Miarahaba anao indray namana Niryna a!
Ity lohahevitra ity mihitsy no mety hampahazava io resaka fanamboaran-toerana io.
Raha tsaroantsika tsara ny tantara tao amin'ny testamenta taloha sy vaovao dia misy sehatra mazava tsara ao: ny voalohany dia ny fitondran'Andriamanitra tamin'ny alalan'ny Mpaminany izay Elia no farany, ny manaraka dia ny fitadiavana mpanjaka tendrena tamin'ny andron'i Elize, ary ny farany dia ny fitadiavana indray izay iraka avy amin'Andriamanitra marina dia i Kristy.
Inona àry ny antony nitadiavana mpitarika? Ny hijery ny fiainam-bahoaka amin'ny antsipirihany ary ny fianan'olombelona rehetra sy ny erana rehetra misy eran'izao tontolo izao (tsy ny tany ihany fa ny UNIVERS mihitsy.
Ny fikasana dia mazava fa ho an'ny olombelona no nanaovan'i Krsity azy satria voatery nanetry tena ho tonga nofo IZY haneho fa zanak'Andriamanitra ny olona satria niharatsy ny olona noho ny tsy fahatsiarovantena.
Rehefa ny olona samy olona no mifampitondra dia manao izao firehankevitra isan-karazany izao momba an'Andriamanitra sy ny fiainana mandrakizay ka tsinjon'i Kristy tsara hoe vavaka mamaky teny ny an'ny sasany, ny sasany tsy mahalala na inona na inona nefa mitompo teny fantatra. Tsy nisy niaina araka ny fahalalàna marina an'Andriamanitra Mpamorona azy sy miahy ny fiainany andavanandro ary tsy matoky ny herin'Andriamanitra afa-tsy olombitsy sisa.
Ny antony dia noho ny lovantsofina miampita tsy mampianatra ny FOTOTRA intsony.
Ka raha tonga i Krsity taty aoriana ka hitany fa naneho fahagagana sy fanasitranana ary famerenana aina tao amin'ny nofo (Lazarosy) dia nasandrany ho Mpanjaka fa IZY no tsy nety satria fantaNY fa ara-nofo indray no tadiavin'ny olona araka ny mahajamba azy rehetra.
Ka raha hiverina amin'izay amin'ny lohahevitra isika dia mazava fa noraisin'i Kristy amin'izay ny fanjakana tamin'ny alalan'ny fikarakarana ny olombelona rehetra nanomboka tamin'y fanasana n ytongotry ny mpianatra ka hatramin'ny nitenenaNY io resaka fanamboarana toerana ho an'ny tsirairay io.
Ny mety tsy mampitovy fotsiny ny fijerintsika dia eo amin'ny fanomanana ataoNY. Ny fahalalàko azy dia tsy ny tontolo ara-nofo mety ho levona no resahaNY fa tontolo ara-panahy mahalala fa manana fiainana mandrakizay ary tsy ho an'ny olona efa fantaNY fa miaraka AMINY fa ho an'ny tsy mahalala AZY na tsy miaraka AMINY aza.
Ny anareo angamba aloha eo amin'ny olona efa voafidiNY ihany no voafetra ny fahalalanareo ny AsaNY fa ny ahy ilay miasa mandraizay mandra-pahatafaverina amin'ny laoniny ny zava-drehetra no hitako ataoNY mandrak'ankehitriny ka ho mandrakizay.
Azonareo jerena tsatra daholo fa mitodika any aminn'y maizina IZY fa tsy ny mazava indray no tovanana na tovonana akory. Ny Maizina ho tonga mazava no tanjoNY ka hiara-hiaina AMINY mazava.
Ny ohatra eto amintsika fotsiny dia ireo olona mpanompo sampy malaza (Neny Ravelonjanahary mpitana ody mahery, Nenilava zanaka Mpanompo sampy, Dada Rainisoalambo mpitady sitraka amin'ny fahaizany sy ny odiny...), ireo no nentina hampahazava ny rehetra izay midika avy hatrany fa manomana ny zava-drehetra IZY ary mikasika ny fanahin'ny olon-drehetra tsy an-kanavaka.
Ny antsika kristiana sasany dia asiana "saingy" avokoa ny fitoriana teny ary mitovy amin'ilay miresaka atsy ambadika hoe raha tsy in-21 adika io dia tsy manan-kery ahazoana ilay million de dollars ary ny tena loza be mihitsy aza dia hoe raha tsy izay tsy mahazo ilay fiainana mandrakizay.
Ka sao dia misy diso fitory aza amintsika ireto Niryna?
