Amin-kafaliana lehibe no anaterana ny arahaba ombam-pirarian-tsoa hoa antsika rehetra noho ny nahatrarantsika ity taona vaovao ity. Ny fiadanan'i Kristy anie hamonto antsika sy ny ankohonantsika rehetra, tsy amin'ity taona ity ihany fa mandra-pihavin'i Jesosy eny amin'ny rahon'ny lanitra.

Anio isika dia hiresaka indrindra ny amin'ny atao hoe "fanompoana" ka ny tantaran'i Josefa (Genesisy 39-) no iaingantsika.

Rehefa namidin'ny rahalahiny i Josefa dia tonga 'tsy tompon'ny tenany" izy. Tsy ilay hoe "tsy mahatsiaro tena" na zavatra hafa no tiana hambara eto fa hoe: "TSY AFAKA MANAO NY SITRAPONY INTSONY IZY".
Nanomboka teo, namidy ho andevo tamin'i Potifara izy. Teo ihany koa dia niova ny "tompony" ary mbola tsy tompon'ny fiainany ihany koa izy.

Toa izany no sary tena izy ny amin'ny fiarahana amin'Andriamanitra raha mbola koa hoe "mpanompon'Andriamanitra" no iantsoana antsika.
Rehefa nodinihina ny teny hoe "mpanompo" ao amin'ny baiboly manontolo dia midika hoe "ANDEVO" no tena dikany.
Angamba nanimba sofina ary mbola manimba ny fieritreretantsika mandran'ankehitriny izany hevitr'io teny io izany?
Afaka ny handinika ve isika anio ka handray lesona avy amin'io tantaran'i Josefa io?

Izany tokoa no izy, ry havana malala, rehefa nisafidy ny hanompo an'i Kristy isika. Tsy isika intsony no tokony hitondra ny fiainantsika, tsy isika intsony no tokony hibaiko ny tenatsika fa izay baikon'i Kristy no tokony hataontsika, tsy antsika intsony ny safidy fa izay safidin'i Kristy no izorantsika... satria "andevon'i Kristy isika".

Tsy faly ve isika, ry havana, maharay izany teny izany? sa mety ho tohina ihany koa? izany anefa no fahamarinana ka asakasak'isika.
hoy i Paoly: "Voahombo miaraka amin'i Kristy amin'ny hazofijaliana aho, ary tsy izaho intsony no velona, fa Kristy no velona ato anatiko..." Galatiana 2 / 20a
Mbola namafisiny indray hoe: "Fa izay an'i Kristy Jesosy dia efa nanombo ny nofony mbamin'ny faniriany sy ny filàny tamin'ny hazofijaliana" Galatiana 5 / 24.

Koa anio, ry havana malala, aoka isika handinika ny amin'ny ataontsika rehetra na isika no manao ny sitrapontsika na ny sitrapon'i Kristy no ataontsika.
Ny sitrapon'Andriamanitra dia tsy izoviana amintsika intsony fa izay rehetra voasoratra ao anaty baiboly izany dia ilay "tondrozotran'ny mino".

Koa amin'ity taona vaovao ity dia manasa sy mamporisika antsika indray ho an'izay tsy mbola nandray an'i Kristy (na izay mbola tsy nino ny Teny izay re sy nambara taminy) mba hanolotra ny tenany ho an'Andriamanitra. Aza misalasala fa anio no fotoana mety.
Ho antsika efa nandray ny Teny kosa dia mbola hifampahery hatrany isika hanavao ny fanoloran-tenantsika ho an'Andriamanitra, hanitsy izay mibiloka sy hanamafy orina izay efa ananana.

Ny tena mahagaga amin'ity Andriamanitsika ity anie dia ny ilazany hoe indray: "Hianareo no sakaizako, raha manao araka izay handidiako anareo. TSY ATAOKO HOE MPANOMPO INTSONY hianareo, fa ny mpanompo tsy mahalala izay ataon'ny tompony, fa efa NATAOKO HOE SAKAIZA hianareo satria izay rehetra reko tamin'ny Raiko no nambarako taminareo." Jaona 15 / 14 - 15.

Koa sokafy ny fotsika handray izany Teny soa izany. Aoka ho fanombohana ho antsika indray izao hafatra izao, fiaingana vaovao hahamasina antsika indray manoloana ny seza fiandrianan'Ilay efa niantso antsika.
Aoka ho hitantsika ny ao am-potsika ka tsy handainga amin'ny tenatsika isika: ndeha ialàna ny faharatsiana, ndeha ilaozana ny toetra ratsy rehetra, ndeha ibebahana ny fahotana ary ndeha ifònana ny sitrapon'Andriamanitra efa nambarany tamintsika nefa tsy nankatoavintsika.

Ny voninahitra anie ho an'Andriamanitra irery ihany ary ny fiadanana ho an'izay rehetra mamaky izao hafatra izao.

Hafatra: "Fahafahana no ampanantenainy ireny, kanjo ny tenany aza dia andevon'ny fahalotoana; efa izay maharesy ny olona no mahandevo azy." 2 Petera 2 /19

Tratry ny taona !
Manahirana mihintsy ity baiboly ity fa ao dia efa misy hevitra mifanipaka hatrany.
Ny voalazanao etsy ambony dia maneho ny tsy maha-tompon'ny tena intsony, ny maha-mpanompo sy ny maha-andevo ; kanefa ny ao amin'i Jaona indray dia maneho ny maha-sakaiza (rahalahy, mitovy saranga, samy zanaka ...).
Sahirana ny mpino rehefa sendra ny hevitra toy izao satria misafidy hatrany ny tahotra sy horohoro eo anatrehan'ilay tompony sy ilay fisokafam-po sy fanahy eo anatrehan'ilay sakaizany.

vinc.raholi:

Manahirana mihintsy ity baiboly ity fa ao dia efa misy hevitra mifanipaka hatrany.

Ny olona tsy manadihady am-pinoana ny Baiboly ihany no manamafy fa mifanipaka ny hevitra ao anatiny

Nehemiah:

vinc.raholi:

Manahirana mihintsy ity baiboly ity fa ao dia efa misy hevitra mifanipaka hatrany.

Ny olona tsy manadihady am-pinoana ny Baiboly ihany no manamafy fa mifanipaka ny hevitra ao anatiny

Tohano ny hevitrao Nehemiah fa raha ny tenako mamaky ny voasoratra etsy ambony aloha dia mahita hevitra mifanipaka.

vinc.raholi:

Tratry ny taona !
Manahirana mihintsy ity baiboly ity fa ao dia efa misy hevitra mifanipaka hatrany.
Ny voalazanao etsy ambony dia maneho ny tsy maha-tompon'ny tena intsony, ny maha-mpanompo sy ny maha-andevo ; kanefa ny ao amin'i Jaona indray dia maneho ny maha-sakaiza (rahalahy, mitovy saranga, samy zanaka ...).
Sahirana ny mpino rehefa sendra ny hevitra toy izao satria misafidy hatrany ny tahotra sy horohoro eo anatrehan'ilay tompony sy ilay fisokafam-po sy fanahy eo anatrehan'ilay sakaizany.

Tsy misy mifanipaka ka!
Amin'ny maha-Tompo an'i Jesosy dia Izy no Tompo ary isika mpanompo, indraindray isika dia tavela eo amin'ilay Jesosy tonga nofo foana ka manadino fa mbola mitoetra amintsika Izy (ny Fanahy Masina) ankahitriny, mihaino ny taraina sy hetahetantsika (toy ny sakaiza), afaka mamaha ny olan'ny nofo (efa tonga olona tahaka anao Izy).

Mifanipaka tsara io raha vakiana mahitsy sy tsotra, fa tsy am-pinoana araka ny filazan'ny namana azy. Ny voalaza eo ambony tsinona ovain'ny eo ambany. Somary sahirana noho izany ny mpamaky ; ary manjary afaka manome fanazavana araka izay mampety ny kabariny sy ny loha-hevitra entiny ny mpitory isan-karazany.
Ny mety azo hanazavana an'io fifanipahana miseho eto io dia ny faneken'ny ankamaroan'ny mitolojia kristianina ny maha-tokana-olona-telo an'Andriamanitra dia ny Ray (Tompo, mpibedy, atahorana etc), ny Zanaka (sakaiza, namana, azo resahina tsara etc) ary ny Fanahy (mampiseho ny toetra tokony arahina, manome ainga ny fanahy etc).
Tsy mpandalina aho akory fa mba fomba fijery fotsiny io.

didi10:

vinc.raholi:

Tratry ny taona !
Manahirana mihintsy ity baiboly ity fa ao dia efa misy hevitra mifanipaka hatrany.
Ny voalazanao etsy ambony dia maneho ny tsy maha-tompon'ny tena intsony, ny maha-mpanompo sy ny maha-andevo ; kanefa ny ao amin'i Jaona indray dia maneho ny maha-sakaiza (rahalahy, mitovy saranga, samy zanaka ...).
Sahirana ny mpino rehefa sendra ny hevitra toy izao satria misafidy hatrany ny tahotra sy horohoro eo anatrehan'ilay tompony sy ilay fisokafam-po sy fanahy eo anatrehan'ilay sakaizany.

Tsy misy mifanipaka ka!
Amin'ny maha-Tompo an'i Jesosy dia Izy no Tompo ary isika mpanompo, indraindray isika dia tavela eo amin'ilay Jesosy tonga nofo foana ka manadino fa mbola mitoetra amintsika Izy (ny Fanahy Masina) ankahitriny, mihaino ny taraina sy hetahetantsika (toy ny sakaiza), afaka mamaha ny olan'ny nofo (efa tonga olona tahaka anao Izy).

vinc.raholi:

Mifanipaka tsara io raha vakiana mahitsy sy tsotra, fa tsy am-pinoana araka ny filazan'ny namana azy.
Tsy mpandalina aho akory fa mba fomba fijery fotsiny io.

Velona Jesosy!

Ny baiboly, amin'ny maha-tenin'Andriamanitra azy, raha tsy IZY Andriamanitra no manazava azy dia toy izao mahazo anao izao no tsy maintsy hiafarany. Izany no amporisihana ny olona mamaky baiboly hivavaka mandrakariva aloha, ka ny Fanahin'Andriamanitra no hanazava ny fo sy ny saina hahatakarana izay ambarany.

Dia mamporisika anao namana handalina.

Tokony fantatrao fa @ kolontsaina hebreo, mirakitra hevitra maromaro ny teny hoe "andevo". Na dia ny vice-1er-ministre dia efa "andevo"-n'ny Praiministra. Ka tsy mifanipaka raha sady mpanompon'i Kristy antsika no namany. Izy ary efa nilaza fa tsy miantso anay hoe "mpanompo" intsony izy fa "namana".

vinc.raholi:

Ny mety azo hanazavana an'io fifanipahana miseho eto io dia ny faneken'ny ankamaroan'ny mitolojia kristianina ny maha-tokana-olona-telo an'Andriamanitra dia ny Ray (Tompo, mpibedy, atahorana etc), ny Zanaka (sakaiza, namana, azo resahina tsara etc) ary ny Fanahy (mampiseho ny toetra tokony arahina, manome ainga ny fanahy etc).

Anjaranao indray izao : @ fomba ahoana ianao no afaka mitompo teny fantatra fa "mitolojia" ny finoana kristianina ? Tohano ny hevitrao

Leva2 > tsy natao ho takatry ny tsy mpivavaka izany ny baiboly raha ny fanazavanao ary natokana ho an'ny kristianina ihany izay miisa eo amin'ny 2 miliara (raha atambatra daholo ny rehetra) eo manerana ny tany. Ny olombelona 5 miliara ambiny izany dia tavela eo na dia mba te-hamaky azy toy ny boky tsotra aza.

Nehemia > nojereko t@ larousse teo : " mythologie : Ensemble de mythes créés autour d'un phénomène social, d'un thème, d'une doctrine. "
Misy resaka mitolojia betsaka n'inon'inona finoana ary io no maha-masina azy ho an'ny mandàla azy. Mistery sy dogma no anisan'ny nampianaran-dry mompera azy anay taloha.
Ohatra azo raisina io resaka hoe tokana-olona-telo io, ao koa ny famoronana an'izao tontolo izao, ny safo-drano, ny tantaran'i Joba, ny maha-virjiny an'i Maria, ny fitsanganana snsns.
Mitovitovy fijery isika sy ianao amin'ny resaka andevo sy namana. Mifandray amin'ny misterin'ny trinite ihany io.

vinc.raholi:

Ohatra azo raisina io resaka hoe tokana-olona-telo io, ao koa ny famoronana an'izao tontolo izao, ny safo-drano, ny tantaran'i Joba, ny maha-virjiny an'i Maria, ny fitsanganana snsns.

Izaho aloha tsy handà ny famaritana ny Larousse ny hoe "mythe". Fa saingy tsy voavalinao ny fanontaniako : @ fomba ahoana no ahafahanao manaporofa @ fomba tsy mety toherina fa angano ireny zavatra nolazainao ka raketin'ny Baiboly na tsoa-kevitra lojika avy @ Baiboly (izany hoe ny Trinite Masina)?

vinc.raholi:

Leva2 > tsy natao ho takatry ny tsy mpivavaka izany ny baiboly raha ny fanazavanao ary natokana ho an'ny kristianina ihany izay miisa eo amin'ny 2 miliara (raha atambatra daholo ny rehetra) eo manerana ny tany. Ny olombelona 5 miliara ambiny izany dia tavela eo na dia mba te-hamaky azy toy ny boky tsotra aza.

Nehemia > nojereko t@ larousse teo : " mythologie : Ensemble de mythes créés autour d'un phénomène social, d'un thème, d'une doctrine. "

Velona Jesosy!

Hoy Jesosy : "Dieu vous donne, à vous, la vérité cachée du Royaume de Dieu, mais les autres gens entendent seulement les comparaisons. Ainsi, "ils regardent, mais ils ne voient pas. Ils entendent, mais ils ne comprennent pas. S’ils comprenaient, ils se tourneraient vers Dieu, et Dieu leur pardonnerait." Mar 04/11-12.

Ny isan'ny tena kristiana namana tsy hoe ny isan'izay miditra am-piangonana akory, na hoe izay ao anaty bokim-piangonana, na hoe isan'ny mpandray sns; fa mino aho fa vitsy lavitra noho izany. Tena "vitsy no hovonjena" namana. Saingy mbola afaka ho isan'izany ianao matoa mbola omen'ny Tompo tombon'andro, ka mirosoa fa aza mangatak'andro intsony.

"Mythe, sns" : aza adino fa famaritan'izao tontolo izao azy io. Ireo tsy mpino, tsy mahalala afa-tsy izay hitan'ny maso sy tsapain'ny tanany no andeha hinoana teny ve?
Marina fa fiainam-panahy ny maha-kristiana, saingy manome vokatra :
- ara-panahy (hatsaram-panahy sy toetra araka an'Andriamanitra, Jesosy velona sy hita amin'ny fiainana andavan'andro),
- ara-tsaina (fiadanan-tsaina, fahatoniana mandrakariva na dia sarotra sy mafy aza ny fiainana satria misy fanantenana)
- ara-nofo (fahasoavana, fitahiana, fiarovana); ary izay no tsy maha-mythe azy ka hitoviany amin'ireo karazam-pinoana hafa.

Nehemiah > Tsarovy fa io baiboly vakianao androany io dia efa copie de copie de copie (tsy hitako izay teny malagasy mahadika an'io) -n'ireo lovantsofina napetrak'olona taloha. Boky maromaro natambatambatra araka izay nampety azy ny baiboly ary tsarovy fa nisy boky mbola betsaka noho ireo tsy voaray tao satria tsy nety tamin'ny mpanangon-kevitra tamin'izany andro izany.
Samy nandika azy tamin'izay fahazoany sy nampety azy ny rehetra, ary raha samy mamaky aza dia mbola samy manana ny fanazavany azy mandrak'izao.
Tsy hoe misy boky milaza hoe nisy i Trimobe na Ingahibe Noely na i Lucky Luke dia tsy azo lavina ny fisiany.
Betsaka ny tantara marina tsy azo lavina ao amin'ny baiboly ary tsy vitsy ihany koa ny mythes. Ireo mythes ireo no mampiavaka ny kristianina amin'ny hafa satria zava-mahagaga tsy takatry ny saina ireo (mystères, dogmes, miracles) ka raha tsy mpino dia miankany azy ireo arak'io voalazan'i leva2 io hoe "ils regardent, mais ils ne voient pas. Ils entendent, mais ils ne comprennent pas."

leva2 > tena marina mihintsy ny anao hoe vitsy lavitra be noho io ny tena kristianina fa mpiatsara-velatsihy ny ankamaroany.
Ny tsy hitovizako hevitra aminao fotsiny dia hoe raha tsy kristianina ve izany dia tsy mahazo ireo vokatra ara-panahy, ara-tsaina sy ara-nofo voalazanao ireo ? Ahoana izany ireo manana finoana hafa ? Ahoana ireo toerana tsy mahalala an'izany baiboly izany akory ? Betsaka amin'ireo no mahazo ireo vokatra tanisainao ireo. Manana ny fiainam-panahiny koa izy ireo.
Raha vitsy tokoa no hovonjena, ho aiza izany ny ambiny ?

vinc.raholi:

Nehemiah > Tsarovy fa io baiboly vakianao androany io dia efa copie de copie de copie (tsy hitako izay teny malagasy mahadika an'io) -n'ireo lovantsofina napetrak'olona taloha. Boky maromaro natambatambatra araka izay nampety azy ny baiboly ary tsarovy fa nisy boky mbola betsaka noho ireo tsy voaray tao satria tsy nety tamin'ny mpanangon-kevitra tamin'izany andro izany.

Tokony fantatrao fa
1°) Tsy marina ny teninao hoe copie de copie de copie... satria mazava fa ny dikanteny rehetra misy @'zao dia nadika avy t@ Baiboly taloha indrindra ananantsika, izay misoratra @ teny hebreo sy grika.
2°) Ny "Manuscrits de la Mer Morte" izay hita vao haingana dia mirakitra ampahan'ny Baiboly maromaro izay mitovy be mihitsy @ Baiboly ampiasaintsika @'izao. Nisy diso tsipelina vitsivitsy ny Baiboly @'zao, fa tsy simba mihitsy ny dikanteny.

Izaho tsy nanontany anao hoe "Azo atokisana ve ny Baiboly sa tsia ?" fa nanontany anao hoe "@ fomba ahoana no ahafahanao mitompo teny fantatra fa zavatra tsy tena nitranga ny fahalavoan'i Adama sy Eva, ny Safodrano, ny tantaran'i Joba, ny fitsanganan'ny Tompo t@ maty, ny fiterahana virjiny, sns ?".

ZAvatra 1 hafa : miresaka finoana ianao nefa rehefa jerevana tsy manana an'izay finoana izay ianao satria tsy mino ny fitantaran'ny Baiboly. Raha tsy marina tanteraka ny fitantaran'io boky milaza Azy ho Tenin'Andriamanitra io, dia lainga Ilay Izy.

Nehemiah:

ZAvatra 1 hafa : miresaka finoana ianao nefa rehefa jerevana tsy manana an'izay finoana izay ianao satria tsy mino ny fitantaran'ny Baiboly. Raha tsy marina tanteraka ny fitantaran'io boky milaza Azy ho Tenin'Andriamanitra io, dia lainga Ilay Izy.

Raki-kevitra mahaliana anankiray ny baiboly ka misy ny mino tanteraka sy mandray ho marina avy hatrany izay voasoratra ao ary misy ny manotany sy mandinidinika ary manavaka ny tantara sy ny angano. Araka ny voalazanao dia tsy manana izay finoana izay aho.
Ho valiako fanontaniana ilay fanontanianao : Akatony ny baibolinao dia ahoana no ahafahanao mitopy teny fatratra hoe tena nisy tokoa ireo voalazanao ireo ?
Raha ny mba kely fantatro dia ny safo-drano ihany no misy ampaham-porofo ara-tantara sy ara-tsiansa.

Momba ny hoe copie de copie (-na lovantsofina) dia samy manana ny nandikàny azy ny mpandika ny baiboly ; ary ny ankamaroan'ny baiboly novakiako dia mbola misy fanazavan-teny amin'ny soratra madinika etsy amin'ny sisiny na etsy ambany. Variana be aho indray andro fa nahita baiboly tamin'ny dikan-teny antandroy ! Tsy maintsy nanokatra dikan-teny frantsay teo akaiky teo aho vao nahazo ny teny sasany voasoratra tao !
Na ny dikan-teny malagasy aza dia mbola samy manana ny azy koa ny antokom-pinoana tsirairay. Ny an'ny sasany moa dia ovainy amin'izay mampety ny hevitra toriany ny baiboly.

Ankoatra ny manuscrits de la Mer Morte, dia nisy koa ireo boky (oh : evangiles apocryphes) izay nahiliky ny nanangona ny baiboly satria ny teo ihany no miverina, satria tsy mety tamin'ny foto-kevitra notoriany tamin'izany fotoana ary nisy koa satria hono "fantaisistes" (!).
Farany : préceptes hafa fa tsy kristianina no tena notantarain'ny manuscrits de la MM, fa tantara hafa koa iny :)

vinc.raholi:

Ho valiako fanontaniana ilay fanontanianao : Akatony ny baibolinao dia ahoana no ahafahanao mitopy teny fatratra hoe tena nisy tokoa ireo voalazanao ireo ?

Tokony mba miezaka hanohana ny hevitrao ianao fa tsy mitady ho afa-bela @ teny miolakolaka. Raha tsy nisy izao ny porofo dia novaliako hoe : ny tsy fisian'ny porofo tsy midika velively hoe porofon'ny tsy fisiana. Fa raha haka zava-misy vitsivitsy aho dia :
_ rehefa dinihina ny ADN mitochondrial dia taranaky ny vehivavy 1 ny olombelona rehetra, ary rehefa dinihina ny chromosome Y dia taranaky ny lehilahy 1 ny olombelona rehetra. Tsy mampahatsiahy inona na inona aminao ve izany ?
_ misy formations géologiques maro be (anisany ny tsingin'i Bemaraha) izay manaporofo fa tsy mba fizotra natoraly nandeha nandritry ny tapitrisa taona no namorona azy fa rano nikoriana mafy be sady lalina be. Tsy mampahatsiahy inona na inona aminao ve izany ?
_ 17 ny antony manaporofo fa raha tsy nitsangana ara-batana t@ maty i Kristy, tsy mba niroborobo mihitsy ny finoana kristianina fa maty ho azy. Eritrereto fotsiny : nahoana ny mpianatra saron-tahotra ery niafina t@ efitra ambony nohon'ny tahotry ny Fariseo no lasa mivadika ho mahery fo be, tena vonona hanome ny fiainany mihitsy ho an'ny hafatry ny Famonjena sy ny Fitsanganan'i Kristy @ maty ? Ary mba tohano @'izay ny hevitrao re.

Mbola betsaka ny azoko lazaina @'izany fa valio aloha ireto hevitra ireto, izay vao tohizana ny resaka. Mankaleo ahy mantsy ny fomba fiadian-kevitry ny tsy mpino : tsy mba ny hevitra aroso no resahana fa ny Baiboly foana no tadiaviny anarabiana.

vinc.raholi:
Raha ny mba kely fantatro dia ny safo-drano ihany no misy ampaham-porofo ara-tantara sy ara-tsiansa.

Hay kosa miaiky ianao fa misy porofo ho an'ny Safodrano, sady mbola kely no fantatrao. Fa tiako marihina fa Safodrano maneran-tany no resahin'ny Baiboly fa tsy tondra-drano kely tany Mezopotamia.

vinc.raholi:
Momba ny hoe copie de copie (-na lovantsofina) dia samy manana ny nandikàny azy ny mpandika ny baiboly ; ary ny ankamaroan'ny baiboly novakiako dia mbola misy fanazavan-teny amin'ny soratra madinika etsy amin'ny sisiny na etsy ambany. Variana be aho indray andro fa nahita baiboly tamin'ny dikan-teny antandroy ! Tsy maintsy nanokatra dikan-teny frantsay teo akaiky teo aho vao nahazo ny teny sasany voasoratra tao !
Na ny dikan-teny malagasy aza dia mbola samy manana ny azy koa ny antokom-pinoana tsirairay. Ny an'ny sasany moa dia ovainy amin'izay mampety ny hevitra toriany ny baiboly.

Inona kay no idiran'izay @ resakantsika? Marina fa ao foana ny préjugés, fa miezaka hamerina ny dikan'ny lahatsoratra orizinaly ny mpanoratra. Tsy manaporofo inona na inona izao hevitrao izao.

vinc.raholi:
Ankoatra ny manuscrits de la Mer Morte, dia nisy koa ireo boky (oh : evangiles apocryphes) izay nahiliky ny nanangona ny baiboly satria ny teo ihany no miverina, satria tsy mety tamin'ny foto-kevitra notoriany tamin'izany fotoana ary nisy koa satria hono "fantaisistes" (!).
Farany : préceptes hafa fa tsy kristianina no tena notantarain'ny manuscrits de la MM, fa tantara hafa koa iny :)

Ary tena revenao ity mametraka hevitra tsy misy fotony ity ! Afaka manohana an'izay ve ianao ?
Tiako marihina fa ny boky nampidirina tao anatin'ny Testamenta Vaovao dia taloha lavitry ny Concile de Nicée no neverina ho manam-pahefana sady nosoratana teo ambany tsindrimandrin'ny Fanahy Masina. Ary ny tena antony tsy nampidirana ny apocryphes tao anaty Baiboly dia satria :
_ na miharihary fa tsy voasoratra teo ambany fitarihan'ny Fanahy Masina izy ireo (tahaky ny boky deoterokanonikan'ny Makabeo izay milaza tsara fa voasoratr'olombelona : 1 Maccabees 9:27 and 2 Macc. 15:37–39),
_ na tsy olona izay niaraka t@ Jesoa na ny Apostoliny no nanoratra azy, fa nody naka anaran'olona anaty Testamenta Vaovao mba hanome lanja ny fampianaran-disony.

Ny tena olanao tompoko dia tsy te-hiaiky fa tena nisy i Kristy ary tena mila mibebaka manaiky ny fahotanao ianao ka mandray Azy ho Tompon'ny Fiainanao. Izay no mahatonga anao maniratsira ny Baiboly tahak'izao fa tsy mba mamaly am-pahatsorana ny fanontaniako. Fa rehefa manaiky ny hafatry ny famonjena ihany anie ianao vao hahita fiainana tena mahomby tena mampi-te-hiaina

ydifas:

Amin-kafaliana lehibe no anaterana ny arahaba ombam-pirarian-tsoa hoa antsika rehetra noho ny nahatrarantsika ity taona vaovao ity. Ny fiadanan'i Kristy anie hamonto antsika sy ny ankohonantsika rehetra, tsy amin'ity taona ity ihany fa mandra-pihavin'i Jesosy eny amin'ny rahon'ny lanitra.

Anio isika dia hiresaka indrindra ny amin'ny atao hoe "fanompoana" ka ny tantaran'i Josefa (Genesisy 39-) no iaingantsika.

Rehefa namidin'ny rahalahiny i Josefa dia tonga 'tsy tompon'ny tenany" izy. Tsy ilay hoe "tsy mahatsiaro tena" na zavatra hafa no tiana hambara eto fa hoe: "TSY AFAKA MANAO NY SITRAPONY INTSONY IZY".
Nanomboka teo, namidy ho andevo tamin'i Potifara izy. Teo ihany koa dia niova ny "tompony" ary mbola tsy tompon'ny fiainany ihany koa izy.

Toa izany no sary tena izy ny amin'ny fiarahana amin'Andriamanitra raha mbola koa hoe "mpanompon'Andriamanitra" no iantsoana antsika.
Rehefa nodinihina ny teny hoe "mpanompo" ao amin'ny baiboly manontolo dia midika hoe "ANDEVO" no tena dikany.
Angamba nanimba sofina ary mbola manimba ny fieritreretantsika mandran'ankehitriny izany hevitr'io teny io izany?
Afaka ny handinika ve isika anio ka handray lesona avy amin'io tantaran'i Josefa io?

Izany tokoa no izy, ry havana malala, rehefa nisafidy ny hanompo an'i Kristy isika. Tsy isika intsony no tokony hitondra ny fiainantsika, tsy isika intsony no tokony hibaiko ny tenatsika fa izay baikon'i Kristy no tokony hataontsika, tsy antsika intsony ny safidy fa izay safidin'i Kristy no izorantsika... satria "andevon'i Kristy isika".

Tsy faly ve isika, ry havana, maharay izany teny izany? sa mety ho tohina ihany koa? izany anefa no fahamarinana ka asakasak'isika.
hoy i Paoly: "Voahombo miaraka amin'i Kristy amin'ny hazofijaliana aho, ary tsy izaho intsony no velona, fa Kristy no velona ato anatiko..." Galatiana 2 / 20a
Mbola namafisiny indray hoe: "Fa izay an'i Kristy Jesosy dia efa nanombo ny nofony mbamin'ny faniriany sy ny filàny tamin'ny hazofijaliana" Galatiana 5 / 24.

Koa anio, ry havana malala, aoka isika handinika ny amin'ny ataontsika rehetra na isika no manao ny sitrapontsika na ny sitrapon'i Kristy no ataontsika.
Ny sitrapon'Andriamanitra dia tsy izoviana amintsika intsony fa izay rehetra voasoratra ao anaty baiboly izany dia ilay "tondrozotran'ny mino".

Koa amin'ity taona vaovao ity dia manasa sy mamporisika antsika indray ho an'izay tsy mbola nandray an'i Kristy (na izay mbola tsy nino ny Teny izay re sy nambara taminy) mba hanolotra ny tenany ho an'Andriamanitra. Aza misalasala fa anio no fotoana mety.
Ho antsika efa nandray ny Teny kosa dia mbola hifampahery hatrany isika hanavao ny fanoloran-tenantsika ho an'Andriamanitra, hanitsy izay mibiloka sy hanamafy orina izay efa ananana.

Ny tena mahagaga amin'ity Andriamanitsika ity anie dia ny ilazany hoe indray: "Hianareo no sakaizako, raha manao araka izay handidiako anareo. TSY ATAOKO HOE MPANOMPO INTSONY hianareo, fa ny mpanompo tsy mahalala izay ataon'ny tompony, fa efa NATAOKO HOE SAKAIZA hianareo satria izay rehetra reko tamin'ny Raiko no nambarako taminareo." Jaona 15 / 14 - 15.

Koa sokafy ny fotsika handray izany Teny soa izany. Aoka ho fanombohana ho antsika indray izao hafatra izao, fiaingana vaovao hahamasina antsika indray manoloana ny seza fiandrianan'Ilay efa niantso antsika.
Aoka ho hitantsika ny ao am-potsika ka tsy handainga amin'ny tenatsika isika: ndeha ialàna ny faharatsiana, ndeha ilaozana ny toetra ratsy rehetra, ndeha ibebahana ny fahotana ary ndeha ifònana ny sitrapon'Andriamanitra efa nambarany tamintsika nefa tsy nankatoavintsika.

Ny voninahitra anie ho an'Andriamanitra irery ihany ary ny fiadanana ho an'izay rehetra mamaky izao hafatra izao.

Hafatra: "Fahafahana no ampanantenainy ireny, kanjo ny tenany aza dia andevon'ny fahalotoana; efa izay maharesy ny olona no mahandevo azy." 2 Petera 2 /19

Misaotra anao e.Ny fahasoavan'ilay Kristy Tompo mahery anie ho ao amintsika tsirairay avy

vinc.raholi:

Tratry ny taona !
Manahirana mihintsy ity baiboly ity fa ao dia efa misy hevitra mifanipaka hatrany.
Ny voalazanao etsy ambony dia maneho ny tsy maha-tompon'ny tena intsony, ny maha-mpanompo sy ny maha-andevo ; kanefa ny ao amin'i Jaona indray dia maneho ny maha-sakaiza (rahalahy, mitovy saranga, samy zanaka ...).
Sahirana ny mpino rehefa sendra ny hevitra toy izao satria misafidy hatrany ny tahotra sy horohoro eo anatrehan'ilay tompony sy ilay fisokafam-po sy fanahy eo anatrehan'ilay sakaizany.

Raha tsy mino ny teny izay nomena izy dia mihorohoro ny fo sy ny fanahiny fa raha manana an'i kristy dia tsy misy tahotra na ahiahy ny fiainany satria kristy no ao aminy ary Kristy no miaro azy ary ny fanahy masina no manome hevitra sy hery ary mampianatra azy ahalala ny marina . Inona no tahotra sy horohoro na zavatra sarotra amin'izany? Antsoy aho dia hihaino anao. Ary raha mangataka ny fanahy masina ny olona iray dia izy no am-pianatra azy ny zavatra rehetra.

Velona Jesosy!

Mpanompo, sakaiza, zanaka : aminao, iza amin'ireo no tena ahazoana antoka ny mandrakizay? sa izy daholo?
Tsy laviko mihitsy, fa tokony ho "andevon'i Kristy" isika fa raha tsy izay dia "andevon'izao tontolo izao". Tsy misy ny eo anelanelany.
Miantso ny mpianany hoe "sakaiza" koa Jesosy; rehefa mifandray am-po, namana tsy mifankafoy, mifampizara ny manta sy masaka.
Ary ny ho zanaka, ateraka indray ho tonga zanak'Andriamanitra. Hoy ny teniny :
"Ka dia tsy mpanompo intsony ianao, fa zanaka: ary raha zanaka, dia mpandova koa noho ny ataon'Andriamanitra" Gal 04/07,
"Ny Fanahy dia miara-milaza amin'ny fanahintsika fa zanak'Andriamanitra isika. 17 Ary raha zanaka, dia mpandova ..." Rom 08/16-17,
"Raha tsy hateraka indray ny olona dia tsy mahazo mahita ny fanjakan'Andriamanitra" Jaona 3/3.