Manolotra ny arahaba ho antsika rehetra. Tononina amintsika anie ny fiadanan'i Kristy omban'ny fahasoavan'Andriamanitra.

Zavatra sarotra sy matetika manafitohina ary mampihemotra ny maro no ambaran'i Jesosy ao amin'ny baiboly. Misy mihitsy aza olona (na antokom-pinoana) mamily ny Tenin'Andriamanitra ho amin'izay mahafinaritra azy sy amin'izay mety aminy. Koa anjarantsika ny hisafidy hino tenin'olona sa hino ny Tenin'Andriamanitra.
Miara-manaiky anefa isika fa ny Tenin'Andriamanitra irery ihany no MARINA. Miaraka resy lahatra ihany koa isika fa Fitiavana sy be indra-fo Izy.
Eo indrindra no mipetraka ny olana: rehefa nomena safidy ny olombelona dia nanararaotra izay hirika izay ka sahy milaza fa tsy handringana ny asatanany Andriamanitra (dia ny olombelona izany).

Be indra-fo tokoa Andriamanitra nefa fantaro sy tadidio fa misy FITSIPIKA TSY MAINTSY ARAHINA sy FEPETRA TAKIANA amintsika olombelona vao afaka handova ny fiainana mandrakizay.
"...ny zanako sy ny asan'ny tanako dia aoka ho adidiko ihany" Isaia 45/11. Ny tiany hambara amintsika eto dia izay naterany sy izay manaiky ho zanany. Izany hoe, ireo izay manao ny sitrapon'Andriamanitra ihany no zanak'Andriamanitra.
Fantaro izany fa izay tsy manao ny sitrapon'Andriamanitra dia zanak'ilay ratsy: "Hianareo avy tamin'ny devoly rainareo, ka izay sitraky ny rainareo no tianareo hatao..." Jaona 8/44.
Raha fehezina ireo teny fohy ireo dia azo ambara fa misy fitsipi-pifehezana ny miaraka amin'Andriamanitra. Misy fitondran-tena tandremana vao afaka ny hantsoina hoe "zanak'Andriamanitra".

Voalaza ao amin'ny Malakia 3/18 fa misy fanavahana eo amin'izay manompo an'Andriamanitra izay tsy manompo Azy ("Ka dia ho hitanareo indray ny tsi-fitovian'ny marina sy ny meloka, dia ny manompo an'Andriamanitra sy ny tsy manompo Azy") .
Iza amintsika no sahy milaza fa lehibe noho i Jesosy? Raha miteny Izy fa: "Fa any ivelany ny alika sy ny mpanao ody ratsy sy ny mpijangajanga sy ny mpamono olona sy ny mpanompo sampy ary izay rehetra tia lainga sady mandainga." Apokalypsy 22/15. Sahy hilaza ve isika fa hiara-miditra ao amin'ny fanjakan'Andriamanitra amin'ny olona voatonona eto? Nefa isika miezaka sy mifofotra hanao ny sitrapon'Andriamanitra?
Sahy hanohitra izany teny izany ve isika ka hilaza fa toerana iray ihany no hamantanan'ny olombelona rehefa tonga ny fitsarana farany ataon'Andriamanitra?

Efa voalaza tetsy ambony fa misy fepetra takiana amin'izay te hiditra amin'izany Fanjakan'Andriamanitra izany. Izany hoe, raha adika io, ny an'Andriamanitra dia efa napetrany mialoha ny "fitsipi-dalao" fa izay manao ny sitrapony ihany no handova ny lanitra.
Mety hanontany indray isika hoe: dia ahoana izany ireo izay tsy nahare ny filazantsara? Hoy Jesosy: "Ary hotorina amin'izao tontolo izao ity filazantsaran' ny fanjakana ity ho vavolombelona amin'ny firenena rehetra, dia vao ho tonga ny farany" Matio 24/14.
Izao tontolo izao dia midika eto hoe "amin'ny olona rehetra". Izany no ivavahantsika mandrakariva mba ho tonga eny amin'ny olon-drehetra ny Tenin'Andriamanitra mba handraisany ny famonjena ka iarahany handova amintsika ny fiainana mandrakizay.

Moa hilaza isika fa tsy misy ny helo na afo be? Aza mety hofitahina isika. Jesosy no miteny: "Raha tsy tonga Aho niteny taminy, dia tsy nanan-keloka izy; fa ankehitriny dia tsy misy fialana azony atao ny amin'ny helony" Jaona 15/22. Izany hoe rehefa nahare ny Fahamarinana sy ny sitrapon'Andriamanitra isika dia tsy afaka manao ny sitrapotsika intsony, tsy afaka ny hitoetra na hiverina hanao ny fanaon'izao tontolo izao intsony. Eo indrindra no mipetraka ny FEPETRA.
Aoka isika ihany no hamaly: Adala ve i Jesosy raha nanohitra (nandà) ny nofony ka nitoetra tamin'ny sitrapon'ny Rainy? Nanaonao foana ve i Paoly ka nandao ny faharatsiany ka sahy nilaza hoe: "Tsy fantatrareo va fa izay mihazakazaka eo amin'ny tany fihazakazahana dia samy mihazakazaka avokoa, nefa ny iray ihany no mahazo ny loka? Mihazakazaha toy izany mba hahazoanareo; ...Raha izaho ary, dia mihazakazaka, nefa tsy toy ny manao kitoatoa; ary mamely totohondry aho, nefa tsy toy ny mamely ny rivotra fa asiako mafy ny tenako ho mangana ka andevoziko, fandrao, na dia efa nitory tamin'ny sasany aza aho, dia holavina kosa ny tenako." 1 Korintiana 9/24; 26 - 27?
Tsy FEPETRA ve no niainanay? Holavin'Iza izy?

Anjarantsika ny mandinika, ry havana malala, na hino izay lazain'ny olombelona isika na izay lazain'Andriamanitra. Tsy teniko ireo fa Azy ary mbola maro ny teny manambara fa izay manao ny sitrapony ihany no handova ny lanitra ary izay mifanohitra amin'izany dia any amin'ny fahaverezana (indrindra ho an'ireo izay efa nahare nefa nandà tsy hankatò). Loza ho antsika raha tsy manambara izany sy mitory ny fahamarinana isika. Hanadinana antsika izay rehetra nambaran'ny vavantsika koa aoka hitandrina tsara noho izany. Mino aho fa tsy ho isika anie no ho any ivelany fa manantena hifankahita soa aman-tsara ao amin'ny Fanjakan'Andriamanitra isika. Amen

Ho an'Andriamanitra irery anie ny voninahitra ary ho tonga amintsika mpamaky anie izany Fanjakan'Andriamanitra izay ao anatitsika izany.

Hafatra: "Midira amin'ny vavahady èty hianareo; fa lehibe ny vavahady, ary malalaka ny làlana izay mankany amin'ny fahaverezana, ka maro ny miditra any" Matio 7/13

Miarahaba an'i SAFIDY,


Sarotra tokoa ny manala ny fahasarotana nahorim-paka teo amin'ny fisainan'ny olombelona momba ity fisian'ny helo sy ny afobe ity. Endrika ara-tantara anefa dia efa tokony hahavaha io olana io fa tsy tokony hovoizina intsony ny fisian'ny helo sy ny afobe. Mila jerena ny fototra nahatonga azy avy eo izay vao milaza hoe inona izy io? zava-poronina tsy marim-pototra fa mihelina sa zava-maharitra mandrakizay?



Ka teraka eto aloha izany ny fanontaniana amin'i Safidy hoe: vahaolana hitan'Andriamanitra ve izany helo izany rehefa toriana ka tsy mandray ny olombelona izay sombin"AINY?

Izaho dia mahalala tokoa fa misy ireo fanehoan-javatra na illusion izay mety ho hitan'ny olona. Anisan'izany ireo endri-pampihorohoroana isan-karazany sy ny afobe mazava ho azy.

Marina ny tenin"i Jesoa hoe; ianareo manaraka ny fampianaran'ny Devoly rainareo. Io lay ray natsangana fa tsy tena izy. Famoronana iray avy amin'ny olona izany. Tsy mahalala ny TENA RAY no mahatonga izany ka zava-poronina sisa no zary iainana. DIa io teraka io ny fikorontanana ka lasa any amin'ny fampijaliana mandrakizay no mipaka ilay hevitra.

Koa avy amin'ny RAY TSITOHA ve ny fampijaliana sa zavatra neken'ny razambe fahiny izay teo ambany vahoan'ny tsy fahalalàna? An'ny Ray Tsitoha ve fikasana hamono ny ampahany amin'ny voariNY?

Ny Famindram-po dia tsy efa raha tsy fantatra tsara fa misy hirika azo anaovana izany.

Ny fandranitana dia hampiteraka tokoa vokatra ho an'ny olona mamorona azy satria miverina aminy ihany izany. Io ilay hoe izay nafafy no jinjaina.

Ka tsy aleo ve fafazana ny voa tsara fa tsy ny fanamafisana ny helo no ataontsika Kristiana.

Aleo ny helo ho foana dia afaka isika rehetra. Io no hevitro fa raha tananareo moa ny helo ho isan'ny fampianarana eo aminareo, samy manana ny fahafahana misafidy isika rehetra. Hiaina amin"ny tebiteby sy tahotra na hampiaina ny namana ho amin'izany va sa hilaza fa tsy misy io helo io fa ny fanjakan'Andriamanitra ihany no izy ary ny helo dia zava-poana ihany?

Misaotra betsaka Safidy amin' fampatsiahivana rehetra. Ny zavatra tsy hadino dia ny teknika ahazoana ilay Satro-boninahitra, dia tsy inona izany fa ny Fanadiovana. tsy misy afaka manana ny Fanahy Masina raha tsy midio manala ny heloka.

Miharena>>>>>> Ahoana ny famakin'se an' ty:
LIOKA 16 : 19 Nisy lehilahy manan-karena anankiray niakanjo volomparasy sy rongony fotsy madinika sady nanaram-po fatratra isan-andro tamin'ny fahafinaretana.20 Ary nisy olo-malahelo ferena anankiray atao hoe Lazarosy napetraka teo anilan'ny vavahadiny;21 ary naniry mba hihinana izay latsaka avy tamin'ny latabatr'ilay manan-karena izy, fa ny alika kosa no avyka nilelaka ny feriny.22 Ary maty ilay malahelo, dia nentin'ny anjely ho any an-tratran'i Abrahama; ary maty koa ilay manan-karena, dia nalevina;23 ary raha nijaly tao amin'ny fiainan-tsi-hitaizy ka niandrandra, dia nahita an'i Abrahama teny lavitra eny sy Lazarosy teo an-tratrany.24 Ary izy niantso ka nanao hoe: Ry Abrahama raiko ô, mamindrà fo amiko, ka iraho Lazarosy mba hanoboka ny tendron'ny rantsan-tanany amin'ny rano mba hampangatsiaka ny lelako; fa fadiranovana aho eto anatin'ity lelafo ity.25 Fa hoy Abrahama: Anaka, tsarovy fa hianao efa nahazo ny zava-tsoanao tamin'ny andro niainanao, ary Lazarosy kosa ny zava-dratsy; fa ankehitriny izy no ampifalina aty, ary hianao kosa no fadiranovana.26 Ary mihoatra noho izany rehetra izany, misy tevana makadiry ajadona ao anelanelantsika, mba tsy ho afa-mita hankeny aminareo izay te-hiala ety, ary tsy ho afa-mita hankety aminay izay eny.27 Dia hoy izy: Mangataka aminao ary aho, ry raiko: mba iraho Lazarosy hankany amin'ny tranon'ny raiko 28 (fa manana rahalahy dimy aho), mba hilaza tsara aminy, fandrao mba ho tonga aty amin'ity fijaliana ity koa izy.29 Fa hoy Abrahama taminy: Manana an'i Mosesy sy ny mpaminany izy; aoka hihaino ireo izy.30 Fa hoy kosa izy: Tsia, ry Abrahama, raiko; fa raha misy miala amin'ny maty hankany aminy, dia hibebaka izy.31 Fa hoy Abrahama taminy: Raha tsy mihaino an'i Mosesy sy ny mpaminany izy, dia tsy hety hino izy, na dia misy mitsangana amin'ny maty aza.

Jesosy Kristy no nitantara io, Izy no efa nahita sy tompon'ny Lanitra. Omenao tsiny ve IZY nanambara io? Inona ny tanjony? tsy ialan' mpanota amin' ratsy fanaony ve? Mitory ny helo ve izy eto? Manoro am-pitiavana ve Izy sa navelany tsy ahalala ny marina any ny olona, ka mbola hifikitra ny fahotany fa hoe samy ho voavonjy?

Sao dia tsy niteny an'io kosa aza izy ny fahalalanao azy?

Miharena:


Aleo ny helo ho foana dia afaka isika rehetra. Io no hevitro fa raha tananareo moa ny helo ho isan'ny fampianarana eo aminareo, samy manana ny fahafahana misafidy isika rehetra. Hiaina amin"ny tebiteby sy tahotra na hampiaina ny namana ho amin'izany va sa hilaza fa tsy misy io helo io fa ny fanjakan'Andriamanitra ihany no izy ary ny helo dia zava-poana ihany?

Ohatry ny hafahafa izany hevitrao izany ry Miharena. Rehefa mitory ny Tenin'Atra ny olona iray dia tsy mahazo ampiana na foanana ny teniny hoy ny Apok 22:18-19 ".....raha misy manaisotra @ teny @ bokin'ity faminaniana ity dia hesorin'Atra ny anjarany @ hazon'aina sy @ tanana masina...."
Fa sao dia elefa kosa izay nosoratan'Atra dia ny olona no misafidy na hankato na tsy hankato ny teniny sady hampafantarina azy fa raha mankato dia miandry ny Fiainana mandrakizay rehefa tsy hankato dia miandry ny fahafatesana faharoa dia ilay farihy mirehitra afo sy solifara.

miharena:

Ka teraka eto aloha izany ny fanontaniana amin'i Safidy hoe: vahaolana hitan'Andriamanitra ve izany helo izany rehefa toriana ka tsy mandray ny olombelona izay sombin"AINY?

Ilay antsoin'i miharena hoe "sombin'AINY" ve midika hoe "zanaNY" ?

Izany hoe ilay fofon'aiNY nomeNY an'i Adama ao amin'ny Genesisy ve mitovy amin'ilay fofon'aina nomen'i Jesoa ny mpianaNY ao amin'ny Filazantsara (izay tsy inona fa ny Fanahy Masina hoy Izy) ?

Tsy izany mantsy fa toa lasa mifangaro, raha ny resakao no arahina, ny "souffle de vie" sy ny "souffle d'Esprit" !

Raha ny voalazanao mantsy no zohina dia ny mpanao "bouche à bouche" (hamelomana olona) dia :
- azo lazaina fa mizara ny Fanahy Masina ? :-)
- ary ilay naharay io fofon'ainy io (raha velona ohatra) dia azo lazaina fa sombin'ain'ilay nanao "bouche à bouche" ? :-)

Miala tsiny amin'i Safidy raha toa ka somary mihataka amin'ilay lohateny ny resaka satria io lazaiko io no toa fototry ny "filozôfia"n'i Miharena izay averimberiny foana eto (efa ho herintaona izao) ! :-)

bor2lais >>>>>> Eo mihitsy ilay fototra mahatonga anay sy Miharena mifanazava matetika ka lasa HS izahay raha mandinika nareo.
Io Sombin'aina io no mifangaro aminy.
Raha amiko manokana izao dia hafa ilay Fofon'aina nomen'Andriamanitra sy Ilay fanahy maha olona ahy, ary ilay Fanahy Masina.

Rijadolly:

Jesosy Kristy no nitantara io, Izy no efa nahita sy tompon'ny Lanitra. Omenao tsiny ve IZY nanambara io? Inona ny tanjony? tsy ialan' mpanota amin' ratsy fanaony ve? Mitory ny helo ve izy eto? Manoro am-pitiavana ve Izy sa navelany tsy ahalala ny marina any ny olona, ka mbola hifikitra ny fahotany fa hoe samy ho voavonjy?

Sao dia tsy niteny an'io kosa aza izy ny fahalalanao azy?

NIteny io tokoa IZY Rijadolly fa tantara na fanoharana no nanaovaNY io resaka io hananaraNY ny olona hifoha fa tsy ho variana amin'ny rendrarendra sy hanilika ny hafa izay heveriny fa mahantra. Mifankatiava no fototr'io fananarana io.

Maranatha:

Ohatry ny hafahafa izany hevitrao izany ry Miharena. Rehefa mitory ny Tenin'Atra ny olona iray dia tsy mahazo ampiana na foanana ny teniny hoy ny Apok 22:18-19 ".....raha misy manaisotra @ teny @ bokin'ity faminaniana ity dia hesorin'Atra ny anjarany @ hazon'aina sy @ tanana masina...."
Fa sao dia elefa kosa izay nosoratan'Atra dia ny olona no misafidy na hankato na tsy hankato ny teniny sady hampafantarina azy fa raha mankato dia miandry ny Fiainana mandrakizay rehefa tsy hankato dia miandry ny fahafatesana faharoa dia ilay farihy mirehitra afo sy solifara.

Ilay resaka lazaina hatrany hoe tsy misy mahazo manampy na manala dia atao hatrany ary marina izany fa ny fandraisana ny fahamarinana havoitran'ny teny sy ny tantara no misy tsy mahazo azy ka mahatonga ireo olona lazaina fa tsy mankato. Ahoana no hankatoavan'ny tsy mahazo izay lazaina sy ambara ao anaty Baiboly? Ary ao koa moa ireo izay manaiky fotsiny izay fanazavan'ny mpitondra fivavahana ao aminy ary tsy afa-bela mihitsy satria tsy mahaleo-tena ara-panahy fa mitavana izay ambaran'ny mpitory fotsiny.

Indraindray aho mihaino ny fitorian-teny sasany izay tsy misy vontoatiny intsony na dia iray aza ary tsy hahitana aim-panahy mihitsy fa zary lasa mitanisa zavatra tsy nohalalinina tsara ny mpitory.

Ny ahy rehefa tsy manaraka ny FOTOTRA manome aina dia mazava fa fampianarana miolakolaka izay ary afaka mamaly ilay fanontaniana ataon'i Bor2lais eto:

Bor2lais:

Ilay antsoin'i miharena hoe "sombin'AINY" ve midika hoe "zanaNY" ?

Raisina tsotra io ary io no FOTOTRA iorenan'ny zava-drehetra na ny hita na ny tsy hita. Na ny diso fijery na ny marina. Izay no nahatonga ilay resaka nohadihadiana lalina ny amin'ny FITIAVANA satria raha mbola navela hiaina amin'ny fampianaran'ny Devoly = zava-poana ny olona dia tsy hanana fijoroana intsony. Tsy hahalala ny tenany izy fa hanjavozavo hatrany satria zava-poana no mampianatra azy sy tazoniny ho fahamarinana. Dia eo koa ny resaka sarotra izay nolazain'i Krsity hoe : Tiava ny fahavalonao midika hoe tiava ny manangampahavalo ny tenanao. Izay diso hevitra no fahavalonao matoa mahavatra mamono na manisika hevi-diso ao anatinao. Tiavina izy ary ahitsy ny heviny, izay no ahafahana manitsy azy. Matoa Jesoa nifantsika dia izay no antony, hanehoana amin'ny mpanangam-pahavalo fa tsy mandray azy velively ho fahavalony IZY ka hahatonga saina azy izany.

Fofon'aina sy Fanahy Masina afangaroko hoy Bor2lais: Tsy misy ilay faharoa raha tsy misy ilay voalohany iasaNY. Tsy mitombina ireo raha tsy miara-misy hatrizay hatrizay.
Tsy mitombina ny fanitsiana raha tsy fantatra fa misy izay azo ahitsy ao anatin'ny olona sy ny voary tsirairay. Raha tsy sombin'AINY dia tsy nitenenany ao am-pony na ao amin'ny feon'ny fieritreretany aminn'y alalan'ny FAnay Masina ny olona. Ny olona no manasaraka hoe taty aoriana ny Fanahy Masina fa tsy Andriamanitra satria IZY no FANAHY MASINA mandrakizay.
Io no tanjona ijoroan'ny olona.

Tsy tokony hampangotsohana amin'ny hazakazaka madinika mampahory ny nofony ny olona fa ampahafantarina azy ny tena maha-izy azy dia Sombin'ain'Andriamanitra Tsitoha. Manara-dia an'i Kristy izay mahalala sy manaparitaka izay. Izay no nilazan'i Kristy hoe : Eto amin'zao tontolo izao ianareo kanefa tsy naman'izao tontolo izao.

Efa ho herintaona tokoa no nanarahan'i Bor2lais ny zavatra novoiziko teto ary tsy miala amin'izany aho satria fantatro izay ijoroako.

NIteny io tokoa IZY Rijadolly fa tantara na fanoharana no nanaovaNY io resaka io hananaraNY ny olona hifoha fa tsy ho variana amin'ny rendrarendra sy hanilika ny hafa izay heveriny fa mahantra. Mifankatiava no fototr'io fananarana io.

Izany hoe raha ny hevitrao dia IZY ve izany no lazain' Mahaleo hoe namiasainy ny laingalainga mba ahazoany fahamarinana?
Ho tanisaina eto daholo ve Miharena izay lazainao hoe ohatra nolazaiNY?
omeko iray se
LIOKA 12 : 5 Fa hasehoko anareo izay hatahoranareo: Matahora izay manam-pahefana hanary any amin'ny helo, rehefa novonoiny; eny, hoy Izaho aminareo: Matahora AZY
ohatra ve io? sa lainga? Sa ny fikarohan' Miharena no marina?

Mahay maka ireo teny rehetra hanamarinana ny maha-tsi-mifaditrovana an'Andriamanitra ao anaty Baiboly ao mihitsy isika rehefa manohan-kevitra Rijadolly an!

Iza no tokony hatahorana? Tsy ny Devoly ve? Iza no manam-pahefana hisarika anao any amin'ny helo lazainao? tsy ny Devoly ve?
Iza no hanavotra anao amin'izany hevi-diso izany? Tsy i Kristy nampahafantatra anao io teny io ve? Matahora ny Devoly hisarika anao any amin'ny helo fa tiavo Andriamanitra rainao dia hiala aminao tanteraka izany fahadisoan-kevitra mamono anao izany.

Aza atao hoe maivana ny fikarohana Rijadolly fa mifototra hatrany ao anaty ny fijeriko ary mijery ny vontoatin'ny maha-olombelona izay sombin'ain'Andriamanitra FITIAVANA MANDRAKIZAY.

Mahay maka ireo teny rehetra hanamarinana ny maha-tsi-mifaditrovana an'Andriamanitra ao anaty Baiboly ao mihitsy isika rehefa manohan-kevitra Rijadolly an!

Fa nga hitan' se tsy mampirisika hankatoa ilay manam-pahefana ilay tenin'Jesoa Kristy Tompotsika? Izay Ray amandReny milaza fa mandoro mahamay ny labozia zany dia lazaina fa Ray amandReny tsy mifaditrovana?

Aza atao hoe maivana ny fikarohana Rijadolly fa mifototra hatrany ao anaty ny fijeriko ary mijery ny vontoatin'ny maha-olombelona izay sombin'ain'Andriamanitra FITIAVANA MANDRAKIZAY.

Tsy hikaroka hanohitra izay lazain' Jesoa Kristy ary tsy hanampahamarinana mihoatra noho IZY aho Miharena a! Aza avadika siansa ny resaka, fa tazomy tsy hiala amin' resaka Finoana.

Iza no tokony hatahorana? Tsy ny Devoly ve? Iza no manam-pahefana hisarika anao any amin'ny helo lazainao? tsy ny Devoly ve?

Ny zavatra mahafinaritra ahy hatreto aloha Miharena dia resilahatra ianao raha ny fahitako azy fa misy ny devoly, tsy miteny aho hoe mino ny devoly a! fa hoe misy ny devoly. Mila fantarina ny fahavalo indrindra ny fomba fiadiny mba ahafanao miala ny zanatsipika izay alefany.

Matahora: Efa fanazavana efa ela teto izy ty no somary haveriko eto, tsy izaho no nanazava azy fa raha ohatra hoe misy latsaka dia ilako tsiny fa hampian'izay miray hevitra amin'ilay izy.
Ny matahotra eto dia midika hoe mankatoa, eo ambony eo izao misy ohatra nataoko mikasika ny labozia. Noho ny fatahorako (fankatoavana)ny ray amandreniko di tsy hikasika io Labozia io aho mba hankatoavana ny teniny, fa tsy hoe noho ny fatahorako azy ireo dia tsy hiantri-tava azy ireo intsony aho fa matahotra matotoa.
Citation
Iza no tokony hatahorana? Tsy ny Devoly ve? Iza no manam-pahefana hisarika anao any amin'ny helo lazainao? tsy ny Devoly ve?

Ny zavatra mahafinaritra ahy hatreto aloha Miharena dia resilahatra ianao raha ny fahitako azy fa misy ny devoly, tsy miteny aho hoe mino ny devoly a! fa hoe misy ny devoly.

Matahora: Efa fanazavana efa ela teto izy ty no somary haveriko eto, tsy izaho no nanazava azy fa raha ohatra hoe misy latsaka dia ilako tsiny fa hampian'izay miray hevitra amin'ilay izy.
Ny matahotra eto dia midika hoe mankatoa, eo ambony eo izao misy ohatra nataoko mikasika ny labozia. Noho ny fatahorako ny ray amandreniko di tsy hikasika io Labozia io aho mba hankatoavana ny teniny, fa tsy hoe noho ny fatahorako azy ireo dia tsy hiantri-tava azy ireo intsony aho fa matahotra matotoa.

Rijadolly:

Tsy hikaroka hanohitra izay lazain' Jesoa Kristy ary tsy hanampahamarinana mihoatra noho IZY aho Miharena a! Aza avadika siansa ny resaka, fa tazomy tsy hiala amin' resaka Finoana.

Efa azo antoka fa manana lojika ara-tsiansa tanteraka izao ny finoana an'Andriamanitra sy i Kristy. Io no antony nitenenan'izy ireo amin'ny olona mba tsy hanao hevi-dravina intsony fa hanehoana ny marina.

Rijadolly:

Fa nga hitan' se tsy mampirisika hankatoa ilay manam-pahefana ilay tenin'Jesoa Kristy Tompotsika? Izay Ray amandReny milaza fa mandoro mahamay ny labozia zany dia lazaina fa Ray amandReny tsy mifaditrovana?

Ilay famaritana Ilay Manam-pahefana mihitsy no tsy itoviantsika Rijadolly.
Ny ahy tsy mamono na mikapoka Ilay Manam-pahefana fa mamelona na iza na iza. Ka raha manam-pahadisoana aza ny olona voariNY dia homeNY lalana ahafantarany ny fahadisoany. Tsy endrika fanasaziana fa endrika fampahafantarana azy hoe eto ianao no diso no ataoNY.

Efa azo antoka fa manana lojika ara-tsiansa tanteraka izao ny finoana an'Andriamanitra sy i Kristy. Io no antony nitenenan'izy ireo amin'ny olona mba tsy hanao hevi-dravina intsony fa hanehoana ny marina.

Lasa resaka siansa indray izany izy ty, fanotaniako matetika rehefa tonga amin'io hevitra io dia hoe:
Ny siansa ve no manamarina izay voalazan' Jesoa Kristy sa Jesoa Kristy no manamarina ny voalazan' ny siansa?
Ary dia mbola azo ampiana koa ankehitriny hoe:
Ny fikarohan' Siansa ve entina hanadisoana izay lazain' I Kristy?

Ilay famaritana Ilay Manam-pahefana mihitsy no tsy itoviantsika Rijadolly.
Ny ahy tsy mamono na mikapoka Ilay Manam-pahefana fa mamelona na iza na iza. Ka raha manam-pahadisoana aza ny olona voariNY dia homeNY lalana ahafantarany ny fahadisoany. Tsy endrika fanasaziana fa endrika fampahafantarana azy hoe eto ianao no diso no ataoNY.

Ny anay mibedy rehefa misy tsy mety ataonay Miharena a! Tsy mba mitsitsy ratsan-kazo izany IZY noho ny FitiavaNy anay, Be loha anie zay miharena e! tsy mifaditrovana izany ny Ray amandRenin' se fa nikapokan'se tamin' mbola kely, eny fa na dia isika lehibe izao aza?
Ny an'iza moa Mihareana no tsy mamelona ny Andriamaniny, anotanio an' izay manana andriamani-kafa indray izay fanotaniana izay raha ohatra ka hitan' se hoe mitovy izany ny Andriamanitsika.

Rijadolly:

Ny anay mibedy rehefa misy tsy mety ataonay Miharena a! Tsy mba mitsitsy ratsan-kazo izany IZY noho ny FitiavaNy anay, Be loha anie zay miharena e! tsy mifaditrovana izany ny Ray amandRenin' se fa nikapokan'se tamin' mbola kely, eny fa na dia isika lehibe izao aza?
Ny an'iza moa Mihareana no tsy mamelona ny Andriamaniny, anotanio an' izay manana andriamani-kafa indray izay fanotaniana izay raha ohatra ka hitan' se hoe mitovy izany ny Andriamanitsika.

Fitaizana araka ny nofo ny fibedesana fa tsy ara-panahy amiko. Ny ara-panahy dia manoro hoe inona no vontoatinao sy ny hoe inona no FOTOTRAO fa tsy hoe raha tsy manao izao ianao dia izao no hanjo anao ka zary lasa adilahy miteraka mafihatoka araka ny folazanao azy io mihitsy ilay izy.

Ankoatr'izay ny resaka hoe Andriamani-kafa lazaina, raha ivelany IZY dia mety misy hafa tokoa (io ilay atahorana satria sao mikapoka) fa ny ahy asa raha mitovy ny anao fa Izy no miaina ato anatiko sy mampiaina ahy. Raha tsy misy IZY tsy misy aho ary raha tsy misy aho tsy misy IZY. Torak'izany koa, raha tsy misy IZY tsy misy Rijadolly sy ny olondrehetra ary ny anjely rehetra ary raha tsy misy ireo voatanisa rehetra ireo dia tsy misy IZY.


Ankoatr'izay dia miresaka momba ilay fisian'ny devoly Rijadolly hoe ekeko. Ekeko satria ny olombelona no namorona azy ao an-tsainy ka zary lasa mandaitra tsara eo amin'ny fiainany ny fahalavoana izay azerany eo amin'ny devoly omeny fahefana aminy io ary mamerina aminy izany fahefana mandrava sy mandavo izany.

Soa ihany fa Andriamanitra no ao am-po ka afaka mandroaka izay fahadisoan-tsaina izay mahalala AZY ary madio am-po.

Fitaizana araka ny nofo ny fibedesana fa tsy ara-panahy amiko. Ny ara-panahy dia manoro hoe inona no vontoatinao sy ny hoe inona no FOTOTRAO fa tsy hoe raha tsy manao izao ianao dia izao no hanjo anao ka zary lasa adilahy miteraka mafihatoka araka ny folazanao azy io mihitsy ilay izy

Tsy mandaha tanteraka izay lazain'se aho fa kosa tsy maitsy atoro azy ny marina, milalao afo dia efa may ve izy izay vao fantany fa mahamahy ilay afo?Ho lozan'izay tsy mahalala nefa tsy nampahafantatra azy ny Marina. Raha efa notenenina kosa anefa izy hoe mahamahy io ka mbola manao dia efa défie ny azy izay, olon' afaka izy tsy azon'iza na iza ho sakanana, aiza ny ady lahy amin'izay fisehoana izay?

Ankoatr'izay ny resaka hoe Andriamani-kafa lazaina, raha ivelany IZY dia mety misy hafa tokoa (io ilay atahorana satria sao mikapoka) fa ny ahy asa raha mitovy ny anao fa Izy no miaina ato anatiko sy mampiaina ahy.

Inona no ambaran'se raha miteny aho hoe tsy mitovy ny anao ny ahy fa tsy ao anatiko izany ny andriamanitro?

Raha tsy misy IZY tsy misy aho ary raha tsy misy aho tsy misy IZY. Torak'izany koa, raha tsy misy IZY tsy misy Rijadolly sy ny olondrehetra ary ny anjely rehetra ary raha tsy misy ireo voatanisa rehetra ireo dia tsy misy IZY.

Ny ahy indray dia hoe Raha tsy nisy IZY dia tsy nisy aho, ary afaka tsy nasiany aho nefa IZY efa NISY. Koa raha tsy nisy aza izao zavatra voahary izao dia efa nisy IZY.

Ankoatr'izay dia miresaka momba ilay fisian'ny devoly Rijadolly hoe ekeko. Ekeko satria ny olombelona no namorona azy ao an-tsainy ka zary lasa mandaitra tsara eo amin'ny fiainany ny fahalavoana izay azerany eo amin'ny devoly omeny fahefana aminy io ary mamerina aminy izany fahefana mandrava sy mandavo izany.

Jesoa Kristy izany no nanaraka ny hevitry ny olombelona araka ny hevitry Miharena? hafahafa a! Nalain' devoly fanahy Jesoa Kristy tany anefitra.

Ny milaza hoe mahamay ny afo dia fampahafantarana ny asan'ny afo fa tsy mibedy izay olona ilazana izany. Ny teny hoe "aza atao ao anaty afo ny tananao sao dia may eo ianao" sy ny hoe "ity no atao hoe afo ary mandoro izy" dia tsy mitovy.

Endrika fampianarana roa samihafa be ireo. Ny voalohany mampiteraka ahiahy sy tahotra lalandava fa ny faharoa manome toky.

Dia mitovy amin'izay ny filazana ny momba ny devoly, tsy mihetsika ny devoly raha tsy heverina ho marina tanteraka ny fahefany. Ny olona no manome fahefana azy hanjaka ao am-pony. Dia manamazina ny fony izy fa tsy mandrava ny rindrina amonosany ny tenany izay izy ihany no mamorona azy.

Ilay Jiro tokony hazava ao aminy ary maha-izy azy dia zary lasa mitsilopy noho ny vesatry ny fahadisoam-pijeriny sy fahadisoam-piheverany.

Soa Andriamanitra fa mibitsika ao am-pony lalandava hiposahan'ny fifohazany hanariany izay fahadisoam-pijeriny izay.

Faly miarahaba namana isany,
Miharena kosa tsy manaiky gisitra mihitsy fa te ho tompon'ny teny farany foana e, jereo anie ireo lohahevitra rehetra raha tsy saika i miharena daholo no mamarana azy e,

Samy ho tahin'ny Tompo indray e,

miarahaba antsika rehetra,

- Raha tahotra no misy eo amin'ny zanaka sy ny ray aman-dreny dia hanaraka izay nolazain'ny ray aman-dreniny ihany ny zanaka saingy fankatoavana eo imaso fotsiny na fankatoavana tsy maharitra izany. Mankato izy satria sao bedin'ny ray aman-dreny.
- fa raha fanajana sady fitiavana (respect) kosa no misy eo @ zanaka dia hankato amim-pifaliana hatrany izy na tsy eo imaso aza.

Ity faharoa ity no tahotra araka an'Andriamanitra satria Ray be fitiavana Izy.

RBNIR:

Faly miarahaba namana isany,
Miharena kosa tsy manaiky gisitra mihitsy fa te ho tompon'ny teny farany foana e, jereo anie ireo lohahevitra rehetra raha tsy saika i miharena daholo no mamarana azy e,

Samy ho tahin'ny Tompo indray e,

Miarahaba RBNIR a! ela izany an!

Tsy hoe tsy manaiky gisitra fa mitana ny ramobny foana aho amin'ny adihevitra raha mbola tsy afapo ny rehetra e!

vonynive:

miarahaba antsika rehetra,

- Raha tahotra no misy eo amin'ny zanaka sy ny ray aman-dreny dia hanaraka izay nolazain'ny ray aman-dreniny ihany ny zanaka saingy fankatoavana eo imaso fotsiny na fankatoavana tsy maharitra izany. Mankato izy satria sao bedin'ny ray aman-dreny.
- fa raha fanajana sady fitiavana (respect) kosa no misy eo @ zanaka dia hankato amim-pifaliana hatrany izy na tsy eo imaso aza.

Ity faharoa ity no tahotra araka an'Andriamanitra satria Ray be fitiavana Izy.

Misaotra betsaka Vonynive amin' ilay fanampim-panazavana.