Manao ahoana ianao,
Rehefa nanaraka tsara ity dinika ity aho dia nahatsapa fa tsy hinoanao ny fisian'Andriamanitra,
Ny tenako dia talen'ny (D.A.F) orin'asa anankiray somary matanjaka ihany raha eto Antananarivo amin'izao fotoana izao.
Misy tantara fohy ity momba ny fiainako tiako hozaraina aminao.
Tamin'ny 1986 aho no afaka bac, tamin'io fotoana io fantatro tsara ny nataoko tany amin'ny fanadinana nefa dia gaga aho fa nahazo mention assez bien serie "C". Ny tao an-tsaiko tamin'izay dia hoe tena misy Andriamanitra fa raha iny nataoko iny tsy tokony ho izao ny vokatra. Nanapa-kevitra avy hatrany aho ary nividy baiboly.
Ireto ny teny voatahiriko tao an-tsaiko sy tato ampoko mandraka androany mikasika ny tenin'Andriamanitra.
« Mitandrema ianareo, fandrao ho voafitaky ny mpaminany sandoka, izay mankao aminareo amin'ny fitafian'ny ondry, fa ao anatiny dia amboadia* mitoha izy.[*lopa] » (Matio 7:15)
« Ny voany no hahafantaranareo azy. Manoty voaloboka amin'ny tsilo va ny olona, na aviavy amin'ny songosongo? » (Matio 7:16)
« Dia toy izany, ny hazo tsara rehetra dia mamoa voa tsara; fa ny hazo ratsy rehetra dia mamoa voa ratsy. » (Matio 7:17)
« Ny hazo tsara tsy mety mamoa voa ratsy, ary ny hazo ratsy tsy mety mamoa voa tsara. » (Matio 7:18)
« Ny hazo rehetra izay tsy mamoa voa tsara dia hokapaina ka hatsipy any anaty afo. » (Matio 7:19)
« Ka dia ny voany no hahafantaranareo azy. » (Matio 7:20)
Nanomboka teo dia nitady io fiangonana io aho (fiangonana tarihan'ny mpaminany tena izy fa tsy sandoka) izay mampianatra ary tokony manantanteraka ny sitrapon'Andriamanitra araka izay teny voasoratra ao anaty baiboly (tsy amboamboarina fa araka izay nanoratan'Andriamanitra azy ihany).
Nitaona ahy ny olona rehetra mba hivavaka. Nefa tsy mbola hitako mihitsy ilay fiangonana dia tsy nahasarika ahy mihitsy ny hivavaka noho ireo teny voalaza ery ambony ireo.
Tamin'ny volana jolay 2009 anefa, nisy fotoana efa tsy nahita torimaso intsony aho (satria zatra nivoaka alina matetika moa tamin'izany) dia namono maso amin'ny fijerevana télé ny nataoko (sitrany ahay mba mahazo torimaso kely e).
Tamin'izay indrindra no namadiako chaine dia nahita fandaharana tao amin'ny OTV aho (efa lasa télé JERY izy amin'izao fotoana izao).
Lehilahy anankiray izay no hitako tao, ary nilaza izy fa nisehoan'i Jesosy Kristy, dia nampianarin'i Jesosy Kristy ny soratra masina rehetra tao amin'ny Baiboly indrindra fa ny bokin'ny Apokalipsy.
Nanome baiko azy hono i Jesosy Kristy hoe "Vitao ny Asan'ny Fahamarinana" dia avy eo izy (ilay pasteur io) nampianatra ny fomba entina mandositra ny Loza fito farany izay entin'Andriamanitra maneho ny hatezerany any aoriana any ary koa ny fomba ahafahana mahazo ny fiainana mandrak'izay (vie éternel) sy ahafahana mandositra ny afo maharitra mandrak'izay (Afobe).
Ny nanaitra ahy dia ny fampianarany, tena hainy tsara avokoa ny teny ao anatin'ny baiboly sady voazavany amin'ny an-tsipirihiny kely mihitsy ary tsy nisy mihitsy nahazoako nanakiana hoe tsy marina ny teny izay nolazainy satria naka baiboly koa aho ary nanaraka sy namaky tsara.
Dia tena liana tanteraka aho nanomboka teo ary dia nanaraka hatramin'ny farany. Nanjary tiako be ilay fandaharana ary tsy andriko mihitsy ny hiverenany indray (tamin'izany dia alarobia-alakamisy sy zoma no fandehanany tao amin'ny OTV).
Teo dia nanomboka nino aho hoe inty ilay fiangonana. Dia tonga àry ny fotoana nanao fanasana ilay pasteur ary natorony ny toerana sy andro fanaovan-drizareo fotoam-pivavahana, dia nandeha tany aho ary nentiko tany koa ny vady aman-janako.
Hitako porofo tao amin'ilay fiangonana fa dia tena arak'izay voasoratra ao amin'ny Baiboly avokoa tokoa ny fampianarana sy fiainan'ny mpiangona rehetra tao. Resy lahatra tanteraka aho fa hitako ihany ilay fiangonana izay efa notadiaviko sy niandrasako nandritra ny taona maro dia maro.
Nanomboka tamin'io daty io dia tsy nijanona intsony aho fa dia nandeha namonjy fotoampivavahana foana isaky ny fotoana izay nandidian'Andriamanitra anaovana izany araka izay voasoratra ao anaty baiboly ary nanomboka teo aho dia lasa nanana tahotra an'izany Andriamanitra izany ka tsy sahy nanao zavatra mifanohitra amin'ny sitrapony intsony.
Nino aho sy ny vady amanjanako ka dia niseho taminay tokoa ny voninahitr'Andriamanitra ary tsapanay tokoa izany hoe Andriamanitra manatrika anao izany rehefa mivavaka ianao ary olona maro dia maro koa ankoatranay (mba tsy hilazako hoe 100%) dia samy mahatsapa izany voninahitr'Andriamanitra sy izany fanatrehan'Andriamanitra izany ao amin'ilay fiangonana.
Hafatra atolotra ampitiavana :
Loza mahatsiravina (ilay loza fito nolazaiko iry ambony iry voasoratra ao amin'ny baiboly io Apok.16 : 2-21) no efa vonona ho an'ny olombelona raha tsy mibebaka izy, ary aorian'ny fahafatesan-tsika koa dia mbola tokony atahorana mafy izany Afobe izany (Matio 25 : 41-46) .
Azo atao tsara ny mandositra izany rehetra izany.
Atoroko anao (sy izay rehetra liana amin'izao dinidinika izao) ny lalana ahafahana mandositra izany satria tsy tiako hisy ho lasa any na dia anankiray akory aza ny olombelona rehetra.
Manaraha fandaharana Vitao ny asan'ny fahamarinana ao amin'ny télé JERY(ex-OTV) isa-maraina amin'ny 5ora ka hatramin'ny 6ora ny alatsinainy ka hatramin'ny Sabotsy.
Tiako hanana ny fanantenana anananay mianakavy isika rehetra koa mampahery sy mampirisika mafy anao handray ny famonjena atolotr'Andriamanitra ho an-tsika.
R.B.N
fijo:
Ambohidahy Soavinimerina : Mitantara ny zava-nitranga ny mpitandrina Rabetokotany PDF Imprimer Envoyer
Samedi, 16 Octobre 2010 00:00
Be loatra ny feo mandeha momba iny raharaha nitranga tetsy Ambohidahy-Soavinimerina iny.Tonga hatramin’ny hoe misy ambadika pôlitika. Mitondra fanazavana ny Pasiteran’ny Fjkm Rabetokotany Miarilaza, Filohan’ny synoda Iarivo-Avaradrano.
Tokony ho tamin’ny enina ora hariva ny zoma heriny lasa teo dia nifanintona izy roa lahy izay zanak’izy mivady pasitera. Ramatoa tamin’io mbola tany amin’ny «douche» no naheno an’izy roa lahy nitaraina noho ny zavatra nihatra taminy. Nivoaka tao ramatoa izay tsiahivina fa Pasitera ihany koa ary nilaza ho fanina raha vao nahita ny zava-nitranga. Nahita izany rehetra izany i Pasitera vadiny ka avy hatrany dia nampiditra ny fanamiana maha-mpitandrina azy ary nandroaka devoly. Noroahiny avokoa na ny tao an-trano na ny tany an-tokontany. Izany rahateo dia mbola henon’ny manodidina tamin’iny alina iny ka tsy nahataitra azy ireo firy satria nihevitra ireo fa manao ny asany toy ny mahazatra i Pasitera. Ny tsy fantatr’ireo dia ny hoe ny fianakaviany no «niasany» (nesorina devoly) tamin’io fotoana io. Tao anatin’izay ihany koa dia nanomboka nifanintona koa ilay zanany vavy sy ilay mpiasa an-trano. Vokatr’izany, tsy arak’i Pasitera intsony ny fanoherana ireo devoly rehetra tao, nanomboka fanina koa izy dia niakarapoka. Adiny telo taorian’ny nanombohany «niasa» izany rehetra izany, tokony ho tamin’ny sivy ora alina tany. Ny «groupe éléctrogène» tamin’io fotoana io tsy nijanona mihitsy ary heverina koa fa mainka nampananosarotra ny fiarenan’ireo olona maromaro. Ireo zaza no tsy nahatanty ny adiny sivy ora mahery tao anatin’ny entona sy tsy fisian’ny fanavotana ka namoy ny ainy. Ireo lehibebe kosa mba nahavita niharitra kely ihany ary mba avotra soamantsara rehefa nandalo sampana famelomana aina sy ny fampidirana hopitaly tao amin’ny Hjra. Tsiahivina fa ny alakamisy teo vao nampahafantarina azy mivady ny fahafatesan’ireo zanany ireo. Tonga nitsidika ny razan’izy mirahalahy tao amin’ny tranom-paty izy mivady, tamin’alahelo lehibe sy ranomaso. Saingy efa mitraka izy ireo ankehitriny ary miatrika ny zava-misy. Nandrasana tao amin’ny Ivon-toeran’ny synodam-paritany Iarivo-avaradrano etsy Sabotsy-Namehana ireo razana roa omaly, rehefa navoaka ny tranom-paty, tokony ho tamin’ny efatra ora sy sasany hariva. Anio no entina hizotra ho any Toliara izy ireo ary halevina any. Tamin’ity resadresaka tamin’ny mpitandrina Rabetokotany ity ihany koa no nanipihany ny fisaorana ny fiangonana Fjkm, ny hopitaly ary koa ny fianakaviana tamin’ny fanotronana ity fianakaviana ity hatramin’ny farany tamin’ny zavatra izay nihatra tamin’izy ireo.
D.R
