Tsara ilay adihevitra ary dia tena mahalina tokoa fa izao no mba tiako ho ambara: rehefa mamakafaka teny ao amin' ny baiboly toy ireny dia misy fepetra tokony ho fantatra sy arahina aloha:
1- iza ilay mpanoratra, ny momba azy, ny fahaizany, ny manavanana azy,mapiasa sari-teny ve izy rehefa manoratra, ny fomba fanorany, zay rehetra fantatra mahakasika azy.
2- ovina ny vanim-potoana namoahana ilay lahatsoratra( nisy ady ve, sa fanenjehana, kristianina, sa nilamina be sa ....)
3- ho an'iza ilay hafatra tamin'izany? gadra ve, mpitondra fanjakana ve? mpamory hetra sy mpanora-dalana ve, vahoka tsy mpino ve? kristianina ve?......
4- avy amin'ny teny inona no nandikana ilay teny( language) teny frantsay ve, teny anglisy ve, grika, sa latinina, .....
5- inona no ifandraisan'ireo rehetra ireo sy ilay voasoratra amin'ny vanim-potoana ankehitriny?
........................sns
ary farany vao mamoka izay hevitrao.
FA TSY NY TENY NA AMPAHA-TENY AO AMIN'NY BAIBOLY NO TERENA HANARAKA FOTSINY IZAO NY HEVITRA NA TSANGA-KEVITRA IJOROAN'NY TENA.

NB: rah misy maniry handalina misimisy kokoa , ho an' i Madagasikara manokana dia manantona eny amin'ny ICM eny Ambanidia Antananarivo, misy fandalinana manokana momba ny baiboly ao, tsy mila diplaoma, na andraikitra, na finoana, na fiangonana. Ary inoako fa tsy ho latsak'izany ny any amin'ny firenena hafa.
Mirary ny soa ho antsika rehetra.

miarahaba anao

Tena tsara ny soso-kevitrao ary mitarika antsika hahay hiady hevitra tokoa izany. Heveriko fa hampiakatra avo lenta kokoa ny adi-hevitra eto izany.

ledala:

2- ovina ny vanim-potoana namoahana ilay lahatsoratra( nisy ady ve, sa fanenjehana, kristianina, sa nilamina be sa ....)
3- ho an'iza ilay hafatra tamin'izany? gadra ve, mpitondra fanjakana ve? mpamory hetra sy mpanora-dalana ve, vahoka tsy mpino ve? kristianina ve?......
4- avy amin'ny teny inona no nandikana ilay teny( language) teny frantsay ve, teny anglisy ve, grika, sa latinina, .....

Faly miarahaba namana,
Izaho manokana aloha tsy d'accord amin'ireo zavatra lazain-tsika ireo fa dia miala tsiny.
Amiko, Andriamanitra dia nifidy olona (na fianakaviana na foko) hatrany hanambarany ny Sitrapony sy notazainy hanao izany Sitrapony izany.
Iny olona, na fianakaviana, na foko iny no notefeny hanao Sitrapony mba hahafantaran'ny olona hoe ahoana marina ny zavatra takin'Andriamanitra. Raha tsorina dia iny olona na fianakaviana na foko iny no nofidiny ho FANASINA SY FAHAZAVANA ho an'ny olona sy ny tany rehetra.
Amiko rehefa olona dia olona ary Andriamanitra dia nanambara ny tenany fa tsy mifidy tavan'olona IZY,

Izaho kosa anefa araka ny nambarako hatrany, dia tena manaiky fa tokony ho aintsika tsara ny mametraka ireo tenin'Andriamanitra ao anatin'ny lohahevitra iray fa tsy izay rehetra tonga ao an-tsaina dia avoaka avokoa.

Sady fanajana ilay namana izay, no koa hampazava tsara ny zavatra tian-tsika ampitaina.
Izay no hevitro mikasika an'io ry namana

Samia ho tahin'ny Tompo

Tsara ny lohahevitra ary tsy misy maha-ratsy azy, ilaina tokoa ny mamantatra hoe iza no mpanoratra, olona nanao ahoana izy, inona no modely tena nomeny, natao ho an'iza ny zavatra nolazaina, inona no ifandraisan'ny teniny amin'zao andro zao.

Manampy ny olona ahafantatra tsara ny tiana hambara zany ary mahatonga azy ireo hieritreritra koa fa tsy mizaha tavan'olona Andriamanitra satria ny mpanoratra ny baiboly dia olona samihafa fihaviana, tsy nitovy fari-piainana, tao ny tantsaha, mpanarato, dokotera sns...

Ny azo antoka anefa dia marina tsara sy mirindra ny voalazan'izy ireo satria noho ny herin'ny fanahy masin'Andriamanitra na dia vanim-potoana lava sy samihafa aza no nanoratan'izy ireo ny baiboly.

Velona Jesosy!

Marina ampahany ilay fanambarana.

Marina satria tokony ho jerena tokoa ny contexte niavian'ilay teny mba hifanaraka tsara amin'izay lohahevitra resahana.
Marihiko nefa fa tsy misy epistily nosoratana ho an'ny Malagasy ao anaty baiboly, saingy mino aho fa tsy hisy sahy hiteny hoe tsy mahakasika azy izay nosoratan'i Paoly ho an'ny Galatiana ohatra; na ny tantaran'ny nanafahan'Andriamanitra ny zanak'Israely any amin'ny eksodosy sy ny fiainana kristiana.
Tadidio fa : "Izay soratra rehetra nomen'ny tsindrimandrin'Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin'ny fahamarinana, mba ho tanteraka ny olon'Andriamanitra, ho vonona tsara ho amin'ny asa tsara rehetra" 2Tim 3/16-17.

Mazotoa daholo!

leva2:

Velona Jesosy!

Tadidio fa : "Izay soratra rehetra nomen'ny tsindrimandrin'Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin'ny fahamarinana, mba ho tanteraka ny olon'Andriamanitra, ho vonona tsara ho amin'ny asa tsara rehetra" 2Tim 3/16-17.

Mazotoa daholo!

Io no tena votoatin'ny Baiboly. Olona no notendren'Atra izara izany saingy ny teny rehetra dia avy Aminy Irery kanefa moa misy tsy mino ka dia anjarantsika fotsiny no mamafy fa Izy irery ihany no hamokatra izany finoan'ny tsirairay izany mangetaheta sy hisafidy anaraka izany.
Ny fanahy masina dia miaraka amintsika kristiana rehetra eny na vao misotro ronono izy na efa mihinana ventin-kanina. Indraindray fotsiny isika no tsy mahatsampa hoe miaraka amintsika Izy. Ny teny ao amin'ny Jaona 16:17-24 no manambara izany

Ny olana dia misavorovoro amin'ny hevitra ny olona fa tsy mijery ny tena maha-izy azy sy ny rafitra nanamboarana azy izay mitovy tsy misy valaka. Ka raha toa ka miteny anareo hoe mpanarato, dkotera, Apostoly, olona namelana hafatra, eny na dia mpangalatra sy mpandainga aza dia olombelona noharian'Andriamanitra mitovy endrika AMINY avokoa.

Lesona tsotra ihany no hitako hoe azo avoitra raha miady hevitra:
- voalohany dia voarin'Andriamanitra avokoa ary hanaja izany eo amin'y tsirairay na inona na inona heviny sy fahatakarany izay teny na zava-misy iray;
- faharoa dia ny hevitra dia mety mandalo ihany ny fahamarinany ary mila fantarina hoe misy fetra sa tsia ilay hevitra fa tsy raisina avy hatrany ho fahamarinana tanteraka mandrakizay;
- farany, raha vahaolana avy amin'Andriamanitra marina no ambara dia ivelan'ny safotofoton-kevitra ny AZY satria tsy isika toy ny tanimaga novolavolaiNY no afaka hilaza fa ny hevitsika dia fahazoana izay tena tiaNY ambara. Ampahany ihany isika milaza ny hevitsika.

Koa mila manavaka tsara izany isika hoe hevitra mitoetra sa hevitra mandalo na nitranga arakaraka ny vanimpotoana iainana no aposantsika dia tokony ho voavaha ny olana rehetra eo amin'ny adihevitra.

Miharena:

Lesona tsotra ihany no hitako hoe azo avoitra raha miady hevitra:
- voalohany dia voarin'Andriamanitra avokoa ary hanaja izany eo amin'y tsirairay na inona na inona heviny sy fahatakarany izay teny na zava-misy iray;

Marina fa Andriamanitra no nahary izao rehetra izao fa tokony ho haintsika ny manavaka ny atao hoe zava-boaharin'Andriamanitra sy ny hoe: zanak'Andriamanitra.
Ny zava-boaharin'Andriamanitra tsy ho voatery ho zanak'Andriamanitra
"Tsy ny zanaky ny nofo no zanak'Andriamanitra fa ny zanaky ny teny fikasana" (Rom 9,8)
Hajaina hoy ianao ny hevitry ny voaharin'Andriamanitra!!!! ilay fanajana resahanao aloha tsy azoko tsara hoe, ekena ho marina ve sa tsy tokony hotoherina ve sa ....
Ny voazalan'ny Tenin'Andriamanitra aloha dia mazava fa ao amin'ireny zava-boaharin'Andriamanitra ireny i Satana no miasa amin'ny fanahy mamitaka (Tim I 4,1).

Miharena:

- faharoa dia ny hevitra dia mety mandalo ihany ny fahamarinany ary mila fantarina hoe misy fetra sa tsia ilay hevitra fa tsy raisina avy hatrany ho fahamarinana tanteraka mandrakizay;

Afaka manome ohatra ve i Miharena amin'io hevitra marina misy fetrany io?
Amiko matoa ny fahamarinana ninoana iray niova dia fahadisoana izany ilay taloha fa ilay vaovao indray no fahamarinana. Ohatra: nandritra ny taon-jato maro ny olona dia nihevitra fa fisaka ny tany fa rehefa taty aoriana vao nisy ny fanitsiana fa boribory ny tany.
Ny hevitra marina amiko dia tsy miova omaly sy anio ary mandrakizay.

Marina mihitsy ilay soso-kevitra.Ny tiako ambara ihany koa tohiny izay efa voalaza Ny Soratra Masina no manambara sy mampita aminao ny Tenin'Andriamanitra fa tsy ny fametrahanao ireo fanontanina maro be dia avy eo amarinina amin'ny Tenin'Andriamanitra fotsiny no atao hoe mandalina ny tenn'Andriamanitra.

Ohatra iray raisiko izao:METY ATAON'I KRISTIANINA VE NY MISOTRO TAOKA?
Dia samy manana ny amaliany azy ny tsirairay.Raha misotro izy dia valiny araky izay mampety azy ny valiny,raha tsy misotro izy dia valiny takizay ihany koa.

Nefa tokony ho fantarinina ny contexte sy ny sisa satria manana ny tiany ambara aminao ny verset rehetra ao anaty Baiboly....

Didi10:

Marina fa Andriamanitra no nahary izao rehetra izao fa tokony ho haintsika ny manavaka ny atao hoe zava-boaharin'Andriamanitra sy ny hoe: zanak'Andriamanitra.
Ny zava-boaharin'Andriamanitra tsy ho voatery ho zanak'Andriamanitra
"Tsy ny zanaky ny nofo no zanak'Andriamanitra fa ny zanaky ny teny fikasana" (Rom 9,8)
Hajaina hoy ianao ny hevitry ny voaharin'Andriamanitra!!!! ilay fanajana resahanao aloha tsy azoko tsara hoe, ekena ho marina ve sa tsy tokony hotoherina ve sa ....
Ny voazalan'ny Tenin'Andriamanitra aloha dia mazava fa ao amin'ireny zava-boaharin'Andriamanitra ireny i Satana no miasa amin'ny fanahy mamitaka (Tim I 4,1).

Ny fahamarinana dia tsy ao mihitsy raha toa ka misy valinteny hafa avoitra hatrany. Miteny ohatra ianao hoe "Marina fa Andriamanitra dia..... fa tokony ...." dia azo antoka fa tsy marina izay ambaranao rehefa mitohy ilay fehezanteny satria io ilay hevitra avy aminao fa tsy avy amin'Andriamanitra. rehefa miteny IZY hoe Izaho no mamorona ary iIzaho no mitantana dia marina io na iza na iza eto ambonin'ny tany, eny na i Satana aza.

Izay no antony hilazana hoe haintsika ve ny manavaka tsara ny atao hoe fahamarinana tsy azo dikaina ao anaty Baiboly sa tsy hay? Matoa ny teny milaza hoe ENY dia ENY, Tsia dia Tsia, dia mazava fa tsy misy fahamarinana afa-tsy iray ao ka mila avahana izany.

Momba ilay hevitra mandalo ny fahamarinany dia tsy ohatra no omeko fa tonga dia atao mazava araka ny fiainan'ny olombelona mihitsy. Rehefa mbola velona ny vatantsika dia fahamarinana ny mihinan-kanina ilain'ny nofo fa rehefa miaina ara-panahy isika aminn'y fotoana hodiana mandry dia tsy fahamarinana iainana intsony ny sakafo.

Ka raha mamaky Baiboly isika dia fantarina hoe resaka mahakasika ny ara-nofo ve no voalaza sa resaka ara-panahy isaky ny andininy avy. Inona no dikan'ny fomba iray? inona no tian'Andriamanitra sy i Kristy hampitaina marina ho fahamarinana tsy azo hozongozonina?

Tena tsara ilay sosokevitra ary tena ilaina ny mamaly ireo fanontaniana ireo! Ohatra roa no azoko anohanana ny hevitro!
Ohatra voalohany: Ny tantaran'ilay nampaka-bady, ka tsy tonga ny nasaina ao amin'ny Vavao Mahafaly dia nangonina ny olona nandalo sy ny hita teny an-dalana. Avy eo tonga ny mpanasa nijery ny olona dia nahita olona tsy manao fitafy amin'ny fampankaram-bady! Ohatran'ny hoe ratsy fanahy be zany Andriamanitra raha isika malagasy sy ny fiaraha-monina iainantsika no jerena! Olona nosamborina teny an-dalana ka aiza no hahita fitafiana entina amin'ny fety toy izany! Ny tsy itovizantsika amin'izy ireo dia zaraina eo am-pidirana hono ny fitafiana ilaina amin'ny fety ka matoa ianao tsy manana dia ianao mihitsy izany no ninia tsy nandray! Tsy hita amin'ny Baiboly io fomba io fa tsy maintsy mila mamantatra ny fomba amam-panao!
Ohatra faharoa: Ny fandikana teny manova zavatra be:Hoy i Maria: Ahoana no hahatanteraka izany fa tsy nahalala lahy aho! Hoan'ny ankamaroan'ny olona dia izao ny fahazoany azy: Ahoana no hahatanteraka izany fa tena tsy azoko mihitsy, mba lazao raha fantatrao fa tsy azoko! Mivaona tanteraka ny fahazahoana ny tiana ho lazaina! Ny tian'i Maria lazaina dia hoe" Tsy mbola niray tamin'ny lehilahy aho"; ny fahazahoan'ny ankamaroan'ny olona kosa dia hoe "Tena mba tsy haiko indray zany".
Ireo no anisan'ny antony lehibe ilana ny fahafantarana ny vanim-potoanasy ny fombam-piaraha-monina nisehoan'ny tantara!