Misaotra ny namana, ho lava velona ianao.
Tonga dia ahitsiko fa tsy fomba fankalazàna akory io fa Calendrier noforonin'Andriamanitra Ray ary nomeny ny vahoaka Israely hanisana ny andro, ny volana ary ny taona.
Ny Calendrier ry namana dia "repère" ahafantarana ny fotoana izany hoe ny ora, ny andro, ny herinandro, ny volana ary ny taona.
Andro
Jenezy 1 5
5 Ary Andriamanitra nanao ny mazava hoe andro; ary ny maizina nataony hoe alina. Dia nisy hariva, ary nisy maraina, andro voalohany izany.
Ny iray andro dia mizara roa, ny mazava ary ny maizina ka ny maizina no manomboka azy izany hoe manomboka amin'ny maty masoandro ka hatramin'ny maty masoandro ny ampitso (calendrier gregorien) ny iray andro araka ny namoronan'Andriamanitra azy.
Ora
Ny maizina =alina dia misy 12 ora ary ny mazava =andro ihany koa dia misy 12 ora.
Jao 11 9
Jesosy namaly hoe: Tsy roa ambin'ny folo va ny ora amin'ny indray andro? Raha misy mandeha amin'ny antoandro, dia tsy mba tafintohina izy, fa mahita ny fahazavan'izao tontolo izao.
Ny fanisana ny ora dia tsy ampifampitohizana ny maizina sy ny mazava fa rehefa tapitra ny 12 ora amin'ny maizina dia miverina ora voalohany rehefa tonga ny mazava, ka rehefa hazavaina ny tenin'Andriamanitra momba ny ora nahafatesan'i Jesosy (tamin'ny ora fahasivy) dia mazava fa manodidina ny tamin'ny 3 ora hariva (oran'izao tontolo izao) satria manisa ora 9 ianao manomboka amin'ny 6 ora maraina.
Porofo hafa:Tsy maintsy nalevina haingana ny fatin'i Jesosy satria efa manakaiky ny Sabata izay nanomboka ny maty masoandro.
Ny Herinandro
Na manampahaizana iza na siantifika iza dia tsy hanana valiteny mazava velively hoe fa maninona no natao fito andro ny herinandro iray.
Andriamanitra Ray no namorona io andro fito mameno ny herinandro io tamin'ny namoronany izao tontolo izao, ary nitsaharany tamin'ny andro fahafito. Tapitra ny andro fahafito dia miverina andro voalohany.
Mat 28 : 1 - 11
[-28-] Ary tamin'ny alin'ny Sabata, raha vao mazava ratsy ny andro voalohany amin'ny herinandro, dia avy hizaha ny fasana Maria Magdalena sy ilay Maria anankiray.
Ny volana
Ny fiandohan'ny volana, dia izay araka ny maha volana azy dia ilay maizim-bola (nouvelle lune) iny, ary tapitra ny volana iray rehefa miverina ny maizim-bolana.
Ny volana fiandohan'ny taona dia ny volana nisan na abib izay Andriamanitra Ray ihany koa no nametraka azy, izay mbola harahin'ny vahoaka Jiosy amin'izao fotoana izao.
Eks 12 : 1 - 11
[-12-] ARY Jehovah niteny tamin'i Mosesy sy Arona teo amin'ny tany Egypta ka nanao hoe: 2 Ity volana ity ho voaloham-bolana ho anareo; dia ho voaloham-bolana amin'ny taona ho anareo izy.
Eks 34:18
18 Tandremo ny andro firavoravoana, dia ny andro fihinanana ny mofo tsy misy masirasira. Hafitoana no hihinananao ny mofo tsy misy masirasira, araka izay nandidiako anao, amin'ny fotoan'andro amin'ny volana Abiba, fa tamin'ny volana Abiba no nivoahanao avy tany Egypta.
Ny taona
Ny taona iray dia misy saison 4 : Lohataona - fahavaratra -Fararano- Ririnina
Misy taona 2 misy volana 12 ny taona fahatelo dia misy volana 13.
Tsy haiko raha mahavaly ny fanontanianao izany namana fa fahalalana ankapobeny izany rehetra izany fa anjaranao no mamakafaka sy mandinika.
Averiko fa tsy fomba io fa calendrier.
Misaotra.
