Tato ato dia nifanesisesy na trakta na sary maro izay mahalasa saina ny maro.
............................................................................................

II Tes 2:
1 Ary mangataka aminareo izahay ry rahalahy, ny amin'ny fihavian'i Jesosy Kristy Tompontsika sy ny hanangonana antsika ho eo aminy,

2 mba tsy halaky hohetsiketsehina amin'ny saina na hampitahorina hianareo, na amin'ny fanahy, na amin'ny teny, na amin'ny epistily izay toa avy aminay, milaza fa efa miandoha ny andron'ny Tompo.

3 Aza mety hofitahin'olona akory hianareo; fa tsy ho avy izany, raha tsy efa tonga aloha ny fihemorana, ka hiseho ilay lehilahin'ota, dia ilay zanaky ny fahaverezana

4 ilay manohitra ka manandra-tena ho ambony noho izay rehetra atao hoe Andriamanitra, na izay ivavahana, ka dia mipetraka eo amin'ny tempolin'Andriamanitra izy ka manao ny tenany ho Andriamanitra.

5 Tsy tsaroanareo va fa fony mbola teo aminareo ihany aho, dia efa nilaza izany zavatra izany taminareo?

Iza no mba afaka hanazava an'ireo teny eo ambony eo ireo?
misaotra mialoha
Ny fahasoavan'ny Tompo anie hoe eo amintsika rehetra

Mety tsy mahavaly tanteraka ny fiangavianao hamaly ireo andinitSoratra Masina bedebe io aho aloha androany fa amin'ny manaraka valiako.

Ny zavatra tiako homarihina dia mizara efatra ny fomba fijery Kristianina mikasika ny fiavian'i Tompo (Preterist, Hitoricist, Futurist ary Idealist) ary mizara telo ny fomba fijery mikasika ny fanjakana arivo taona na millenium izany (Premillennialism, Postmillennialism, Amillennialism). Tsy afaka miteny ia hoe iza no aratSoratra Masina amin'izy ireo satria mbola tsy nanadihady lalina mikasika io aho.

Ny fianarana mikasika ny fiavian'i Tompo dia antsoina hoe "escathology". Tadiavo ao @ google io fa mety hanampy hamaly ny hetahetanao.
Jereo ihany koa ity fandaharana nataon'ny Desiring God Ministry ity :"An Evening of Escathology"

http://www.desiringgod.org/resource-library/conference-messages/an-evening-of-eschatology

Izay fampiadiankevitra (debat) mikasika indrindra ny fiavian'i Tompo. Tanterahan'i Dr. John Piper (Pasitera Batista, mpanoratra, nanorona ny fampianarana: Christian Hedonism ary filohan'ny DesiringGod Ministries), i Dr. Jim Hamilton(Profesora mpanampy ao @ Southern Baptist Theological Seminary no sady Pasitera), i Dr. Sam Storms(mpampianatra ao amin'ny University of Texas, filohan'ny EnjoyingGod Ministries) ary i Dr. Doug Wilson (mpampianatra Teolojia ao @ University of Idaho,mpanoratra ary manampahaizana momba ny philosophie).

Eo ampijerena io ady hevitra(debat) io ia zao ka hovaliako @ manaraka ny fanontanianao.

Ilay zanaky ny fahaverezana (voary mifanohitra na tsy marina na ILLUSION) no ho foana fa tsy ny VOARIN'ANDRIAMANITRA RAY IZAY IZY TENANY MIAINA ANATINTSIKA TSIRAIRAY AMPIRAISIN'i KRISTY. HofoanaNY amin'ny FOFONAINY MIFOHA AO ANATINTSIKA.

Aza andrasana fa efa ankehitriny fa tsy ho avy intsony.
Efa boky vaovao izao fa tsy boky tranainy. Ny boky vaovao dia ny bokin'ny FO SY FANAHIN'ANDRIAMANITRA manoratra ny LALANANY ao anatintsika dia ny MAHA IRAY ANTSIKA AO AMINY.

Misaotra amin'ny loa-hevitra fa mampitombo be!

Smy hotahian'Andriamanitra.

Lava be ilay ady hevitra (debat) nataondry zalah tao @ ilay hoe "An evening of escathology" hany ka tsy voajeriko hatra@ farany. (efa ho adin'ny roa mahery)
Saingy ity no azoko tsoahina sy lazaina mikasika io fanontanianao io:

A) Ireo fahamarinana ara-tSoratra Masina izay tsy misy iadian-kevitra fa ankatoavin'ny fiangonana Protestanta rehetra:
1. Misy "fitsanganana @ maty" anaky roa. Ary elanelanan'ilay antsoina hoe "fanjakana arivo taona" na millenium. (Jereo Apo 20: 5-9). Ka toy izao ilay izy: Atsangan'i Kristy @ maty ny olony aloha (fa ireo tsy olony dia mbola tsy atsangana) ary ao aorinan'izay dia misy ny antsoina hoe millenium ary fatorana ilay Satana mandritra io. Tapitra ny fanjakana arivo taona dia atsangan'i Kristy ny olona rehetra hatramin'ny tsy mpino ka hotsaraina.

2. Ny mpino iray rehefa maty dia tsy mbola atsangan'Andriamanitra @ maty eo no ho eo fa ny fanahiny kosa anefa dia apetrak'Andriamanitra amina toerana iray karazana "salle d'attente" izay tsara kokoa noho ny fiainana eto antany. Rehefa tonga ny andro farany dia hatsangan'Andriamanitra ny maty ary hotafian'Andriamanitra nofo ireo fanahin'ny maty ireo ka ho velona indray ary mankany amin'ny Tompo mandrakizay.

B) Ireo fahamarinana ara-tantara eken'ny ankamaroan'ny fiangonana sy ny mpanao tantara:
1. Tamin'ny taona 70 AD dia noravan'ny Romanina ny Tempolin'ny Jerosalema
2. Ny Testamenta Vaovao dia nosoratana talohan'ny taona 70 AD. (Saingy misy anefa fiangonana sasany indrindra fa ireo mandray ny fomba fijery premillenianista milaza fa ny Apokalipsy dia nosoratana taorinan'ny taona 70AD)

C)
Anisan'ny lohahevitra sarotra ao amin'ny Baiboly ity fiavian'ny Tompo na "escathology" ity ary mizarazara ny hevitry ny Fiangonana mikasika izy io. Amiko manokana dia ny fampianarana "postmillennianism" no mandresy lahatra ahy.
Indro ary hohazavaiko amin'ny fomba fijery postmillennianist io andinintSoratra Masina lazainao io:

3 Aza mety hofitahin'olona akory hianareo; fa tsy ho avy izany, raha tsy efa tonga aloha ny fihemorana, ka hiseho ilay lehilahin'ota, dia ilay zanaky ny fahaverezana

4 ilay manohitra ka manandra-tena ho ambony noho izay rehetra atao hoe Andriamanitra, na izay ivavahana, ka dia mipetraka eo amin'ny tempolin'Andriamanitra izy ka manao ny tenany ho Andriamanitra.

Ilay "tempolin'Andriamanitra" voalaza io dia tsy inona fa ny "tempolin'ny Jerosalema" (Azonao verifiena ao amin'ny boky Apokalipsy izany)

Io lehilahin'ota io dia tsy iza fa ilany 666 lazain'ny bokin'ny Apokalipsy. Rehefa nodinihina dia avy ao Roma ny fiaviany (mbola tantara lava be ihany koa ny fanaporofoana fa avy ao Roma ilay 666. Saingy io no anisan'ny nahatonga an'i Pasitera Mailhol nilaza fa i Papa filohan'ny fiangonana Katolika hono no 666 satria avy ao Roma izy). Araka ny fomba fijery postmillenianista dia i Kaisara nanjaka nialoha ny taona 70AD (i Nero Kaisara) io lehilahin'ota lazain'i Paoly io. Antony: I Kaisara dia Romanina. Ny Kaisara t@ izany fotoana izany dia antsoina hoe "andriamanitra" ary tompoina sahal@ andriamanitra. I Nero dia nametaveta ny tempolin'i Jerosalema ary roa taona taorinan'ny nahafatesany dia nopotehina tanteraka ny tempolin'ny Jerosalema. Tsy misy olona afaka nividy na nivarotra t@ izany andro izany raha tsy manana ilay marika antsoina hoe "certificate of sacrifice" na "libellus" ary io marika io dia tsy inona fa ny anaran'i Nero Kaisara na 666 rehefa atambatra.

Ho an'ny postmillenianista dia efa miaina ao anatin'ilay fanjakana arivo taona isika izao satria eo niseho ilay lehilahin'ota nanimba ny tempolin'Andriamanitra (tempolin'ny Jerosalema) ary efa eto amintsika ny fanjakan'Andriamanitra. Ny fitsanganana voalohany (fananganana ny mpino irery ihany) izay lazain'ny Baiboly dia tsy inona fa ilay fananganan'i Kristy ireo "maty ara-panahy" ka ho velona indray handray an'i Jesoa ho Tompo sy Mpamonjy ny fiainany. Ary ny fitsanganana faharoa (fananganana ny olona rehetra) dia ny fiavian'ny Tompo @ rahon'ny lanitra tonga hitsara izao tontolo izao.

Ny amillenianista dia milaza ihany koa fa efa tonga t@ taona 70 AD ilay lehilahin'ota. Saingy ny fanjakana arivo taona amin'izy ireo dia ilay fiainana ao amin'ilay "salle d'attente" andehanan'ny mpino rehefa maty. Ny fitsanganana voalohan'ny dia ny fandehanan'ny fanahin'ny mpino makany amin'io toerampahasambarana io. Ny fitsanganana faharoa dia ilay fahatongavan'i Kristy tonga hitsara ny velona sy ny maty ary hanafy nofo ireo fanahin'ny olona niandry tao @ ilay "salle d'attente".

Ny premillenianista dia milaza fa mbola tsy tonga ilay lehilahin'ota lazain'i Paoly io. Ka izao no fanazavany: Mialohan'ny fahatongavan'ilay lehilahin'ota dia hamboarina hatsangana indray ny Tempolin'ny Jerosalema. @ zao fotoana izao dia mbola Mosque Silamo no ao Jerosalema ka izany no ahafahana milaza fa mbola tsy tonga ilay lehilahin'ota satria mbola tsy voaorina ilay tempolin'ny Jerosalema. Rehefa voaorina ny Tempolin'ny Jerosalema dia hametaveta io Tempoly io ilay lehilahin'ota ary hanimba izany. Avy eo dia avy ny Tompo ary hisy ny fitsanganana voalohany (fananganana ny mpino), ary hisy ny fanjakana arivo taona ary hisy ny fitsanganana faharoa.

Voalazako tetsy ambony ihany fa na dia samy Protestanta izao aza dia mizarazara ny fomba fijery mikasika ity fiavian'ny Tompo ity. Izaho manokana dia resy lahatra kokoa amin'ny fomba fijery postmillenianista.
Heveriko fa nahavaly ny fanontanianao ity fanazavako ity.

Ankoatra ireo dia misy ireo fiangonana kely madinika (sects) izay milaza fa i Hitler,na i Papa, na i Mohammet sns hono ny 666 saingy noho ny tsy fahampian'ny porofo ara-tantara sy ara-tSoratra Masina dia tsy azo hamarinina ny fampianarany, no sady tsy hita izay andraisana azy hany ka tsy nosoratako tetsy ambony.
T@ taonnjato faha 16 izay niterahan'ny reformasiona dia nifanitsoka ihany koa ny Katolika sy ny Protestanta. Ny Katolika dia nilaza fa i Martin Luther mpamorona ny Reformasiona ilay lehilahin'ota, ny Protestanta (t@ izany fotoana izany) dia nilaza fa i Papa no 666. Tsy voaporofo aratSoratra Masina anefa izany hany ka tsy naharitra ary levona tsikelikely ilay fifampiangana ho 666.

Araka ny fandaharana ataon'i Laloanany dia mazava fa tsy misy na dia iray aza manana fahamarinana eo amin'ny fifampiampangana ary fampianaran-diso avokoa izany rehetra izany.
Sao dia tokony ho any amin'ny fanadiovana izao rehetra izao no haompana kokoa ny fanazavana ny hevitra rehetra mipoitra momba ny ota sy ny fahotana io fa tsy fanondroana olona ?.

Ary ilay izy aza dia fehezan-teny tokana ihany no mamintina azy dia ny hoe: voary avokoa ireo ary samy nanota avokoa noho ny tsy fifohazana ary efa an-dalam-pifohazana izy rehetra noho ny herin'Andriamanitra ao anatiny avy.