Manoloana ny raharaha baomba izay nitranga tetsy Antsakaviro omaly, dia nitondra ny fijeriny amin'ny maha tompon'andraikitry ny filaminana eto Analamanga azy ny jeneraly Ravalomanana Richard.

Ho tohin'ny fanambarana nataon'ny Praiministra lehiben'ny governemanta ny 21 desambra lasa teo, dia notanterahana androany maraina teny Mahazoarivo ny fivoriana fanomanana ny fanatsarana ny asam-panjakana.

Tsy nisy ny fihaonana teo amin'ny sendikan'ny mpiasam-panjakana ambony sy ny Praiministra androany maraina. Mitondra fanazavana ny filohan'izany sendika izany.

Hanomboka ny alatsinainy 09 janoary ho avy izao ny fotoam-pivoriana tsy ara-potoanan'ireo parlemanta roa araka ny voafaritry ny didim-panjakana laharana 2012-010.

Niantso amin'ny fahendrena sy ny fitoniana ny jeneraly Ramakavelo, taorian'ireo disadisa nisy tao anivon'ny foloalindahy. Nanome ny heviny ihany koa ity mpikambana ao amin'ny filankevitra ambonin'ny tetezamita ity mikasika ny fivoriana tsy ara-potoanan'ny parlemanta.

Naneho hevitra manoloana ny raharaham-pirenena ny Dr Vonjisoa Rafaralahimalala, ben'ny tananan'ny kaominina Ibity teo aloha ary filohan'ny antoko ZIVA.

Tofokin'ny olana ireo mpianatra eny amin'ny anjerimanontolo. Tsikaritra hoy izy ireo fa maro loatra ny lesoka, ny tandrevaka ary ny tsy fijerena ny mpianatra eny amin'ny ambaratonga ambony.


Nanome fe-potoana 10 ora ny fikambanana Jeunes Etudiants Regroupés de Madagascar (JERM), izay tarihan'ny CT Mamy Jo, hitadiavan'ny fitondram-panjakana vahaolana amin'ny fitohanan'ny fampianarana eny amin'ny oniversite.

Entina hanalefahana ny fahatapatapahan-jiro dia nisy fitaovana famatsiana herinaratra vaovao tonga teny amin'ny serantsambon'i Toamasina, omaly alakamisy.

Nampiseho ny fahavononany hanatanteraka ireo fanamby maro miandry amin'ity taona vaovao ity ny minisitry ny Fambolena, Rolland Ravatomanga.

Maro amin'ireo sekoly tsy miankina amin'ny fanjakana no efa niditra amin'ny telovolana faharoa, tamin'ity herinandro ity. Ho azy ireo dia nifarana ny fialan-tsasatry ny Noely.