Faly miarahaba ny namana rehetra indray,
Misaotra anao namana didi10 nanokatra ity lohahevitra ity,
Alohan'ny zavatra rehetra dia manamafy aho fa sombintsombiny ihany no azoko ampitaina eto noho fa raha te hanaraka ny feno isika dia araho ilay Vitao ny Asan'ny Fahamarinana ao amin'ny télé jery isa-maraina amin'ny 5ora ka hatramin'ny 6ora maraina.
Maro tokoa ny kristianina mihevitra ankehitriny hoe efa ambany fahasoavana ka tsy mila mitandrina lalàna intsony,
Izay marina v nefa no tena izy raha ny baiboly no vakiana?
Ao amin'ny hoe "ambany fahasoavana" dia misy ny teny hoe "fahasoavana". Inona ilay fahasoavana ampanantenaina ry namana isany : « Dia hofafazako rano madio ianareo, ka hadio; ny mba ho afaka amin'ny fahalotoanareo rehetra sy ny sampinareo rehetra no hanadiovako anareo. » (Ezekiela 36:25)
« Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo. » (Ezekiela 36:26)
« Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy. » (Ezekiela 36:27)
Io ilay fahasoavana ry namana isany : fo vaovao, fanahy vaovao mandeha araka ny lalàn'Andriamanitra sy mitandrina ny fitsipiny ary manaraka izany lalàna sy fitsipiny izany.
Izay no nahatonga an'i Jesosy Kristy Tompo niteny hoe « Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka. » (Matio 5:17)
Ny olona nahazo io fo sy fanahy vaovao io no mahatanteraka ny lalàna sy ny fitsipik'Andriamanitra.
Diso araka izany ny filazana fa hoe rehefa ambany fahasoavana dia tsy mitandrina lalàna intsony ny olona . Izay koa no nahatonga ny apostoly paoly hilaza ity teny ity. « Koa mahafoana ny lalàna amin'ny finoana va isika? Sanatria izany! fa mampiorina tsara ny lalàna isika. » (Romana 3:31)
Ny lalàna dia tsy hatao tsianjery toy ny fanaon'ny jiosy taloha fa entina kosa amantarana ny sitrapon'Andriamanitra.
Azavaiko : raha miteny Andriamanitra hoe "Aza mijaganjanga" ny sitrapon'Andriamanitra izany dia ny tsy hijangajangan'ny olona. Koa raha misy olona mandika izany dia manao izay zavatra tsy tian'Andriamanitra izy izay.
Toy izany koa "Aza mamono olona". Ny sitrapon'Andriamanitra dia ny tsy hamonoan'ny olona iray olona hafa. Ka na iza na iza mandika izay dia manantanteraka zavatra tsy sitrak'Andriamanitra izy izay.
Dia toy izany avokoa ny lalàna rehetra, natao hamantarana ny Sitrapon'Andriamanitra rehetra.
Tsara ny lalàna araka izany satria avy amin'ny lalàna no ahafahana mamantatra ny Sitrapon'Andriamanitra rehetra.
Jesosy Tompo anefa dia nilaza nanao hoe : « Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra. » (Matio 7:21)
Ny tena marina dia izao: Tsy ny lalàna akory no ratsy (satria ny lalàna no manoro antsika izay sitrapon'Andriamanitra tokony harahina) Fa ilay ota ao anaty izay hetsehin'ny lalàna.
« Inona ary no holazaintsika? Ota va ny lalàna? Sanatria izany! Kanefa tsy nahalala ny ota aho, raha tsy tamin'ny lalàna, satria tsy fantatro akory ny fitsiriritana, raha tsy ny lalàna no nanao hoe: Aza mitsiriritra (Eks. 20. 17). » (Romana 7:7)
« Fa io didy io dia nentin'ny ota nampihetsika ny fitsiriritana rehetra tato anatiko; fa maty ny ota, raha tsy misy lalàna. » (Romana 7:8)
Ny dikan'ny hoe famonjena dia ny fanesorana io ota io ao anatin-tsika ao mba tsy hanandevo an-tsika intsony
Misy karazana famoràna (opération) izay tsy maintsy atao amin'ny olona hanesorana io ota io.
Ary misy làlana (chemin) mazava B tsy maintsy handehanana hahatongavana amin'io opération na famoràna io.
Ny olona ao amin'i Jesosy Kristy Tompo ry namana isany dia tsy mpanota.
« Ary fantatrareo fa Izy no naseho hanaisotra* ny ota; ary tsy mba misy ota ao aminy. [* Na: hitondra] » (1 Jaona 3:5)
« Izay rehetra mitoetra ao aminy dia tsy manota; izay rehetra manota dia tsy nahita na nahalala Azy. » (1 Jaona 3:6)
Ny atao hoe mpanota dia mpandika lalàna satria ny ota no fandikana ny lalàna araka ity teny manaraka ity. « Izay rehetra manota no mandika ny lalàna; fa ny ota no fandikana ny lalàna. » (1 Jaona 3:4)
Ry namana malala isany, tsy misy fandikan-dalàna ao amin'i Kristy fa fahadisoan-kevitra ny ankoatran'izay.
Tsy mitovy amin'ny fariseo sy ny mpanoradalana anefa ny ao amin'i Kristy satria ny fariseo sy ny mpanoradalana dia mihezaka manantateraka ny lalàna amin'ny herin'ny Tenany (mahatsiaro mijaly izay olona manao toy izany). Ny ao amin'i Krsity kosa dia tsy toy izany satria tsy misy hezaka atao intsony satria ilay olona vaovao efa tsy mpandika lalàna intsony fa efa lasa olo-marina.
Zava-miafina izany ry namana isany, mahagaga satria raha mbola "nofo" isika dia mety hiteny hoe tsy possible izany. Nefa raha mino ianao dia ho tonga aminao tokoa ny "fahasoavana".
Koa manasa an-tsika rehetra mba handroso ka handray ny fahasoavan-danitra fa mbola misokatra ny varavaram-pahasoavana.
Samy ho tahin'ny Tompo namana
