Midika ara_bakiteny hoe "tsy mahavoa an'izay kendrena, raha jerena ny teny hebreo sy grika. Andriamanitra no mametra izay tokony hokendren'ny zavaboariny manan-tsaina. Manota ny olona iray raha tsy mahavoa an'izany zava-kendrena izany. Azo lazaina koa hoe tsy fahamarinana na fandikan-dalana ny ota.
"Izay rehetra zatra manota dia zatra mandika lalana. Koa fandikan-dalana ary ny fahotana"(1Jaona 3:4)
"Ota daholo ny tsy fahamarinana rehetra kanefa misy ota tsy mahafaty" (1Jaona 15:17)
Avahan'ny baiboly ny ota nolovana sy ota antsitrapo ary ny ota nibabohana sy ota lasa fahazarana.
Ny olona diso tsy voatery manota fa ny olona manota kosa dia diso eo anatrehan'Andriamanitra.

Mety azon'i Mpanazava faritana tsara ve ilay zava-kendrena ary azo jerena miharihary ve ilay ota hoe izato izy ka azontsika levonina mba hisolo Fahazavana no hitoetra?

tena very @ katesizy be nareo mirahalahy mianadahy raha izao kle :)
article 1 sy 2 an'ny katesizy io
-Iza no nahary anao sy nitahy anao?
-Fa maninona ianoa no noharian'Atra sy notahiany?

ireo no fanontaniana voalohany ilaina hay vao miditra katesizy ny ankizy kely ;)

Izany hoe ny fahotana anisan'ny fahadisoana fa misy fahadisoana tsy fahotana!

Mety azon'i Mpanazava faritana tsara ve ilay zava-kendrena ary azo jerena miharihary ve ilay ota hoe izato izy ka azontsika levonina mba hisolo Fahazavana no hitoetra?

Anisan'i zavatra tian'andriamanitra nokendren'Adama sy Eva izao dia nitandrina hatrany izay nolazainy mba hahatonga ny taranany hiaina mandrakizay ka hanitatra ny tany ho paradia. Rehefa tsy tanterak'i Adama sy eva izany dia Nanao sorona ny ainy indray mandeha monja i Jesosy mba ho vidim-panavotana (fahazavana) ho antsika.
Ny Amintsika: Tadidio Masina ny toetran'Andriamanitra, ny lalany ary ny sitrapony ka fahotana izay tsy mifanaraka amin'ireo.Anisan'izany ohatra ny fitondran-tena ratsy, ny tsy fanaovana izay tokony hatao, ny teny ratsy, ny eritreri-dratsy, ary ny faniriana feno fitiavan-tena. Ny fialana amin'ireo no fahazavana ho antsika.

Izany hoe ny fahotana anisan'ny fahadisoana fa misy fahadisoana tsy fahotana!

Samy manana ny hamaritana ny atao hoe fahadisoana ny olona ary mety hiovaova izany araka ny fotoana sy ny toerana, fitondrana...

Mpanazava,

Ny fototry ny eritreri-dratsy sy fitondran-tena ratsy mihitsy no mba tiana hazavainao fa tsy ny fitanisana azy. Izany hoe ahoana no ivadihan'ny loharanom-pahotana ho lasa loharanom-pahazavana?

ny "fahadisoana"sy ny fahamarinana,dia arakaraky ny toerana sy ny vahimpotoana voafaritra"misy.ny fahotana taloha,mety tsy ho izy intsony ankehitriny.ny mety taloha,mety tsy hoazo atao intsony ankehitriny.

ny "fahadisoana"sy ny fahamarinana,dia arakaraky ny toerana sy ny vahimpotoana voafaritra"misy.ny fahotana taloha,mety tsy ho izy intsony ankehitriny.ny mety taloha,mety tsy hoazo atao intsony ankehitriny.

Ny fahadisoana no mety miovaova hoy aho araka ny toerana sy fotoana ary ny fomba amam-panao fa tsy ny fahotana. Izany hoe fahadisoana androany mety fahamarinana rahampitso. Tsy voatery fahotana anefa izany raha mbola tsy mifanohitra amin'ny zava-kendren'Andriamanitra. Ohatra: Izaho manoratra izao izao 22H00 aty La reunion. Mety hanizingizina anefa ny namako any dago fa 21h izao fa tsy izany. Diso ny zavatra lazaiko raha ampitahaina ny any Dago nefa fahotana ve anefa izany? Toy izany koa ny lalam-panorenana sy ny hafa satria mety atao hoe marina ny zavatra iray rehefa heken'ny be sy ny maro ohatra. Mety ho fahotana mihitsy io fahamarinana io iarahan'ny olona manaiky io raha vao tsy mifanaraka amin'ny baiboly. Fanambadian'ny samy lahy na vavy ohantra. satria ny "Tenin'Andriamanitra ihany no fahamarinana" (Jaona 17:17)

Ny fototry ny eritreri-dratsy sy fitondran-tena ratsy mihitsy no mba tiana hazavainao fa tsy ny fitanisana azy. Izany hoe ahoana no ivadihan'ny loharanom-pahotana ho lasa loharanom-pahazavana?

Hatrizay i Mpanazava tsy maneho ny heviny fa mahavatra ahy ny miteny hoe :Andao mihitsy hiarahana mijery izay lazain'ny soratra masina mahakasika azy io
"Ny faniriana rehefa kolokoloina dia miteraka fahotana, ary ny fahotana rehefa tanterahina dia miteraka fahafateasana" (Jakoba 1:15) Mazava ho azy fa fanirian-dratsy no resahina eo ary ilay ratsy amin'Andriamanitra fa tsy izay heverin'ny olona sasany ratsy ihany. Mety mahavaly ny fanontanianao ve? Ny vavahadin-tsaina no manampy ny olona hanana faniriana, mandray anjara betsaka ny fo. Rehefa hainao ny mamehy an'ireo tsy hivadika loharanom-pahazavana ve izany?

Andao mihitsy hiarahana mijery izay lazain'ny soratra masina mahakasika azy io

ka ilay hiaraha mijery anie efa samy mahalala fa ianao mahita azy mena moa ny tsy ohatranao mahita azy mavokely e

Hatrizay i Mpanazava tsy maneho ny heviny fa mahavatra ahy ny miteny hoe :Andao mihitsy hiarahana mijery izay lazain'ny soratra masina mahakasika azy io
"Ny faniriana rehefa kolokoloina dia miteraka fahotana, ary ny fahotana rehefa tanterahina dia miteraka fahafatesana" (Jakoba 1:15) Mazava ho azy fa fanirian-dratsy no resahina eo ary ilay ratsy amin'Andriamanitra fa tsy izay heverin'ny olona sasany ratsy ihany. Mety mahavaly ny fanontanianao ve? Ny vavahadin-tsaina no manampy ny olona hanana faniriana, mandray anjara betsaka ny fo. Rehefa hainao ny mamehy an'ireo tsy hivadika loharanom-pahazavana ve izany?

Mazava izy eto fa misaotra an'i Mpanazava.

Ikaretsaka:

ka ilay hiaraha mijery anie efa samy mahalala fa ianao mahita azy mena moa ny tsy ohatranao mahita azy mavokely e

Marina ny an'i Ika fa rehefa iarahana mijery tokoa aloha izy dia tokony hahafaoka be hoe rehefa toy ny inona ny olona no mena no hitany ary rehefa toy inona izy no mavokely no hitany?

Izany hoe ny toe-tsain'ny olona izany no jerena eto.
Ny tena izy dia roa ihany no hizaran'ireo toe-tsaina ireo dia ny hoe hevitra iraisana sy hevitra mampisaraka. Mampisaraka ny hevitra raha ny olona iray dia mihevitra fa hafa tanteraka noho izy ny olombelona hafa iresahany, izany hoe tsy misy hitovizany mihitsy na ny kely aza. Mampiray kosa ny hevitra rehefa mahatsapa ny olona fa mitovy avokoa ny nanamboarana azy sy ny hafa ary afaka hahatakatra tsara ny hevitra mifamoivoy ateraky ny tsirairay avy ka afaka mamelatra izany ahafahana miara-mahita ny fahamarinana tsy azo ihodivirana.

Ny fitanana ny maha-hafa ny tena no isian'ny fijery tsy mitovy hatrany ary izay mihevitra erana voafetra no mihizingizina amin'izany.

Ny fiakarana ambonimbony kokoa any amin'ny erana tsy hita fetra indray kosa anefa dia mitarika amin'ny fifankahazoana ary ahafahana mandinika tsara ny hevitra mivoaka isam-batan'olona ary ahafahana mampifoha fahamarinana Fototra iraisana.

Fehiny: Rehefa tsy ifampizarana ny hevitra dia ilay mena sy mavokely hatrany no ao anatin'ny tsirairay fa rehefa aranty daholo na ny mena na ny mavokely dia miara-mahita ary tsy hilaza intsony hoe mena io na mavokely io fa mety ho fotsy ohatra.

eny e,ny fahadisoana tsy voatery ho fahotana,ekeko izay.fa io mainkina mainn'y toerana misy sy ny fotoana hiainana

Araka ny velabela-kevitra hita eto, ny fahotana izany dia zavatra efa fantatra fa izay mitarika any amin'ny zotra mifanohitra tanteraka amin'ny lalam-pahamarinana. Ny fahadisoana kosa dia ireo zavatra izay hita fa tsy mety noho ny maha-voafetra na tsy maha-tomombana ny fahalalàn'ny olona izay manatontosa azy.

Ny fahalalàna ireo dia ahafahana mandanjalanja tsara izay hatao ahafahana manana fahazavan-tsaina eo am-panaovana zavatra iray. Ary isan'ny ahafahana mampitoetra ny Mazava dia ny Fiainana izany fa tsy ny fahafatesana.

Araka ny velabela-kevitra hita eto, ny fahotana izany dia zavatra efa fantatra fa izay mitarika any amin'ny zotra mifanohitra tanteraka amin'ny lalam-pahamarinana. Ny fahadisoana kosa dia ireo zavatra izay hita fa tsy mety noho ny maha-voafetra na tsy maha-tomombana ny fahalalàn'ny olona izay manatontosa azy.

Ny fahalalàna ireo dia ahafahana mandanjalanja tsara izay hatao ahafahana manana fahazavan-tsaina eo am-panaovana zavatra iray. Ary isan'ny ahafahana mampitoetra ny Mazava dia ny Fiainana izany fa tsy ny fahafatesana.