(Mazava = Jesoa)
rakaroka:
Izao aloha no nahatonga ahy tsy nandefa ny zanako nianatra Sekoly alahady 'tsony e. => MIVOANA @ définition "universelle" ny fampianarana ny voambolana hany ka "VERY" ny ankizy rehefa anontanian'ny mpampianatra vokabolary any ampianarana, raha atao hoe "mazava ve ny lesona? dia hanao izy hoe "Jesoa no lesona izany?...Very repera ny zaza @ fampianarana toa izao an!
Ahoana ary izy izany [rakaroka]. Rehefa tsy hitanao ve ny hanoherana ny fahamarinan’ny tenin’Andriamanitra dia foronina daholo ity fanakianana rehetra ity !
Toa tsikaritro ihany fa ianao anisan’ny olona mahafehy ny teny frantsay tsara rehefa manoratra eto nefa dia midina ambany hoatran’izany mihitsy ianao mandray hevitra tsy mitovy. Rehefa manontany ny mpampinatra hoe Mazàva ? Ahitsiho aho raha diso ity dikany ity : C’est clair ?
Fa rehefa Jesoa kristy no tenenina dia : « Lumière ». Tsy hitako izay mahasarotra an’izany.
Ary tsy izaho koa no nanoratra an’io teny io ao anaty baiboly fa Jesoa kristy no nanambara izany :
« Izaho no fahazavan’izao tontolo izao » Jaona 8:12 ie Mazava = Jesoa
Ny amin’ny ankizy tokony hianatra ny tenin’Andriamanitra :
Izao no hitako ao anaty baiboly :
«Ohabolana 22.6 Zaro amin'izay làlana tokony halehany ny zaza, ka na rehefa antitra aza izy, dia tsy hiala amin'izany»
«Deotornomia 11.16 Kanefa mitandrema hianareo, fandrao ho voafitaka ny fonareo, ka hivily hanompo andriamani-kafa sy hiankohoka eo anatrehany hianareo;
11.17 ary dia hirehitra aminareo ny fahatezeran'i Jehovah, dia hanampina ny lanitra Izy, ka tsy hisy ranonorana, ary tsy hahavokatra ny tany; dia ho lany ringana faingana hianareo tsy ho eo amin'ny tany soa izay omen'i Jehovah anareo.
11.18 Koa alatsaho ao amin'ny fonareo sy ao amin'ny fanahinareo izao teniko izao, ary fehezo ho famantarana eo amin'ny tànanareo izy, ka aoka ho fehy fampahatsiarovana eo ambonin'ny handrinareo;[Heb. eo ambonin'ny elanela-masonareo.]
11.19
ary ampianaro ny zanakareo izany,
ka resaho, na mipetraka ao an-tranonao hianao, na mandeha an-dàlana, na mandry, na mifoha;
11.20 ary soraty eo amin'ny tolam-baravaran'ny tranonao sy eo amin'ny vavahadinao izy
Vitanao ve ny fiahiana ny fanahin-janakao ? Maro anefa ny fanahy ratsy eto @ izao tontolo izao.
Ny fampianarana sekoly alahady dia fampahafantarana ny ankizy an’Andriamanitra sy ny teniny. Ilaina ny fitaizana ara-panahy fa tsy vatana mandehandeha fotsiny akory ny olombelona.
Matio 11.25 Tamin'izany andro izany dia namaly Jesosy ka nanao hoe: Midera Anao Aho, Raiko, Tompon'ny lanitra sy ny tany, fa nafeninao tamin'ny hendry sy ny manan-tsaina izany zavatra izany ka nasehonao tamin'ny zaza madinika.
Matio 18.2 Ary Jesosy niantso zazakely anankiray hankeo aminy, dia nametraka azy teo afovoany
18.3 ka nanao hoe: Lazaiko aminareo marina tokoa: Raha tsy miova "Gr, mitodika" hianareo ka tonga tahaka ny zazakely, dia tsy hiditra amin'ny fanjakan'ny lanitra mihitsy hianareo.
18.4 Koa na zovy na zovy no hanetry tena tahaka ity zazakely ity, dia izy no ho lehibe indrindra amin'ny fanjakan'ny lanitra.
18.5 Ary na zovy na zovy no handray zazakely anankiray aza tahaka itony noho ny anarako, dia mandray Ahy.
18.6 Fa na zovy na zovy no hanafintohina na dia iray aza amin'ireny madinika mino Ahy ireny, dia tsara lavitra ho azy raha anantonana vato lehibe fikosoham-bary ny vozony, ka alentika any amin'ny ranomasina lalina izy.
Mba fantatrao moa rakaroka fa ny avonavon’ny olon-dehibe io mihitsy no tsy andraisany ny fahazavana ateraky ny tenin’Andriamanitra. Miseho ho mahay sy mpandalina nefa lavitry ny fahamarinana. Ny zaza rehefa ampianarina mora mandray kokoa ary rehefa lainga no afafinao aminy isan’andro dia aza gaga raha mpandainga no iafarany.
