Fa hampiorenana finoana ireo namana izay namaky ny fampianaran-diso ataonao eto dia hovaliako ny fanontanianao, tsy ho anao fa ho azy ireo.
Aoka ho hainao ny manavaka ny atao hoe:
Zava-boaharin'Andriamanitra sy ny
zanak'Andriamanitra
Isaia 66,2
2 Fa izao zavatra izao no nataon'ny tanako.
Ka dia ary izao rehetra izao, hoy Jehovah;
Nefa izao no olona hotsinjoviko,
Dia izay malahelo sy torotoro fanahy
Sady mangovitra noho ny teniko.
Romana 8,14
14 Fa
IZAY tarihin'ny Fanahin'Andriamanitra no zanak'Andriamanitra. 15 Fa tsy nandray fanahim-pahandevozana ho amin'ny tahotra indray hianareo, fa nandray ny fanahin'ny zanaka natsangana, izay iantsoantsika hoe: Aba Ray ô. 16 Ny Fanahy dia miara-milaza amin'ny fanahintsika fa zanak'Andriamanitra isika.
Romana 9,8
Tsy ny zanaky ny nofo no zanak'Andriamanitra; fa ny zanaky ny teny fikasana no isaina ho taranaka.
Romana 8,17
17
Ary raha zanaka, dia mpandova; eny, sady mpandova an'Andriamanitra no mpiray lova amin'i Kristy koa, raha miara-miaritra aminy isika mba hiara-manam-boninahitra aminy koa.
Raha tsy manana ny Fanahin'Andriamanitra isika dia mitovy amin'ny alika sy ny tanalahy sy ny vato aman-kazo izay mijanona ho zava-boahary fotsiny ihany fa tsy hiditra ny Fanjakany velively.
Rehefa tsy manana ny Fanahin'Andriamanitra isika dia ny fanahin'iza no ao anatintsika?
I Jaona 3,7
8
Izay manota dia avy amin'ny devoly, satria ny devoly manota hatramin'ny voalohany. Izao no nisehoan'ny Zanak'Andriamanitra, dia ny handrava ny asan'ny devoly. 9
Izay rehetra naterak'Andriamanitra no tsy manota, satria ny voany mitoetra ao anatiny, ary tsy mahay manota izy, satria naterak'Andriamanitra.
10 Izany no mampiseho miharihary izay Zanak'Andriamanitra
izy izay zanaky ny devoly. Tsy mba avy amin'Andriamanitra izay rehetra tsy manao ny marina sy izay tsy tia ny rahalahiny.
Rehefa mbola manota isika dia zanaky ny devoly, fa aza misora-tena ho zanak'Andriamanitra velively.
Ahoana no hialana ao amin'ny dada devoly ka hahatonga ho zanaky ny Ray ka ho mpandova?
Gal 3,26
26 Fa hianareo rehetra dia zanak'Andriamanitra amin'ny
finoana an'i Kristy Jesosy. 27 Fa na iza na iza hianareo no
natao batisa ho an'i Kristy dia nitafy an'i Kristy. 28 Tsy misy intsony na Jiosy na Grika, na andevo na tsy andevo, na lahy sy vavy; fa iray ihany hianareo rehetra ao amin'i Kristy Jesosy.
CONCLUSION
Hebreo 1, 1-5
[-1-] Rehefa nampitenenin'Andriamanitra tamin'ny razana fahiny ny mpaminany tamin'ny andro samy hafa sy ny fanao samy hafa; 2 dia amin'izao andro farany izao kosa no nampitenenany
tamintsika ny Zanany, Izay voatendriny ho Mpandova ny zavatra rehetra; Izy no nahariany izao tontolo izao, 3 Izy koa no famirapiratan'ny voninahiny sy endriky ny tenany indrindra ary mihazona ny zavatra rehetra amin'ny herin'ny teniny; ary
rehefa nanao fanadiovana hahafaka ny fahotana Izy, dia nipetraka teo amin'ny tànana ankavanan'ny Lehibe any amin'ny avo 4 ka natao tsara noho ny anjely, araka ny nandovany anarana tsara noho ireny.
5 Fa anjely iza no mba nilazany hoe: "Zanako Hianao,
Izaho niteraka Anao androany"?(Sal. 2. 7.)
Ary koa:
"Izaho ho Rainy,
Ary Izy ho Zanako"? (2Sam. 7. 14.)
TSY MISY NA IZA NA IZA TERAKA AVY ANY ANKIBON-DRENINY KA TONGA DIA ZANAK'ANDRIAMANITRA NA MANANA NY FANAHIN'ANDRIAMANITRA AFATSY JESOSY IRERY IHANY.
