aminao. Satria hoy ny 2 Kor5:17 hoe «Koa raha misy olona ao amin’ny Kristy dia olom-baovao izy; efa lasa ny zavatra taloha, indreo efa tonga vaovao ireo»

Arabaina rahavavy sy ranadahy fa izao ianao vao tena hatao hoe Kristianina.

C. Apok 3: 20: «Indro efa mitsangana eo am-baravarana Aho ka mandondona: raha misy mihaino ny feoko ka mamoha ny varavarana, dia hiditra ao aminy Aho ka hiara-misakafo aminy ary izy Amiko
Hitantsika teo aloha fa Tsy maintsy hateraka vao mahazo MAHITA ny fanjakan’ny lanitra. Efa nanao Eny ny famonjen’i JK teo amin’ny Hazo fijaliana ianao izao.

Efa nateraky ny Rano sy ny Fanahy, efa mahazo mahita ny fanjakan’ny lanitra ianao izao. Ankehitriny mba hidiranao sy handovànao ny lanitra, mila miara-dia amin’i Jesosy tanteraka ianao fa tsy ampy ny manaiky fotsiny.

Raha tadidinao ny tantaran’ireo virjiny 10 ao amin’ny Matio 25: 1-13 dia ireo virjiny ireo efa natokana hiditra miaraka amin’ny mpampakatra ao an-dapa . Torak’izany ianao izao, efa nofidian’A/tra tao anatin’ny maro be hiditra ao an-dapany ianao tamin’ny fanoloran-tena nataonao teo saingy kosa tsy hihonina sy hifaly fotsiny isiaka hoe efa voafidy, efa virjiny satria voadio tamin’ny ràn’i JK, efa manana jiro sy fanilo dia miandry ny fahatongavan’i JK fotsiny sisa fa mila karakaraina ny Fanahy izay ao anatintsika, mila mitombo isan’andro isiaka fa raha tsy izany lany ny solika nandrehitra ny jirontsika rehefa tonga ny mpampakatra ka hanao ho tahaka ireo virjiny adala isiaka, na efa natokan’A/tra hiditra ny lapa tany am-boalohany aza, efa nofidiany sy notiaviny manokana tao anatin’ny maro aza dia hoy ny Tompo rehefa tonga hoe tsy fantatro akory ianareo. Misy izany olom-boafidiny, olona efa nanao Eny nefa hajanony ety tsy handova ny lanitra raha tsy fantatr’A/tra.

Ny atao hoe mahafantatra dia tena miray tanteraka amin’ny Tompo. Tsotra ny hiraisanao tanteraka ao amin’ny Tompo, hampidiro ao anatinao Izy dia omeo Azy ny aminao rehetra fa Izy no hitondra ny fiainanao manombok’izao.

Io apok 3:20 io no tena hahalalanao an’A/tra ka tena hanananao firaisana Aminy. Tena ataovy amin’ny finoana marina io, mikipy ianao dia heritrereto hoe misy mandondona eo am-ponao ankehitriny. Efa ela izy no nandondona tao am-ponao fa mety ny feon’ny vola, ny feon’ny ota no nohainoinao taloha. Tsy afaka manao amboletra Jesosy ka hiditra ankeriny ao am-ponao. Efa nanao ENY Azy ianao, ampidiro eo amin’ny fiainanao, ao am-ponao Izy izao.

Mandondona izy. Teneno hoe iza izao fa hamaly anao Izy hoe Izaho Jesosy Andriamanitrao no ato Rakoto a!! tsy tonga dia vohana fa sao dia Devoly ny ao. Izay no notenenin’i Jesosy hoe raha misy mihaino ny feoko
Ho voainao sa tsia? Anjaranao ny manapa-kievitra
Raha manapak’hevitra ny hamoha Azy ianao, tsy miditra avy hatrany Izy na mivoha aza ny varavarana fa mila anao hampandroso Izy vao mandroso. Mampandroso = manaiky ny
hotarihiny tanteraka ny fiainanao manomboka eto fa tsy hoe ny rehetra afaka tarihinao afa tsy ny fotoako sy ny voninahitro sy ny hareko aza kitihina mihitsy. TSIA , Omeo azy daholo izay rehetra anananao na kely na lehibe. Ianao mihitsy no manolo-tena
Mibebaha, atolory Azy ny fahotanao, ny toetra ratsy mbola mamatotra anao fa hiasa mahery eo aminao Izy ary homeny fo vaovao ianao ary Izy amin’izay no hitantana ny fiainanao manomboka eto. Isan-tsegondra mangalà conseil aminy amin’ny zavatra rehetra ataonao, asaivo Izy no mialoha lalana anao amin’izay rehetra ataonao ary angataho mba izay sitrapony ny hatao eo amin’ny fiainanao fa ho hitanao fa hahomby izay rehetra hataonao ary hahita fifaliana be tsisy ohatr’izany ianao miaraka Aminy. Ary indrindra hiteny Izy rehefa ho tonga hoe Ianao ve? Fantatro ianao satria efa nampandroso Ahy tao am-ponao. Mandrosoa ato an-tranon’ny Raiko. Ny voninahitra dia ho an’Andriamanitra irery ihany.

Farany: aza manao hoe aoka aloha aho ho mpandray ny fanasan’ny Tompo vao hampiditra an’i Kristy ato anatiko fa tsy mendrika ny hidirany ato amiko aho na koa hoe aleo aloha aho hamaky ny Baiboly, handalina ny Baiboly fa maloto loatra? Na hoe hanamoamboatra toetra Tsia ianao maloto fo io, ianao voagejan’ny sigara sy toaka io, ianao mijangajanga io, ianao mpanota io no tadiavin’i Jesosy anio. Atolory Azy ny adalanao rehetra efa vitanao ary mibebaha marina fa tena hamela sy hanova ary hanafaka anao amin’ny fahazaranao ratsy Izy.

Tadidio fa raha mividy trano ianao ka maloto sy simba ilay trano tsy ny trano akory no miteny hoe aleho aho aloha hanamboatra ny rindriko sy hanadio ny ato anatiko mba hitiavan’ilay Tompoko vaovao ahy fa tsy ho ainy izany. FA ilay Tompony nividy ny trano no manamboatra izay simba sy manadio ny ao anatiny. Ary mino aho fa tena ho villa tsara be ny fonao raha Jesosy no manamboatra azy. Aza manadio tena noho izany ka hanao hoe ka za anie izao é, ka izao anie no nanaovako izao é. FA manetre tena fa izay mibebaka marina no hovonjena

Amena

Raha azoko omena sosokevitra kely : tokony hamafisinao bebe kokoa @ mpamaky ny maha-mpanota mila famelan-keloka azy : misy ny olona maro mihevitra fa "a-a-a, efa mety izao fiainako izao, tsy mila an'izany famonjenareo izany aho".

MArina mihitsy ny teninao ry Nehemia. Ary efa izany mihitsy no drafitr'Atra anio maraina, hampahafantatra ny olona izay zavatra miandry azy any am-parany any raha minia tsy mihaino sy tsy mandray ny FAmonjena izy.

Mahafinaritra ny fizarana namana fa tena toriteny tokoa.

Eo amin'ilay hoe mandray ny Fanahy Masina no tokony hohazavaina tsaratsara kokoa satria samy manana ny hoe mandray ny Fanahy Masina mantsy:
- Ao ny felahana kely rehefa atao confirmasion ny hoe mandray ny Fanahy Masina
- Ao ny kristiana sasany rehefa mahatsiaro tena masimasina sy manao asa soa ary mazoto mitety trano manao fitoriana dia efa mandray ny Fanahy Masina
- Ao ireo miteny amin'ny teny tsy fantatra rehefa mandray ny Fanahy Masina.

Ahoana marina no hahafantarana fa manana ny Fanahy Masina na efa nandray ny Fanahy Masina ny olona iray?

FAntatrao foana hoe injay ny fanahy mibitsika ao anatiko. Izay no noteneiko taminao hoe raha mbola tsy nahatsiaro fiovana ianao fa mbola ianao tamin'ny 10 taona lasa ihany no ianao izao dia mbola tsy nandray an'i Jesosy ho Tomponao sy ho Mpamonjy anao ianao

Fijoroana vavolombelona kely hataoko aminao. Izaho dia katolika hiringiriny, nianatra tamin'ny sekoly katolika ary tena fatra-po sy fatra-panaja tanteraka ny fombafomba katolika, tsy nahalala afa tsy fampianarana katolika, mbola tsy namaky baiboly, mbola tsy nivavaka tany amin'ny protestante na tany amin'ny fiangonana hafa. 18 taona aho no nihaona tamin'ny Tompo. Heritrereto hoe izaho tsy mahalala n'inon'inona amin'izay fivavahana, izaho 18 ans isaky ny manao chaplet aho ka manao arahaba ny MAria dia misy manohitra foana ato anatiko, isaky ny miantso masindahy any am-piangonana misy zavatra manohitra foana ato anatiko miteny hoe tsy io no izy , tsy io no lalana. Isaky ny tady hanota aho ohatra te hangalatra paison'olona misy fanahy manohitra foana ary tsy tafangalatra an'iny paiso iny ianao. Ary ohatran'izany foana isan'andro.

Izaho anefa tsy nahalala baiboly ka hoe ny zavatra novakiako tao amin'ny baiboly no mety nahatonga ahy tsy hanao chapelet arahaba ry MAria. Dia farany moa tsy nety tamiko ny tao amin'ny katolika na plutôt tsy nety tamin'ilay fanahiko izay noraisiko dia nifindra aho ary tao amin'ny protestante aho no nitombo hery. Ary rehefa namaky baiboly aho taty aoriana vao nazava tamiko hoe hay izao no nahatonga ny FAnahy MAsina nanohitra tamin'ilay izaho nanao arahaba ry MAria sy niantso SAint sy sainte.

Ary tena miova ianao. Izaho amin'ny maha adolescente ahy tamin'izany dia naditra nefa raha vao nandray ny Tompo aho tena na dadanay sy mamanay ary gaga fa tena miova ary tsy terena io an, tsy sitraponao. Ny olona ety ivelany mahita hoe tsy sarotra be ve ny manao ny sitrapon'Atra foana fa izaho tena mahatsapa hoe mora sy maivana ilay izy rehefa Jesosy no mitondra anao.

Ny tiako tenenina dia misy fanahy mibitsika ao aminao rehefa avy nandray ny FAnahy MAsina ianao ary tsy avelany fa tsy maintsy ny sitrapon'A/tra foana no tanteraka, manitsy anao amin'ny ratsy ataonao izy ary mitondra anao amin'ny fanarahana ny Tompo.

Tena misy miteny ao am-ponao ary misy fifaliana lehibe eo amin'ny fiainanao. MAhafinaritra é. Tena mamporisika aho hoe andramo Jesosy fa mahafinaritra. Tena marina é

Ny zavatra ambara eto, mino aho fa betsaka ny tsy hahatanty izany nefa tsy maintsy hambara satria tsy maintsy esorina ny tapi-maso nataon’i satana teo alohanareo hatrizay mba hahitanareo indray sy hahalalanareo ny marina. Raha misy vay ny tarehinao tsy maintsy dorana izany mba ho sitrana ianao torak’izany ihany koa no tsy maintsy hanitsiana anareo satria mahatsara anareo izany. Koa mangataha amin’Andriamanitra mba tsy hijanona antenan-tenany ny famakianao ity fa tena haharitra ianao hatramin’ny farany

Lioka 23 :43 «Dia hoy Jesosy taminy: lazaiko aminao marina tokoa: Anio no hiaonanao amiko any am-paradisa»
Izany no resaka nataon’i Jesosy tamin’ilay olon-dratsy niara nombohina taminy teo amin’ny hazo fijaliana rehefa niova fo sy nibebaka
Ny olombelona dia vovo-tany nasiana fofon’ain’A/tra (Gen2:7). Rehefa maty isiaka dia misaraka ny vovoka (nofo) sy ilay fofon’Aina (Fanahy) ka miverina any amin’A/tra io Fanahy io

Araka io Lioka io dia vao maty ny olona tonga dia miakatra any am-paradisa na any amin’ny afobe. Hoy indrindra Izy hoe ANIO fa tsy hoe rehefa hiverina hitsara ny velona sy ny maty aho.

Tsy ilay maharitra sy handova ny fiainana (ilay Fanahy) intsony izany ny ao am-pasana ao fa vovoka fa ilay maha ianao anao, ilay fanahy efa nalefa any amin’ny toerana hafa (ho hitantsika atsy ambany hoe aiza)fa tsy ao am-pasana intsony ary rehefa ho avy Jesosy tsy iny vovoka iny intsony no hotafianao sy hamboamboarina ka hoe coller na araldite sa tsy haiko mba hiverenan’ny fanahinao ho ao indray. Fa hoy indrindra ny voasoratra ao amin’ny I Kor 15: 50-53 hoe «Ny nofo aman-dra tsy mahazo mandova ny fanjakan'Andriamanitra, ary ny fahalovana tsy mandova ny tsy fahalovana»

-Noho izany TSY AO AM-PASANA intsony ny dadanao izay efa maty, ny mamanao izay efa nodimandry fa vovoka sisa no ao, ohatran’ny vovoka rehetra eny an-tokon-tany ireny.

Ny vovoka tsy mahalala mangatsiaka. Izay no tsy hamonosan-damba intsony ny maty satria sady tsy ny havanao intsony io fonosinao io fa vovoka ary tsy mahatsiaro n’inon’inona intsony ny vovoka fa raha izany aza mijanona amin’ny vovoka ao am-pasana fa fonosy lamba daholo ny vovoka rehetra izay hitanao.

FA AIZA ARY NO MISY ANTSIKA REHEFA MATY ?
Lio16:19-31: «19 Nisy lehilahy manan-karena anankiray niakanjo volom-parasy sy rongony fotsy madinika sady nanarampo fatratra isan'andro tamin'ny fahafinaretana .20 ary nisy olo-malahelo ferina anankiray atao hoe Lazarosy napetraka teo anilan'ny vavahadiny;21 ary naniry mba hihinana izay latsaka avy tamin'ny latabatr'ilay manan-karena izy, fa ny alika kosa no avy ka nilelaka ny feriny .22 ary maty ilay malahelo, dia nentin'ny anjely ho any an-tratran'i Abrahama; ary maty koa ilay manan-karena, dia nalevina;23 ary raha nijaly tao amin'ny fiainan-tsy hita izy ka niandrandra, dia nahita an'i Abrahama teny lavitra eny sy Lazarosy teo an-tratrany .24 ary izy niantso ka nanao hoe : Ry Abrahama raiko ô, mamindrà fo amiko, ka iraho Lazarosy mba hanoboka ny tendron'ny rantsan-tanany amin'ny rano mba hampangatsiaka ny lelako; fa fadiranovana aho eto anatin'ity lelafo ity .25 Fa hoy Abrahama : Anaka, tsarovy fa ianao efa nahazo ny zava-tsoanao tamin'ny andro niainanao, ary Lazarosy kosa ny zava-dratsy; fa ankehitriny izy no ampifalina aty, ary ianao kosa no fadiranovana .26 ary mihoatra noho izany rehetra izany, misy tevana makadiry ajadona ao anelanelantsika, mba tsy ho afa-mita hankeny aminareo izay te-hiala eto, ary tsy ho afa-mita hankety aminay izay eny .27 dia hoy izy : Mangatoka aminao ary aho, ry raiko : mba iraho Lazarosy hankany amin'ny tranon'ny raiko28 (fa manana rahalahy dimy aho), mba hilaza tsara aminy, fandrao mba ho tonga aty amin'ity fijaliana ity koa izy .29 Fa hoy Abrahama taminy : Manana an'i Mosesy sy ny mpaminany izy; aoka hihaino ireo izy .30 Fa hoy kosa izy : Tsia, ry Abrahama, raiko; fa raha misy miala amin'ny maty hankany aminy, dia hibebaka izy .31 Fa hoy Abrahama taminy : Raha tsy mihaino an'i Mosesy sy ny mpaminany izy, dia tsy hety hino izy, na dia misy mitsangana amin'ny maty aza »

Ny fiainana aorian’ny fahafatesana dia na any amin’ny afobe na any amin’ny paradisa. Mifampitazana ireo satria ilay mpanakarena efa maty nahita an’i Lazarosy tery am-pita

Rehefa maty ny mpanompon’A/tra dia misy anjely miandry azy sy mitondra azy ho any amin’ny paradisa (And 23) ka serein ny fahafatesany sy ny fialany aina fa ny fialan’ainan’ny ratsy fanahy kosa dia mafy satria tsy mba misy mitsena ny fanahiny

And 25: Hampifaliana ny mpanompon’Atra any amin’ny paradisa. Tsy mba maniry izany ve ianao? Hoe hampifaliana mandrakizay fa tsy ho dorana mandrakizay. Ary tena mandrakizay io an satria ny fanahintsika na any amin’ny afobe aza tsy mety lo sy maty intsony fa dia fadiranovana mandrakizay izay olona tsy voavonjy

And 26: Misy tevana (hady) mampisaraka ny afobe sy ny paradisa ka tsy afaka mankany amin’ny toerana eny am-pita ny olona amin’ireo toerana ireo.

1)Ilay mpanakarena:
-TSy ny naha mpanakarena azy no nahatonga azy ho very fa ny nandàvany ny famonjena Andriamanitra (Lazarosy amin’ny teny Hebreo)izay teo am-bavahadiny ka nomeny nolelafin’ny alika. Io ilay hitantsika omaly hoe efa ela Jesosy izay famonjena anao no nandondona teo am-baravaranao asainao miditra ve Izy sa homenao ny alika toy izay efa nataon’ity mpanakarena ity?

-Mbola nahatsiaro tena tsara mihitsy ity mpanakarena ity, mahatsiaro ny zavatra nataony tety an-tany (ny nanaovany an’i Lazarosy) ary indrindra mahatsiaro mijaly sy fangirifiriana ao amin’ny lelafo (and24-31). Tena misy ny afobe ary mba hahazoanao saina an-tsary ny miandry anao raha tsy mandray ny famonjena ianao dia mba heritrereto hoe gouttes monja no nangatahiny sy niriany mba hanalany ny fanaintainany fa tsy nomena azy izany. And24: «Ry Abrahama raiko ô, mamindrà fo amiko, ka iraho Lazarosy mba hanoboka ny tendron'ny rantsan-tanany amin'ny rano mba hampangatsiaka ny lelako; fa fadiranovana aho eto anatin'ity lelafo ity»Ary raha mbola tsy convaincu ianao dia manandrama kely hapetraka eo amin’ny zavatra mahamay ny tananao dia ho tsapanao ny zavatra hiandry anao MANDRAKIZAY any amin’ny afobe raha tsy mandray ny famonjena ianao

-And27: Niteny ilay mpanakarena hoe Iraho Lazarosy ho ety an-tany (ankany amin’ny tranon’ny raiko fa manana rahalahy 5 aho fandrao ho ton,ga aty ireo). Matoa izy nangataka izany dia satria izy tsy afaka nankany directement fa raha tsy izany tonga izy dia nande nampandre ireo rahalahiny. Noho izany tsy afaka mankaty an-tany intsony ny olona efa maty, tsy misy izany ny matoatoa. Ny vali-teny azony moa dia hoe tsia, manana an’i Mosesy sy ny mpaminany ny ety an-tany. NA lazarosy aza tsy nahazo nankaty an-tany koa.

-Hitan’ilay mpanakarena ny fahamarinan’ny fitsarana ka tsy nimenomenona izy hoe za tokony ho any am-paradisa satria fantany fa efa nanota be izy tety an-tany. Nefa hisy olona ho any amin’ny afobe na dia niezaka ny nanao ny marina aza izy tety an-tany , na dia manao asa soa be dia be, na dia tsara fanahy be, na dia mpivavaka be eny mety hisy pape, diakona, pasitera any amin’ny afobe satria tsy nandray an’i Jesosy Kristy, satria tsy mbola nateraka indray hany ka ny fiainany manontolo dia zava-poana na dia nanao azakazaka be aza izy tety, nihazakazaka ny hazakazaka ratsy izy ka any amin’ny afobe

Ilay mahantra
-Torak’izay ihany koa tsy ny maha mahantra azy akory no naha voavonjy azy fa ny nandraisany ny famonjen’Atra ary lasa izy mihitsy aza no famonjen’Atra teo amin’ny société nisy azy ka lasa nailikilika

-Na dia nahantra aza izy tsy ni-renoncer amin’ny famonjena hatramin’ny farany.

-TSy niteny tamin’ny Abrahama mihitsy izy tamin’ilay mpanakarena nangataka rano ka nolavina hoe aleo izy homeko rano ihany fa mijaly nefa ny rano aty am-paradisa be dia be. Ety an-tany no tokony hivavaka ho an’ny hafa isiaka sy hamonjy ny hafa fa rehefa any tsy afaka manao n’inon’inona intsony na dia hoe reniny, zanany, rainy aza no tao amin’ny afobe fa tsy ilay mpanan-karena tsy afaka manao n’inon’inona intsony isiaka

Ny Fehiny
Mitondra ny hoavinao manontolo ny safidy sy fanapahakevitra ataonao izao anio izao. Isiaka mety 60 ans maximum sisa no hivelona eto fa ny fiainana mandrakizay anie ka amin’izy mandrakizay izay tsy manam-pahataperana é. TSy tianao ve ny hiala sasatra sy hampifaliana mandrakizay toy izay hijaly fadiran’ovana any amin’ny afobe?

Ary ny afobe tsy hoe tsy ho zatra ny fangirifiriana ihany ve za rehefa ao 25 ans, 100 ans na 1 000 ans dia tsy hahatsiaro n’inon’inona intsony après an’izay fa mahatsiaro mangirifiry foana ianao ao na 1 000 ans na 10 000 ans na 1 000 000 ans, mandrakizay ianao ho dorana ao foana ary tsy hiala ao intsony

Mbola fitiavana no nanomezan’A/tra anao andro anio hiovanao.
Aza manamafy fo intsony, raiso Jesosy izao ankehitriny izao fa tsy reraka izy mandondona ao am-ponao, miandry anao ny famonjena koa hampidiro ao am-ponao izy dia handova ny fiainana mandrakizay ianao. Amen

Mahafinaritra namana, tsara rehefa manana fahatsapana ianao fa miasa ao aminao ny Fanahy Masina, fa io dia Tombon-kase raisina amin'ny fotoana iray précis ary arahim-porofo.

Tiako ianao raha mba manaraka kely ity fampianarana ity satria zava-dehibe loatra io resaka Fanahy Masina io.

toriteny:

Ny fiainana aorian’ny fahafatesana dia na any amin’ny afobe na any amin’ny paradisa.

Techniquement aloha, tsy any @ afobe tena afobe ny tsy mpino fa any @ fiainan-tsi-hita, izay toerana fijaliana (fa tsy hoe fampijaliana, ny ijalian'izy ireo dia ny tsy fisian'Andriamanitra, izay loharanon'ny soa rehetra), fa saingy tsy mifankaiza @ farihy afo sy solifara. Rehefa aorian'ny Fitsarana Farany izy ireo vao handeha any.

Nehemiah:

toriteny:

Ny fiainana aorian’ny fahafatesana dia na any amin’ny afobe na any amin’ny paradisa.

Techniquement aloha, tsy any @ afobe tena afobe ny tsy mpino fa any @ fiainan-tsi-hita, izay toerana fijaliana (fa tsy hoe fampijaliana, ny ijalian'izy ireo dia ny tsy fisian'Andriamanitra, izay loharanon'ny soa rehetra), fa saingy tsy mifankaiza @ farihy afo sy solifara. Rehefa aorian'ny Fitsarana Farany izy ireo vao handeha any.

Izany ve? Hitako mihitsy ilay hoe fiaina-tsi hita fa nolazaiko fa tena afo be io amin'ilay and24 hoe" fa fadiranovana aho eto anatin'ity lelafo ity "sa io tantara io ilay efa tena any amin'ny afo be? NEfa anie etsy ambony izy ao am and23 izy miteny hoe any amin'ny fiaina tsi-hita no misy azy é.

Aleo angatahina ny fahazavan'ny fanahy MAsina dia handalina kely ian'izay. NA dia izany aza dia misaotra anao nizara izany teto. Voninahitra ho an'A/tra irery ihany

Ny dikan'izany izany dia misy afo koa izany ny fiainan-tsi-hita. Raha miteny ilay manan-karena hoe "Mangatoka aminao ary aho, ry raiko : mba iraho Lazarosy hankany amin'ny tranon'ny raiko28 (fa manana rahalahy dimy aho)" dia mbola tsy tonga ny Fara Andro @ fitantaràna ka tsy ny afobe izany no resahana eto.

Nehemia - Toriteny

Tsy aleo ve sokajiana amin'ny lohahevitra ihany ny hafatra sy ny fampianarana? Mifangaro voraka be ato daholo ny akoho sy ny vorona raha lohahevitra iray isan'andro no ho etina eto amin'ity page iray ity nefa samy hisy hamaly izay tiany hovaliana ny tsirairay ao aoriana ao.

Manakambara betsaka mikasika ny fiainana any aorian'ny fahafatesana, ny fitsanganan'ny tena amin'ny maty sy ny manodidina izany ny baiboly ary vonona ny hizara izany ho anareo aho, saingy aleo ianareo no manokatra ilay sujet mba hampahitsy tsara izay tianareo havoitra ao anatiny.
@+

Ka na fijaliana kely na fijaliana be, na afokely na afobe, amiko dia ratsy ny any sady tsy natao ho an'ny zanak'Andriamanitra.

MArina mitsy izany. TSy ahoantsika izay any fa ny antsika paradisa ihany.

Ianareo ve tsy mahita hoe lasa "Nikodemosy" ny ankamaroan'ny olona milaza azy fa tena mpivavaka?

Tiako ilay fiatombohany hoe tsy hoe rehefa mandeha any ampegonana, mivavaka isaky ny alahady,..na rehefa mopera, pasitera, papa,.... dia tonga any amin'ny fanjakan'Andriamanitra.

Ny tsy hiraisako hevitra amin'ny mpanoratra fotsiny dia ny fanomezany ny dikan'ny hoe "TSY MAINTSY HATERAKA INDRAY IANAO"

Amiko manokana izany ilay hateraka dia hoe rehefa maty ilay olona dia lasa any andanitra ny fanahiny mahita ny fanjakan'Andriamanitra, dia rehefa miverina ety antany izy (reincarnation) anatin'ny vatana vaovao, dia avy nateraka izy izay.

Azo hatao ny hateraka indray fa tsy voatery hoe maty, izany hoe rehefa maty ny olona dia maty koa ny sainy dia mivoka ny fanahy, raha vitanao izany mamono ny sainao nefa mbola velona dia ahita ny fanjakan'Andriamanitra ianao.

Raha ny sainao foana zany no hampiasainao dia lasa Erudit ianao ohatra ry "Nikodemosy" tsy ahita mihintsy ny fanjakan'Andriamanitra, fa rehefa mitony ny sainao dia hivoka ny fanahinao ary ho hitanao ny fanjakan'Andriamanitra.

Mivezivezy miverina eto antany foana ny fanahinao mandrapahitanao ny fanjakan'Andriamanitra.
Azo lazaina izany fa eto antany ny Afobe.

Hoy ilay hira izany hoe "Nous irons tous au paradis...." fa tsy ampy kely fotsiny hoe miverina eto antany ny fanahy izay tsy nanaraka ny lalan'Andriamanitra.

Misy fanitsiana kely:
"Mivezivezy lanitra sy tany foana ny fanahinao mandrapifandrainao tanteraka amin'Andriamanitra . Azo lazaina hoe eto antany ny Afobe".

voromailala:

Amiko manokana izany ilay hateraka dia hoe rehefa maty ilay olona dia lasa any andanitra ny fanahiny mahita ny fanjakan'Andriamanitra, dia rehefa miverina ety antany izy (reincarnation) anatin'ny vatana vaovao, dia avy nateraka izy izay.

Adinoy izay. Heb. 9:27 : "Ary tahaka ny nanendrena ny olona ny ho faty indray mandeha, ary rehefa afaka izany, dia hisy fitsarana" Tsy misy toerana ho an'ny réincarnation izao ny Baiboly.

Nohon'ny Ampelatrisy Théodora no nahatonga an'i Emperora justinien vadiny nampivory ny eveka tao roma tamin'ny 553 nanao ny concile de Constantinople faharoa ary nandavana ny resaka reincarnation sy nametrahana izany tanaty dogma.

Satria nahoana? satria ireo zay namono olona dia rehefa maty ka miverina indray dia hijaly eto antany, ka izay no tsy tantin'i Theodora. Ary anisany namono Papa sy Eveka izy mivady ireo.

Taloha lavitry ny 553 an no nanoratana ny Epistily ho an'ny Hebreo :-)