Mizara roa ny hevitra mahakasika io, maro be no mihinana rà, ao koa ireo milaza ho kristiana tsy mihinana rà.

Tsy asiana nefa hoe kristiana na tsia, fa ny andrasana amintsika dia hoe, tokony hihinana rà ve isika? Nahoana?Inona no tena marina? Zava-dehibe io satria mahakasika aina.

Valin-teny tsotra hoe : ENY na TSIA, arahana fanazavana mari-pototra sy andinin-teny raha azo atao.

Zavatra telo no nasaina notandreman'ny jentilisa izay efa mino:
- Ny fihinanana hena aterina amin'ny sampy
- Ny fihinanana rà sy zavatra kendaina
- Ny fijangajangana

Asa 21,25
25 Fa ny amin'ny jentilisa izay efa mino, dia efa nampitondra episitily izahay nandidy azy hifady ny hena aterina amin'ny sampy sy ny ra sy ny zavatra kendaina ary ny fijangajangana.

Mazava io fa tsy tokony hihinana rà izay efa nandray an'i Kristy.

Fa ny fanontaniana miteraka ady hevitra dia ny fifamindrana rà?

Eo no tena miavaka ny olona ambany lalàna sy ny olona mandeha amin'ny fitiavana.


Règle (lalàna)
Asa 21;25
25 Fa ny amin'ny jentilisa izay efa mino, dia efa nampitondra episitily izahay nandidy azy hifady ny hena aterina amin'ny sampy sy ny ra sy ny zavatra kendaina ary ny fijangajangana.

Exception

I Jao 3,16
16 Izao no ahafantarantsika ny fitiavana, satria Izy no nanolotra ny ainy hamonjy antsika; ary isika kosa mba tokony hanolotra ny aintsika hamonjy ny rahalahy. 17 Ary izay rehetra manam-pananana amin'izao fiainana izao, ary mahita ny fahantran'ny rahalahiny ka mihirim-belona aminy, ahoana no itoeran'ny fitiavana an'Andriamanitra ao anatiny?

Inona nop tianao handeha amin'ny lalàna sa handeha amin'ny fitiavana?

didi10:

Zavatra telo no nasaina notandreman'ny jentilisa izay efa mino:
- Ny fihinanana hena aterina amin'ny sampy
- Ny fihinanana rà sy zavatra kendaina
- Ny fijangajangana

Fanamarihana voalohany : ao anatin'ny nofo dia misy lalan-dra madinika izay misy ra ihany koa. Voaporofo ara-tsiansa izany ary tsy misy afaka mandiso izany na dia kely aza. Noho izany, izay mihinana nofo-kena dia efa mihinana ra satria ao anatin'iny nofon-kena iny dia misy ra

Fanontaniana : Maninona ary no tsy fihizana tsara ny hena vao ohaninanareo ?

Fanamarihana faharoa : io teny ao amin'ny baiboly io dia tsy misy mihitsy manavaka ny hoe ny ra avy amin'ny lalan-dra vaventy ihany no tsy azo ohanina fa izay efa mety ho ra, na aiza no misy azy, na aiza no fihaviany dia efa tsy azo ohanina daholo

Noho izany, aoka mba tsy hihatsara velatsihy izay miteny fa tsy azo ohanina ny ra nefa mbola mihinana nofom-biby izy ireo.

Fanamarihana daholo ihany izany rehetra izany, ary omeko ho an'ireo izay mbola misafidy ny hijanona tsy hiditra ao amin'ilay fahasoavan'i Kristy Jesosy !

Kol.2:16 "Koa aza avela hisy hitsara anareo ny amin'ny fihinana, na ny fisotro , na ny andro firavoravoana, na ny voaloham-bolana, na ny Sabata ;"

Vita tompoko

Marina ny teninao namana Tefy

Mihatsara velatsihy aho raha milaza aminao fa tsy mihinana rà satria aho mihinana "grillade", "maskita", "steak" ...raha mbola hena ihany koa no hanina dia tsy maintsy misy rà manaraka araka ny filazanao, fa izaho mba miezaka kosa aho rehefa mamono akoho na vorona mba tsy kendaina ny mamono azy, atsika tsara ny ràny vao andrahoana ary ilay rà tsy hohanina fa ariana.

Kol.2:16 "Koa aza avela hisy hitsara anareo ny amin'ny fihinana, na ny fisotro , na ny andro firavoravoana, na ny voaloham-bolana, na ny Sabata ;"


Io ihany no mamintina ny zava-drehetra mahakasika an'i Kristy niteny tamin'illay vehivavy janga saika notorahin'ny olona vato hoe : izaho koa tsy mitsara anao.

Ny fomba fanaon'ny olona na inona na inona dia tsy misy idiran'ny fianampanahiny raha ny fahazoako azy fa ny aloaky ny vavany ihany no hamantarana ny ao am-pony na mbola maloto izy na efa madio.

Salama e!
Izao e! isika mpamaky baiboly ireto aza mba tsongatsongaina sy alaina tsirairay tahaka izao foana ny toko sy andininy fa lasa mandiso dikan-teny maro!

io Epistily ho an'ny fiangonana tany Kolosia io anie ka nisy olana goavana tao ka nahatonga ny apostoly tsy mainty nanoratra e! Vakio manontolo.
olana= nahilikilika ny hafa fiaviana (jentilisa , tsy mifora) tao am-piangonana, dia niditra antsehatra ny apostoly nananatra, ka tonga ny KOL 2: 16. Tsy misy resaka fihinan-kanina mihitsy eo (hena, biby maloto....) fa tsy navela MANDRAY (mihinana sy misotro) ny hafa firenena, tsy navela hifaly @ andro firavoravoana sy ny Sabata.....
Fa aza aolana ny soratra araka ny faampitandremana efa nataon'i Petera momba ny Epistily nosoratan'i Paoly, fa mety mahavery ny fanahy tokoa

Marina fa misy ny toe-javatra nitranga tamin'ny fotoana nanoratana sy nitenenan'i Paoly fa ny mazava dia azo ampifandraisina amin'izay tanjona fototra tian'Andriamanitra ananan'ny olona fitondran-tena mazava ny teny iray mivoaka avy ao amin'ny fisavorovoroana misy arak'io resahanao io. Tsy ilay hoe tsy misy idiran'ny fihinanana na tsy fihinanan-kena, fa ny fihinanan-kena izay nisy endrika famefena dia efa novahan'i Kristy tamin'ny zavatra tokony hojerena lalina kokoa.

Toy izany avokoa ireo fombafomba rehetra : ny fanasan-tanana alohan'ny hisakafo, ny fanajàna ny Sabata, ny fifadiana isan-karazany.

Ny tsapa manko ary tratra koa isika ankehitriny, dia miady hevitra amin'ny zavatra ivelany ny olona fa tsy ny fanadiovana izay fototra nisian'ny fahatongavan'ny Mpamonjy sy ny Mpananatra no jerentsika tsara ao anaty Baiboly. Lasa tena famelabelaran-kevitra lavitra be momba ilay zavatra azo lazaina fa tsy ahitana izay marina tiana hambara ilay izy fa tsy avy hatrany dia potsirina ny voamasony araka ny fitenin'ny Ntaolo azy.


Tsy hoe aolana ny soratra fa aseho ny mazava momba azy dia milamina sy tafaroso ao amin'ny fiononana sy fiadanana ny tsirairay mahatsoaka tsoa-kevitra mazava.

Mitovy amin'ny ohatra andavanandro ihany io: raha manana atody iray avy ny olona antapitrisany dia samy manana izay anaovany azy raha hihinana izany fa ny fiafarany dia hoe tafiditra tao an-kibony avy ny atody ary nolevonin'ny vavonony ary tonga hery mampantanjaka azy tsirairay avy.

Io no mahatonga ny hoe : aza mitsara mba tsy hitsaraina satria izay mitsara dia mampianatra ny namany hitsara azy koa dia tsy lany ny adihevitra.

Misaotra anareo rehetra amin'ny valin-teny mazava :

Ny valiny dia : TSIA. Tsy tokony hihinana ra isika, ny hoe tsy mihinana ra dia tafiditra tsara ao ny hoe mifady ny ra.

Voalohany aloha dia zava-masina ary sarobidy amin'Andriamanitra ny ra satria ao "amin'ny ra ny ain'ny nofo" Levitikosy 17 : 11, 14a.

Tany ambohalohany dia efa nandidy an'i Adama tsy hihinana ra Andriamanitra, Genesisy 9 : 3, 4 : "Omeko anarae ho sakafo ny biby mihetsiketsika sy ny zava-drehetra, afa-tsy izao ihany no tsy azonareo hahanina, ny nofo misy aina, izany hoe mbola misy ra".

Faharoa, tamin'ny taonjato voalohany, dia mbola nanamafy i Paoly ny hifadiana ny ra : Asan'ny 15 : 28,29 : "Sitraky ny fanahy masina sy izahay ny tsy hampitondra enta-mavesatra ho anareo, afa-tsy ireto zavatra tsy maintsy hotandremana ireto, ny mifady ny zavatra natao sorona ho an'ny sampy, sy ny ra sy ny biby nokendaina...

Fahatelo, amin'ny maha-didy ny hifadiana ny ra, sy ny maha-zava-masina azy, ary ny tsy maintsy hitandremana azy io araka ny tenin'i Paoly, dia nilaza Andriamanitra fa izay mandika izany fitsipika izany dia ho ringaniny tanteraka, VAKIO ny Levitikosy 17 : 13-16.

Fanampiny sy fehiny : mitombina tsara ny hoe tafa-hinana ra isika rehefa mihinana hena, na trondro aza, nefa azontsika ve le hoe tsy mihinana ra, mazava ny lazain'ny baiboly hoe, tokony ahidina amin'ny tany ny ran'ny biby vao hohanina, fankatoavana sy fanajana an'ilay tompon'ny Aina ny fanaovana izany, ny manao fanahy iniana mihinana biby nokendaina na tsy nalatsa-dra no homelohina, na mihinana ra nandrahoina tsotra zao, misy heviny mazava le izy, ra mamono akoho enao ka mandatsaka ny rany, dia mitombina ny hoe mbola misy tavela kely any anaty nofo any, ny zava-dehibe amin'ilay didy nefa dia ny hoe enao nandatsaka an'ilay ra ho fanomezam-boninahitra an'Andriamanitra fa tsy hoe mbola misy ambiny tavela, raha izany mantsy dia tsy navelany hohanina ny biby. Asa azontsika ve le tiana holazaina?


Farany : fifamindrana ra na fampidiran-dra ? Noresahin'i didi10 io ka mba hazavaiko kely :

Ny hoe mifady ny ra dia mifady azy io na amin'ny fomba ahoana na amin'ny fomba ahoana.

Tsy hoe amin'ny fanehoanao fitiavana amin'ny rahalahinao no handikanao lalàna faran'izay sarobidy ao amin'ny baiboly, ny fitiavan-drahalahy resahina ao amin'io 1 Jaona io dia ny hamonjenao an'ireo rahalahinao tsy manana, toy ny nitranga tamin'ireo kristiana tamin'ny taonjato voalohany, nihahy ny hohanin'izy ireo, na fitafy, trano sns..., ary vonona hanolotra ny ainy, nonolotra ny ainy ho an'ny namany ny sasany tamin'izy ireo noho ny fanenjehana nahery vaika tamin'zany ka novonoina, tsy nandika lalàna nefa izy ireo na dia iray aza.

Tsarovy fa raha mandika lalàna iray enao, dia efa tsy ankasitrahana intsony, zavatra tsy maintsy tandremana nefa io didy momba ny ra io.

Na mihinana ra enao, na mampiditra izany amin'ny vatanao dia mitovy ihany, satria samy ampidirinao ao aminao ihany zany, ohatra : raha asain'ny dokotera mifady toaka ny marary iray, ka tsy misotro izy fa hampidiriny amin'ny tsindrona, na ataony any amin'ny lalan-drany ny toaka, ahoana, mifady toaka izy sa tsia? Toy izany koa fa, na tsy mihinana ra aza enao, nefa mampiditra ra amin'ny vatanao, dia tsy mifady ra enao zai, ary manao fanahy iniana andikana ny fitsipik'Andriamanitra.

Mety ho faty enao raha tsy ampidiran-dra, nefa tsy izany no handikanao ny fitsipik'Andriamanitra, VAKIO inty lazain'i Jesosy inty : Matio 16 : 24-28 : Mihatra ho an'ny Kristiana rehetra io : "Tsy maintsy mandà ny tenany izay rehetra te hanara-dia azy, izay rehetra te hamonjy ny ainy hoy izy no hamoy azy, fa izay mahafoy ny ainy noho ny anarany kosa no hahazo azy, iza no hahazo soa raha mahazo izao tontolo izao izy nefa very ny ainy, ary ho tonga ny zanak'olona hamaly zay rehetra nataon'ny tsirairay.

Fahotana lehibe eo imason'Andriamanitra ny tsy mifady ny ra, mazava io andininy io, fa raha te ho velona enao ka handika fitsipika ka hampidiran-dra dia ho very ny ainao, ho avy i Jesosy rehefa hitsara anao arak'io andininy io ka hamaly sy hanao hampamoaka anao, ka ho very ny fiainana mandrakizay zay hantenainao, fa na maty kosa aza enao noho ny fankatovanao ny didin'Andriamanitra, na maty aza enao zao, dia ho velona mandrakizay. Asa azontsika tsara ve lay izy, tsy fitiavanao ny rahalahinao mihitsy ny hampandika fitsipika faran'izay lehibe ao amin'ny baiboly ka hanosika azy ho any amin'ny fahaverezana mandrakizay. Raha mbola azo atao dia mifadia ny ra, fa na marina amin'zavatra hafa rehetra aza enao, ka mandika io fitsipika io, dia ho very ihany ny ainao.

Misy tsy azoko kely ilay resaka eto fa azafady indrindra!
Voarara tokoa ny fihinana rà (aina) ao @ baiboly, ekena !
ny rà dia aina ka zavatra ambony lanja tokoa, fa ksoa ny rà dia nampiasaina @ fanatitra (alatsa-dra) ho fanomezam-boninahitra, sy ho fanorenana ny FANEKENA. Io rà alatsaka io no notanterahin'nilay zanaka toe ambony hazolava.
Io ihany no Rà azo hanina " hano fa ity no nofoko, sotroy fa ity no Rà-ko....." sa(???)

Na ny zanaka aza nandatsaka ny rà-ny ho anao! Fa inona ianao no sakanana tsy handatsaka ny rà-nao ho an'ny rahalahinao (????)- Ny rà-ny (SAROBIDY) no nanavotana Anao, ka ianao indray ve no tsy afaka haanavotra ny hafa? ........izay ilay didy VAOVAO.
Toa tsy azoko mihitsy.....

moustaraf:

Misy tsy azoko kely ilay resaka eto fa azafady indrindra!
Voarara tokoa ny fihinana rà (aina) ao @ baiboly, ekena !
ny rà dia aina ka zavatra ambony lanja tokoa, fa ksoa ny rà dia nampiasaina @ fanatitra (alatsa-dra) ho fanomezam-boninahitra, sy ho fanorenana ny FANEKENA. Io rà alatsaka io no notanterahin'nilay zanaka toe ambony hazolava.
Io ihany no Rà azo hanina " hano fa ity no nofoko, sotroy fa ity no Rà-ko....." sa(???)

Na ny zanaka aza nandatsaka ny rà-ny ho anao! Fa inona ianao no sakanana tsy handatsaka ny rà-nao ho an'ny rahalahinao (????)- Ny rà-ny (SAROBIDY) no nanavotana Anao, ka ianao indray ve no tsy afaka haanavotra ny hafa? ........izay ilay didy VAOVAO.
Toa tsy azoko mihitsy.....

Miombon-kevitra amin'ny namana Moustaraf tanteraka aho.

Niaiky ihany i Jojo fa lalàna hono ny tsy tokony ho fanomezana rà, ka ny fanarahany izany lalàna izany no tsy hamonjeny rahalahiny lazainy fa tiany.

Ity misy fanoharana kely
Tonga ao an-tranonao ny iray tampo aminao miangavy aminao hoe afeno aho fa misy jiolahy mitady hamono manaraka ahy avy ao aoriana.
Tonga avy eo ilay jiolahy ka manontany anao!

Aiza no nafeninao i R...... fa hovonoiko izy

1- Hisafidy ny hilaza ny marina ianao noho ny tahotra ny didy (aza mandainga) ka atoronao ny toerana misy azy. Ary mihevitra ianao fa manana ny marina satria nanaraka ny lalàna.
2- Hisafidy ny handainga ianao mba hiarovana ny ain'ny rahalahinao satria ianao mandeha amin'ny fitiavana fa tsy amin'ny lalàna. Aleonao ianao no maty toy izay ho azon'ilay Jiolahy ny rahalahinao.

Mieritrereta tsara namana fa tsy :
Gal 5.4:
4 Dia tafasaraka amin'i Kristy hianareo na iza na iza izay mitady hohamarinina amin'ny lalàna; efa lavo niala tamin'ny fahasoavana hianareo.

Samy hafa mihitsy zany ka, taloha dia ny fanaovana sorona ihany no neken'Andriamanitra hampiasana ny ra, natao teo amin'ny alitara izy io mba handrakofana fahotana noho ny aina ao aminy, izany no nilazana tamin'ny zanak'Israely sy ny vahina monina tao tsy hihinan-dra ao amin'nio Levitikosy io. Nampiseho mialoha ny soron'i Jesosy ny sorona biby rehetra notakin'ny lalàn'i Mosesy.

Hebreo 9 : 11-14,22 : "Tonga... i Kristy, izay mpisoronabe, tsy ran'osilahy sy ran'ny vantotr'ombilahy no nentiny niditra, fa ny ran'ny tenany mihitsy, ka niditra indray mandeha monja tao amin'ny toerana masina izy, ary nahazo fanafahana mandrakizay ho antsika... Raha tsy misy ra alatsaka dia tsy misy famelan-keloka."

Zai no maha-zavadehibe sy masina ny ra, natao ny sorona ary natolotra an'Andriamanitra ny ra satria aina, izay no nahatonga azy handidy antsika hifady ny ra izay natokana ho azy, i Jesosy koa nandatsaka ny rany satria raha tsy misy ra alatsaka dia tsy misy famelana, sarobidy amin'Andriamanitra ny ra.

Tsy ara-bakiteny ny hisotroana ny ran'i Jesosy sy ny hihinanana ny nofony, mazava loatra izany, ny ra nalatsany dia avotra ho an'ny maro mba ho voavonjy.
Efesiana 1 : 7 : "Izy io (Jesosy Kristy) no ananantsika ilay fanafahana entin'ny vidim-panavotana amin'ny alalan'ny rany, eny, ahazoantsika ny famelana ny helontsika...

Diniho tsara fa samy hafa mihitsy ny sorona natao ho fanafahana sy ny hoe mifady ny ra ampidirina ao amin'ny vatana.

Jojo3t
Raha mihatra aminao io tantara kely eo ambony io dia inona no safidinao?
1- Hamonjy ny ainao ianao ka tsy handainga ka hanoro ny misy ny rahalahinao mba ho faty izy
2- Handainga ianao ka mety hoesorina ny ainao fa ho avotra ny rahalahinao izay tianao.

Azoko tsara ny tianao holazaina hoe tsy maninona ny mandainga raha hamonjy ny rahalahinao enao. Toy ny nataon'i Davida sy Abrahama teo anoloan'i Mpanjaka mba tsy ho faty izy, tsarovy tsara anefa fa misy tsy mampitovy zany, ny ra dia zava-masina, ary natokana ho an'Andriamanitra tompon'ny Aina, ka nampitandremany mafy ny kristiana ny hifadiana azy, na ahoana na ahoana.

Mbolatsara antsika jiaby!

moustaraf
Voarara tokoa ny fihinana rà (aina) ao @ baiboly, ekena !

TSARA! Hihinana rà (fa tsy voankazo hi! hi!) voarara ve ianao?

moustaraf
ny rà dia aina ka zavatra ambony lanja tokoa, fa ksoa ny rà dia nampiasaina @ fanatitra (alatsa-dra) ho fanomezam-boninahitra, sy ho fanorenana ny FANEKENA. Io rà alatsaka io no notanterahin'nilay zanaka toe ambony hazolava.

TSARA!
Izao indray ny anampian'i jaja an'izay voalazan'i Jojo etsy ambony. Ny Hany TOKANA ampiasana ra ao amin'ny baiboly dia natao fanatitra ho an'i Jehovah satria izy no tompon'ny Aina.

moustaraf
Io ihany no Rà azo hanina " hano fa ity no nofoko, sotroy fa ity no Rà-ko....." sa(???)

Dia misy nofo azo ohanina koa ve? izany . Sao dia hivadika CANIBAL amin'izany an! hi! hi!
Tsy misy ra azo hoanina izany ao amin'ny baiboly!!! Manampy antsika hahazo ny hevitry ny hoe «ity no vatako» sy hoe «ity no rako» ireto tenin’i Jesosy ireto: «Izaho no fahazavan’izao tontolo izao», «izaho no varavaran’ny ondry», «Izaho no tena foto-boaloboka.» (Jaona 8:12; 10:7; 15:1, Kat.) Niova ho toy ireo ve anefa izy?

Mario fa hoy i Jesosy ao amin'ny Maito 26: 26-29 "...sotroinareo rehetra ity; fa ity no rako, dia ny ràn’ny fanekena vaovao izay alatsaka ho an’ny maro ho famelan-keloka. Lazaiko aminareo, fa tsy hisotro amin’itony vokatry ny foto-boaloboka itony intsony aho, ambara-pihavin’izay andro hiarahako misotro aminareo ny vaovao indray, any amin’ny fanjakan’ny Raiko.»
Eto marina fa nilaza i Jesosy hoe «ity no rako», nefa nilaza na nanazava izy avy eo fa «vokatry ny foto-boaloboka» ny tao anatin’ilay kalisy na kaopy. (mifanitsy amin'ny rany fa tsy ny rany akory!!!!!)

Hoy i didi10 tany aloha,

didy10
"Asa 21,25
25 Fa ny amin'ny jentilisa izay efa mino, dia efa nampitondra episitily izahay nandidy azy hifady ny hena aterina amin'ny sampy sy ny ra sy ny zavatra kendaina ary ny fijangajangana.

Mazava io fa tsy tokony hihinana rà izay efa nandray an'i Kristy."

Misaotra TSARA!!
Izany hoe efa lalana hatrizay ny hifadiana ny ra (hihinana) ka rehefa nankasitrahan'Andriamanitra ny firenena hafa anisan'izany isika dia misy ireo lalana jiosy tsy voatery ho tandremana toy ny famorana ... fa ny ra kosa nanao ahoana????? Hoy ny soratra masina tenin'Andriamanitra nomen'i didi10 hoe mitovy amin'ny Mijangajanga ny mihinana ra (FADY).
Raisintsika ny hoe FITIAVANA: Raha misy vehivavy maty vady marary mafy, ka ny Firaisana no mahavonjy azy hoy ny dokotera, hijangajanga aminy ve ianao? VALIO

Tsy azo atao sakafo ny ra . Ekentsika rehetra izany (didi10 , moustaraf, jojo ...) Ny olona tsy afaka mampiditra sakafo amin'ny vava matetika no omen'ny dokotera sakafo hohaniny amin'ny lalandra (Serum...) Tsy toy ny mihinana sakafo ihany ary ve ilay marary raha izany?
ENY ny valiny. Koa raha ampidirana ra ary ny lalandranao tsy namany ny mihinana ra ihany ve ianao?
Tadidio fa fitsaboana ny fampidiran-dra, Aleo anefa mifidy ny FITSABOANA TSARA INDRINDRA raha marary.

Mifanome tsiny ny samy Krsitianina sy samy Silamo matetika amin'ny fomba fanao ho fanatanterahana ny lazaina fa sitrapon'Andriamanitra. Matetika dia ilay fombafomba ivelany toy io voambara io no mitondra ilay fifandirana.

Ny Silamo ohatra dia milaza fa olo'ny boky isika Kristianina sy ny Jiosy. Raha ampiharina amin'ity fanarahana ny texte momba ny tsy fihinanana rà ity ilay izy dia marina ve io fanamarihan-dry zareo io sa izy koa isan'izay atao hoe olon'ny boky fa tsy olon'ny finoana?

Marihina aloha fa tsy fombafomba ny fankatoavana lalàna namana Miharena, didy nomen'Andriamanitra ny hifadiana ny ra, dia mifady ny ra ny Kristiana, ary ny fankatoavana ny didin'Andriamanitra no fanaovana ny sitrapon'Andriamanitra.

Olon'ny boky sy finoana, aiza no ahafahanao manatanjaka ny finoanao raha tsy mamaky sy mianatra ny tenin'Andriamanitra enao, nomen'Andriamanitra ny baiboly isika mba hanoroana antsika ny lalana tokony halehantsika, hitaizana antsika, ary ahalalantsika ny tena marina, sy ankatoavantsika ny didiny, izany ve no ilazana ny kristiana hoe olon'ny boky, olon'Andriamanitra no miantehitra amin'ny teniny zai voalaza ao amin'ny baiboly, tsy misy fahendrena na fahamarinana ankoatrizai, ka raha misy olona milaza fa hendry sy manam-pahalalana nefa tsy avy ao amin'ny baiboly, dia efa ny tenin'ny fahamarinana mihitsy no nialàny na laviny.

Miharena
Ny Silamo ohatra dia milaza fa olo'ny boky isika Kristianina sy ny Jiosy. Raha ampiharina amin'ity fanarahana ny texte momba ny tsy fihinanana rà ity ilay izy dia marina ve io fanamarihan-dry zareo io sa izy koa isan'izay atao hoe olon'ny boky fa tsy olon'ny finoana?

Ohatran'ny efa nanamarika an'io filazan'ny Silamo io ianao teo aloha raha tsy diso ny fitadidiko nefa mba afaka anotanianao an'ilay Silamo niteny anao an'ireo ve hoe, olon'ny boky koa ve Silamo rehefa manaraka ny voalazan'ireo 'Sourate' maro be ao amin'ny 'coran'. Toa tsy mihinana kisoa izy ireo raha tsy diso aho fa ahazahoana 'damby' sy 'Aramo' izany amin-dry zareo. Ny rà anefa ambony noho ny Kisoa. Tsy olon'ny boky koa ve zany ry zareo???

fanamarihana nataon'y mpitari-pivavahana Silamo mihitsy io ar tamin'y fandaharana momba ny Ramadan no nanehoany azy. Ka asa hoe izany tokoa ve izany isika manaraka fombafomba io sa tena mijoro amin'y finoana marina?

Ary ry zareo koa manao ireo fombafomba maro voasoratra ao anaty boky na soratan'ireo mpitari-pivavahana mitsara antsika ho olon'ny boly ve tena azo antoka fa tsy izany koa no fitsarantsika azy?

Ka mankaiza tokoa àry ilay finoana raha tena zohina??

Ny zavatra azoko lazaina ry namana miharena dia mila aseho amin'ny atao ny finoana. Arahin'asa ny finoana ka io asa io no hamantarana fa manampinoana ny olona iray. Tsy hoe inoako fa tenin'andriamanitra fotsiny ohatra ny soratra masina io fa iainako mihitsy. Tanterahako amin'ny atao izay voalaza ao, sa tsy izany! ahoana ny hevitrao?

Manahirana be an'i namana Miharena ve le atao hoe olon'ny boky, tsy maninona mihitsy raha izay no ilazan'ndri zareo ny olona mandalina ny baiboly, mianatra ny tenin'Andriamanitra enao, fa ny finoanao mafy orina kosa dia ao anatinao, ary manosika anao hanao zavatra mifanaraka amin'zany, ny fonao no manosika anao hino an'Andriamanitra sy hanao ny sitrapony, zany hoe miorina amin'ny tenin'ny fahamarinana ny finoanao, ary arahinao asa izany finoana izany, ary Andriamanitra dia mikolokolo sy mitaiza io finoanao io amin'ny alalan'ny teniny, izany koa no hanananao fanantenana ny amin'ny hoavy.