Mila fantarina aloha ny zava-drehetra vao afaka isika hiteny hoe aiza no aleha ary inona ny Finoana?
Ireo voalazan'i niryna rehetra ireo ohatra dia zavatra misy sy palpable eo amin'ireo olona izay sendra azy. Rehefa ao anatiny izy dia mahita tsara hoe mitana ny teniny ve ilay razana niresahany sa tsia? Aleo angaha ireo olona mpimasy sy ombiasy ary mpisikidy nampahafantarin'i Jesoa ny Tenany no hanao témoignage amin"izany (Nenilava ohatra, na Neny Ravelonjanahary ho an'ny gasy, satria misy koa ireo vazaha maro be mpanao spiritisme no mahalala fa mamaly azy ny razany sy ny fanahy avy any amin'ny planeta isankarazany, dia rehefa midona amin'i Jesoa izy dia izay vao miaiky fa hay tsy izy ilay nanome azy pouvoir magique).
Ny fivavahana koa dia aoka ho fantantsika fa ny vazaha no nampita azy teto amintsika miaraka amin'ny fombafomba izay noheveriny fa nahafahany nitombo tao amin'ny Tompo.
Tsara raha manao dia mihanotra kely isika aloha hoe inona no nitranga teto amin'ity tanintsika ity talohan'ny nahatongavan'ny Tenin'Andriamanitra dia mety hanasitrana antsika kokoa sy hananantsika finoana bebe kokoa izany.
Ny Malagasy dia efa nanana fivavahana tandra vadin-koditra taminy. Ny Merina ohatra dia rehefa manao trano dia manangana ny vato fehizoro eo avaratra atsinanana aloha vao mamita ny ambiny rehetra. Io ilay zoro firarazana na zoro itodihana raha hivavaka. Ny mpanasina dia manangana vatolahy hihaonan'ny rehetra ho amin'ny fanamasinana. Ny ambaratongam-pahamasinana teo amin'ny Malagasy dia notoavina tokoa. Ny zava-drehetra mitondra any amin'io fahamasinana io dia nekeny avokoa na iza na iza no nitondra azy teo aminy.
Izay indrindra no nahamora azony ny Baiboly sy izay voalaza tao anatiny ka nahatonga ny voaloham-bokatra Kristiana ho faty maritiora.
Raha tena gasy isika dia tsy hatahotra izany hoe fahafatesan'ny nofo izany satria efa mahalala fa velona ny fanahy ary tsy mety maty.
Ny lalana entin'ny Malagasy mitady an'Andriamanitra dia io fitodihana mankany amin'ny loharano nipoirana io hatrany. Fitadiavana ny fitohizan'ny fiainan'ny fanahy. Hany ka tsy sarotra taminy ny nandray ny fivavahana rehetra izay mtodika amin'ny firesahana amin'ny fanahy indrindra fa ny fikatsahana ny FANAHY AMBONY INDRINDRA. Zary fifaninana no nisy teto amintsika ka izany indrindra no nisian'ny ady varatra sy ny démonstration de forces rehetra, ka niteraka fifaminganana satria samy manao izay saim-pantany sy te-hanjaka avy izy rehetra. Dia mivaly eo amin'ny karazam-piangonana ankehitriny koa izany ka zary ilay fonon'ny Fiangonana (fombafomba fanao) no tohantohanana tsy ho rava fa tsy ny Fototra dia Jesoa Vatolampy.
Ny mety dia fantarina IZY dia miara-mibanjina AZY dia miara-mampandroso Azy ao anatin'ny tsirairay avy dia ny Fanahiny Masina izany mba ho tena iray Aminy koa isika olona noforoniny toy ny endriny.
Rehefa tonga amin'izay tanjona izay isika dia mitombina ny finoantsika. Dia mazava ny saina dia tsy miady manao politika maloto ary tsy manaiky ataon'i Satana fitaovana intsony fa mandeha am-pahatsorana sy hentitra.
