Fotom_pinoana hoe manana mpandimby ireo Apostoly 12, ary avy amin’Andriamanitra ny fahefan’ireo mpandimby ireo. Lazain’ny eglizy Katolika fa dimbin’ny apostoly ny eveka, ary dimbin’I Peter any papa. I Petera hono no nomen’I Kristy fahefana ambony indrindra eo amin’ny eglizy manontolo, ary ny papa no mandimby mivantana ny toerana sy ny asan’I Petera. Tsy mampianatra izany ny Baiboly.
I Petera ve ilay vatolampy hiorenan’ny Eglizy?
Mat 16:18 Katolika:» Izaho milaza aminao fa hianao no Piera (Vato), ary eo ambonin’izany vatolampy izany no hanorenako ny Egliziko, ary ny vavahadin’ny Afobe tsy haharesy azy» (Mariho fa momba hy hoe iza moa I Jesosy no resaka tamin’izay (and 13,20)
Iza ilay nolazain’ny apostoly Petera sy Paoly fa «vatolampy» sy « vato fehizoro»?
Asa 4:8-11 Kat : «Taminizay Piera dia feno Fanahy Masina ka nila tamin’izy ireo hoe: Ry mpanapaka ny vahoaka sy loholon’Israely, … ny anaran’I Jeso-Kristy avy any nazareta, izay nofatsihanareo tamin’ny hazo fijaliana, fa natsangan’Andriamanitra tamin’ny maty, no nahasitrana io lehilahy mitsangana eo imasonareo io. Iny Jeso iny no vato narianareo mpanao trano, kanjo tonga vato fehizoro kosa»»
Efesi 2:20 Kat: «Ny Apostoly sy ny Mpaminany no fanorenana nandrafetana anareo, ary ny Kristy Jeso indrindra no vato fehizoro».

Tsy mampianatra izany ny baiboly. Marina io.

Ary izay indrindra no maha Katolika ny Katolika. Tsy ny baiboly ihany. Tsy "Sola scriptura" ny Katolika raha tsy izany dia tsy katolika intsony.

Tsy ahitana ny zavatra rehetra ny Baiboly... Tsy ny baiboly ihany no nanampy nahavitana izay 2000 taona mahery izay. Teo ny fitohizan'ny fiangonana (héritage apostolique), ary eo indrindra indrindra ny fiombonana eo amin'ny Fiangonana foibe.

Tsy mitovy izany ny vala famaritana satria ao amin'ny baiboly ihany no itadiavan'i Mpanazava lohahevitra.

Tssss, zah aloha tsy azon'lah @ zany rahery , vao miala @ baiboly mantsy na miala @ formule an'Andriamanitra araka ny mpino, dia izay fa mipoipoitra daholo ny dogmes isan-karazany , mazotoa elah fa zah tsy hanery anelah tsy ho mpino aloha [IMG]http://smileys.sur-la-toile.com/repository/Rires/00102.gif[/IMG]
Fanontaniana misy foana , izay no mahay forum azy tsinona , sady rahery izao mba efa nolatsahan'ny fanahy masina ihany fa tsy romodromotra tsy @ napany ntsony [IMG]http://smileys.sur-la-toile.com/repository/Rires/loool.gif[/IMG]

Tsy ahitana ny zavatra rehetra ny Baiboly... Tsy ny baiboly ihany no nanampy nahavitana izay 2000 taona mahery izay. Teo ny fitohizan'ny fiangonana (héritage apostolique), ary eo indrindra indrindra ny fiombonana eo amin'ny Fiangonana foibe

De izany no nampidirana filozofian'olombelona marobe izay mifanohitra amin'ny baiboly. Mitandrema ary isika ry mpivavaka satria hoy ny tompo ao anaty baiboly Katolika : "koa nofoananareo ny didin'Andriamanitra noho ny lovantsofinareo. 7 Ry mpihatsaravelatsihy, marina ny naminanian'Izaia anareo hoe: 8 Ity vahoaka ity manaja ahy amin'ny molony, fa ny fony lavitra ahy; 9 koa foana ny ivavahan'izy ireo amiko, satria didin'olombelona no ataony fampianarana. " (Matio 15:9)

Ny mahagaga ahy fotsiny dia ilay realite avy eo hoe naninona ary ireo niondana t@ boky 1 no nisampatsampana bedebe sy samy nanana ny filozofiany sy ny firehany nefa hoe boky 1 ihany. No iraisan ireo
Fa ireo hoe sady mampiasa baiboly no mampiasa zavatra hafa no vao mainka iray firehana. Foana mandrak'izaao....

Sao mba misy afaka manazava?

Io tenin'i mpanazava io mihitsy no tokony hitandreman'ny Temoins du Jehovah indrindr indrindra. Ny Katolika dia tsy manova baiboly (ianao indray ve moa no atoro an'izany fa ianao aza nafana fo be tao) fa mametraka azy eo amin'ny toerany. Eo anivon'ny communauté niaina azy hatramin'izay 2000 taona mahery izay. Ary mandinika azy ao anatin'ny communauté amin'izao fotoana izao koa. Ny sasany kosa dia efa baiboly fotsiny no source, nefa mbola ovaina indray. Tsy izany ve no tena mivoana?

Izaho ange tsy milaza hoe hoe novainareo e! Jereo tsara ny andinin-teny ampiasaiko fa baiboly katolika no ampiasaiko eto, fa eo amin'ny pratique dia ny mifanohitra amin'izay ao anaty baiboly katolika matetika no hita. Nanao toy izany koa ireo fariseo sy sadisoe tamin'ny andron'ny Jesosy, fatra-padala ny lalan'ny Mosesy sy lalàn'ny mpaminany izy ireo ary manana ny soratra masina toa anareo manana baiboly io nefa mifanohitra amin'izany no ampianarina ao ampiangonana sy zaraina amin'ny mpiangona. Tokony hampitandrina an'i Jeso koa izany i Hery satria teniny io nindramiko tsy zakanao noho izy marina loatra. Tadidio fa hoy ianao :

Tsy mampianatra izany ny baiboly. Marina io.
Ary izay indrindra no maha Katolika ny Katolika. Tsy ny baiboly ihany. Tsy "Sola scriptura" ny Katolika raha tsy izany dia tsy katolika intsony.

Tsisy valaka amin'ireo ny fariseo fahiny, tsy ny baiboly ihany fa nampiana didin'olombelona ihany koa ka izany no nanosika an'i Jeso sy ny tenako hilaza io soratra masina eo ambony io.

:-)

raha ny Katolika izany mitovy amin'ny Fariseo dia ny TJ mitovy amin'ny Kristianina? :-)

raha ny Katolika izany mitovy amin'ny Fariseo dia ny TJ mitovy amin'ny Kristianina?

Izao ve tsy mivona.
Miresaka dimbin'ny apostoly isika. Inona moa no ninoan'i Augustin (izay heverin'ny Eglizy Katolika ho olo-masina) : 'Nanoratra boky aho tamin'izaho pretra, ary izao no nosoratako tao momba ny apostoly Piera:" Izy ilay vatolampy iorenan'ny Eglizy." Nohazavaiko imbetsaka anefa taty aoriana fa ilay tenin'ny Tompo hoe:" fa hianao no Piera (Vato), ary eo ambonin’izany vatolampy izany no hanorenako ny Egliziko" dia midika hoe ambonin'ny Tompo no nanorenana ny Eglizy. Niaiky i Piera hoe ny Tompo no "Kristy Zanak'Andriamanitra velona." Solotenan'ny Eglizy naorina teo ambony vatolampy àry i Piera, ka nomena ny "fanalahidin'ny fanjakan'ny Lanitra." Nilazana mantsy izy hoe "Hianao no Mpiera" fa tsy hoe "Hianao no vatolampy". "I Kristy ilay vatolampy" ary nihaiky an'izany i Simona ka nantsoina hoe Piera. Miaiky an'izany koa ny Eglizy manontolo. -Ireo Rain'ny Eglizy: Nanatsoaka ny Teniny i Masindahy Augustin (Anglisy Wanshinton, DC. 1968), nadikan'i Mary Bogan Boky I, p.90

Na i Augustin aza nihaiky hoe tsisy izany nametrahan'i Jeso ny fiangonana tamin'i Piera izany.

diso fandika i Mary Bogan izany...
De moribus ecclesiae catholicae et de moribus Manichaeorum, Saint Augustin, Boky VIII, Paragraphs 28 and 29 io nadikany araka ny heviny io fa tsy araka ny nanoratan'i St Augustin anazy
ny voalazany dia hoe" Niaiky i Piera fa i Kristy no zanak'Atra velona, saingy tsy nisy Mpiera mihitsy io fa novain'ny TJ toy ny nanovany ny Lakroa ho tsato'kazo moa io

saingy tsy nisy Mpiera mihitsy io fa novain'ny TJ toy ny nanovany ny Lakroa ho tsato'kazo moa io

Marina ny teninao fa tahaka ny nanovanao ny "Limby" ho "Limbo" ary tsy TJ no nanova an'io Mpiera fa i Mpanazava. "faute de frappe". Aza avadika ny resaka ry ika an, maninona raha atao sujet ny resaka Lakroi raha tianao ho fantatrin'ny olona maneran-tany koa ny marina momba azy io. Mbola lavinareo foana ve amin'ireo porofo ireo fa tsy i Piera izany no vato fa i Jesoa? Mifototra amin'ny Piera manko ny loharano niorenan'ny finoanareo ka raha diso ilay fototra de ....

Mbola tafiditra amin'ny adihevitra mitsikera olona ihany isika eto amin'ity lohahevitra ity Mpanazava. Toy ny olona milaza hoe tsy tokony ho filoham-pirenena i Ranona nefa izy no lasa eo. Toy ny milaza hoe tsy tokony ho Satana i Satana nefa izy no nisy. Toy ny milaza hoe tsy tokony hisy izao korontana izao nefa izany no mitranga.

Amiko dia io fitsikerana ny hafa io no mahatonga ny fikorontanana sy tsy fifankahazoan-kevitra. Raha misy olona misora-tena fa dimbin'ny Apostoly, tokony hisy fiantraikany amin'ny mpino ve izany?

Ilay resaka mitora-bato ny ahy no tonga voalohany eo amin'ny eritreritro isaky ny misy manangana adihevitra mitsikera ny fihevitry ny hafa. Ny fanadiovana ny ao anatin'ny tena aloha no tokony ho zava-dehibe (fitsakotsakoana tsara ny an'ny tena) ary mizara am-pahatsorana fa tsy mitsikera.

Raha raisina hoe milaza tena ho dimbin'ny apostoly ny olona iray, tsy tokony ho faly ve ny mpianakavy? Ary isika jiaby aza anie tokony hisora-tena ho dimbin'ny apostoly avokoa fa tsy izay sahy milaza ampahibemaso izany ihany e!

Samy zanak'Andriamanitra ny olon-drehetra dia tokony samy handray ny Lovany avy fa raha ny tsipotipoti-pomba fiheverana no entina dia toy ny filazan'i Kristy ilay miady an-trano ihany io ary tsy haharitra velively izany.

Mpanazava:

saingy tsy nisy Mpiera mihitsy io fa novain'ny TJ toy ny nanovany ny Lakroa ho tsato'kazo moa io

Marina ny teninao fa tahaka ny nanovanao ny "Limby" ho "Limbo" ary tsy TJ no nanova an'io Mpiera fa i Mpanazava. "faute de frappe". Aza avadika ny resaka ry ika an, maninona raha atao sujet ny resaka Lakroi raha tianao ho fantatrin'ny olona maneran-tany koa ny marina momba azy io. Mbola lavinareo foana ve amin'ireo porofo ireo fa tsy i Piera izany no vato fa i Jesoa? Mifototra amin'ny Piera manko ny loharano niorenan'ny finoanareo ka raha diso ilay fototra de ....

dia niteny an'i mpanazava ange aho hoe rehefa te hamaky sy handalina an'i Md Augustin ihany ianao dia tihizo hatr@ farany ny famakiana azy, ary tadudui fa mizara 2 hatrany ny oeuvren'i st augustin.
Ny taloha sy taorian'ny" confession" ka tsy mety raha ny tapany 1 no tsimponina tsy manaraka ny tapany faharoa manaraka

Raha mandinika ny fanazavan'ny Miharena aho dia toa milaza hoe "azo vazivazina Andriamanitra ary eken'Andriamanitra daholo na inona na inona ataontsika. Tena izay tokoa ve no izy ry Miharena?*
Ekeko ny teninao fa samy zanak'Andriamanitra isika. Ny olona rehetra ve anefa no ekeny rehefa tonga ilay andro hitsarana? Marina fa tsy anjarantsika ny mitsara hoe iza sy iza no ekeny sy tsy ekeny. Ambarany ao amin'ny soratra masina kosa anefa ny fepetra takiny amin'ny olona izay te hahazo izany. Raha fantatrao io fepetra io, tokony hangina ve ianao tsy hilaza izany amin'ny hafa sao miteraka fahafitohinana aminy izany? fa inona no tsaratsara kokoa, mahita olona tohina noho ny fanitsiana atao aminy mba hanarahany ny soratra masina sa ny mahita olona tsy hahazo fiainana mandrakizay noho ny tsy filazanao azy ny marina miorina amin'ny soratra masina?

Ikaretsaka

Mpanazava,

Tsy resaka vazivazy no ambarako eo ambony fa zava-misy, ary anisan'ny zavatra mampihemotra ny olona hatrany ny fametrahana fepetra araka ny filazanao. Nahoana moa no tsy mety tafita ny vontoatin'ny Tenin'Andriamanitra? satria miharoharo fampitandremana sy fampitahorana ilay izy ka manjary tsy hitan'ny olona intsony ny vavahady hidirana, dia ilay mitondra amin'ny Fiadanana. Tsy hoe izay tiana hatao dia mitondra any amin'ny Fiadanana fa rehefa mikatsaka fahamarinana dia tonga amin'izany. Ny manao fanahy hiniana tsy hizotra amin'ny lalan'ny Fiadanana no hidiran-tahotra satria hahatsapa izy fa tsy mandeha amin'ny laoniny akory izay noheveriny.

Misy Tenim-pitiavana sy ny teny manome hery ao anaty Baiboly matetika izay tsinontsinoavin'ny olona sasany fa ny teny fampitahorana no arangarangany rehefa mitory sy mizara izy, ary ireo teny mampalemy ireo no entiny hanongotana olona iray ao amin'ny fiangonana nidirany ka lasa any amin'ny hafa izy ary lasa manandevo ny resaka fanaraham-pinoana ao amin'io mpitarika vaovao io avy eo. Tsy tonga saina intsony ilay olona fa dia manao oui mse fotsiny sisa, fa tsy afaka hiteny hoe Andriamanitra no Heriko sy miasa ato anatiko.

Raha fehezina dia izay fanovozan-kery isanandro izay no mihozongozona rehefa diso mijery ivelany ny fomban'ny hafa ka tsy mikendry ny hanazava sy hampahery azy akory araka ny fomba fanovozan-kery efa nataony hatrizay (izay azo antoka fa fifantohana amin'Ilay Mpamorona Iray ihany).

Ekeko ny teninao ry Miharena amin'ny hoe misy tenim-pitiavana marobe ao amin'ny baiboly. Maneho ny toetran'Andriamanitra ireo. Betsaka anefa ny toetran'Andriamanitra ary asehony izany arak'araka ny zava-misy. Naneho izany toetran'Andriamanitra izany koa i Jesosy, betsaka ny teny mamy nolazainy, matetika anefa izy no hentitra sy tsy milavo lefona raha vao sendra zavatra mifanohitra amin'ny lalan'Andriamanitra. Tsy azo adiana tsy hita izany raha tena Mpanaradia an'i Kristy marina.
Ny làlana ry miharena dia natao hiarovana antsika, ny olona zatra baranahina no tsy te hihaino izany lalàna izany satria maneritery azy. Inona marina moa no tena fitiavana an'Andriamanitra?
"Izao no fitiavana an'Andriamanitra, dia ny hitandremantsika ny didiny. Tsy mavesatra anefa ny didiny" (1Jaona 5:3)
Raha mbola velona teo i Jesosy, inona re no nataony raha mahita ireo zavatra marobe tsy ankasitrahany ao ampiangonana ireo e! Ho narodany toy ny nanaovany an'... taloha ve?

Misaotra anao Mpanazava nandray ity Teny ity :
"Izao no fitiavana an'Andriamanitra, dia ny hitandremantsika ny didiny. Tsy mavesatra anefa ny didiny" (1Jaona 5:3)

Fa ny fanontaniana dia ny hoe didy tsy mavesatra hotandremana. Mila mitandrina tokoa isika tsy hanaonaovam-poana ary ny didy amiko dia didim-pitiavana ranoray fa tsy didy maneritery.

Ny fanaovana fieritreretana misabaka mbetika masiaka mbetika malefaka toy ny zanak'ondry dia tafiditra amin'ny resaka matimaty.

Fitiavana no didy ka fanitsiana am-pitiavana no tokony homena

Mpanazava:

Raha mbola velona teo i Jesosy, inona re no nataony raha mahita ireo zavatra marobe tsy ankasitrahany ao ampiangonana ireo e! Ho narodany toy ny nanaovany an'... taloha ve?

Fanontaniana tsy mitombina ity fanontaniana ity Mpanazava satria Jesosy Velona mandrakizay fa tsy hoe "raha mbola velona teo???", ary mahita tsara mihitsy IZY hoe inona no ataon'ny fiangonana tsirairay sy ny isam-batan'olona anarivony tapitrisa maro eto an-tany sy ny anjely marobe aza. Ny taloha dia omban'ny taloha fa ny ankehitriny sy ny ho avy dia Azy avokoa ary ny Iray amin'ny Ray no tanjoNY ho an'ny rehetra.