kaktus:
za ry reto mahatsiaro mijaly fa tsy mety misaraka @ko lery nefa tsy ato @ko tsony le FITIAVANA. toroy hevitra
Tsara fantarina aloha hoe aiza ianao no mipetraka; ao aminy sa izy no mipetraka ao aminao, sa ve ianareo roa no niara-nividy na manofa ny toerana ipetrahanareo. Fa io ihany mantsy no mitondra ny zava-drehetra. Raha mbola miankina aminy ianao ka tsy manana fahaleovantena dia mila mahaleo tena eo no ho eo raha te ho afa-patorana amin'ny fifandraisana iray. Izay no mahatonga ny maro miteny hoe " nifindra trano aho, tsy mipetraka ao intsony."
Rehefa fantatra fa hifindra ianao dia eo izay vao milaza aminy fa tsy mitempo fitiavana azy intsony ny fonao ka mieritreritra ny hifindra trano. Tsy asiana resabe fa tonga dia ny mazava no omena azy. Ny fitiavana dia afaka mirehitra miredareda ary afaka tsara koa mangatsiaka maty. Tsy misy hadisoan'iza n'iza izany fa fombany avokoa. Miankina amin'ny zavamisy iarahana eo mantsy ny mampateza ny fitiavana na mahalefy azy. Betsaka ny olona mitady fanazavana hoe nahoana n mangatsiaka sns sns saingy raha miditra lalina amin'izany ianao dia lasa voasinton'ny fahaontsana azy indray ary lasa mandatsaka ny lanja tianao tsapa momba anao dia ny tsy fitiavana azy intsony. Te hanova fiainana vaovao indray, mahasoa anao sy mahafinaritra anao.
Tsy tsara ny mijanona amin'ny fiarahana tsy mahafapo indrindra raha toa ka mangatsiaka tanteraka ny tsapanao momba azy. Tsy mahatsara n'iza n'iza izany koa ny fisarahana no mety. Maharary ny misaraka saingy fomban'olombelona izany. Misy ny fahazahoana ary misy ny fandaozana na fahaverezana. Izay ilay fiainana. Ny fahaizana iezaka mitraka sy miatrika ny zavamisy no tena zavadehibe ka raha misy olona iray tsy mahantanty izany dia izao no fotoana tokony ianarany izany. Mila mahalala mamela ny iray ho sambatra sy hanana fahafahana hiaina milamina, izay no atao hoe tena fitiavana.
Raha izy no mipetraka kosa ao aminao dia omenao fotoana malalaka izy hifindra. Lazao aminy izay ao amponao madio dia miteny aminy ianao fa tonga ny tsotsorimamba isarahana. afaka mifampiresaka ianareo hoe oviana no tsara ifindrany saingy tsy tokony atao mitarazoka loatra. Soratana mihitsy ny daty nifanarahana dia izay. Ampatsiahivina azy raha mbla varimbariana izy.
Manomboka eo dia tsy miara-matory intsony ianareo na manao zavatra miaraka. Afaka mifampiresaka ho mpinamana anefa saingy mila manaiky izy fa tsy hampaninona azy fa mety hanana sipa vaovao amin'izay ianao raha misy izany ary vonona hanomboka fianana vaovao.
Raha olona manaja ny teny nifanomezana dia tokony tsy misy olana ny fisarahanareo. Betsaka ny olona amin'izao miteny hoe mila misaraka isika dia maharary izy saingy manaja ny hafa tsy hanelingelina. Raha toa moa ka misy ny fifanelingelenana dia hafa indray izay satria nifidy olona tsy dia misaina tsy matotra na tsy mbola mahalala fiainana ianao izany dia mila mizaka ny vokany koa. Tsy mora mantsy ny fandraisan'ny hafa ny atao fisarahana indraindray ary eo no alalahana na olom-banona ilay olona na tsia, zany hoe mahalala ny fahafahan'ny hafa ary mikatsaka ny filaminan'ny rehetra.
Mahereza hatrany.
